ابشرو مقابلات كيبك الجديدة مارس 2009

[joo]

السلام عليكم والله ياجماعه انا لايصة خالص نازلة مصر اجازة اسبوعين اخدتهم بطلوع الروح علشان اخلص ورقي وانا علي فكرة لسة في الاول ومعلوماتي متأخرة عنكم بمراحل وكنت عايزة اعرف مين يقدر يملالي الابليكيشن كيبك مش فيدرال وانا ماعنديش امكانيات لمحامي فتنصحوني اروح لمين وكمان ما هو العنوان اللي هبعت عليه الفايل في سورياوهبعته فيديكس ولا بطريقة تانية افيدوني افادكم الله والرجو سرعة الرد لان الوقت مش في صالحي انا هفضل قاعدة علي النت لحد ما واحد منكم يتكرم ويجاوبني وشكرا مقدما اختكم االغرقانه المحتاسة منال

أستاذة منال أدخلى على موضوع كيف تهاجر الى الكبيك بدون محامى ( نسخة 2009 ) genawy

الاستاذ شارح الموضوع بالتفصيل وربنا يوفق ( أقرئى بعناية ) غلطة مطبعية قصدى تهجر مصر

[غريق]

غلطة مطبعية قصدى تهجر مصر

محدش يقدر يهجر مصر يا جو

مهما شفنا منها

العيب في الناس مش في ام عباس

غريق

[astrophy]

السلام عليكم والله ياجماعه انا لايصة خالص نازلة مصر اجازة اسبوعين اخدتهم بطلوع الروح علشان اخلص ورقي وانا علي فكرة لسة في الاول ومعلوماتي متأخرة عنكم بمراحل وكنت عايزة اعرف مين يقدر يملالي الابليكيشن كيبك مش فيدرال وانا ماعنديش امكانيات لمحامي فتنصحوني اروح لمين وكمان ما هو العنوان اللي هبعت عليه الفايل في سورياوهبعته فيديكس ولا بطريقة تانية افيدوني افادكم الله والرجو سرعة الرد لان الوقت مش في صالحي انا هفضل قاعدة علي النت لحد ما واحد منكم يتكرم ويجاوبني وشكرا مقدما اختكم االغرقانه المحتاسة منال

استاذه منال حاولى زى ما الاستاذ جو قال لحضراك تدخلى على التوبيك بتاع الدكتور قناوى وتقرايه كويس جدا واتكلى على الله وخلصى بسرعه النهارده احسن من بكره

تانى حاجه المحاميين دول سماسره لا يطلق عليهم لقب محاميين وعن تجربه افضل اتعبى نفسك شويا فى القراءة فى المنتدى احسن ماتتعبى نفسك فى دفع فلوس

للمحاميين وتدفع كمان اتصالات تليفونيه لسيادتهم علشان يتعطفوا ويعرفوكى اخبار ورقى وملفك وكمان مش بيدوا معلومات المنتدى دا والله احسن من مية محامى قصدى سمسار

تانى حاجه حضرتك ممكن تبعتى الملف عن طريق البريد المصرى السريع لسوريا ومش تقلقى هيبيض وشنا وهيوصل انا جربته ووصل البريد السريع دا بحوالى

65 جنيه انما التانى زى الدى اتش ال ب300 جنيه تقريبا فشوفى الى يناسب حضرتك وربنا يوفقك يارب ويوفقنا جميعا اننا نهاجر ونكون مصريين هناك

[astrophy]

يجماعة محدش يعرف اخوة لينا عملوا مقابلات الكام اليوم الى فاتوا دول مش عرفنا حد من على التوبيك من ساعة فايزر ما عمل المقابله

ياريت لو فى اى معلومات تقولوها لو بسيطه بتنفعنا احنا غلابه على وش مقابلة

معلومه بسيطه تساعد فى حل اسئلة كتيره

[ميشو سلام]

هاى

ياريت تفيدونا بالمقابلات

اللى فى سوريا ومصر

وايه النظام ياريت تهتموا بالمقابلات علشان نستفاد

[jessika]

مالك يا ميشو داخل كدة لا سلام ولا كلام دة حتى اسمك ميشو سلام

ولا انت جاى وماشى علطول ولا اية تسال على المقابلات وسلام

انا بهرج معاك عموما اهلا بيك فى المنتدى

ان شاء اللة تستفاد

[astrophy]

مالك يا ميشو داخل كدة لا سلام ولا كلام دة حتى اسمك ميشو سلام

ولا انت جاى وماشى علطول ولا اية تسال على المقابلات وسلام

انا بهرج معاك عموما اهلا بيك فى المنتدى

ان شاء اللة تستفاد

ازيك يمدام جيسكا اخبارك ايه

بما انك وزيرة الاعلام بالمنتدى وان شاء الله بمنتريال هتكونى المتحدثه الاعلاميه باسم مصريين بكندا

مفيش اخبار عندك عن المقابلات اليوميين دول

[jessika]

ازيك يا استروفى يلا شد حيلك

مستنيين الدفعة الجديدة اللى داخلة دكتور حسام

وبيوباشا........متعرفش بيوباشا معادة الساعة كم اخو جوزى معاة فى نفس اليوم

متقلقش انت ركز فى الفرنساوى وسيبها على اللة

[atha]

مساء الخير على كل اللي في المنتدى

أنا مدرس ومقابلتي يوم 17 نوفمبر اللي جاي في سوريا فكان لي طلب عند حضراتكم

1- يا ريت حد يساعدني برابط يكون موجود عليه معلومات عن سوق العمل في مدينة كيبيك العاصمة على غرار ملف pdf الموجود ل موريال على شان أن كتبت مدينة كيبيك في الأبليكيشن

2- وأيضا رابط يكون عليه أسماء أشهر المدارس في كيبيك عامة و في مدينة كيبيك العاصمة خاصة

3- أنا نزلت ملفات pdf بس أزاي أعرف إذا كان بيتكلم على كيبيك الأم أو مدينة كيبيك العاصمة

سامحوني أنا طولت عليكم بس أنا فعلا مزنوق جدا في الوقت :wub:

[ميشو سلام]

مالك يا ميشو داخل كدة لا سلام ولا كلام دة حتى اسمك ميشو سلام

ولا انت جاى وماشى علطول ولا اية تسال على المقابلات وسلام

انا بهرج معاك عموما اهلا بيك فى المنتدى

ان شاء اللة تستفاد

هاى يامدام جيسكا

معلش انا بجد اسف

بس انا اسمى ميشو سلام مش محتاج اقول سلام

انا مقابلتى اول نوفمبر فى سوريا وقلقان شوية ومعرفتش المنتدى ده الا متاخر بس ياريت تفيدونا بالمعلومات والمقابلات بس بلاش ترد انت ياجرجس هنا

[bat man]

السلام عليكم والله ياجماعه انا لايصة خالص نازلة مصر اجازة اسبوعين اخدتهم بطلوع الروح علشان اخلص ورقي وانا علي فكرة لسة في الاول ومعلوماتي متأخرة عنكم بمراحل وكنت عايزة اعرف مين يقدر يملالي الابليكيشن كيبك مش فيدرال وانا ماعنديش امكانيات لمحامي فتنصحوني اروح لمين وكمان ما هو العنوان اللي هبعت عليه الفايل في سورياوهبعته فيديكس ولا بطريقة تانية افيدوني افادكم الله والرجو سرعة الرد لان الوقت مش في صالحي انا هفضل قاعدة علي النت لحد ما واحد منكم يتكرم ويجاوبني وشكرا مقدما اختكم االغرقانه المحتاسة منال

الاخت الفاضلة

الموضوع سهل بس لو لوحدك عايز شوية تركيزززززززززززز فقط واسالى عن اى حاجة حتى لو تافهةوكلنا بنسال عادىخالص 00

المراسلات عن طريق البريد السريع المصرى بس نخلى بالنا ان البريد السرع المصرى فى نوعين

1- البريد السريع المصرى العادى ودة ما انصحش بية

2- والبريد السريع المصرى اللى عامل اتحاد مع فيدكس العالمية وتقدرى تتصلى بية وتعرفى مين استلم والساعة واسمة كانك مع فيدكس بالظبط وارخص بكتييررررر

ومعلومة للاخوة شركة T.N.Tعاملة 50% تخفيض لو البريد خاص بالدراسة وبيبقى ارخص من البريد المصرى00

واللة الموفق

استاذه منال حاولى زى ما الاستاذ جو قال لحضراك تدخلى على التوبيك بتاع الدكتور قناوى وتقرايه كويس جدا واتكلى على الله وخلصى بسرعه النهارده احسن من بكره

تانى حاجه المحاميين دول سماسره لا يطلق عليهم لقب محاميين وعن تجربه افضل اتعبى نفسك شويا فى القراءة فى المنتدى احسن ماتتعبى نفسك فى دفع فلوس

للمحاميين وتدفع كمان اتصالات تليفونيه لسيادتهم علشان يتعطفوا ويعرفوكى اخبار ورقى وملفك وكمان مش بيدوا معلومات المنتدى دا والله احسن من مية محامى قصدى سمسار

تانى حاجه حضرتك ممكن تبعتى الملف عن طريق البريد المصرى السريع لسوريا ومش تقلقى هيبيض وشنا وهيوصل انا جربته ووصل البريد السريع دا بحوالى

65 جنيه انما التانى زى الدى اتش ال ب300 جنيه تقريبا فشوفى الى يناسب حضرتك وربنا يوفقك يارب ويوفقنا جميعا اننا نهاجر ونكون مصريين هناك

[بيبو كندا]

ازيك يا استروفى يلا شد حيلك

مستنيين الدفعة الجديدة اللى داخلة دكتور حسام

وبيوباشا........متعرفش بيوباشا معادة الساعة كم اخو جوزى معاة فى نفس اليوم

متقلقش انت ركز فى الفرنساوى وسيبها على اللة

استاذة جيسيكا

طمنينا على المقابلات الجديده

انا قرأت فى احد المنتديات انه بعد المقابلة رفضت تقول حاجة و هى هترد بعدين

بعد الاطلاع على التعديلات ؟؟؟؟؟؟؟؟؟؟؟؟؟؟؟؟؟ :D

طمنينا اول باول علشان انا متوتر جداااااااااااااااااا :lol:

و انا على فكرة لسه ما جاليش الفايل نمر إمال لما تيجى المقابلة هعمل اية ... :blink:

[jessika]

متقلقش يا استاذ صامويل وسيبها على ربنا

صدقنى موضوع الهجرة دة نصيب ولو ليك نصيب وربنا رايد انك تهاجر لا هايبقى الفرنساوى عقبة ولا الممتحنة ولا اى شىء وكل الامور ربنا هيمشهالك من غير ما تشعر

واكبر دليل ان حالتين اهو ورا بعض واحد جالة المقابلة قبلها بشهر ولا يفقة شىء فى الفرنساوى ولا خد فى المركز وحفظ كم سؤال ونجح لان ربنا عايزة يسافر

وتانى يوم ومع نفس الممتحنة اخونا ويسلى وواخد المستوى السابع ووقفتلة الموضوع على نقطة واحدة وادتلة 67 من 68 وطلبت منة تى سى اف

يعنى من الاخر اعمل اللى عليك بدون خوف وسيب ربنا يعمل فى حياتك الخير

بالتوفيق

[Nassarlink]

متقلقش يا استاذ صامويل وسيبها على ربنا

اعذريه يا مدام جيسكا

دي طبيعة البشر

الحيره والقلق

ربنا يقوينا علي هواجسنا وافكارنا السلبيه

نصّار

[Phizer]

المقابلات ماشيه بشكل مش بطال

امبارح بنت نجحت عزباااء بتشتغل في مجال ال اي تي في بنك

المقابله كانت مرحه وخصوصا لما ابتدت المستشاره بسؤال تحبي تتكلمي بالغه ايه فقالتلها انجليش بليييز

طبعا هي كانت مشاء الله اساسا بتتكلم اانجليزي احسن منها هي خريجه مدارس اجنبيه ومعرفش عامله ايه فالجامعه الامريكيه المهم

شافت الورق وغلستش او علقت على اي ورقه على عكس محصل مع حبيب الملاين ادور

سألتها بالفرنساوي عايزة تروحي ليه طبعا البنت كانت حافظة كلمتين ناديه على كلمتين عصام فسمعتهم

الست قالتلها انت بس عايزة تروحي عشان كده

طبعا يا عيني اترعب من السؤال المباغت ده قالتلها لا كمان انا بقا قرفانه من البلد دي واي بنت هنا بتبقا مظلومه فالشغل انا ملتزمه وادائي احسن من اي ولد وهم بيترقو وانا محلك سر

كمان الوسطه في كل مكان والبلد خلاص هيمسكها ابو دم تقيل

المهم طبعا الاجابه دي كانت كافيه انها تقلها وانا هساعدك انتي عارفه سوق العمل هناك ومعرفش ايه قلتلها اه

الست قالتلها احب اقولك انك نجحتي بس حولي تحسني فرنسيتك هي متوسطه على العموم (هي خدت فالمركز للمستوى ال 7)

استغلي فتره السنه بتاعت الفيزا عشان تحسني لغتك

سلمتك عليها وشكرا

[jessika]

متهيالى كدة يا فيزر ان اللغة الفرنسية مش كل حاجة فى المقابلة

اهم شىء اقتناع الممتحنة بشخصيتك وشغلك وانك اكتيف وعندك استعداد تتعلم

اذا دة موجود فالفرنساوى المتوسط هايعدى ومفيش مشاكل

حاجة من اللى فوق وقعت يبقى هاتركز على الفرنساوى وتعصرك

ومش بعيد تتلكك وتطلب منك شهادات زيادة

كدة الرؤية اتاكدت اهى مش بس اتضحت

يلا شدو حيلكم وربنا معاكم

[Phizer]

للناس الي عايزين يحضرو للمقابلات

انا قبل كده كنت كتبت كلمتين ممكن يساعدو انا مره دي هكتب اسماء الناس بأرقام تلفوناتهم

1-السيد منير بصراحه كنز وخصوصا لأي حد قاعد جمب المنصوره الراجل ميقلش عن اي حد في الفرنساوي والاهم انه فاهم كويس اوي اوي اوي حدوته الهجره والي بيحصل فالمقابلات

2-مدام فلورانس انا بصراحها بعشق الست دي اولا لغتها الام الفرنسيه وبتتكلم عربي كمان لما تتزنق هتحاول تفهمك بالعربي ولاهم ان ودانك هتتعود على السماع الصح وزي مقلت قبل كده لو سمعتها وفهمتها مفيش خوف عليييك فالمقابله

كمان الست طلعت غلطات بالعبيييط من ورق ناديه وعصام فالست دي ملهاش حل

الست سعر الحصه مش غالي خااالص ومخلصه وبصراحه تعبت معايا لاقصى حد

هي مقيمه في الاسماعيليه بس الخبر الكويس انها هتنزل القاهره مرتين فالاسبوع رقم مدام فلورانس دي لامار

0106915371

3-مدام ليلي من افضل مدرسات المركز الثقافي الفرنسي والست دي برضه عمليه جدااااا يعني مش هتقعد تسمع حواديت ناديه ولا مواعيد عصام

رقمها هيبقا على الخاص عشان مستأذنتهاش معلش

ربنا يكون في عونكم

[Phizer]

متهيالى كدة يا فيزر ان اللغة الفرنسية مش كل حاجة فى المقابلة

اهم شىء اقتناع الممتحنة بشخصيتك وشغلك وانك اكتيف وعندك استعداد تتعلم

اذا دة موجود فالفرنساوى المتوسط هايعدى ومفيش مشاكل

حاجة من اللى فوق وقعت يبقى هاتركز على الفرنساوى وتعصرك

ومش بعيد تتلكك وتطلب منك شهادات زيادة

كدة الرؤية اتاكدت اهى مش بس اتضحت

يلا شدو حيلكم وربنا معاكم

معاكي حق والله هي فعلا ممكن تكون بتشوف رد فعلك لما بتغلس عليكي انا يتهيئلي ان تشكيكها فالورق او لما شئلت البنت دي هوا ده بس الي عايزه تسافري عشانه؟

ممكن هنا تبقا بتقيس رد فعلك ودي طريقه طبيعيه في اي انترفيو

وزي مقلتي لو الواحد وقع ومعرفش يتواصل ده بقا هيطلع عينه فرنساوي ربنا يكفينا شره

[joo]

غلطة مطبعية قصدى تهجر مصر

محدش يقدر يهجر مصر يا جو

مهما شفنا منها

العيب في الناس مش في ام عباس

غريق

ماشى يا سيدى كلامك مظبوط

على رأى الشاعر لو لم اكن مصريا لوددت ان اكون00000000000000000 كنديا

[ansalim]

أخت منال .... أعتقد ان الأفضل انك تقدمى من مكانك أحسن ما تقدمى من مصر حيث أن أجازتك قصيرة

وفى الغالب مش هاتلحقى ---- خلى الأجازة لتجهيز المستندات فقط

وهتلاقى كتير يساعدوكى فى تعبئة الفورمات وتفاصيل الارسال الى سوريا

بالتوفيق ان شاء الله