ابشرو مقابلات كيبك الجديدة مارس 2009

[francois]

الف مبروك للاخ فايزر وعقبال الاخ حسام

وربنا يوفق الجميع وتحصلوا كلكم على الفيزا

ارجو منجميع الاعضاء عدم التوتر من قراءة اى مداخالات وتابعوا التوبيك للاطمئنان على الاخريين

حلو اننا نعرف معلومة جديدة بس ياريت لا نقلق من اى معلومة الا بعد الرجوع الى مصدرها وبناء عليه نبدأ القلق وان لم نجد المصدر فلاداعى للقلق

ثانيا ان كان الامنى متشدد او سهل لماذا القل فأننا مقدمين اوراق سليمة فما الداعى للقلق من الامنى والبحث عن خبراتنا

اهدئوا يا اخوانى ويا اخوتى فكلنا في يد الله وهو القادر ان يفعل فوق على شئ لبنى البشر

ربنا معكم

[joo]

]الف مبروك يا فايزر وعقبال الفيزا

[matyos]

ألف مبروووووووووووووووووووووووووووووووووووك ألاخ فايزر

قلقتنا عليك امبارح

انتم السابقون والباقى اللاحقون انشاء الله

[jessika]

matyos اهلا بيك معانا ونورت المنتدى

معلش معرفتش ارحب بيك امبارح من قلقنا على فايزر

[حسام يوسف]

الدور الدور الدور الدور

موعودة ياللى عليكي الدور

الجاي بيوباشا 26اكتوبر

والعبدلله 29أكتوبر

دعواتكم

[matyos]

شكرا كتير جيسكا انا حقيقى اتفعلت معاكم وحسيت انكم أسرة واحدة بتخاف وتقلق وتفكر مع بعض واتمنى ان اكون واحد منكم

لانى مقدم جديد على الهجرة مع مكتب وكلامكوا بيشجعنى كتير

[ابو السام]

الدور الدور الدور الدور

موعودة ياللى عليكي الدور

الجاي بيوباشا 26اكتوبر

والعبدلله 29أكتوبر

دعواتكم

الف مليون مبروك للاخ فايزر وباذن الله نبارك للاخ بيوباشا يوم 26 وبعدها للاخ حسام يوم 29 اكتوبر

العزيز حسام عايز اقوللك تشدد وتشجع لا ترهب ولا ترتعب فالرب الهك معك حيثما تذهب ولهذا انت accpte باذن الله

[astrophy]

دعواتكم ليا انا كمان محتاجه الايام دى جدا وخايف جدا من الاسئلة الى بتتوجه لزوجه لانى مستوىزوجتى ضعيف شويا

فربنا يستر

[LA VIE]

صباخ الخير على الجميع الف الف الف مبروك بجد لفايزر لانى فعلا كنت قلقان عليه bv:- bv:- bv:- wst:: :P B) وعقبال الميدكال

[LA VIE]

حبيبى بات مان انا مش عاوزك تزعل منى لانى فعلا كنت عصبى شويه بس لكن احنا كلنا ماشيين فى اتجاه واحد وكفه واحده وانا مردتش عليك عشان انا بقولك انك بتلعب باعصاب الناس لكن انا قصدى ان اقولك ان كنت توضح الاخبار اللى انت بتقولها وعلى العموم حقك علينا ياعم

[السيد منير]

الاخوة الاعزاء

الجديد بعد الامنى والطبى والباسبورات داخل السفارة انهم طلبوا شهادات فرنساوى000!!!!

كنت مع مدرسة فى المركز الثقافى الفرنسى وقالت لى تصدق ان ناس انا اعرفهم بعد ما خلاص ح يخلوا ولادهم يسيبو المدارس00 طلبوا منهم TCF

واللى فهمتة ان مستوى اللغة اللى فى الابليكشن من 1-- 12 مش زى المركز الفرنسى ولكن دة مستوىMICC مستوى الفرنساوى الكيبكواز

بمعنى ال 5 فى الابلكشن يعنى ال B1دة جدول وكل اللى اترفضوا لغة معاهم ويا ريت حد يعمل لة سكان وينزلة 000000000000

جدول فى اقصى اليمين المستوى MICCاليسار اللى يقابلة فى الدول الفرنكوفونية00زى مصر

ودة اللى خنقنى00هى العملية لسة ممكن يكون فيها حاجة تانى000؟؟ودة اكيد الكلام دة

ياجماعة ما انا قولتلكم قبل كدة ان فى مرحلة الفيدرال بعد كيبك ان الفايل بيتم تقييمة وفقا للمعايير بتاع الفيدرال وجبت الرابط اللى فية دليل تقديم فيدرال بعد كدة والحتة الموجودة الخاصة بالقرار النهائى

وهى اهة تانى

3. Decision

The officer will make a decision based on:

• the number of points that you accumulate in the six factors, based on the documentation

you submit with your application

• your ability to meet the Required Funds amount for the size of your family

During the decision-making process, the officer may contact you if:

• further documentation is required

• a personal interview is required

يعنى معنى الكلام دة ان ممكن اى مستند يمكن طلبة او يتم طلب وثائق اضافية وممكن يكون فية مقابلة شخصية

وبعدين على موقع السى اى سى فى كشف الحالة للملف بيشرح الرابط كيف يتم التعامل مع الملفات التى تقدم من خارج كندا وهو الرابط الاول تحت حالة الملف على طول والناس بتقول ان قبول الطلب او رفضة لا يتم الا بعد الميديكال مش بيقولو كيبك ولا غيره هو سيستم واحد لو طلبك من خارج كندا ومش فيدرال سكيلد ووركر يبقى تسلسل التعامل مع ملفك كذا كذا كذا

يعنى مش معنى ان الميديكال خلص يبقى كدة موافقة نهائية

طبعا الناس هتلعن وتسب فيا الوقتى ويقولوا انى بحطم اعصابهم بس دة الواقع يا جماعة ومش بعيد عن حد دليل فيدرال بعد كيبك وخطوات معالجة الملف على موقع السى اى سى يعنى مفيش حاجة مستخبية ولا فيه قانون جديد ظهر ولا حاجة

حتة تانية بردة ممكن الواحد ياخد رفض بسبب فشلة فى شبكة التقييم الفيدرال بالرغم من نجاحة فى شبكة تقييم كيبك

ربنا يسترها علينا جميعا ويكملها بالستر ان شاء الله

ولا نملك سوى الدعاء فاكثروا منه

تحياتى للجميع 

[jessika]

]الاهم انت يا استروفى تبقى قوىى وتتكلم كتير وبثقة ............اهم شىء تدخلوا وانتوا ليكم هدف اننا داخلين ناخد السى اس كيو فاهمنى؟

يعنى انتوا تستخدموا كل اسلحتكم فى الاقناع وتجهزوا كل شىء من اوراق من النت للمعادلة وللتكيف وتتكلموا عن ظروفكم الشخصية بجد مش ظروف عامة للسفر الكل حافظها

ولاخر وقت تتكلم حتى لو هجمتك دة مستقبلك مش هى اللى تحددة

تشدد وتشجع لان الرب معك

صدقونى السر بعد ربنا فى [color=red]..............الارادة[/size]

تم تعديل 15 أكتوبر 2009 بواسطة jessika

[jessika]

يادى العزاب...........

يعنى اية مقابلة يا سيد منير يعنى انترفيو بالفرنساوى وتقييم للغة تانى؟

سترك يارب

[أختكم المصرية]

الف الف مبروك استاذ فايزر وعقبال الفيزا

استاذ ويسلى ياريت تراجع قرارك تانى وتصر على تحقيق حلمك وربنا يكتبلك الخير فى اى مكان

استاذ حسام

استاذ بيوباشا

ربنا معاكو وناجحين باذن الله و منصورين

ويارب يكرمنا وراكوا على طول 9 /11 ربنا يستر ويسلم

[LA VIE]

اويسلى ياريت متصرعش فى قرارك اللى انت اخته ودى مش نهايه الحياه ايه المشكله لما تعمل امتحان التى سى اف بص اعمل اللى عليك للنهايه وسيب الباقى على الله بجد احنا عاوزينك تكمل مشوارك ومش من اول شىء يحصل تيأس لا انت مش كده ومتعودناش عليك كده وانت فى المنتدى بجد لازم تكمل وتسحب قفل الملف اللى انت عاوز تعمله ده بجد واحنا معاك فى اى شىء وان شاء الله هتعدى الامتحان وفى مثل ياعم بيقول اللى تخاف منه متلقيش اسهل منه والتوفيق للجميع

[magedghonim]

استاذ ويسلي حرام التعب الي تعبته دة كله يروح هدرا

عشان مجرد امتحان احتمالات النجاح معقولة ....

والف مبروووووووووووك لفايزر

وعقبال

بيوباشا

وحسام بيه....

[LA VIE]

صح كلامك يا magedghonim حاول تراجع الكلام بتاعك يا ويسلى وان شاء الله خير بس متتسرعش وربنا معاك وشد حليك كده يل حسام انت واستروفى وبيبو باشا وربنا يزفقكوا

[elzaaeeem]

مبروك ياعم فايزر ولسه المشوار طويييييييييييييل

[montrealAlex]

الى فايزر --- لو السر خرج عن اتنين مبقاش سر -- انت لسة فى مصر

الى ويسلى -- اغلق الملف -- وافتح واحد جديد والمقابلة بتاعة الجديد ح تكون قبل امتحان التيف دا ( فكرة )

الى بيوباشا -- مصر كلها معاك يا رأفت ( الهجان )

الى حسام يوسف -- جوجو مستنياك فى السفارة يا جمعة ( الشوان )

بالتوفيق للكل

[astrophy]

]الاهم انت يا استروفى تبقى قوىى وتتكلم كتير وبثقة ............اهم شىء تدخلوا وانتوا ليكم هدف اننا داخلين ناخد السى اس كيو فاهمنى؟

يعنى انتوا تستخدموا كل اسلحتكم فى الاقناع وتجهزوا كل شىء من اوراق من النت للمعادلة وللتكيف وتتكلموا عن ظروفكم الشخصية بجد مش ظروف عامة للسفر الكل حافظها

ولاخر وقت تتكلم حتى لو هجمتك دة مستقبلك مش هى اللى تحددة

تشدد وتشجع لان الرب معك

صدقونى السر بعد ربنا فى [color=red]..............الارادة[/size]

شكرا يمدام جيسكا ربنا يبارك فيكى انا هتكل على ربنا وانا هتكلم بطبيتعى جدا لان الاسئلة بتاعت الحفظ الى معايا مش بعرف فعلا احفظ وحتى لو حفظت مش هقولها فى المقابله فاانا هجاوب بطبيعتى وبحضر نفسى على كدا

وزى ماحضرتك قولتى انا حضرت مجموعة ورق عن الشغل للمحاسبيين فى كيبيك ومونتريال بالاخص وظروف الشغل وكد هناك وراسلت الاوردر