أصعب شىء في الدنيا

[City of angels]

أصعب شىء في الدنيا

انك تبقى لوحدك ..شايل جرحك وبتضحك

انك تبقى ف همك .. عامل انك مش همك

واما جراحك تبقى بتجرح حد يهمك

وف حضنك مش قادر تاخده ولا يضمك

واما تقوم الدنيا تهدك .. ماسكة ف ايدها نفوس الناس

تيجي تتألم تكتم حسك .. والصرخة ف قلبك تنداس

والخوف لتبان دمعة عينك

والجوف مليان هم سنينك

والقلب يئن .. والجرح يسن

امواج بتكسر مقاديفك

وتبات حيران .. خايف قلقان ..خايف من بكره ليجيلك

نفسك في مكان .. ولا لاقي مكان .. يداريك ويهون طول ليلك

ويعدي الليل .. طول عمره طويل .. ولا أطول منه غير ويلك

والصبح يبان .. وتخاف لتبان .. ل يشوفوا حبايبك لون عينك

تم تعديل 10 فبراير 2009 بواسطة City of angels

[Emo]

المعنى..صادق جدا جدا جدا..

وده اللي أكسب القصيدة بعد جمالي أكثر من جمالها..

اللغة موسيقية..وكأنها مغناة..

قصيدة ذات تأثير..(مدوي ع القلب)

دمت مبدعا..

[fatmah]

القصيدة أكثر من رائعة

تم تعديل 14 فبراير 2009 بواسطة fatmah

[الباشمهندس ياسر]

ايه الكلام الجامد ده...؟!!!!

[alexa]

شعر جميل

برافو

:sad:

[عاشق]

كلمات بسيطة

واحساس رائع

وتقبل مني هذا الاهداء

هنعيش الدنيا مهما كان بيها جراح وهموم

هنعيش الدنيا مهما سوروها بألف سور

هنعيش ونحلم بيوم جديد

يوم احلى احلى اكيد

[بنت بلد]

قصيده اكثر من رائعـــــــــــــه

لقد دخلت بها الى اعماقنا

ومعاها عشنا الم نحاول ضاحكين على انفسنا

نسيانه او التظاهر بنسيانه

دمت رائعا بكلماتك اخى

تقبل مرورى

تحيـــــــــــــــــاتى[وسط][/وسط]

[fatfouta]

بجد كلام جميل جدااااااااااااااا

شكرا ليك

[التونسى]

يعنى انت رسيت بأبياتك الشعريه الشجنيه... فى مرافئ وجداننا الملتاع... وبعدين رحلت عنها وعنا ...ولا حس ولا خبر wst::

طبعا الاخوه الاعزاء عبروا عن استحسانهم بقصيدتك وانا انضم اليهم .. فما كتبته يمس القلب .. لانه يبدو وكانه انعكاس ومحصله لحاله شعوريه حقيقييه مررت بها او مر بها اخرون وتقمصت انت الحاله .. فالشاعر من اهم سماته انه يتفاعل ويتأثر بمن حوله بدرجة تكون متقاربه جدا

اعجبنى جدا المقطع الاخير .. فيه شغل جيد ويدل على موهبه شعريه ننتظر منها الاحسن والاجود :happy:

مع خالص تحيتى

التونسى

[الأقصرى]

أصعب شىء في الدنيا انك تبقى لوحدك ..شايل جرحك وبتضحك

بداية تهز الوجدان - فى انتظار المزيد- فينك من من يوم 10 فبراير