ابشرو مقابلات كيبك الجديدة مارس 2009

[حسام يوسف]

الفين مبروك .......... يا د / حسام ........ ربنا يكلمهالك على خير يا رب :lol: :lol:

الله يبارك فيك يا عم جيمي

[حسام يوسف]

مليون مبروك يا دكتور حسام وعقبال الميدكال

و عقبال منتريال اليكس و استورفى

الله يبارك فيك يا عم هارفي

دعواتكم لصديقي خالد من خارج المحاورات بكرة الصبح

[حسام يوسف]

الحمدلله رب العالمين

الحمدلله

الحمدلله

توفيق ربنا ودعواتكم الجميلة

جعلت السي اس كو لي

أشكر كل الأخوة والأخوات الأفاضل الزملاء بمنتدانا الجميل محاورات المصريين

مش قصدي أعمل محمد لطيف

بس دي الحقيقة

لولا توفيق الله ما نجحت

وأيضا الفضل لدعواتكم الرائعة

ومجهودات كل من سبقونا الى كندا أو الكيبيك

سأبدأ سرد المقابلة وظروفها

يفترض انى مستوي سادس فرنسية فى الطلب

ويفترض أيضا أن زوجتى ثالث

وسننا دون ال35

وانجليزيتى جيد جدا

والعبد لله صيدلي بخبرة أكثر من الأربعة سنوات التى تضمن الحد الأقصي للدرجات التسع

وزوجتى خريجة علوم الأزهر وعملت لمدة 3سنين ونصف فى مركز المعلومات التابع لمحافظة الدقهلية التى رفض مسئولوها اعطائنا شهادة خبرة بالفترة التى عملتها

واكتفوا مشكورين بنصيحة تقترب من لهجة الأمر

بلا هجرة بلا بتاع

مصر أحسن

دي الصورة قبل المقابلة

مع لخبطة غير عادية في الشهر الأخير فى ظروف شخصية وعائلية من مرض حمايا الصعب

الى مشاكل ومهاترات تفقد أى انسان أى تركيز

واختتمت الظروف الصعبة فصولها بكسر فى ساعد ابنى الأيمن

والتهاب حاد فى البلعوم للعبد لله قبل المقابلة بليلتين فقط

ليست شكوى

بل مجرد وصف

والحمدلله على كل حال

دخلت السفارة الكندية من الباب الخلفي الخاص بالكيبيك في الثامنة صباحا

ومفيش دقيقة واحدة بعد ما قعدنا فى الهول

اسمع صوت مسيو حسن حسام

ماشي

توكلنا على الله

وجدت السيدة آن تنادينا وتصطحبنا الى السلم بدلا من المصعد

وبعد أن لاحظت حمل زوجتى اعتذرت بشدة وهونت عليها الامر بأنه مجرد طابق واحد

وفى الممر قبل الوصول للمكتب باغتت زوجتى بسؤال بالفرنسية

واضح ان علاقتك محدودة باللغة الفرنسية

وأفاجأ بأن زوجتى فهمت السؤال خطأ وأجابت بكل ثقة

نعم

يادي الصباح

واحد صفر

والجون جابه الباك فى نفسه بدون ضغط

حاولت حين الوصول للمكتب أن أخفف من الوضع وأشرح بالفرنسية انها مبتدئة وليست صفرا

فسألتها ثانية وكان الهدف الذاتي الثاني طبق الاصل من الأولانى

قلت خلاص

كمل بشرف ولا تنسحب

بدأت تسألنى عن أوراقي

في البداية كنت مرتبكا بعد الجونين اللى فاتوا

لكن شوية شوية الأمور مشيت

الحقيقة هية متعاونة جدا

لهجتها ليست صعبة

ثم سألتنى ما هذا

فجاوبت أن هذة شهادة الخبرة

قالتلى أمال دي ايه

قلتلها دي شهادة الخبرة برضة يوم ما قدمت الملف بتاعي

مسكت الشهادتين العربي وقالتلى

مسيو

هم ليسوا متطابقين

وبعدين بقى

حضرتك دول من وزارة الصحة المصرية

والفرق في التواريخ بس

بقيتها بتشاور على العنوانين وبتقول هنا الفرق

الشهادتين مكتوب عليهم

شهادة خبرة لصيدلي

القديمة فيها نقطتين تحت الياء فى آخر كلمة صيدلي

والجديدة مافيهاش

وقالتلي

أو ويسك لي دي بوا؟

أين النقطتين يعنى؟

ابتسمت وقلت ان دي طرق كتابة بالعربية

ومفيش فرق بينهم

وتقدري حضرتك تسألى أى مصري في السفارة

بعدها أسئلة عادية لية عن هتعمل ايه فى الكيبيك

جاوبت عن المعادلة

والعمل

وفردت بقى حبة الورق من ع النت اللى طابعهم

وأنا بتكلم لقيتهم بتديني ورقتين أمضيهم بتوع قيم الكيبيك والفلوس

يااااااااااااااااااااااااااااااااه

الكورة خلاص أهي على الخط

وفاضل ع الحلو دقة

قالتلى اكتب الورق ده وسيبني أتكلم مع زوجتك

ولا تتدخل

اتكلمت أم محمد أحسن شوية

وتوقفت عن الأهداف الذاتية والارتباك

طبعت السي اس كو للعائلة الصغيرة

وركزت على ضرورة تحسين اللغة لدينا

وهنأتنا

وأنا لا أصدق

أخيرا

هناااااااااااااااااااااااااااااااااااااااااااااااااااااااااااااااااااااااااااام

كلمة أخيرة

كل كلمات الشكر لاتكفي لكم

وأستغرب ممن يسمونه بالافتراضي

حقيقة لقد وجدت أخوة لي لو بحثت عنهم كل عمرى فلن أجدهم

لن أجد كل هذة الدعوات

والأمنيات

والحب

والاحترام

حقيقة لم أكن أتصور كل هذة المشاعر الرائعة الجميلة

ولم يكن مكسبي فقط النجاح فى المقابلة

المكسب الحقيقي هو أنتم

أتمنى أن نكون جالية قوية متعاونة فى أرض أحلامنا

وأتمنى أن نستمر على دعائنا لمن سيدخلوا المقابلات فى القاهرة أو دمشق

يوم الأحد لصديقي خالد الأسود

والثلاثاء لعالم الفضاء فى المنتدي عم استروفي

ومن سيليهم فى الانترفيوهات

صدقونى

الدعوات لها مفعول السحر

وتحياتى لكم جميعا

الف مبروك يا دكتو ر حسام وعقبال تالميديكال والفيزا ان شاء الله

jmb-) gra:- bnd5:: :waf:

الله يبارك فيك يا عم فرانسوا

[حسام يوسف]

ياريت يا جماعة يتحط جدول بترتيب اللى هيمتحنوا من الزملاء فى دمشق أو القاهرة عشان نعرف نتابعهم وندعيلهم

وأسألكم الدعاء بكرة لصديقي خالد فى مقابلته بالقاهرة

[أختكم المصرية]

ربنا يكرمك ياستاذ حسام

جاوبت باستفاضة معلشى اعذرنا على التفاصيل فى الاسئلة هو بس الواحد مرعوب واعصابه بايظة بس انا املى فى ربنا كبير

وبفضل دعواتكوا ان شاء الله نعدى كلنا على خير

انا اول واحده هكتب ميعادى اهو

9/11 كوين سنتر سوريا

والف سلامه على محمد وربنا يباركلك فيه

[حسام يوسف]

شد حيلك يا حسام باشا -- مبروك مقدما -- علشان اكون اول واحد ببارك -- ان شاء الله

كيبيك هى حلمى اللى لسه مانمتش علشان اشوفة

هى جنينة الورد والجنة والمكان اللى نفسى اطوفة

سقعة برد تلج المهم اجيلك عندك هناك

واقفة وسط كندا زى الملاك

طول عمرى بحبك ومبحبش سواك

جايلك ونفسى امشى فى كل شارع وكل حارة

وانا عارف ان الجو تلج ومافيش حرارة

بس لازم الاول اجيب مفتاحك من فندق روتانا

و عجبى

كلنا مستنيين نجاحك بكرة يا حسام

علشان نبات فى فرح وسعادة ووئام

بكرة من الصبح جرى على السفارة وشد اللجام

لو سألتك عن اى خرم فى ملفك اديها بنطة لحام

دا انا جاى اشرحلك واغنيلك اجمل الالحان

نفسى ارجع بلدنا وانا فرحان

ادينى الموافقة بسرعة عايز الحق الصلاة فى اسوان

اتشرف ان اكون اول واحد بارك

الشرف ليه أنا يا عم مونتريال أليكس

تحياتى

وخالص أمنياتي ليك ولكل الاخوة بالنجاح

ونبقى عزوة الخونة

[bat man]

;

]كلنا جميعا ندخل ونشوف انتى بتسالى لية يا مدام جيسكا وبعدين حد يفهم غلط ويتكلم تقولى اة انا اعصابى باظت

اخويا بات مان اولا انا مبفهمش نص كلامك العربى سورى

فمش فاهمة انت زعلان انى سالت؟

ولا خايف عليا حد يترجم الكلام غلط وانا اعصابى تبوظ؟

لو كنت زعلان انى سالت متزعلش انا بستفسر لانى مفهتش تحديدا الجملة دى وكنت بسال علشان الناس اللى هاتقدم فيدرال لو كانوا هيتعافوا من الرسوم لان كذا حد سالنى وعايز يطمن

ولو حضرتك معندكش رد استاذ منير هايوضحلنا الامور.

ولو خايف اعصابى تبوظ متقلقش مش هاتبوظ لان اصلا الموضوع ملوش علاقة بية تماما

انا عديت المرحلة دية

شكر

جيسيكا انا مش زعلان وما بزعلش من الاخوة خصوصا

بس فعلا احنا كلنا بننقل من بعض ومش بندخل ع اللينك وخصوصا كلامة كتير قبل وبعد القرار

وكلنا مرتبطين بية وخصوصا انة بيقول نصا للناس اللى قبل وبعد واثناء القرار ح يتسرع لهم وطبعا وفق معايير القانون الجديدة

ويا رب همة محتاجين كتييررر ويسرعوا شوية000 دول بيفكرونى بعربي بحمار طالعة مطلع وهة كل شوية يضربوا فى الحمار ويطلع بالعافية ههههههههههه

[jessika]

الفكرة انى دخلت وترجمت النص كلة وفى نقط مش مستوعباها علشان كدة سالت

فعلا مش فاهمة لغاية دلوقتى الكلام دة احنا اللى فى مرحلة الفيدرال لينا علاقة بية؟

واللى لسة عاملين مقابلات وهايقدموا فيدرال؟

الموضوع محتاج توضيح شوية من واحد زى السيد منير لانة استاذ فرنساوى وكمان بيقرا كل كبيرة وصغيرة

نتمنى انة يظهر ويوضحلنا

[Rock]

يا ريت يا اخوانا اللي هايوضح التغييرات ,يوضح تاثيرها علي كافة الاصعدة بمعني :- علي اللي لسة هايقدم واللي اللي قدم و مستني المقابلة واللي معاة ال سي اي كيو و هايقدم فيدرال و اللي قدم فيدرال و مستني الميديكال

و ربنا يعوض تعب محبتكم شكرااا

[elzaaeeem]

يا جماعة التعديلات دى محدش هيحس بيها ولا هتبدأ تطبق قبل بداية سنة 2010 ده كان مكتوب فى الأول خالص عند الأستاذ كابتشينو فاأصبروا لحد يناير وهتلاقوا ان شاء الله مزراب الميديكال فتح زى ماحصل فى المقابلات.......................يارب

[ميشو سلام]

انا ميعادى فى سوريا

عاوزين الاخ هانى متولى يحكى لنا عن اللى حصل هناك

ياريت بلاش تطنشونا

[الرحالة باشا]

إيه حكاية ال TCF دي كمان

الله يخليكم يا جماعة أنا جتتي مش خالصة كفاية الفرنساوي اللي مطلع عيني وجابلي شلل رعاش في كل جسمي حتي في عضلات المخ( إيه ده هو فيه عضلات في المخ هو أنا أتجننت ولا إيه) أسترها يارب

أسيبكم بقي علشان عندي جالسة مع دكتور نفساني بيحاول يعالجني من الفرنساوي والظاهر إنه هايعالجني من ال TCF عن قريب

ياااااااااااااااااااااااااااااااااااااااااااااارب أنت الشافي

[ميشو سلام]

ربنا يكرمك ياستاذ حسام

جاوبت باستفاضة معلشى اعذرنا على التفاصيل فى الاسئلة هو بس الواحد مرعوب واعصابه بايظة بس انا املى فى ربنا كبير

وبفضل دعواتكوا ان شاء الله نعدى كلنا على خير

انا اول واحده هكتب ميعادى اهو

9/11 كوين سنتر سوريا

والف سلامه على محمد وربنا يباركلك فيه

ممكن ايه الاسئلة الانجليزى وحضرتك مهندسة ولا صيدلاني وهل المهندسين درجاتهم كم ؟

وانا معايا مستوى خامس بس وكاتب سادس مش معايا tcf هو مهم ده ؟

[ميشو سلام]

ربنا يكرمك ياستاذ حسام

جاوبت باستفاضة معلشى اعذرنا على التفاصيل فى الاسئلة هو بس الواحد مرعوب واعصابه بايظة بس انا املى فى ربنا كبير

وبفضل دعواتكوا ان شاء الله نعدى كلنا على خير

انا اول واحده هكتب ميعادى اهو

9/11 كوين سنتر سوريا

والف سلامه على محمد وربنا يباركلك فيه

ممكن ايه الاسئلة الانجليزى وحضرتك مهندسة ولا صيدلاني وهل المهندسين درجاتهم كم ؟

وانا معايا مستوى خامس بس وكاتب سادس مش معايا tcf هو مهم ده ؟

[harveyhanna]

لو سمحتم يا جماعة اللى عندة معلومات عن التغيرات الجديدة بعد 14/10 يا ريت يوضحلنا

و امتحان tcf هيبقى اجارى زى الايلتس فى الفيدرال؟؟

[gboutros]

ازاى الكلام دة للناس الحاصلين على السى اس كيو بردو يا بات مان؟

اللى فهمتة انة بيتكلم عن شروط جديدة للى هايقدم بعد 14\10

ان مطلوب 50 درجة من العازب و57 من المتزوج

وان المتزوجين زوجاتهم واطفالهم معفيين من الرسوم

بس ياترى اللى خد السى اس كيو بعد 14\10 معفى من رسوم الفيدرال بردو زى كيبك؟

ياريت توضح النقطة دى.

حاجة تانى لفتت نظرى انهم هايلغوا معظم المقابلات صح كدة ولا اية؟

وياترى متوقفة على اية؟

نتمنى تعليق السيد منير على الاخبار دى لانها جامدة

ازيك يا جيسيكا ، عامله ايه؟

انا جورج ، احنا كنا اتكلمنا في منتدى ثاني و نصحتيني اعمل امتحاان تحديد مستوى علشان اقدم الورق بقلب جامد، فاكرة؟

المستوى بتاعي طلع :DELF B2

ينفع ده و لا لأ؟

المهم رداً على سؤالك:

الموضوع ده مالوش علاقة بالفيدرال خالص ، ده بس علشان السي اس كيو

انا كتبت تعليق على الموضوع ده في : http://www.egyptiantalks.org/invb/?showtopic=88810

انا بس مش فاهم حتة رسوم الفيدرال اللي انتي كتباها، ممكن تديني مصدر المعلومة دي و انا اترجمه و اشرحه بالكامل؟

و للحديث بقية

ربنا يوفق الجميع

[gboutros]

ايها الاخوة و الاحباء،

برجاء قراء التوبيك بتاع الاستاذ نصار لانه فيه معلومات مهمة عن التغييرات الاخيرة

http://www.egyptiantalks.org/invb/?showtopic=88810

من الاخر ، هما عايزيين ناس بالهبل و فاتحيين ذراعتهم على الاخر لينا

القوانين الجديدة تم تنفيذها على اللي قدموا بعد 14اكتوبر

و هي خاصة بال CSQ فقط

موضوع يناير 2010 ده خاص فقط بالطلبة و العاملين الموجودين بكيبيك

الف مبروك التعديلات الجديدة و اللي هتبقى السبب اننا نسافر كلنا ، المهم شدوا حيلكم في الفرنساوي

ربنا يوفق الجميع[

تم تعديل 31 أكتوبر 2009 بواسطة gboutros

[bat man]

ده حساب الدرجات من موقع الهجره الرسمي لكيبيك

http://www.immigration-quebec.gouv.qc.ca/p...le-synthese.pdf

ودي ليستة الوظائف من موقع الهجره الرسمي لكيبيك

http://www.immigration-quebec.gouv.qc.ca/p...e-formation.pdf

تابع اخر تعديل 14- 10 - 2009

حسب الكلام بتاعهم، و باختصار http://www.cicnews.com/2009/10/quebec-immi...ants-10742.html

1- التقييم للاعزب بقى 55 بدل 59

2- التقييم للمتزوج بقى 63 بدل 68

3- تم زيادة عدد المؤهلات المعترف بها و كذلك سوف يتم قبول بعض المؤهلات و الدبلومات ( سنة و سنتين ) http://www.canadavisa.com/quebec-immigration-education.html

4- تم تغيير تقييم السن للافضل يعني : http://www.canadavisa.com/quebec-immigration-age-factor.html

to 35 years of age 16 points

36 years of age 14 points

37 years of age 12 points

38 years of age 10 points

39 years of age 8 points

40 years of age 8 points

41 years of age 4 points

42 years of age 2 points

43 years of age or older 0 points

طبعاً الاولوية في البروسيسينج لليستة الاشغال اللي بتتغير كل فترة ، و مش حسب تاريخ التقديم

ولكن الباقى ح يمشى برضة وبنفس السرعة بس المطلوبيين اسرع

[dr alaa pharma]

السلام عليكم و رحمه الله وبركاته

انا عارف ان المنتدى ما شاء الله عليه اهل الكرم

اخوكم صيدلى مقيم فى السعوديه ( اقصد فى المنفى ) و مقدم الهجرة لكيبيك و هنا مفيش اى مجال للفرنساوى ولا اى مجال للتحضير للمقابلة حتى لو فيه مفيش وقت

والله انا معتمد على الله ثم عليكم فى الموضوع ده

حتى والله النت صعب عندى هنا

ارجوكم ارجوكم اللى عنده اى ورق مهم للتحضير للمقابلة يرسله على اليميل alaahelmy73@yahoo.com

وجزاكم الله خيرا

[jessika]

السلام عليكم و رحمه الله وبركاته

انا عارف ان المنتدى ما شاء الله عليه اهل الكرم

اخوكم صيدلى مقيم فى السعوديه ( اقصد فى المنفى ) و مقدم الهجرة لكيبيك و هنا مفيش اى مجال للفرنساوى ولا اى مجال للتحضير للمقابلة حتى لو فيه مفيش وقت

والله انا معتمد على الله ثم عليكم فى الموضوع ده

حتى والله النت صعب عندى هنا

ارجوكم ارجوكم اللى عنده اى ورق مهم للتحضير للمقابلة يرسله على اليميل alaahelmy73@yahoo.com

وجزاكم الله خيرا

دكتور فارما السايت دة مش هايخليك تحتاج لاى كورس

وهتلاقى فية مقابلات فيديو تسمعها وتقراها كمان من اول اسمك اية لغاية كل حاجة واى حاجة

مقابلات مع سيدات ومع رجال

اتمنى اكون قدرت اقدم اى مساعدة

بالتوفيق :closedeyes:

http://www.laits.utexas.edu/fi/index.html

تم تعديل 1 نوفمبر 2009 بواسطة jessika