ابشرو مقابلات كيبك الجديدة مارس 2009

[جيمي]

الفين مبروك .......... يا د / حسام ........ ربنا يكلمهالك على خير يا رب :roseop:

[AL MUHAGER]

الف مبروك يا دكتور حسام و عقبال الميديكال و الفيزا ... دعواتكم يا جماعة مقابلتي في ديسمبر الجاي في سوريا الشقيقة...

[astrophy]

الف مبروك يحسام ربنا يكرمك ان شاء الله

انا اتصلت عليك بسى تقريبا مشغول

دعواتك ليا بقا التلات بامر الله واشكر كل اخواتى واخوانى وشعورهم الجميل ودعائهم ليا ربنا يبارك فيكم جميعا

[magedghonim]

مفيش اي اخبار يا جماعة

عن ميشن ابوظبي الي شغااال اليومين دول

مفيش اي حد اخد السي اس كيو عشان نبارك له

كله مصر وسوريا بس طب بتوع الخليج دولة يعني ملهمش في الطيب نصيب

رجااء اي حد عنده معلومة ...اخر حاجة عرفناها ان المقابلات وقفت

هل هناااك اي جديد؟؟؟؟

[monti]

واضح ان في حد يدعي و كل دعواته مستجابه

ان عايز الراجل الطيب او الست الطيبة الي بيدعي يقول اسمي وسط الدعوة

ان شاء الله انترفيو يوم 4 نوفمبر ...و نفرحكم بالنصر باذن الله

[jessika]

يارب كل اللى عندة مقابلة ينجح ويفرح بجد اد اية الفرحة حلوة وخاصتا فرحة النجاح ليها مذاق خاص

ربنا معاكم ويفرح قلوبكم

[midomansour]

مفيش اي اخبار يا جماعة

عن ميشن ابوظبي الي شغااال اليومين دول

مفيش اي حد اخد السي اس كيو عشان نبارك له

كله مصر وسوريا بس طب بتوع الخليج دولة يعني ملهمش في الطيب نصيب

رجااء اي حد عنده معلومة ...اخر حاجة عرفناها ان المقابلات وقفت

هل هناااك اي جديد؟؟؟؟

في الحقيقه كان ليا الشرف ان أكون في ميشن ابو ظبي اللي فات

انا عملت المقابله هناك بس ابو ظبي غريبه شويتين عن اللي عرفناه

الحمد لله همه بعتوللي السي اس كيو من يومين بالظبط

[midomansour]

سأحكي اجواء ما قبل المقابله اولا ثم جو المقابله

اولا انا صيدلي اعمل في السعوديه وطبعا المهنه مش في اللسته الفيدرالي

اكيد الاختيار الاوحد هوه كيبيك

ماعلينا

قدمت بالضبط في 8 - 1 - 2009

ومنه لله اللي كان السبب في الصربعه واللهوجه وكيبك هتعمل لسته واشتغالات وعمال يغني ان انا واصل وبسمع الاخبار في اذاعه مونتريال وازاعه الدول الفرنكوفونيه لغايه ما وجع قلبنا وبطننا

المهم بعد تقديم الورق بشهر مكتب سوريا بعت جواب فتح الملف وايصال النقود المستلمه

وفي شهر 3 جاء الجواب رسمي اللي اتبعتلي فالكس قبل كده فيه المستندات الاصليه ومعاه كمان جواب الانتظار

شهر 7 جاء خطاب المقابله في سفاره كندا بابو ظبي

يتبع

[midomansour]

طبعا المشكله في السعوديه عدم وجود وقت فراغ مناسب لدراسه الفرنسيه كمان اصلا مفيش معاهد الا معهد في جده مبيفتحش غير يومين تلاته في الاسبوع

الحل في اللجوء الي سي دي تعليم اللغه وبعد ذللك الاعتماد علي مدرس لتجويد اللغه ومعرفه خبايا الانتر فيو وده الفضل ليه لمسيو عصام بعد ربنا طبعا وكان بيسهر معايا علي النت لغايه 2 - 3 بالليل ده حق الراجل ومش همدحه اكتر من كده

المهم مشيت في الفرنساوي شويه وبقيت احسن كتير من ذي قبل

انا كاتب مستوي سادس ومراتي مستوي اول في الابليكيشن

يتبع

[midomansour]

كمان محدش ينكر فضل السيد منير و استاذ ناصر في المنتدي ده وانا اتعلمت منهم كتير في اجابتهم علي كل الاسئله وتعاونهم وحماسهم لكل الناس بلا استثناء

وكمان اخبار مدام جيسيكا اللتي دائما ما تبث الامل والاطمئنان في كل المنتدي

نرجع تاني لابو ظبي

الملحوظه الاهم ان الامارات دوله شديده في دخولها ومنفذ الدخول عليه شويه رخامه بالذات للوافدين بدون تأشيره دخول

يعني لما تحب تاخد تأشيره تاخدها افضل من السفاره ولو هناك اعذار فأمرك لله هتاخدها من المطار كما حدث لي

كمان ابو ظبي مدينه كبيره كلها ابراج وعمار والملاحظ ايضا ان شكلها مفيهاش اماراتيين لدرجه اني مشوفتش غير 2 عساكر بس همه الاماراتيين جوه البلد اللي بيحرسوا السفاره

طبعا غير اللي في المطار علشان الواحد يبقي دقيق

[midomansour]

موقع السفاره الكنديه هوه البرج الغربي لمول ابو ظبي التجاري

وخللي بالك ان هناك مول مارينا ابو ظبي بس مش هوه ده المقصود

السفاره الكنديه تقع في الدور العاشر وهيه مش كبيره قوي وكمان الحارسه اللب فوق فليبينيه

ميعاد الانترفيو الساعه الثانيه والنصف ظهرا طبعا المدام كانت مظبطاني وجايبه القميص والكرافته الجداد وشكلها نسيت مقاسي لدرجه ان بعد مالبست القميص والكرافته حسيت ان الكرافته كلت زماره رقابتي ولا عرفت ازمر ولا عرفت اتكلم ووشي احمر وممكن يقمروا عليه عيش او يحمروا عليه بطاطسايه

طبعا انا ما عملتش بنصيحه الاستاذ نصار اللي قعد يعيد ويزيد علي ان الواحد يلبس ملابس مريحه ويخليه كول بس كله بيعدي

يتبع

[bat man]

كمان محدش ينكر فضل السيد منير و استاذ ناصر في المنتدي ده وانا اتعلمت منهم كتير في اجابتهم علي كل الاسئله وتعاونهم وحماسهم لكل الناس بلا استثناء

وكمان اخبار مدام جيسيكا اللتي دائما ما تبث الامل والاطمئنان في كل المنتدي

نرجع تاني لابو ظبي

الملحوظه الاهم ان الامارات دوله شديده في دخولها ومنفذ الدخول عليه شويه رخامه بالذات للوافدين بدون تأشيره دخول

يعني لما تحب تاخد تأشيره تاخدها افضل من السفاره ولو هناك اعذار فأمرك لله هتاخدها من المطار كما حدث لي

كمان ابو ظبي مدينه كبيره كلها ابراج وعمار والملاحظ ايضا ان شكلها مفيهاش اماراتيين لدرجه اني مشوفتش غير 2 عساكر بس همه الاماراتيين جوه البلد اللي بيحرسوا السفاره

طبعا غير اللي في المطار علشان الواحد يبقي دقيق

مبرررررررررررررررررررررررررررررررررررررررررررروكككككككككككككككككك يا زميل لينا انا فايزر وحسام وكل الصيادلة الحلويين

الف مبروك

لو متجوز دخول الامارات تاشيرة مرور مش صعبة قوى هى ارخم مع الغير متزوجين ولو كنت على طيران الاتحاد تاخدها بسهولة

يا راجل مش عجباك ابو ظبى ددة كفاية شارع الدفاع بس الامارتيين الز شعب عربى ومعدهمش مشاكل 00 وزايد الصغير محبوب

مش احسن من المملكة ومول الاهرام فى جدة 0

مبروك والف مبروك وجديدة حكاية عصام على النت دى الساعة بكام دة الدنيا داخلة فى بعض فى مصر اتحسنت ع النت

وغريبة لحد علمى انة ملوش فى النت دا اتعلم امتى وانا كنت معاة شهر7 والكبيوتر بتاعة كان بايظ ولا ناس ناس

الحمد للة الف مبروك

[magedghonim]

دكتورنا ميدو منصور

الف مبرووووك وتسجيل متابعة باهتمام شديد

في ناس مستنية السي اس كيو على احر من الجمر زي ساعتدك

فارجو انك متبخلش علينا باي تفاصيل

وشكرااا لاهتمامك ومستنين بقية المقابلة مع الدروس المستفادة

وجزاك الله خيرااا

ومبرووووووووووووووووووووووووك

(بس سؤال اخير هو انت كنت مقدم فيدرال قبل كيبك)

[midomansour]

كمان محدش ينكر فضل السيد منير و استاذ ناصر في المنتدي ده وانا اتعلمت منهم كتير في اجابتهم علي كل الاسئله وتعاونهم وحماسهم لكل الناس بلا استثناء

وكمان اخبار مدام جيسيكا اللتي دائما ما تبث الامل والاطمئنان في كل المنتدي

نرجع تاني لابو ظبي

الملحوظه الاهم ان الامارات دوله شديده في دخولها ومنفذ الدخول عليه شويه رخامه بالذات للوافدين بدون تأشيره دخول

يعني لما تحب تاخد تأشيره تاخدها افضل من السفاره ولو هناك اعذار فأمرك لله هتاخدها من المطار كما حدث لي

كمان ابو ظبي مدينه كبيره كلها ابراج وعمار والملاحظ ايضا ان شكلها مفيهاش اماراتيين لدرجه اني مشوفتش غير 2 عساكر بس همه الاماراتيين جوه البلد اللي بيحرسوا السفاره

طبعا غير اللي في المطار علشان الواحد يبقي دقيق

مبرررررررررررررررررررررررررررررررررررررررررررروكككككككككككككككككك يا زميل لينا انا فايزر وحسام وكل الصيادلة الحلويين

الف مبروك

لو متجوز دخول الامارات تاشيرة مرور مش صعبة قوى هى ارخم مع الغير متزوجين ولو كنت على طيران الاتحاد تاخدها بسهولة

يا راجل مش عجباك ابو ظبى ددة كفاية شارع الدفاع بس الامارتيين الز شعب عربى ومعدهمش مشاكل 00 وزايد الصغير محبوب

مش احسن من المملكة ومول الاهرام فى جدة 0

مبروك والف مبروك وجديدة حكاية عصام على النت دى الساعة بكام دة الدنيا داخلة فى بعض فى مصر اتحسنت ع النت

وغريبة لحد علمى انة ملوش فى النت دا اتعلم امتى وانا كنت معاة شهر7 والكبيوتر بتاعة كان بايظ ولا ناس ناس

الحمد للة الف مبروك

الله يبارك فيك يا بات مان انت كمان شخظيه ظريفه ولك تعليقاتك الساخره ومبادئك الواضحه

شكرا ليك يا بات مان وربنا يتمملك علي خير ويجيلك الميديكال قريب

المهم نرجع للمقابله

الممتحنه او المستشاره سيده في اواخر التلاتينيات او اوائل الاربيعينيات اسمها دومينيك

دخلنا ليها انا والمدام بتاعتي اخر ناس

كان قبلينا واحد بياخد فيزا دراسه وجاي بياخد الاوراق بتاعته بس

وقعد معاها حوالي 20 دقيقه

الجو غريب ازاي بقي في ابو ظبي

1- الممتحنه بتكلمنا من وراس حاجز زجاجي يقسم الغرفه اللي فيها نصين

احنا قاعدين في نص وهيه قاعده في النص التاني

2- الغرفه صغيره نةعا ما ولما نحب نقدم مستندات نحطها في ممر صغير ونقفل

وهيه تفتح من الشباك وتستلمهم

بالظبط زي شبال البنك او لو حد بيشتري تذاكر مترو الانفاق

3- الممتحنه عرفتنا بنفسها وانا كاللذي فقد الذاكره معرفتش ارد ولا اقول اي حاجه ممكن من اثر الكرفته اللي كانت شنقاني والدم مش واصل للمخ

لقيت مراتي اللي هيه يدوبك بتعرف تنطق بتقولها انشانتيه رحت زايط معاها زي البغبغان وقولتلها انشانتيه مدام

الممتحنه كحت قالتلنا باردون انا ومراتي حلاقنا ولا قولنا اي حاجه

ماااااااااااااااااااا علينا

4- المقابله كان اظرف حاجه فيها ان الممتحنه بتقول اديني الورق وانا اقولها فوالاه

لغايه ما انا زهقت قولت انكشها ورزقي علي الله قولتلها قولتلها انا ب>لت مجهود جامد في السعوديه علشان اتعلم فرنساوي وانا معنديش وقت والجو حر وقولتلها لو رحتي السعوديه هتتعلمي الحياه من اول وجديد والجو حر وبنتنا كانت عامله زي الارنب المسلوخ في الحر واطرت مامتها تنزل مصر بيها

طبعا الست سابتني اخلص كلام خالص وبعدين قالتللي انها ايضا تعاني من الحر وعندها برد والجو لا يطاق في الخليج

وبعدين قالتللي مستواك اتحسن كثير في الفرنساوي

وسألت المدام بتاعتي ان مستواها ماتقدمش ليه قالتلها انها كانت في مصر

وانا رشقت وقولتلها هيه ولدت وكانت بتعتني بالطفله

قعدت تحسب شويه في شهادات الخبره ودرجاتنا المهم قولتلها هنعدي ولا ايه؟

قالتللي ماتقلقش انت مستواك كويس في الفرنساوي لكن مراتك عاوزه مجهود راحت مراتي رده عليها بانجليزيه صحيحه انها ستتعلم الفرنسيه علشان هتعيش في مجتمع فرنسي اساسه الفرنسيه

طبعا الوقت كان اتأخر وكمان قالتللي هنتأكد من شهاداتك وهنبعتلك في اقرب وقت

[midomansour]

دكتورنا ميدو منصور

الف مبرووووك وتسجيل متابعة باهتمام شديد

في ناس مستنية السي اس كيو على احر من الجمر زي ساعتدك

فارجو انك متبخلش علينا باي تفاصيل

وشكرااا لاهتمامك ومستنين بقية المقابلة مع الدروس المستفادة

وجزاك الله خيرااا

ومبرووووووووووووووووووووووووك

(بس سؤال اخير هو انت كنت مقدم فيدرال قبل كيبك)

ربنا يخليك يا ماجد وشكرا علي مباركتك

بالنسبه لسؤالك الاجابه تونس قصدي نعم

كنت مقدم فيدرالي شهر 8-2008 وطبعا جالي رفض في شهر 3-2009

نكمل باقي القصه

شكرنا المدام ومشينا وبصراحه كنا مبسوطين مهلسناش كتير

وكنا كويسين

روحنا ورجعنا علي السعوديه بعديها ب 3 ايام جالي ايميل بيقول لنا انه تم اعطائكم شهاده سي اس كيو وسيتم ارساله لاحقا

اول امس جاء ظرف كبير من سفاره كيبيك فيه جميع الاوراق من شهادات وخلافه

في النهايه هي دي رحله ابو ظبي

[montrealAlex]

بمناسبة وجود مستشار هجرة جزائرى فى كوين سنتر -- وبمناسبة ان مقابلتى قبل ماتش الجزاير بيومين فى ال كوين سنتر

علشان مقابلة ابيعك يا بلدى

دا مفيش حد عارف غلاوتك عندى

دى بلد البية والباشا والافندى

لا مش ممكن ابيعك يا بلدى

مصر امنا واحنا ولادها

تونسى جزايرى يرفضنى بسببها

حياتنا ودمنا فدى ترابها

مصر حتكسب ونفرح ساعتها

لا مش ممكن ابيعك يا بلدى

[midomansour]

مش عارف حاسس ان نهيت السرد نهايه غير رومنسيه

ماااااااااااااا علينا

احب اشكر في النهايه زي برنامج ماما نجوي وماما ساميه كل من

الاستاذ ناصر

السيد منير

د قناوي

مدام جيسكا وبات مان والاهلاوي كمان المهندس اشرف سليم

المهندس ايهاب وطبعا مذكرات الدكتور الشامي

تصبحوا علي خير

متهيألي نهايه احسن شويه

[bat man]

بمناسبة وجود مستشار هجرة جزائرى فى كوين سنتر -- وبمناسبة ان مقابلتى قبل ماتش الجزاير بيومين فى ال كوين سنتر

علشان مقابلة ابيعك يا بلدى

دا مفيش حد عارف غلاوتك عندى

دى بلد البية والباشا والافندى

لا مش ممكن ابيعك يا بلدى

مصر امنا واحنا ولادها

تونسى جزايرى يرفضنى بسببها

حياتنا ودمنا فدى ترابها

مصر حتكسب ونفرح ساعتها

لا مش ممكن ابيعك يا بلدى

يا حلوة يا بلدنا يا نيل سلسبيل بحبك انتِ رفعنا راسنا لفوق لو الزمن ليّل ما يرهبنا ليل شوقنا في عروقنا يصحّي شمس الشروق الحلوة قلب كبير يضم الولاد و زاد و زوادة و ضِلة و سبيل الموت و الاستشهاد عشانها ميلاد و كلنا عشّاق ترابها النبيل

[bat man]

ا[size="6"]لى كل الصيادلة الكيبكواز مستقبلا

اهنيكم جميعا لانكم رفعتم لراسنا لفوق نحن معشر الصيادلة

ونهتف ونقول

ولو ولو الصيادلة واكلة الجو

فايزر فارس الصيادلة

حسام ايوب الصيادلة

ميدو منصور قاهر دول البترول

والعبد للة

[Rock]

لية كدا لية كدة :sad:

اية ياخوانا ,مفيش اطباء يرفعوا راسنا ولا اية

كلها لازم نروح نكلم حمدي السيد :D

يارب دايما الناس كلها مبسوطة دايما ha)