ابشرو مقابلات كيبك الجديدة مارس 2009

[السيد منير]

مقابلة النهاردة مش عارفة اقلكم كويسة ولا وحشة

مبدئيا هم مبسوطين من الممتحنة ظريفة ونفس الكلام اللى اتقال عليها ولكن اللى حدث بجد يزعل فعلا

المتقدم الرئيسى كانت الزوجة وكانت محضرة كويس وبنفسى سمعت تسميعها امبارح بالتلفون بتتكلم كويس جدا واتصل بيها من كندا اللى تبع مكتب وهيب وعمل معاها حوار بالتلفون وقلها ممتاز ..............وعلى غير المتوقع اصيبت الزوجة من بداية المقابلة بصمت غير عادى وخوف ليس لة تفسير ومقدرتش تجاوب على اى سؤال رغم تفاهتة لدرجة ان الممتحنة اتكلمت معاها عربى ومقدرتش ترد بالعربى

طبعا حاجة تثير الاسف والحزن بجد تعب سنين ضاع بسبب خوف وربكة غريبة وتم رفضهم.....!!!

ولكن مع ذلك جوزها قال ان رغم رفضهم الا ان الممتحنة كويسة جدا لابعد الحدود

وكل اللى امتحنوا النهاردة معاهم نجحوا

ربنا معاكم ويكفيكم شر التوتر بجد انا حزينة عليهم!!!!!!

طبعا ربنا يعوض عليهم واكيد ربنا له حكمة فى كدة وخوفها وربكتها مجرد سبب لتنفيذ مشيئة الله وممكن يادموا تانى بس باسم الزوج المرة دى وهموا تعبوا مرة ممكن يحاولوا تانى لو سنهم صغير وممكن ربنا يعوضهم باذن الله فى المرة التانية وتاريخ سفرهم يكون ربنا اجله لسبب لايعلمه الاهو بس نصيحتى يقدموا تانى لو سنهم اقل من 35سنة ومن غير محامى تجنبا للنفقات الزيادة

ومن طارد الحلم استطاع تحقيقه . انا عملت مقابلة فى ميشن انتحارى 6/2007 وتم وصف هذا الميشن بانة اسوا مقابلات بعد سبتمبر2005 تصوروا البشاعة ولكن قدمت مرة تانية وربنا كرمنى

المهم دة درس لكل واحد فى المقابلة انة يكون فايتر ويتمسك بالامل لاخر لحظة( موقف واحد صاحبى حابب ان اذكرة عشان النا س تاخدة قدوة كان فى مقابلة فى سوريا والممتحنة شكت فى امضاءات بعض الشهادات بتاع المركز الثقافى وكان عندها حق الشهادات ممضية بنفس الاسم ولكن بفورم مختلفة المهم تطور الحوار واتنرفزت عليه وقلتلة اوم امشى المقابلة انتهت جلس لحظة ودعى ربنا وبدا يفهمها انا دى مش مسئوليتة هو بياخد الشهادة ومش مسئول من اللى وقعها بدات تفهم الكلام واحدة واحدة وقدر تانى يرجع مجال الحديث وبدات تستجيب له وفى الاخر كانت مبسوطة جدا منه واعدت تنصحة اما تسافر تعمل كذا وكذا ونجح الشاهد تمسك بالامل لاخر لحظة واوعى تياس ابدا خليك فايتر وربنا يوفق الناس وبقول للناس اللى فى الميشن دة شدوا حيلكوا هذه الفرصة قد لاتتكرر

والحمد لله واضح ان الميشن دة اكتر من ممتاز ومسمعتش عن ميشن بهذه السهولة بس بردة جهزوا نفسكم وربنا يوفقكم وتنجحوا كلكم

[jessika]

الفكرة ان خلاص سنهم صعب يقدموا تانى هاتبقى عدت ال 35 والزوج 40 فهو كان اخر امل ربنا يصبرهم على تعبهم ومصاريفهم

واكيد فعلا وبلا شك دى مشيئة ربنا ..........زربنا فعلا بيختار لينا الخير اللى احنا مش شايفينة قدام ومستقبلا .........احنا فعلا بنبص تحت رجلينا لاننا بشر

ربنا مع الجميع وياريت بس نطلب ونقول يارب افعل لينا الصالح الذى تراة انت مش اللى احنا بنسعى لية

وفعلا الميشن دة سهل والممتحنة متساهلة بكل اللغات بتساعدك فشدوا حيلكم وربنا يوفقكم[/size]

[أختكم المصرية]

فعلا ربنا يصبرهم و الله ساعات بحس كتير انا انا هعمل نفس الموقف دة فى المقابلة مش عارفة ليه يمكن عشان هموت من الخوف و مرعوبة بس مفيش غير نقول يارب و ان شاء الله الكل ينجح

و فعلا اكيد فى حكمة من الى حصل قدر الله و ماشاء فعل

[Nassarlink]

معلش انا اتأخرت شويه عليكم

بس انا قولت مدام جيسيكا اتكلفت كروت الموبيل يبقي لازم انا كمان اتكلف شويه

ورحت واخد بعضي طالع من المنصوره علي الاسماعيليه

قابلت واحد حبيبي كان له زميل عنده مقابلة انتهت الساعه والواحده ظهرا تقريبا وكان معاة في القاهره اثناء المقبله

الغريب ان الممتحنه قالتله انها هتسالة بالانجليزي علشان كلكم حافظين الاجابات من علي النت بالفرنساوي

واضح ان الممتحنه دي بتتابع محاورات المصريين

عاوزين نعرف يا جماعه مسجله باسم مين

المهم

هو كان عازب وصاحب مشروع صغير

طبعا موضوع الانجليزي كان ملخبطه شويه لكن المشكله مكنتش في الانجليزي

المشكله انها قالتله انت طبعا مش شغال لوحدك في مشروعك ده

هو فرح وافتكر ان دي تدعم موقفه

طلبت منه طلب غريب بعد ما شافت ورقه تمام وتاميناته كصاحب عمل تمام حتي كان مصور يافطة المشروع بتاعه

قالت فين تامينات الناس الي شغالين معاك ؟؟؟!!!

طبعا هو مكنش عامل حساب السؤال العجيب ده

المهم موافقتش عليه مؤقتا لحين استكال اوراقه

الموقف ده انا قولته علشان الاخوه الي بيقولوا ان التامينات مش مهمه خالص

اهي ياسيدي طلبت تامينات الي شغالين معاه!!!!

المهم الناس اصحاب المشاريع الخاصه ياريت تاخدوا في الاعتبار الطلب الغريب ده

كله من باب الاحتياط

مين بقي الي هيحاسبني علي تذكرة السوبر جيت من المنصوره الي الاسماعيليه 13 جنيه رايح وزيهم جاي

ده غير التاكسي في المنصوره والاسماعيليه

متخافيش يا جيسيكا مش هطلب منك فلوس

لأن إلي حاسب هو بابا

لانه كان معايا في المشوار ده

طبعا مش علشان يتطمن علي واحد صاحبه كان عنده مقابله لكيبيك

احنا كنا في زياره الي عمي لانه تعبان شويه

دعواتكم ليه ربنا يشفيه

مراسلكم من الاسماعيليه رايح جاي

هنيدي

تم تعديل 1 مايو 2009 بواسطة Nassarlink

[الأهلاوي الأصيل]

يا نصار هي ما طلبتش منه التأمينات بتاعت الناس اللي شغالين معاه مش عشان التأمينات مهمة أو مش مهمة

هي طلبت منه الورق ده على ما أعتقد عشان تتأكد من أخلاقه ومن التزامه بالقوانين ، يعني هو كصاحب عمل ملتزم وبيأمن على الناس اللي بتشتغل معاه ولا ظالم ومفتري وبيشغلهم من غير تأمينات

[Nassarlink]

يا نصار هي ما طلبتش منه التأمينات بتاعت الناس اللي شغالين معاه مش عشان التأمينات مهمة أو مش مهمة

هي طلبت منه الورق ده على ما أعتقد عشان تتأكد من أخلاقه ومن التزامه بالقوانين ، يعني هو كصاحب عمل ملتزم وبيأمن على الناس اللي بتشتغل معاه ولا ظالم ومفتري وبيشغلهم من غير تأمينات

قد يكون ده فعلا السبب من طلبها

لكن في اللآخر اتطلب منه حاجه مكناش متوقعينها

او يقد يكون سبب الطلب التاكد من مصداقيته

وده الي بنقصد

لانها موافقتش عليه الا لما يحضرها

[jessika]

اللى نقدر نستنتجة من كل المقابلات دى ان الممتحنة تفضل اللغة الانجليزية فى المقابلة واهو اكد كلامى استاذ نصار فياريت اللى عندهم مقابلات يحفظوا الاسئلة بالانجليزى كمان واهو تعب شوية وخلاص افضل من المفاجاءات وربنا معاكم

[qenawy]

واضح ان الممتحنه دي بتتابع محاورات المصريين

لو الكلام ده حقيقي يا نصار بك وانهم بيتابعوا الموقع ده تفتكر يبقي موقفي ايه لو في يوم طلبوا مقابلتي في السفارة

عارف يوم ما رحت قدمت كنت خايف وهيب يوسف واعوانه يكونوا مستنيني علي باب السفارة ويدوني الطريحة اللي هي

طب عارف يوم ما قدمت لقيت واحدة عمالة تسال عن محامي

والله دليتها علي المنتدي

ربنا يوفقكم ال كيبك

[thesaintmanwar]

مقابلة النهاردة مش عارفة اقلكم كويسة ولا وحشة

مبدئيا هم مبسوطين من الممتحنة ظريفة ونفس الكلام اللى اتقال عليها ولكن اللى حدث بجد يزعل فعلا

المتقدم الرئيسى كانت الزوجة وكانت محضرة كويس وبنفسى سمعت تسميعها امبارح بالتلفون بتتكلم كويس جدا واتصل بيها من كندا اللى تبع مكتب وهيب وعمل معاها حوار بالتلفون وقلها ممتاز ..............وعلى غير المتوقع اصيبت الزوجة من بداية المقابلة بصمت غير عادى وخوف ليس لة تفسير ومقدرتش تجاوب على اى سؤال رغم تفاهتة لدرجة ان الممتحنة اتكلمت معاها عربى ومقدرتش ترد بالعربى

طبعا حاجة تثير الاسف والحزن بجد تعب سنين ضاع بسبب خوف وربكة غريبة وتم رفضهم.....!!!

ولكن مع ذلك جوزها قال ان رغم رفضهم الا ان الممتحنة كويسة جدا لابعد الحدود

وكل اللى امتحنوا النهاردة معاهم نجحوا

ربنا معاكم ويكفيكم شر التوتر بجد انا حزينة عليهم!!!!!!

--------------------------

اعتقد ان الممتحنة عملت الى عليها و زيادة

و لكن المقابلة دى بتبقى لمعرفة الشخصية

و طبعا شخصية متوترة زى دى تدل على عدم القدرة على تحمل المواقف الصعبة و طبعا كل المواقف فى كندا حتبقى صعبة فلذالك اعتقد انة تم رفضهم اولا عشان شخصيتهم

و ثانيا برضة سنهم كبير مش صغير

و طبعا من الطبيعى يا جماعة ان الواحد يكون ملخوم و متوتر بس يحاول ميبينش شوية يعنى مش لدرجة الى حصل دة

ربنا يعوضهم يا جماعة و دة برضة ناخد بالنا منة فى المقابلة ... بلاش التوتر الزيادة دة لانة فعلا حيضيع الدنيا و هناك بعض التمرينات النفسية لازالة هذا التوتر مثل التنفس من البطن و ليس الصدر و ايضا تخيل انك حتبقى فى كندا بعد المقابلة و تخيل انك حتعيش فى مصر لو منجحتش و قارن و اضغط على نفسك لتحقيق هدفك

و بعدين يا جماعة انا كان الممتحن الى معايا رخم الى ابعد الحدود لانة من اصل جزائرى و مقولش بقى على الاسئلة الغريبة و الغير متوقعة الى سالها لنا زى:

اية اكبر شركة فى كيبك لانتاج البرمجيات

مقاطعة تير نوف عبارة عن اية و لية سميت بهذا الاسم

و حاجات تانية كتير غريبة و رخمة

و لكن فى النهاية الراجل حقانى و ادانا حقنا

خلى بالكو من شبح التوتر

و تمنياتى بالتوفيق للجميع

[savaryxxx]

,والله سؤال عمال يضيع فى الزحمه

الناس اللى بتعمل المقابلات فى الميشن دى تاريخ تقديمهم امتى ؟؟

من كام لكام يعنى

[jessika]

تعد سبع شهور تقريبا من يوم تقديمك الملف يا savary

[حسام يوسف]

النهاردة جالى جواب من مكتب سوريا ان ملفى بيتدرس

وانهم شايفين ان سكورى مش كويس

وانى لازم أتقدم بما يفيد ان سكورى ممكن يتحسن والا سيلغى الطلب

الحقيقة برضة الفرنساوي بتاعى وعصبيتى مش مخليني فاهم الموضوع

فاديته لأحد الزملاء الأفاضل يترجمهولى

وربنا يستر

وطلبى ما يترفضش

ودعواتكم

[الأهلاوي الأصيل]

حسام...انت كده قدامك ستين يوم من تاريخ إصدار الجواب عشان تبعتلهم حاجة تقوي موقفك...

معنى جوابهم ده إن نقطك مش موصلاك للانترفيو

ممكن تقولنا توزيعة النقط بتاعتك عشان نقدر نساعدك ونقترح عليك تعمل إيه؟

[حسام يوسف]

والله يا عزيزى انا اديت الورق لأحد الافاضل يترجمهولى عشان الفرنساوي بتاعى مش ساعفنى

الجواب تلات ورقات

ولما افهم القصة مش هتأخر وهقولكم والله

الجواب اتبعت يوم 13 ابريل

يعنى عدى 20 يوم تقريبا

فاضللى 40

أول ما هفهم القصة وايه اللى ناقص

هبعته على طول

اللى مستغربله

وبحمد ربنا عليه

وبشكر فضله

ان الجواب ده وصل

في حين ان الجواب اللى فات بتاع الفايل نمبر ضاع فى السكة

الف حمد وشكر ليك يارب

سنوافيكم بباقى الأنباء

دعواتكم

وربنا يستر

[الأهلاوي الأصيل]

ترجمه على جوجل

translate.google.com

الجواب ده مش غريب ، وهما كاتبين على السايت إن لو نقطك ما توصلكش للانترفيو بيبعتولك جواب بنيتهم رفض الملف ولازم ترد في خلال 60 يوم بالأوراق اللي تعزز النقط بتاعتك

Notice of intent to reject the application: You will receive a letter informing you that your application will be rejected, unless you provide, within 60 days, documented proof to justify reviewing the decision. Upon receipt of the missing information, if the documented proof is deemed acceptable, the review of your application will continue. If you fail to provide the requested proof within the prescribed timeframe, your application will be rejected without further notice. You then have the right to submit a request for an administrative review.

والكلام ده هتلاقيه على اللينك دي

http://www.immigration-quebec.gouv.qc.ca/e...cess/index.html

[حسام يوسف]

بيقولوا ان سكورى وصل الى 52

ومش حاسبين مؤهلى خالص

والمطلوب ابعت ما يثبت المؤهل

ومعاه الخبرة

وانا بعت الخبرة

والمؤهل

بس حاضر هبعتهم تانى

لو خدت درجة المؤهل هبقى 63

ويبقى فاضللي

بس خمس درجات على النجاح

ربنا يسهل ويوصل الرد بسرعة لأنهم طالبين منى الرد على مونتريال

مش سوريا

دعواتكم فى الربكة اللى انا فيها دي

تم تعديل 2 مايو 2009 بواسطة حسام يوسف

[hamoudi]

بيقولوا ان سكورى وصل الى 52

ومش حاسبين مؤهلى خالص

والمطلوب ابعت ما يثبت المؤهل

ومعاه الخبرة

وانا بعت الخبرة

والمؤهل

بس حاضر هبعتهم تانى

لول خدت درجة المؤهل هبقى

ويبقى فاضللي

63

بس خمس درجات على النجاح

ربنا يسهل ويوصل الرد بسرعة لأنهم طالبين منى الرد على مونتريال

مش سوريا

دعواتكم فى الربكة اللى انا فيها دي

الاخ العزيز / حسام بوزت اعصابنا يعني انت من اساسه مابعتش المؤهل!!!!

[حسام يوسف]

انا بعت المؤهل

وصادر من كليتي بالانجليزية كمان

يعنى مش محتاج ترجمة

وهبعته تانى

وهبعت الأصل عشان خاطر كلمتك دي يا عم حمودي

تم تعديل 2 مايو 2009 بواسطة حسام يوسف

[astrophy]

بيقولوا ان سكورى وصل الى 52

ومش حاسبين مؤهلى خالص

والمطلوب ابعت ما يثبت المؤهل

ومعاه الخبرة

وانا بعت الخبرة

والمؤهل

بس حاضر هبعتهم تانى

لول خدت درجة المؤهل هبقى

ويبقى فاضللي

63

بس خمس درجات على النجاح

ربنا يسهل ويوصل الرد بسرعة لأنهم طالبين منى الرد على مونتريال

مش سوريا

دعواتكم فى الربكة اللى انا فيها دي

حاول تبعت يحسام بسرعة الموهل تانى ويكون مصدق من الخارجية وربنا يسهل بامر الله والخبرة كمان ولو انت فى شهادات فى الغة حصلت عليها موخرا حاول تبعتها علشان يعرفوا ويتاكدوا انك شغال وبتتعلم وربنا يسهل ان شاء الله

[الأهلاوي الأصيل]

حسام ابعت المؤهل + شهادة الدرجات

وابعت الأصول يمكن تكون الصور شكلها مش عاجبهم