ابشرو مقابلات كيبك الجديدة مارس 2009

[jessika]

adore مبروك على النيو لوك يا مان ههههههههههههههههه

[adore]

انا كنت واعدكم اني هقلكم على الاعداد الي كنت عامله انا بالغت اوي فالموضوع ده و صرفت بجنون انا جربت عصام وناديه ورامي ومدام ليلي (مدرسه فالسنتر) ورحت لمدام فرنساوي فالمعادي وكمان خدت عند مدام فلورانس فالاسماعيليه وكمان كنت بقعد مع صاحبي الي بيتكلمو فرنساوي كويس عشان اعمل البراكتس وكان منهم اخ عزيز هنا فالمنتدى لو سمح اقول اسمه يبقا كويس اوي لانه فعلا متمكن وافضل من كتييير من الناس الي رحتلهم دول

هبتدي برامي لانه من اغرب الناس الي شفتها رامي شاب محترم وزوق ولحد كبير متمكن من اللغه اه وامين الحقيقه يعني لما قعت معاه قالي انت مش محتاج غير حصه او اتنين بس عيبه بقا ردوده مكانتش عاجباني وبعدين دماغه ناشفه حبيتين مقتنع ان هوا بس الي صح كمان في كلام فاضي بيقعد يصدع دماغي بيه ولا الافلام الهندي

بصراحه مش شايفه ينفع خاااااالص لموضوع المقابله

ناديه ست قديمه ومخضرمه ومحترمه جدا انا بصراحه حبيتها اولا لانها بتتناقش معاك لو لقتك بتقول هتكتب الي انت عايزة لو بقا لقيتك ساكت هتكتب الي هيا عايزاه وطبعا دي حاجا وحشه جدااا لان الكلام كده هيبقا بيتكرر يعني مثلا لقيت ورق ابن سينا الله يكرمه فيه تقريبا نفس الكلام ال موجود فورقي والفرق سنه ونص

بس كمية غلطات فالجرامييير مهوله لو انت كنت محتاج بس تتكلم بشكل كويس ومش محتاج كل نقط اللغه (زي حالتي )ناديه ممكن تبقا كويسه اويييي وكمان مش هتضيع وقتك المهم ترحلها وانت محضر كويس للحصه وعارف انت عايز ايه من الاخر تبقا انت الي المتحكم فالحصه

عصااااام بقا زي مقلتلكم قبل كده الراجل ده واخد زياده عن حقه بصراحه اول مرحتله اتوهمت وقلت عليه تمااااااام بس بقا الصدمه كانت بسبب المواعيد المنيله الي بيديها للناس ويكنسل معاهم او يأخرهم (هنا بيأخر ساعتين 3او تلاته)وممكن يكنسلك الحصه بعد متبقا رحت لحد عنده الدنيا مهرجله للصبح

والمصيبه التانيه لما شفت ورق زمايلي الي راحوله تلاقي مثلا في نقطة المعادله خريج علوم مكتوبله الي مكتوب للدكتور البشري وهوا المكتوب للصيدلي يعني انت لو مشيت على كلامه يبقا جنان رسمي لان ناس كتير بتروحله فالي انت هتقوله الي قبلك هيبقا قاله والي بعدك هيقوله برضه (مشمومه جداااا)

ده غير ان لقيت غلطااات كتير اوي وخصوصا لما المدام فلورانس الفرنساويه كنت اخد معاها كانت بتطلعلي بلاااوي

قالتهالي بالظبط كده ده مدرس ثانويه عامه بيحفظ العيال

لا والاسعاار نار 300 دولا وأحلى شغل على المصريين الغلابه

مدام ليلي بصراحه من افضل الناس الي رحتلهم منظمه ومتمكنه اوي اوي من الفرنساوي احسن الف مره من عصام ومن ناديه

بس عيبها انها غاليه جدا الساعه ب 100 جنيه بس بصراحه بتنجز معاك ومفيش بقا حكاوي الاقهاوي بتاعت ناديه كمان في ميزة انها ساكنه جمب مترو مصر الجديده فممكن ترحلها بسهوله من اي مكان

كمان في مدام اسمها كريمه انا رحتلها مرتين دي جزائريه الست دي زكيه جدا هيا بمجرد اني قلتلها مقابلت كيبك لقيتها دورت على النت وقرت كتير عشان تحضر نفسها كويس وفعلا لما رحتلها كانت عارفه هتسألني في ايه برضو العيب انها غاليه اوي وساكنه في القاهره الجديده فكنت بظطر ابات فشقتي الي هناك عشان ابقا جمبها

كمان كان في مدام فرنساويه اسمها اليزابيت دي كانت ضااايعه اولا لا بتتكلم عربي ولا انجليزي ولما كنت احب انها تفهمني حاجا كانت تدوخني مش فاهمه طبعا اي حاجا عن المقابله ولا عن كيبك فبقيت بقعد معاها بس عشان امارس اللغه طبعا دي غاليه مووت الحصه كنت ممكن ادفع 300 جنيه

اخييرا مدام فلورانس انا الحقيقه كان واحد صاحبي بيشكر فالست دي جداااااا بس للاسف معهوش نمرتها المهم بالصدفه لقيت رقمها مع صديق لي كان بياخد معاها المهم رحتلها وانبهرت بيها اولا فرنساويه فمش هتلاقي الغلطات الموجوده فعصاام او ناديه كمان عرفه اصول الاتيكيت فالمقابله يعني حاجات كده بسيطه بس بتفرق مع الناس دي

فلورانس لما بتعمل معاك المقابله اعرف ان هوا ده بالظبط الي انت هتشوفه فالسفاره فلو فهمتها تبقا فالامان لو لا ابقا اقولها واحضر معاها وهتستفيد جدا

يمكن عيبها انها مش مجامله يعني ممكن تقولك لا مستواك سئ جدا وصعب انك تنجح و بيبقا معاها حق

بس طبعا في ناس بتزعل منه وبتحبط وده مينفعش

كمان بتعود ودااانك دي حقيقه فعلا اولا انا الحصه كنت بقعد معاها 4 ساعات 100 فال100 فرنساوي ساعدتني اوي على فهم الممتحنه انا كنت بسمع كويس بس الحقيقه اتحسنت كتييير جدا جدا على ايديها الست دي كنز وبعدين بتتعب مع الناس الي معاها يعني تجيبلك ورق من النت ومش غاليه وبصراحه هي دي الافضل بعد التجربه لو مكنتش كويسه مكنتش ابدا اروح مره واتنين و3 للاسماعيليه في وقت ما انا كنت مزنووق جدا فتخليص ورقي

اتنمى يا رب النجح للجميع والله الهدوئ هوا فعلا سر نجاح اي حد

اي استفسار انا تحت امركم

تم تعديل 16 أكتوبر 2009 بواسطة adore

[adore]

adore مبروك على النيو لوك يا مان ههههههههههههههههه

اي خدعه

تم تعديل 16 أكتوبر 2009 بواسطة adore

[elzaaeeem]

مبرووك وانت كتر واحد يستاهل النجاح بعد المجهود الكبير ده بس سؤال صغير هو الصيدلى ممكن يعمل حاجة بخصوص معادلة كيبك وهو لسه مسافرش هناك واشمعنى 27 سنة هتخلص عندها المعادلةش

[jessika]

يابنى دة انت مرجع هائل كل دول رحتلهم ما شاء اللة عليك

ربنا بجد يوفقك ويعوضك عن محبتك للناس وانك فهمتهم كل حاجة علشان يعرفوا راسهم من رجليهم

وهم بقى يختاروا

[LA VIE]

مبروك adore الف الف الف مبروك وعقبال الميدكال عن قريب وربنا مع الجميع

[montrealAlex]

استاذ ادور -- ماشى نمشيها ادور

انت عارف اخدت الموافقة لية ؟

لسبب بسيط

تعويضا عن كل اللى دفعتة مع كل الناس دى

ممكن تقولى بقى انت كان مستواك قبل الليلة دى اية ؟ وصرفت كام مع الناس دى وكام مرة مع كل واحد منهم

انا لو عليا اديلك الفيرزا من دلوقتى --- فشقتن بيك يا رمضان

[adore]

مبرووك وانت كتر واحد يستاهل النجاح بعد المجهود الكبير ده بس سؤال صغير هو الصيدلى ممكن يعمل حاجة بخصوص معادلة كيبك وهو لسه مسافرش هناك واشمعنى 27 سنة هتخلص عندها المعادلةش

ربنا يخليك يا زعيم بخصوص المعادله اه ممكن تبعت ورقك وشهاداتك وبالاضافه للمنهج للاوردر

27 سنه ده رقم بس عشان اقلها لما اوصل صغير هخلص المعادله بدري شكرا ليك يا زعيم

[adore]

استاذ ادور -- ماشى نمشيها ادور

انت عارف اخدت الموافقة لية ؟

لسبب بسيط

تعويضا عن كل اللى دفعتة مع كل الناس دى

ممكن تقولى بقى انت كان مستواك قبل الليلة دى اية ؟ وصرفت كام مع الناس دى وكام مرة مع كل واحد منهم

انا لو عليا اديلك الفيرزا من دلوقتى --- فشقتن بيك يا رمضان

يا سيدي انا كنت خلصت 9 مستوايات ولما عملت تحديد مستواى طلعت لل 10

بخصوص الرقم الي اتصرف والله مش بحب احسبهاا انت عارف لما تحس انك فرتكت القرشين الي حيلتك هيبقا احساس وحش اوي بس الحمدلله بنتيجه انت عارف كانت تبقا مصيبه لو معدتش

انا رحت لرامي مره واحده

ليلي 9 مرات

عصام 5 مرات

ناديه 6 مرات

فورانس 4او 5 مرات كل مره 4 ساعات

مدام كريمه 4 مرات

اليزابيت مريتين

تم تعديل 16 أكتوبر 2009 بواسطة adore

[montrealAlex]

10 بس دانت ضعيف اوى انا ليا واحد صاحبى دخل المقابلة و نجح من اسبوع

بالمستوى 2

وعجبى

صرفت كام؟؟؟؟؟وعدد الحصص مع كل واحد؟؟؟؟

[adore]

10 بس دانت ضعيف اوى انا ليا واحد صاحبى دخل المقابلة و نجح من اسبوع

بالمستوى 2

وعجبى

صرفت كام؟؟؟؟؟وعدد الحصص مع كل واحد؟؟؟؟

مدام جيسيكا كان عندها واحد العن بص هيا مش قاعده انا عايز اقلك انا بسهوله اوي اوي اترفض واكيد ناس كتير احسن مني وسقطو

انا شايف بس ان نجاحي كان 99 فالميه فضل من ربناودعواتكم و 1 فالميه المجهود والفلوس الي اتصرفت

[francois]

انا كنت واعدكم اني هقلكم على الاعداد الي كنت عامله انا بالغت اوي فالموضوع ده و صرفت بجنون انا جربت عصام وناديه ورامي ومدام ليلي (مدرسه فالسنتر) ورحت لمدام فرنساوي فالمعادي وكمان خدت عند مدام فلورانس فالاسماعيليه وكمان كنت بقعد مع صاحبي الي بيتكلمو فرنساوي كويس عشان اعمل البراكتس وكان منهم اخ عزيز هنا فالمنتدى لو سمح اقول اسمه يبقا كويس اوي لانه فعلا متمكن وافضل من كتييير من الناس الي رحتلهم دول

هبتدي برامي لانه من اغرب الناس الي شفتها رامي شاب محترم وزوق ولحد كبير متمكن من اللغه اه وامين الحقيقه يعني لما قعت معاه قالي انت مش محتاج غير حصه او اتنين بس عيبه بقا ردوده مكانتش عاجباني وبعدين دماغه ناشفه حبيتين مقتنع ان هوا بس الي صح كمان في كلام فاضي بيقعد يصدع دماغي بيه ولا الافلام الهندي

بصراحه مش شايفه ينفع خاااااالص لموضوع المقابله

ناديه ست قديمه ومخضرمه ومحترمه جدا انا بصراحه حبيتها اولا لانها بتتناقش معاك لو لقتك بتقول هتكتب الي انت عايزة لو بقا لقيتك ساكت هتكتب الي هيا عايزاه وطبعا دي حاجا وحشه جدااا لان الكلام كده هيبقا بيتكرر يعني مثلا لقيت ورق ابن سينا الله يكرمه فيه تقريبا نفس الكلام ال موجود فورقي والفرق سنه ونص

بس كمية غلطات فالجرامييير مهوله لو انت كنت محتاج بس تتكلم بشكل كويس ومش محتاج كل نقط اللغه (زي حالتي )ناديه ممكن تبقا كويسه اويييي وكمان مش هتضيع وقتك المهم ترحلها وانت محضر كويس للحصه وعارف انت عايز ايه من الاخر تبقا انت الي المتحكم فالحصه

عصااااام بقا زي مقلتلكم قبل كده الراجل ده واخد زياده عن حقه بصراحه اول مرحتله اتوهمت وقلت عليه تمااااااام بس بقا الصدمه كانت بسبب المواعيد المنيله الي بيديها للناس ويكنسل معاهم او يأخرهم (هنا بيأخر ساعتين 3او تلاته)وممكن يكنسلك الحصه بعد متبقا رحت لحد عنده الدنيا مهرجله للصبح

والمصيبه التانيه لما شفت ورق زمايلي الي راحوله تلاقي مثلا في نقطة المعادله خريج علوم مكتوبله الي مكتوب للدكتور البشري وهوا المكتوب للصيدلي يعني انت لو مشيت على كلامه يبقا جنان رسمي لان ناس كتير بتروحله فالي انت هتقوله الي قبلك هيبقا قاله والي بعدك هيقوله برضه (مشمومه جداااا)

ده غير ان لقيت غلطااات كتير اوي وخصوصا لما المدام فلورانس الفرنساويه كنت اخد معاها كانت بتطلعلي بلاااوي

قالتهالي بالظبط كده ده مدرس ثانويه عامه بيحفظ العيال

لا والاسعاار نار 300 دولا وأحلى شغل على المصريين الغلابه

مدام ليلي بصراحه من افضل الناس الي رحتلهم منظمه ومتمكنه اوي اوي من الفرنساوي احسن الف مره من عصام ومن ناديه

بس عيبها انها غاليه جدا الساعه ب 100 جنيه بس بصراحه بتنجز معاك ومفيش بقا حكاوي الاقهاوي بتاعت ناديه كمان في ميزة انها ساكنه جمب مترو مصر الجديده فممكن ترحلها بسهوله من اي مكان

كمان في مدام اسمها كريمه انا رحتلها مرتين دي جزائريه الست دي زكيه جدا هيا بمجرد اني قلتلها مقابلت كيبك لقيتها دورت على النت وقرت كتير عشان تحضر نفسها كويس وفعلا لما رحتلها كانت عارفه هتسألني في ايه برضو العيب انها غاليه اوي وساكنه في القاهره الجديده فكنت بظطر ابات فشقتي الي هناك عشان ابقا جمبها

كمان كان في مدام فرنساويه اسمها اليزابيت دي كانت ضااايعه اولا لا بتتكلم عربي ولا انجليزي ولما كنت احب انها تفهمني حاجا كانت تدوخني مش فاهمه طبعا اي حاجا عن المقابله ولا عن كيبك فبقيت بقعد معاها بس عشان امارس اللغه طبعا دي غاليه مووت الحصه كنت ممكن ادفع 300 جنيه

اخييرا مدام فلورانس انا الحقيقه كان واحد صاحبي بيشكر فالست دي جداااااا بس للاسف معهوش نمرتها المهم بالصدفه لقيت رقمها مع صديق لي كان بياخد معاها المهم رحتلها وانبهرت بيها اولا فرنساويه فمش هتلاقي الغلطات الموجوده فعصاام او ناديه كمان عرفه اصول الاتيكيت فالمقابله يعني حاجات كده بسيطه بس بتفرق مع الناس دي

فلورانس لما بتعمل معاك المقابله اعرف ان هوا ده بالظبط الي انت هتشوفه فالسفاره فلو فهمتها تبقا فالامان لو لا ابقا اقولها واحضر معاها وهتستفيد جدا

يمكن عيبها انها مش مجامله يعني ممكن تقولك لا مستواك سئ جدا وصعب انك تنجح و بيبقا معاها حق

بس طبعا في ناس بتزعل منه وبتحبط وده مينفعش

كمان بتعود ودااانك دي حقيقه فعلا اولا انا الحصه كنت بقعد معاها 4 ساعات 100 فال100 فرنساوي ساعدتني اوي على فهم الممتحنه انا كنت بسمع كويس بس الحقيقه اتحسنت كتييير جدا جدا على ايديها الست دي كنز وبعدين بتتعب مع الناس الي معاها يعني تجيبلك ورق من النت ومش غاليه وبصراحه هي دي الافضل بعد التجربه لو مكنتش كويسه مكنتش ابدا اروح مره واتنين و3 للاسماعيليه في وقت ما انا كنت مزنووق جدا فتخليص ورقي

اتنمى يا رب النجح للجميع والله الهدوئ هوا فعلا سر نجاح اي حد

اي استفسار انا تحت امركم

عظيم هو تعبك وعلى قد تعبك ربنا اعطاك

انا ظبط الفرنساوى بتاعى عن طريق قناة TV5 كانت وسيلة جميلة ورخيصة جدا جدا

[minaaa]

اولا انا اسف على التاخير في سرد مقابلتي والله فعلا في ظروف عائليه كانت منعاني من ان اكتبلكم على العام فالبدايه كده المقابله بتختلف من شخص لاخر انا عديييييت بأعجوبه كنت على شفه السقوط بسبب الخبره الست ظريفه ومحترمه اوي بس يمكن مودي حبيتين

انا اول مادخلت السفاره قبل معادي ب 15 دقيقه عشان القعده جوه سخيفه جدا فمحدش يروح بدري بأكتر من ربع ساعه تلت ساعه

لقيت واحد طالع وبقله عملت ايه عملي بايديه اشاره فهمت منها انه وقع قلت الله يطمنك وخصوصا بعد كمان واسيلي قلت كده شكلها حصلها التحوّر الطبيعي لاي ممتحنه في مصر

المهم نزلتلي الست في ال خمسينات بملامح اووبيه شعرها قصير مش دي خالص المواصافات الي كنت بتمناها عنها

بعد حوالي ساعه ونص من المعاد الاصلي بتعتزر عن التاخير وطلعنا على السلالم سوا ومشينا في ممر طوييل حبيتين لحد غرفه ضيقه ومش ولا بد كده تحس انها مرميه منسيه يعيني على غلبك يا كيبك

عرفتني بنفسها وقالتلي احنا هنقيم ورقك وفي نهاية المقابله هقلك القرار النهائي يا اما بتنجح وبيتاخد ال سي اس كيو يا اما هتسقط وهقولك الاسباب

بأدنت معاها بالاوراق وانا طبعا في حاله مش عارف عرفت اوصلها ازاي هدوئ ئ ئ ئ ئ ئ وثقه فربنا بشكل مكنتش اتخيله انا فعلا كان نصي التحتاني بيترعش والنص الفوقاني ثاااابت ومركز بفضل من ربنا

المهم بعد ما اتفرجت على الورق لقيتها بتسأل سؤال عجيب هيا فين الشهاده العربي الاصلي؟؟؟

عربي ايه يا ستي وهو انتي هتفهميها مهي دي اصلي ومختومه اهه وانجليزي (غالبا طلعت بتعرف عربي ده كلام زميل دخلها قبلي)

كل ورقه تمسكها تقولي دي صوره!!! المهم كنت برد بلطف واقلها لا دي اصل وفالاخر لما زودتها قلتلها ان وجود ختم النسر هوا الضمان لاي ورقه مستخرجه من جهه حكوميه لقيتها هزت دماغها وكانها اول مره تسمع الكلام ده

المهم بعد ال 20 دقيقه الاولانيه بتاعت الاوراق قالتلي انت عايز تروح ليه؟

قلتلها الكلمتين الي فقلبي والله لا من عند عصام ولا ناديه ولا الكلام الفاضي ده

المهم لقتها بتقول طب وانت لحقت تحكم عن سوء الوضع هنا وبعدين عشان تشتغل في كيبك لازم يبقا معاك خبره جيده عشان الناس هناك تثق فيك وانت عارف ان الصيدله دي مهنه من اساسيتها انك تكون مؤهل وحاصل على خبر جيده

طبعا انا فاللحظه دي حسيت الدنيا بتبووظ فكنت انا برضه عامل حسابي ان ممكن اتزنق فالحته دي

انا رديت ببساطه وقلتلها طبعا معاكي حق بس انا اتوقع ان افضل حاجا فيها تساعدني على الهجره هي نقطة العمر دي

يعني لما ابقا 27 سنه ومخلص معادلتي وبخدم الناس هناك افضل ام ان اصل 40واخلص المعادله 45 وميفضلش الا 5 او 6سنين واطلع معاش

حاجا ثانيه مهنتنا وضها سئ في مصر والخبره الي هخدها هنا مش هتفدني هناك لاني انا بصراحه اتصدمت بعد تخرجي بمدى سوء المجال الصيدلي واني اعمل كبائع للدواء ليس اكثر

كمان المرتب منيل انا باخد 700 جنيه والحياه غاليه جدا هنا انا شاري البدله دي بي 1000 جنيه(دي حته هتش) هل برقم زي ده ممكن اكون اسره واشتري شقه!!

اخيرا انا متأكد اني بمجرد ان احصل على رخصه الصيادله في كيبك مش هواجه اي صعوبات فالعثور على عمل

وده لان لي صديق صيدلي مصري في مريال اكد لي شده احتياج سوق العمل هنااك

وكمان اهه انا في ناس بعتتلي وعايزين يشغلوني اهه ده كان ايميل وجواب بوسطه كنت واخدهم معايا

الست الحقيقه حسيت انها اتأثرت بالحوار جدا وقالتلي معاك حق انا فهماك والوجه تغير والدنيا مشيت زي الفل بقا بعد كده

طب وانت عارف معادلتك ازاي؟

قلتلها طبعا انا اساسا ارسلت ورقي للاوردر وهم وافقو على الاورق وبعت الشيك كمان لفتح دوسيه عندهم عجبتها بقا الحته دي جدا

ولما طلعتلها ورق من جامعة منتريال حاجا خاصه بدراسة الصيادله هناك قالتلي انت دي جبتها منين قلتلها صاحبي هناك هوا الي بعتهالي

قالتلي طب هتمضيلي على بتاعت الفالور دي قمت قايلها انا قاريها وماضيها من اول قالتلي انت عامل بريباراسيو ممتاز طيب واتعرف ايه عن كيبك؟

قلتها بخصوص الاقتصاد ولا السياسه ولا التاريخ

قالتلي يعني وانت عارف كل ده قلتلها اه انا بقالي سنتين مبقراش غير عن كيبك

فقلتلي وتاريخ كيبك تعرفه كويس قلتلها كمان والناشيد الوطني انا حافظه

غنتلها حته كده وفالتاريخ قلتلها معرفش جاك كارتيا هوا الي اكتشفها ومعرفش الانجليز هببو ايه وكلمتين فالسريع كده

قالتلي يا ترى بتتكلم انجليزي حلو كده زي الفرنساوي قلتلها عنيا انا عامل الايلتس يا حجه وبعدين انا كنت في مدارس اجنبيه لاكثر من 11 سنه

وبعدين لو بتكلم كويس فرنش يبقا انا حوت الانجليزي خدي ايلتس اهه

وكلمتها كلمتين حلوين ربنا كرمني وقلتهم بسرعه ومنغير ما ادخل الفرنساوي فالنص (عشان كده بقول فضل ربنا هوا بس الي نجحني) دي كانت عقده

بس بقا قالتلي فالاخر احب اقلك ان جكومه كيبك توافق على طلبك عارف ليه؟

قلتلها ده لزوقك وتعاونك وكل سنه وانتي طيبه

قلتلي لا انت فعلا بتتكلم فرنساوي وانجليزي بصوره جيده جدا ومش هتلاقي صعوبه فالتواصل مع الناس هناك

المهم انا لقيت البرنتر اشتغلت قلت 100 100 بس فنص السي اس كيو التانيه البتاعه علقت والست بقا احتاست وفضلت ساكت بتاع 8 دقائق لحد محسيت انها ممكن تقولي معلش هبعتهالك فالبوسطه قمت قايلها اقدر اساعدك؟

قالتلي هتعرف قلتلها اه انا مستخدم جيد للكمبيوتر

قمت اظبط الحوار ده ولقيتها عايزة تعرف انا عملت ايه طبعا انا عملت فيها المركز ونفضتلها خااالص مش طالباكي سيبيني اعمل في صمت عشان لو اتكلمت هترجعي فكلامك

بس والبرنتر ربنا هداها وقعدنا نشتم في ميكروسفت وان نظام الويندوز ده الاسوء

انا طبعا شكرتها وكلميتين حلوين عن كيبك كنت قاريهم وريتها شويه تصميمات كنت عاملها بالفوتوشوب عجبتها اوي

وفالاخر صعب عليا كميه الورق الي مشفتهمش قلتها كمان يا مدام اهه ده بتاع معرفش ايه وانا كمان كلمت معرفش مين

انا تقريبا عايش في كيبك

ضحكت وقالتلي انا لما شفت الدوسيه بتاعك قلت ان المقدم ده صعب انه يعدي نقطك مكنتش كافيه بس لغتك هي الي نجحتك

وريتها صور صحبي والست نزلتني وانا طبعا مش مصدق الي حصل اول مخرجت من الباب الصغير سلمت عليها وطمنت الناس الي بعدي واول ما خرجت وخدت الموبيل من السكيوريتي كان فصل شحن فصحابي اتطلطعو بره بتاع ساعتين كمان على ما عرفت اكلمهم

يالله عقببال يا رب بايو فارما و حسام يوسف وايسترفي واستاذ مينا

يا محمد انا والله فرحتلك زي مفرحت بنجاحي ويمكن اكثر لانك تعبت اوي يا ابني ولكل مجتهد نصيب ومحدش عمل الي انت عملته فاكر اما اكنت بقلك انت لازم تنجح اه الحمد لله ربنا مش بيظلم حد

عقبال الفيزا حاول تصلح الوضع الي انت فيه

ربنا يساعدك على الي جاي على قد ما ساعدتني وساعدت الناس هنا

[qenawy]

فايزر اون لاين

الف الف مبروك

[qenawy]

adore

الف مبروك ولكل مجتهد نصيب

[qenawy]

ويسيلي

قوة الارادة تصنع المعجزات

كن محاربا لاخر لحظة ولا تياس وربنا معاك

[أختكم المصرية]

الف مبروك استاذ adore

فعلا تستحق النجاح بجدارة اول شىء طبعا فعلا توفيق من عند ربنا

بس متنكرش ابدا مجهودك وتعبك انت فعلا ليك ان شاء الله مستقبل كبير فى كندا او اى مكان انت ناوى تروحوه فلا مجهود رائع

ربنا يكملك المشوار على خير

[الرحالة باشا]

الف مبرووووووووووووووووك يا Adore

فعلاً النجاح والتوفيق من عند الله ولكل مجتهد نصيب وأنت بصراحة أجتهدت جداً دانا يا راجل حسيت فعلاً إنك عايش في كيبك من كلامك

يا جماعة الناس دي عايزة تحسن من اللي مقدم للهجرة لكيبك إنه هايقدر يندمج بسهولة مع المجتمع هناك وده من علاماته طبعاً اللغة وفهمك لنظام البلد والعمل وتبقي عارف هاتعمل إيه بالظبط وطبعاً يكون اللي أنت عارفه صح بكده يكون طالب الهجرة ليس عبئاً علي كيبك ولكن مساهم جيد فيها

ربنا يوفقك يا أدور وتأخد التأشيرة بإذن الله

تم تعديل 16 أكتوبر 2009 بواسطة الرحالة باشا

[abdelhalim]

ألف مبروك مسيو adore

بصراحة كل الناس تعبت في موضوع الهجرة بس بصراحة انت أكتر واحد تعبت وتستحق كل خير

[bat man]

اولا انا اسف على التاخير في سرد مقابلتي والله فعلا في ظروف عائليه كانت منعاني من ان اكتبلكم على العام فالبدايه كده المقابله بتختلف من شخص لاخر انا عديييييت بأعجوبه كنت على شفه السقوط بسبب الخبره الست ظريفه ومحترمه اوي بس يمكن مودي حبيتين

انا اول مادخلت السفاره قبل معادي ب 15 دقيقه عشان القعده جوه سخيفه جدا فمحدش يروح بدري بأكتر من ربع ساعه تلت ساعه

لقيت واحد طالع وبقله عملت ايه عملي بايديه اشاره فهمت منها انه وقع قلت الله يطمنك وخصوصا بعد كمان واسيلي قلت كده شكلها حصلها التحوّر الطبيعي لاي ممتحنه في مصر

المهم نزلتلي الست في ال خمسينات بملامح اووبيه شعرها قصير مش دي خالص المواصافات الي كنت بتمناها عنها

بعد حوالي ساعه ونص من المعاد الاصلي بتعتزر عن التاخير وطلعنا على السلالم سوا ومشينا في ممر طوييل حبيتين لحد غرفه ضيقه ومش ولا بد كده تحس انها مرميه منسيه يعيني على غلبك يا كيبك

عرفتني بنفسها وقالتلي احنا هنقيم ورقك وفي نهاية المقابله هقلك القرار النهائي يا اما بتنجح وبيتاخد ال سي اس كيو يا اما هتسقط وهقولك الاسباب

بأدنت معاها بالاوراق وانا طبعا في حاله مش عارف عرفت اوصلها ازاي هدوئ ئ ئ ئ ئ ئ وثقه فربنا بشكل مكنتش اتخيله انا فعلا كان نصي التحتاني بيترعش والنص الفوقاني ثاااابت ومركز بفضل من ربنا

المهم بعد ما اتفرجت على الورق لقيتها بتسأل سؤال عجيب هيا فين الشهاده العربي الاصلي؟؟؟

عربي ايه يا ستي وهو انتي هتفهميها مهي دي اصلي ومختومه اهه وانجليزي (غالبا طلعت بتعرف عربي ده كلام زميل دخلها قبلي)

كل ورقه تمسكها تقولي دي صوره!!! المهم كنت برد بلطف واقلها لا دي اصل وفالاخر لما زودتها قلتلها ان وجود ختم النسر هوا الضمان لاي ورقه مستخرجه من جهه حكوميه لقيتها هزت دماغها وكانها اول مره تسمع الكلام ده

المهم بعد ال 20 دقيقه الاولانيه بتاعت الاوراق قالتلي انت عايز تروح ليه؟

قلتلها الكلمتين الي فقلبي والله لا من عند عصام ولا ناديه ولا الكلام الفاضي ده

المهم لقتها بتقول طب وانت لحقت تحكم عن سوء الوضع هنا وبعدين عشان تشتغل في كيبك لازم يبقا معاك خبره جيده عشان الناس هناك تثق فيك وانت عارف ان الصيدله دي مهنه من اساسيتها انك تكون مؤهل وحاصل على خبر جيده

طبعا انا فاللحظه دي حسيت الدنيا بتبووظ فكنت انا برضه عامل حسابي ان ممكن اتزنق فالحته دي

انا رديت ببساطه وقلتلها طبعا معاكي حق بس انا اتوقع ان افضل حاجا فيها تساعدني على الهجره هي نقطة العمر دي

يعني لما ابقا 27 سنه ومخلص معادلتي وبخدم الناس هناك افضل ام ان اصل 40واخلص المعادله 45 وميفضلش الا 5 او 6سنين واطلع معاش

حاجا ثانيه مهنتنا وضها سئ في مصر والخبره الي هخدها هنا مش هتفدني هناك لاني انا بصراحه اتصدمت بعد تخرجي بمدى سوء المجال الصيدلي واني اعمل كبائع للدواء ليس اكثر

كمان المرتب منيل انا باخد 700 جنيه والحياه غاليه جدا هنا انا شاري البدله دي بي 1000 جنيه(دي حته هتش) هل برقم زي ده ممكن اكون اسره واشتري شقه!!

اخيرا انا متأكد اني بمجرد ان احصل على رخصه الصيادله في كيبك مش هواجه اي صعوبات فالعثور على عمل

وده لان لي صديق صيدلي مصري في مريال اكد لي شده احتياج سوق العمل هنااك

وكمان اهه انا في ناس بعتتلي وعايزين يشغلوني اهه ده كان ايميل وجواب بوسطه كنت واخدهم معايا

الست الحقيقه حسيت انها اتأثرت بالحوار جدا وقالتلي معاك حق انا فهماك والوجه تغير والدنيا مشيت زي الفل بقا بعد كده

طب وانت عارف معادلتك ازاي؟

قلتلها طبعا انا اساسا ارسلت ورقي للاوردر وهم وافقو على الاورق وبعت الشيك كمان لفتح دوسيه عندهم عجبتها بقا الحته دي جدا

ولما طلعتلها ورق من جامعة منتريال حاجا خاصه بدراسة الصيادله هناك قالتلي انت دي جبتها منين قلتلها صاحبي هناك هوا الي بعتهالي

قالتلي طب هتمضيلي على بتاعت الفالور دي قمت قايلها انا قاريها وماضيها من اول قالتلي انت عامل بريباراسيو ممتاز طيب واتعرف ايه عن كيبك؟

قلتها بخصوص الاقتصاد ولا السياسه ولا التاريخ

قالتلي يعني وانت عارف كل ده قلتلها اه انا بقالي سنتين مبقراش غير عن كيبك

فقلتلي وتاريخ كيبك تعرفه كويس قلتلها كمان والناشيد الوطني انا حافظه

غنتلها حته كده وفالتاريخ قلتلها معرفش جاك كارتيا هوا الي اكتشفها ومعرفش الانجليز هببو ايه وكلمتين فالسريع كده

قالتلي يا ترى بتتكلم انجليزي حلو كده زي الفرنساوي قلتلها عنيا انا عامل الايلتس يا حجه وبعدين انا كنت في مدارس اجنبيه لاكثر من 11 سنه

وبعدين لو بتكلم كويس فرنش يبقا انا حوت الانجليزي خدي ايلتس اهه

وكلمتها كلمتين حلوين ربنا كرمني وقلتهم بسرعه ومنغير ما ادخل الفرنساوي فالنص (عشان كده بقول فضل ربنا هوا بس الي نجحني) دي كانت عقده

بس بقا قالتلي فالاخر احب اقلك ان جكومه كيبك توافق على طلبك عارف ليه؟

قلتلها ده لزوقك وتعاونك وكل سنه وانتي طيبه

قلتلي لا انت فعلا بتتكلم فرنساوي وانجليزي بصوره جيده جدا ومش هتلاقي صعوبه فالتواصل مع الناس هناك

المهم انا لقيت البرنتر اشتغلت قلت 100 100 بس فنص السي اس كيو التانيه البتاعه علقت والست بقا احتاست وفضلت ساكت بتاع 8 دقائق لحد محسيت انها ممكن تقولي معلش هبعتهالك فالبوسطه قمت قايلها اقدر اساعدك؟

قالتلي هتعرف قلتلها اه انا مستخدم جيد للكمبيوتر

قمت اظبط الحوار ده ولقيتها عايزة تعرف انا عملت ايه طبعا انا عملت فيها المركز ونفضتلها خااالص مش طالباكي سيبيني اعمل في صمت عشان لو اتكلمت هترجعي فكلامك

بس والبرنتر ربنا هداها وقعدنا نشتم في ميكروسفت وان نظام الويندوز ده الاسوء

انا طبعا شكرتها وكلميتين حلوين عن كيبك كنت قاريهم وريتها شويه تصميمات كنت عاملها بالفوتوشوب عجبتها اوي

وفالاخر صعب عليا كميه الورق الي مشفتهمش قلتها كمان يا مدام اهه ده بتاع معرفش ايه وانا كمان كلمت معرفش مين

انا تقريبا عايش في كيبك

ضحكت وقالتلي انا لما شفت الدوسيه بتاعك قلت ان المقدم ده صعب انه يعدي نقطك مكنتش كافيه بس لغتك هي الي نجحتك

وريتها صور صحبي والست نزلتني وانا طبعا مش مصدق الي حصل اول مخرجت من الباب الصغير سلمت عليها وطمنت الناس الي بعدي واول ما خرجت وخدت الموبيل من السكيوريتي كان فصل شحن فصحابي اتطلطعو بره بتاع ساعتين كمان على ما عرفت اكلمهم

يالله عقببال يا رب بايو فارما و حسام يوسف وايسترفي واستاذ مينا

اخيرااااااااا قلت وكشفت المستورررررررررررررررررررررر يا ادوررررررررررررر

قول كمان قول واكشف المستور

ههههههههههههههههههه[/size]