ابشرو مقابلات كيبك الجديدة مارس 2009

[Nassarlink]

يبقى واضح من كلامك يا مهاجر ومن اللى حصل معانا بردو ان اللى بيقدم شهادة لغة كويسة بيدولة الدرجات بتاعتها علطول يعنى هى تسعة وبعتت الشهادة كمان وزوجى خريج فرنساوى فاعتقد انهم بيهتموا باللغة فى المقام الاول اللى هو اساس المقابلة وبما ان باقى العناصر متوفرة من سن وغيرة يبقى هيحتاجوا لمقابلة لية

نقطة تانى للاستاذ نصار الاصول مش مهمة انا كمان باعتين كل الصور مش الاصول

كلامك كده معناه ان كل الي يهمهم مستوي اللغه انه يكون مثبت

رغم ان اول جمله بنسمعها في المقابله هي

انت هنا علشان نتأكد من اصول مستداتك

لكن عموما الحمد لله انهم ماشين بالنظام ده

المهم ان في ناس هتترحم من المقابله اللهم لاحسد

[jessika]

الكلام دة على حد استنتاجى الشخصى علشان بردو الناس متخدش بية انة كلام مصدق مليون المية بس بحاول استنتج من خلال تجربتى وموقف اخت مهاجر

وربنا يسهل الحال للجميع

[jessika]

سامحنى يا استاذ نصار

مرحبتش بالمدام سعاد معلش الظروف اليومين اللى فاتوا زى ما انت عارف كانت قالبة دماغنا كلنا وهى جات واشتركت فى وقت كان صعب شوية

عموما اهلا بيكى ونورتينا طبعا وكلنا اخواتك ومبسوطين بيكى

اى خدمة يا استاذ نصار انت بس هات العيلة كلها ولا يهمك

[Phizer]

والله خبر جميل بس على فكره مفيش اي تفسير للي بيحصل ده

فعلا زميل لي صيدلي ومراته صيدلانيه وسنهم الاتنين اقل من 35

ومعاهم بنتين والزوج كاتب انه 9 بناء على شهاده برضه من المركز ومراته سبعه برضو بشهاده

وباعتين اصول الورق في اكتوبر 2008 ولا في اي حاجا مجلهمش غير الفايل نمبر

[Nassarlink]

سامحنى يا استاذ نصار

مرحبتش بالمدام سعاد معلش الظروف اليومين اللى فاتوا زى ما انت عارف كانت قالبة دماغنا كلنا وهى جات واشتركت فى وقت كان صعب شوية

عموما اهلا بيكى ونورتينا طبعا وكلنا اخواتك ومبسوطين بيكى

اى خدمة يا استاذ نصار انت بس هات العيلة كلها ولا يهمك

كلك زوق واخلاق

المهم اعملي حسابها في السندوتشات والعصير

ولو اني مش ضامن انك تكوني معانا في نفس الطياره بتاعت مونتريال بعد الي سمعته منك عن نيتك انك تخلعي علي اونتاريو

[السيد منير]

يا جماعة انا جايب لكم خبر حلو وبشرة خير

اخت مراتي مقدمة كيبيك من مصر يوم 12-2 -2009 وبكرر 2009 وجالهم امبارح السي اس كيو

:lol: ومحدش يقولي ازاي

مع العلم اني مقدم يوم 3-1-2009 وجالي رقم الملف قبلهم

لو حد عنده تفسير عن السرعة الجبارة دي يقولي ويطمني ويطمن الناس

4.3.1.2 Sélection sur dossier

Le candidat peut être admissible à la sélection sur dossier s’il répond aux deux

conditions suivantes :

il satisfait au seuil de passage en sélection dès l’étape de l’examen préliminaire

(sans avoir besoin des points au facteur Adaptabilité);

son dossier est complet et ne requiert aucune vérification supplémentaire

(notamment de ses connaissances linguistiques) ou si les renseignements

manquants peuvent être transmis par le candidat dans un délai de 90 jours;

دى شروط النجاح من غير مقابلة

الترجمة (بتصرف للتوضيح مع مراعاة انى مش اوى فى العربى)

يمكن للمرشح ان يكون موضع اختيار بناء على الملف اذا وفى الشرطين الاتيين

1- انة يصل لدرجة الاختيار منذ مرحلة الفحص المبدئى(دون الحاجة الى درجات التكيف)

2- ان يكون ملفه كاملا والا يتطلب اى تحقق للمعلومات وبصفة خاصة قدراته اللغوية . او اذا استطاع الشخص ان يمد المعلومات المطلوبه منه فى خلال 09 يوم

********************************************************************************

*******

تعليق:

موضوع الاختيار بناء على الملف حديث نسبيا بالنسبة لمنطقة الشرق الاوسط بسبب ان تعديل لائحة الهجرة تعود الى2008 وخاصة فى شهر مايو ولكنه موجود قبل ذلك بس طبعا للى مقدم من فرنسا بلجيكا والدول الفرانكفونية اللى لغتها الاصلية الفرنسية

** اللى بيحصل ان موظف الهجرة بناء على الوثائق المقدمة اليه بيعطى درجات او بمعنى اصح بيغذى السيستم بالمعلومات فى الملف الالكترونى لطالب الهجرة واذا وصل الى درجة النجاح من غير مقابلة يعنى "(68 لو متجوز) (59 لو عاذب) هنا موظف الهجرة من حقه يعطى السى اس كيو للطالب لو تحقق الشرطين اللى قولنا عليهم - دى بترجع لجدعنة الموظف او بمعنى اكثر واقعيه لرؤيته واحساسه بصدق المستندات وان خلاص مش محتاج مقابلة

طبعا لو فسرنا الموضوع دة على انه تساهل من قبل كيبك او عدم دقة نبقى غلطانين لسببين الاول ان الناس بتفترض الصدق فينا وهموا نا س محترمة بيعطوا لكل واحد حقه والتانى وهو الاهم ان الفيدرال بيشيك وراهم لانك رايحله بعد كيبك وخيوط اللعبة معاه هو الفيزا عنده-كيبك دورها انتهى بعد السى اس كيو انما الفيدرال هو اللى هيسفرك (بعد الفيزا) او يسفرك(يديك استمارة6) وربنا يستر ويكملها على خير وفى النهاية افضل قدر اللى ربنا اختاره لنا حتى لو شوفنا انه مش على هوانا

[حسام يوسف]

اليوم كان فيه مقابلات لتلاتة من اسوان

والتلاتة لا خدوا السي اس كو

ولا اترفضوا بشكل رسمي

واتقالت لهم اجابة واحدة

هاتوا شهادات تثبت دراستكم للفرنسية

ومعرفتش استوضح أكتر من كدة لسوء الحالة النفسية ليهم

وسأوافيكم بالأخبار والتفاصيل فى أقرب فرصة

[Nassarlink]

اليوم كان فيه مقابلات لتلاتة من اسوان

والتلاتة لا خدوا السي اس كو

ولا اترفضوا بشكل رسمي

واتقالت لهم اجابة واحدة

هاتوا شهادات تثبت دراستكم للفرنسية

ومعرفتش استوضح أكتر من كدة لسوء الحالة النفسية ليهم

وسأوافيكم بالأخبار والتفاصيل فى أقرب فرصة

استر يارب

انا مش عارف هم حنبليين ليه كده

هم مش كان معاهم شهادات دراسة للغه

ولا كان في فرق في المستوي المكتوب في الابلكيشن والمستويات الي درسوها

الله يكرمك لو عرفت حاجه قولنا بسرعه

تم تعديل 13 مايو 2009 بواسطة Nassarlink

[jessika]

يوم 10\5 كان فى مقابلة لشخص ما متزوج وبيشتغل مدرس كيميا وعندة اطفال

اتاخرت علية سابرينا ساعة الا ربع ولما دخلت قالت لية باقى على معاد اللى بعدك عشر دقايق ومفيش وقت

وهاتكلم معاك عربى بس

هو خاف يرد عليها عربى فهى سالت عربى وهو رد فرنساوى

قالتلة انت حافظ وحتى الفرنساوى بتاعك مش مقتنعة بية

وطبعا رفضتة .........وياعالم السبب الحقيقى اية هل هى مكنتش مرتاحة لملفة وواخدة قرار من الاول وبتتلكك فتاخرت علية

يا عالم

[السيد منير]

اليوم كان فيه مقابلات لتلاتة من اسوان

والتلاتة لا خدوا السي اس كو

ولا اترفضوا بشكل رسمي

واتقالت لهم اجابة واحدة

هاتوا شهادات تثبت دراستكم للفرنسية

ومعرفتش استوضح أكتر من كدة لسوء الحالة النفسية ليهم

وسأوافيكم بالأخبار والتفاصيل فى أقرب فرصة

لازم ناخد بالنا ياجماعة ان الشهادات المعتمدة عندهم هى الدلف والتى سى اف انما مستويات المركز الثقافى الفرنسى غير ملزمة باعطاء درجات ولذلك الناس تحاول على قد ما تقدر تاخد دلف. المستويات لاثبات انك اجتهدت فى دراسة اللغة ليس الا ومحدش يفهم انى بياسه دا الواقع وربنا يستر والناس ربنا يكرمها جميعا يارب وما يضيعش تعب حد وهى قسمة ونصيب قبل اى شئ اخر

[السيد منير]

يوم 10\5 كان فى مقابلة لشخص ما متزوج وبيشتغل مدرس كيميا وعندة اطفال

اتاخرت علية سابرينا ساعة الا ربع ولما دخلت قالت لية باقى على معاد اللى بعدك عشر دقايق ومفيش وقت

وهاتكلم معاك عربى بس

هو خاف يرد عليها عربى فهى سالت عربى وهو رد فرنساوى

قالتلة انت حافظ وحتى الفرنساوى بتاعك مش مقتنعة بية

وطبعا رفضتة .........وياعالم السبب الحقيقى اية هل هى مكنتش مرتاحة لملفة وواخدة قرار من الاول وبتتلكك فتاخرت علية

يا عالم

الرفض سببه واضح داخل الكلام ان هى لم تقتنع بمستواه فى اللغة الفرنسية ربنا يعوض عليه ويرزقه من باب تانى واكيد خير هو قدر ربنا لابد ان ينفذ مهما كانت الوسائل اللى بتحقق هذا القدر وبعدين هو ان شاء الله اما يجيله جواب الرفض هيكون فية السبب وملاحظات المستشارة على الملف ايجابيا وسلبيا

[bermawy]

السلام عليكم ورحمة الله وبركاته

محش يعرف مواقع ابحث فيها عن وظائف غير emploiquebec

افيدوني وجزاكم الله كل خير

[qenawy]

ان شاء الله ربنا يكرم الجميع

انا لي راي في المداخلة اللي فاتت

المطلوب عدم الفلسفة

قالت عربي قول ماشي يا اخي فرصة وجاتلك تتكلم لغتك ليه

القصد

الواحد يا جماعة يكون محنك

ومعلش خيرها في غيرها

[جيمي]

يوم 10\5 كان فى مقابلة لشخص ما متزوج وبيشتغل مدرس كيميا وعندة اطفال

اتاخرت علية سابرينا ساعة الا ربع ولما دخلت قالت لية باقى على معاد اللى بعدك عشر دقايق ومفيش وقت

وهاتكلم معاك عربى بس

هو خاف يرد عليها عربى فهى سالت عربى وهو رد فرنساوى

قالتلة انت حافظ وحتى الفرنساوى بتاعك مش مقتنعة بية

وطبعا رفضتة .........وياعالم السبب الحقيقى اية هل هى مكنتش مرتاحة لملفة وواخدة قرار من الاول وبتتلكك فتاخرت علية

يا عالم

لا انا شايف ان هوه اللى عملها فى نفسه واحد جتله هديه من السما ورفضها ........ووجه ليها اهانه كمان...... هوه فاكر ايه ؟؟؟ان هى بتوقعو فى الكلام مثلا...ولا بتهذر معاه ؟؟...كلمنى عربى ؟؟؟؟لألأ انا عارف انك بتضحكى عليه :happy: ده انا واد برم وافهمها وهى طايره :wub:

يا جماعه الناس دول معندهومش خداع ولا لف ودوران ................الله يخرب بيت اللى زرع جوانا عدم الثقه وطبعنا بالطبع البايخ ده

اظن انه ممكن يعمل تظلم ويحاول مره تانيه ...او على اسوا الظروف اظن انه ممكن يقدم تانى وربنا يعوض عليه خير ان شاء الله

[السيد منير]

السلام عليكم ورحمة الله وبركاته

محش يعرف مواقع ابحث فيها عن وظائف غير emploiquebec

افيدوني وجزاكم الله كل خير

ممكن

مش هتلاقى حاجة مناسبة لوضعنا غير فى emploiquebec انا عارف انه صعب تلاقى فى مجالنا عروض كتير بس دور كويس والرابط ده فية عرض عمل كويس ليك وطلباته حنينة خد بالك مش اى عرض تكتبة وتطبعه وخلاص لازم يبقى مناسب ليك انا هجيبلك الصفحة كلها لان الرابط طويل جدا

[الأهلاوي الأصيل]

عندي ليكوا هدية سريعة كده على الماشي

كان فيه ملخص لحمودي لكتاب apprendre le Quebec وحطه هنا في الموضوع ده

أنا أخدت الملخص ده وظبطته ونسقته وصححت الأخطاء الإملائية وعملته على بي دي إف فايل

وهو موجود في اللينك التالي لو حد عايز يحمله

http://www.BLOCKED77/file/105101480/2d96...ec_summary.html

[الأهلاوي الأصيل]

اصيل والله يا اصيل

يا باشا العفو..دي أقل حاجة زي ما كل الناس اللي قبلنا وانت وحمودي أولهم ساعدونا

طيب أحكيلك على حاجة...أنا بقالي يومين شغال على الفايل ده باظبط فيه ، وبعدين بعد ما خلصت قلت أحطه على المنتدى، جت نفسي قالتلي - يعني أنا بقالي يومين تعبان فيه وتيجي الناس تاخده على الجاهز - انت عارف بقى النفس الأمارة بالسوء :D

قلت لا ...زي ما كل الناس اللي قبلنا تعبت وساعدتنا واحنا أخدنا على الجاهز وعايشين على خير مساعداتهم ، لازم أي واحد يكون عنده معلومة أو بذل جهد معين يخليه متاح للناس كلها

[Nassarlink]

مستر نصار مساء الخير انت الملف بتاعك وصل لايه؟

انا منتظر الفيدرال يبعتولي علشان الكشف الطبي

[Nassarlink]

اصيل والله يا اصيل

يا باشا العفو..دي أقل حاجة زي ما كل الناس اللي قبلنا وانت وحمودي أولهم ساعدونا

طيب أحكيلك على حاجة...أنا بقالي يومين شغال على الفايل ده باظبط فيه ، وبعدين بعد ما خلصت قلت أحطه على المنتدى، جت نفسي قالتلي - يعني أنا بقالي يومين تعبان فيه وتيجي الناس تاخده على الجاهز - انت عارف بقى النفس الأمارة بالسوء :D

قلت لا ...زي ما كل الناس اللي قبلنا تعبت وساعدتنا واحنا أخدنا على الجاهز وعايشين على خير مساعداتهم ، لازم أي واحد يكون عنده معلومة أو بذل جهد معين يخليه متاح للناس كلها

انت نسيت حاجه كمان

المشوار لسه طويل

والخير الي هتعمله

لابد يعود ليك تاني باي شكل او صوره

انت عارف

انا عرفت واحد ربنا يارب يكرمه ومايحرمه ابدا من الي نفسه فيه

كان بيجيلي البيت يعملي بروفات علي المقابله انا والمدام بتاعتي وهو من بلد تانيه

لحد آخر اسبوع قبل المقابله

وفي آخر مره مسكت فيه علشان يتغدي الواحد بصراحه بقي مكسوف منه

اصر وقال لايمكن

ولما ضغط عليه عرفت ان سبب رفضه ان جده الله يرحمه اتوفي قبل ما يجيلي البيت بساعات

ومرداش يعتذر لي علشان هو وعدني

انا مش هقول اسمه علشان ياخد الثواب من الله تعالي

بس دي صوره تعرفنا ان الي معدنه اصيل مبيقصرش ومبينتظرش مقابل

تم تعديل 13 مايو 2009 بواسطة Nassarlink

[Gerges Romany]

مستر نصار مساء الخير انت الملف بتاعك وصل لايه؟

انا منتظر الفيدرال يبعتولي علشان الكشف الطبي

كان مستواك ايه في اللغة لما عملت المقابلة؟؟