ابشرو مقابلات كيبك الجديدة مارس 2009

[montrealAlex]

استاذ احمد كمل بسرعة رجاءا -- انا ح تجيلى جلطة كدة

[gboutros]

:110:

الف مبروك لكل الناس اللي نجحت اليومين دول

معلش انا برضه جديد و ماعرفش الناس كويس

wst:: :lol: :stop:

الف الف مبروك clp::

clp::

عقبالنا كلنا

[ahmedbenwasef]

المهم المفاجأة إن الأخ الايراني هو والاخت لما خرجوا يتكلموا مع شخص كدة أشك انه المحامي بتاعهم والله اعلم أو شخص يعرف اكتر منهم وخلاص

المهم ... ملامحهم بتقول وتعابير وجههم انهم سقطوااااااااااااااااااااااااااااااااااااااااا

طبعا أخوكم قاعد والدم ها يطلع من نافوخه من الضغط الللي انا عليه

شوية ولقيت الأخت ذات ال30 عام أخدت واحدة تانية ايرانية من الاهواز وبعد نص ساعة خرجت ووشها احمرررررررررررررررررر وبتضحككككككككككك وفرحانة فكلمتها اكتشفت انها وفقت الحمد لله

طبعا لولا ان ربنا اجرى علىلا لساني ذكره واستغفار وكدة لكنت مش عارف ربنا وفقني ولا لأ

شوية ولقيت المدام الصغيرة بالسن عندها 30 سنة خارجة تنادي لي مسيو كذا .. قلت لها اهلا وسهلا وفي الطريق الى الاسانسير اتكلمنا في بعض الامور نتحدث عنها حالا

[ahmedbenwasef]

الأستاذ مونتريال أبشر إن شاء الله ربنا يوفقك

[ahmedbenwasef]

زرت حاجة في سويا عجبتك حبيتها عملت ايه ورحت فين وجيت منين وكدة

طبعا اخوكم ماصدق قمت قعدت اتكلم معاها لغاية ما وصلنا للدور الـ (تييييييييييييييييييت) من الفندق وفي غرفة زي تمام غرف الفندق دخلنا مكتب من جهة مجهز والجهة الاخرى عشالن سيادتك تقعد يبقى ظهرك للشباك ووشك للمدام واللاب توب مفتوح قدامها وبتكتب اللي بتقول عليه

[ahmedbenwasef]

أول حاجة اسمك لو ممكن الجواز قلتلها اتفضلي

بعدين شرحتلي احنا هانتكلم عن نفسك وعن شغلك وعن دراستك وعن خبراتك وعن رؤية المستقبلية لمستقبلك وهانقيم دا كله بنقاط لو حضرتك تعديت الدرجة المطلوبة هاتنجح لو ماعديتش قدامك 85 يوم عشان تعمل فيهم التماس او شئ زي كدة قلت لها داكووووور

المهم اخدت الجواز وقعدت تدون بينات على الكمبيوتر وانا حاسس ان قلبي هايقف من الرعب

هي آي نعم شخصية جدا محترمة وحسيت بارتياح لما شفتها لأنها بشوشة جدا بس طبعا الموقف فيه رهبة شوية

بعدين طلبت مني المؤهل وسألتني عن السنوات الدراسية الي قضيتها وقالت لي ازاي اشتغلت full time اثناء الدراسة قلت لها ان كليتنا لا تحتاج الى الحضور فاكنت باذاكر في البيت

اقتنعت جدا مع اني انا شخصيا ماكنتش مقتنع بس هي دي الحقيقة والله والله يشهد.

المهم قالت لي انت عملت دبلومات ولا حاجة

قلت لها ايوة ووريتلها ورقي ودبلومات انا باعمها الوقتي وشوية كورسات

قالت لي اتكلم عن مهامك الوظيفية اتكلمت ولقلقت شوية وبعدين قلتلها انا باسكن وباشتغل في مكان كلهم انجلوفون مافيش عندنا فرانكوفون خالص قالت لي تحب تتكلم بالانجلش قلتلها ليه لأ

وبعدين اتكلمنا شوية بالانجلش في الوظيفة وبعدين انتقلنا للفرنش تاني

بعدين سألتني عن اي دورات اخدتها ولا لأ

قلت لها ايوة ووريتلها كل حاجة معايا قالت لي لأ الفرنش خليه الوقتي لما اطلبه منك

قلت لها ماشي

وبعدين اعطتني ورقة فيها قيم المجتمع الكيبيكي ... ومضيت عليها واعطتني منها كوبي

وبعدين سألت عن البلد اللي انا باشتغل فيها اخبارها ايه وكدة رديت عليها بدبلوماسية زي كل دول العرب

المهم ... بعد كدة طلبت الدراسة للغة وريتلها الدلف A2والحمد لله كانت مبسوطة اوي بيها اخدت مني نسخة كشف الدرجات الاصلي وقلت لها اتفضلي اكيد .. (:

وبعدين اتكلمنا شوية عن ازاي هاتقضى ايامك الاولى في كيبيك وكلمتها كويس في النقطة دي والحمد لله بطلاقة ودا من فضل الله والله مش عارف ازاي اتكلمت كدة وكلام بقى ييجي على بالي من غير ما اشعر...

المهم قالتلي مسيو انت اتقبلت قلتلها مرسييييييييييييييييييييي

وبعدين بدأنا في اجراءات السي اس كيو وتقوللي ظبط لغتك شوية

واعطتني كتاب عشان الشغل وعشان احسن اللغة الفرنسية بتاعتي وكدة

وسلمت عليها للأسف وانطلقت والحمد لله الذي بنعمته تتم الصالحات

وأنا معاكم شوية لغاية ما تزهقوا من الاسئلة وانا اجاوب ومستعد لأي سؤال ان شاء الله جايز يكون فيه حاجة سقطت مني ولا حاجة ويارب عقبالك يا مونتريال انت وكل اللي في المنتدى

[ahmedbenwasef]

ما ننساش ننسب الفضل لله ثم لأهله المكتب الكندى جزاهم الله عنا كل الخير وشكرا كتير ليهم في المنصورة بجد

[LA VIE]

ممكن مسيو احمد تقولنا الناس التانيه اللى بتعمل مقبلات بردوا كويسه وسهله ولا النظام ايه من خلال انطباعك على الوضع فى الفندق

[midomansour]

يا جماعة في اي مشكلة ان الواحد يملا الابليكاشن بالانجليزي و هل دة ممكن يدي اي انطباع سئ عن اي حاجة

انا كتبت الابليكيشين بتاعي بالانجليزي ومفيش مشكله خالص

الفرنسيه هيه اللغه الرسميه لكيبيك ولكن ايضا الانجليزيه مطلوبه ولها درجات في التقييم

توكل علي الله انجليزي - فرنساوي اهم حاجه معلومات صح ودقيقه

[LA VIE]

كمان هى سالتك عن مستواك فى اللغه الفرنسيه اد ايه او الانجليزيه ولا هى قيمتك من خلال الكلام معاها والسؤال اللى بالانجليزى ممكن تكتبه للناس عشان تكون مستعده عن سماع السؤال

[montrealAlex]

مستواك فى الفرنساوى اية؟

اسماء الرجالة او اى معلومات عنهم؟

[ahmedbenwasef]

حبيبي مسيو لافي ولازلت أكررها حبيبييييييييييييييي الى الابد . لأني أشهد الله واشهدكم إني بحبه لله في لله

ياسيدي ... الباقيين من انطباعي كلهم ناس جنتل وبشوشين وبيبتسموا في وجوهكم ومش صعبين ولا حاجة .. ولأني ما جربتش غير حد واحد بس فيهم فأنا أخبركم انه شخصية جنتل جدا وابن حلال

[midomansour]

الاخوه اللي بيحبو القراءه وعاوزين يرفعوا المستوي من العادي الي المرتفع جدا

هددددددددددددددددديه

كتاب تعلم وتطور الفرنسيه في 24 ساعه

http://up1.m5zn.com/download-2008-12-4-08-eumgqx34j.pdf

وده بقه بهديه للاستاذ نصار زي اهداءات البرامج

صقفة كبيرة يا جماعة ل midomansour

الف الف شكر

هوة الكتاب دة يا ميدو مالهوش ملفات صوت

للاسف الكتاب ده ملوش ملفات صوت

بس ده لرفع المستوي واتقان الفرنسيه

[ahmedbenwasef]

مستواك فى الفرنساوى اية؟

اسماء الرجالة او اى معلومات عنهم؟

معايا A2

ومخلص لغاية المستوى الرابع

بالنسبة للرجالة والله ما سألتش وماعرفش بجد لأن الموقف فيه رهبة بجد

معلش والله ماقدرتش اسأل

[LA VIE]

انت لاحظت منها انها اهم شىء كانت بدقق عليه او كانت عاوزه تعرفه او الحاجات المهمه اللى كانت عاوزاك تجاوب عليها كانت ايه بالظبط

[ahmedbenwasef]

كمان هى سالتك عن مستواك فى اللغه الفرنسيه اد ايه او الانجليزيه ولا هى قيمتك من خلال الكلام معاها والسؤال اللى بالانجليزى ممكن تكتبه للناس عشان تكون مستعده عن سماع السؤال

لأ هي استنتجت من هز دماغي على كلامها مع اني اللي بافهمه منها هو كلمتين اولا تلاتة بالشبه وبعدين بتشوف الابليكيشن وتقارن بالواقع

والسؤال بالانجليزي What is your responsabilities and which kind of papers you're checking in your work?

and It well done or there are a problemes with your work?

[montrealAlex]

وبعدين الور التالت وخدتك بالاسانسير على فوق -- هما محتلين الفندق بالكامل ولا اية؟

بتقول عملت دبلومة فى الكلية ؟ طيب ودى بتتحسب من سنوات الدراسة ؟

بعنى عايز تقول ان الابليكيشن اللى انت بعتة كان قادمها -- ولا الفايل بالكامل اللى انت بعتة كان قادمها ؟

تم تعديل 4 نوفمبر 2009 بواسطة montrealAlex

[midomansour]

تكمله للكورسات الفرنسيه والكتب وملفات الصوت

مجموعه كامبوس لتعلم واتقان الفرنسيه

تتكون من 3 اجزاء بس ايه بهاااااااااريز وبعد المذاكره لازم تاخد ببسي كبير جدا وعلبتين فوار علشان الكلام اللي هيهنج مخك

1-كامبوس 1

الكتاب الجزء الاول

http://BLOCKED2/files/246366310/Campus_1.part1.rar

الكتاب الجزء الثاني

http://BLOCKED2/files/246366414/Campus_1.part2.rar

الملفات الصوتيه

http://BLOCKED2/files/246366391/Campus_1_CD.rar

كلمه السر لفتح الملفات بعد التحميل

password: uztranslations

اي خددددددددددددددددددمه

[ahmedbenwasef]

الاستاذ مونتريال الاسكندراني

بالنسبة للدبلومة دي دبلومة خاصة وبتزودك في الدرجات طبيعي (:

وهو الفندق التالت ريسبشن والدور التييييييييييييييييت ده هو اللي بتعمل فيه المقابلة

حبيبي ... اسأل

دي الاسئلة بالنسبالي زي الهوا ماقدرش اعيش من غيره (:

[ahmedbenwasef]

انت لاحظت منها انها اهم شىء كانت بدقق عليه او كانت عاوزه تعرفه او الحاجات المهمه اللى كانت عاوزاك تجاوب عليها كانت ايه بالظبط

مهتمة جدا بالخبرات السابقة ومش بتدقق على النطق المهم انها تفهمك بس

بالفرنساوي الصعيدي البحراوي الاسكندراني مش فارقة معاهم بس اهم حاجة توصل لها المعلومة طبعا الكلام ده اللي دار في المقابلة ولست مسئولا عن اي مقابلات اخرى