ابشرو مقابلات كيبك الجديدة مارس 2009

[مازن أطرش]

بسم الله الرحمن الرحيم --توكلنا على الله -- حلقات مغامرات مونتريال اليكس فى دمشق -- الحلقة الاولى

(ناسف على التاخير نظرا لتاخر وصول المذيع الى الاستديو فى الميعاد بسبب ماتش الجزائر )

خرجنا من الاسكندرية بالسوبرجيت الساعة 30 7 صباحا --عبارة عن ثلاث حالات اثنان متزوجين ( منهم انا ) وواحد سنجل -- يعنى خمس افراد

سواق السوبرجيت يظهر كان مركب مراوح كتيير على قلبة -- واخد السكة واحدة واحدة -- فوجئنا انة دخل الجيزة مش المحور -- يادى النيلة يا عم احنا ورانا طيارة مافيش فايدة -- المهم وصل الماظة واحنا خلاص ح نجيب جاز -- مافيش وقت -- لاقيت السواق رايح المطار القديم -- قولت خلاص بقى انا كدة صبرى نفد -- قمت و قولت يا سيدى احنا ورانا طيارة من المطار الجديد -- قال لى فى اتوبيس من المطار القديم يودى الجديد -- قولت يا سيدى انا عارف بس دا وقت اطول من لو نزلتنا عند الكارتة -- دى اقرب الى المطار الجديد

المهم وصلنا المطارالجديد -- دخلنا -- المطار فخر لكل المصريين -- بجد شىء محترم جدا جدا جدا

الاول تفتيش بس باحترام

وبعدين الوزن والبوردينج

وبعدين الجوازات -- الظابط برتبة نقيب --محترم اسلوبة جدا -- شكله حلو و شيك -- يعنى الرجل المناسب فى المكان المناسب

وبعدين تمشى فى ممر طويل علشان توصل لصالة اللى تودى الى الطيارة -- الممرات رائعة تحس انك فى اوروبا -- خدت بالى ان سندوتش الهمبورجر ب 29 ج

قولت يا واد طنس خالييييييييييييص --واعمل نفسك مش واخد بالك

دخلنا الصالة تفتيش تانى -- العسكرى خد بالة ان مراتى حطة مقص صغير فى الشنطة-- قالى فى مقص ودا ممنوع -- قولت خدة ولا تزعل نفسك

دخلنا الصالة المؤدية الى الطيارة -- كان معانا الفنان سامح الصريطى -- على الفرست كلاس طبعا

المهم طيارة كويسة -- بوينج 737 -- انا كنت عارف الموديل وشكل المقاعد من موقع مصر للطيران و موقع بوينج على النت

اخوكم طبعا اول مرة يتدلى من البلد و اول مرة طيارة بس انا قاعد عامل نفسى انى خبير طيارات وان اغلب وقتى بقضية فى الطبران

المهم مراتى شبطت تقعد جنب الشباك -- يا ستى بلاش علشان المنظر احنا مش فى مراجيح مولد ابو العباس -- رفضت

المهم قعدت انا بين مراتى وبين راجل اجنبى كبير فى السن عمال بيقرا جرنان بالانجليزى -- قولت يا واد انت مش اقل منه -- لما ابتدوا يوزعوا الجرايد على الطيارة

خدت الاخبار وقعد اقرا زى زيوة

المهم الطيارة ابتدت تتحرك بسرعة عادية لمدة 15 د فى ممرات لحد لما وصل جنب بداية ممر راح وقف-- كان فى لمبات فى الارض على يمين وشمال الطيارة منورة احمر

المهم مرة واحدة اللمبات نورت اخضر -- لقيت الطيارة خدت زاوية 90 درجة ودخلت على بداية الممر وابتدى يجرى بسرعة جدا

طبعا انا خوفت -- وقعت اقول فى سرى يا جدعان محدش يقول للطيار براحة شوية احسن حد ياخد نمرتة ردار ولا حاجة

المهم فجاة لقيت نفسى بطلع بطلع لفوف لفوق -- المهم تلاقى ودانك بتعمل بوم بوم بوم من فرق الضغط

يدوبك اكلنا وشربنا -- المعاملة كويسة وناس محترمة -- مصر للطيران على عكس ما يقال -- اة ممكن تكون الامارات او القطرية افضل لكن

طاقم الطائرة مصرى فى مصر للطيران -- هم طاقم الطائرة اجانب -- فى مطار دمشق عند العودة كان فى طيارة ايرباص عملاقة تابعة للخطوط الاماراتية --الطيارة اجنبى

يعنى القرعة بتتفشخر بشعر بنت اختها ولمواخذة

المهم جينا للمرحلة الخطر التانية ال لاندينج ودا بيختلف عن الاندينج بتاع موريال -- المهم نزلنا ببننزل بننزل لحد ما وصلنا الارض -- الطيار والله العظيم صايع صايع

الاندينج نموذجى 10 على 10

واحنا بنخرج من الطيارة كنا تقريبا اخر ناس اكتشفت ان الناس بهدلت الطيارة -- ورق على الارض وكياس بلاستيك بتاعة الاكل والجرايد مرمية هنا و هناك

قولت احمد شفيق لما طلع فى العاشرة مساء كان عندة حق فى كلامة -- المهم

دخلنا المطار -- اصبت بالصدمة والفرحة فى نفس الوقت -- الصدمة من شكل المطار المتدنى والفرحة من مستوى مطارنا الجديد الذى هو فخر لكل مصرى زى ما قولت لظابط الجوازات فى القاهرة عند العودة

دخلنا الجوازات دخل زميلنا المتزوج الاول -- فجأة لاقيت على اليمين اتنين امناء شرطة ماسكين اتنين شباب على كانوا على الطيارة معانا وشكلهم مقابلة كيبيك برضة

قولت ل زميلى السنجل خليك جنبى واقف معايا ومع مراتى اكننا جروب -- جه علينا الدور دخلت على ظابط الجوازات فوجئت انة امين شرطة مش ظابط زى عندنا

بس معووج قوى ( مع احترامى للاخوة السوريين ) المهم بتلفت ورايا ملقتش زميلى اتارى اتمسك من الكاونتر اللى بعدة

خرجت واستلمت الشنط وانا خارج الى الصالة الخارجية لاقيت شخص كبير فى السن ومعاة شباب وماسكين ورقة مكتوب عليها اسماء ناس المهم عرفت بعد كدة ان دة هو حبيب السواق

خرجت انا و زميلى المتزوج الاخر خارج المطار بعد لما اخدنا الشنط -- و انتظرنا زميلنا الممسوك بالداخل حوالى نصف ساعة لحد لما جة

اتارى انة خالف كلامى وراح لوحدة على الكاونتر اللى بعدينا من غير ما خد بالى راح بتاع الجوازات قالة لازم تروح عند الظابط و شاور لامين شرطة ياخدة

دخل لقى الظابط بيقولة انا كل يوم عندى حوالى 20 فرد من مصر بالشكل دة -لما انتوا مقدمين هجرة كندا جايين سوريا لية؟ -- زميلى قال ان سوريا هى مركز المقابلات فى الشرق الاوسط بالنسبة الى كندا -- راح الظابط قالة لو مدخلتكش ح تعمل اية؟ -- زميلى قال انا مش عارف انا لية مدخلش انا معايا سبب دخول ان عندى مقابلة وادى الجواب اللى بيقول كدة -- راح الظابط مصور الجواب ومشى زميلى ( الامر تكرر مع واحد صاحبنا تانى يوم صورة طبق الاصل --مع السنجل فقط ) المهم كله فى الاخر بيخش

اقصى وقت ساعة

ركبنا الاتوبيس اللى بيروح البرامكة -- ميزتة انة نضيف -- شبة اتوبيس غرب الدلتا -- بيطلع كل نصف ساعة يعنى انت عارف هو ح يقوم الساعة كام مش لما يتملى

ودى اول ميزة فى سوريا --نزلنا الرامكة لقينا سواقين تاكسى بيخطفونا افتكرت نفس الموقف لما بنروح مطروح --اول لما ننزل من الاتوبيس تلاقى 50 سواق بيقولك تاكسى

المهم ركبنا على تاكسيين ورطلبنا نروح ش 29 ايار فندق القصر الفرنسى -- السواق قال روحوا فندق الماجد افضل او قصر الفارس-- المهم روحنا لاقينا الاسعار نار 420 فى اليوم فى حين القصر الفرنسى 220 ج فقط

المهم روحنا القصر الفرنسى -- وقبل ما نطلع جبت خط سرياتل من جنب الفندق -- جنب الفندق كمان فى سايبر الساعة بحوالى 8 ج

طلعنا قعدنا شوية فى الغرف ونزلنا ناكل كانت الساعة حوالى 9 -- واحنا من الصبح فى الشارع

فى مطعم امام الفندق اسمة ابو العبد -- طلبنا شاورمة ورغيف محشى لحمة زى الحواوشى ومراتى طلبت كمان كبيبة وسلطات قبل كل دة نزل كوبيات حاجة شبة اللبن بس الطعم مش لبن ولا زبادى المهم

جة الاكل -- وعينك ما تشوف الا النور وحوش بتاكل -- طلع الاكل كلة لحمة ضانى وانا مابحبش الضانى -- الشاورمة ضانى وفيها كمية سمنة ولا زيت المهم مدهننة وخلاص

احنا كنا بناكل جوع مش اكتر -- طلعنا من كتر ما الاكل التقييل نمنا -- ولا اكننا عندنا مقابلة و اكننا جايين سياحة

الى اللقاء مع الحلقة التانية

ياسبحان الله ..تعرف يا مونتريال اليكس ..أنا كنت الأربعاء اللي فات بتاريخ 11/11 ..كنت مارق الضهر قدام فندق القصر الفرنسي ..وتطلعت فيه ..وكان عندي احساس انو فيه حد من حبايبنا ..وقلت يا هلترى ..مين اللي فيه ..اتاريك انت اللي كنت فيه ..تسجيل متابعة ...وتابع بنفس الخط والصراحة ..ومارح نزعل منك ..لأني زي ما قلت بكل بلد في الوحش وفي الكويس ...بس خبرني استفدت شي من المعلومات اللي بالتوبيك بتاعي ..ولا حليت امورك بالذكاوة الاليكساوية مونتريالية ..

[magedghonim]

انا مش عارف ليه سوريا بتعمل كدة مع المصرين

وبعدين المفروض الموضوع يكون فيه شوية ديبلوماسية

ييغيرو المكان خالص بتاع مقابلات كيبك ويريحونا من المعاملة دي

يعني المفروض والله نبقى نبعت للسفارة نقووول على تعليقات الظباط

الي مش عاجبهم 20 مصري بيدخلو يوميا عشان الانترفيوز الخاص بالهجرة

انا هتنقط والله

عموما مبرووووووووووووك يمونتريال الكس

الف مبروك.

[Nassarlink]

الله ينور يا montrealAlex

بس زي ما استروفي قال خلي الاعلانات في الآخر

واوعدك انا احولك الايراد بنفسي

بس متتأخرش لان المشاريب السخنه بتبرد بسرعه

الجو اليومين دول بدأ يبرد

[astrophy]

انت فين يامونتريال

عايزين باقى حلقات مغامرات مونتريال فى بلاد الشام هل كان عندك وقت وزرت دمشق كويس

نفسى فى يوم ازور عاصمة الخلافة الامويه وكمان مدينة حلب بلد الشهيد سليمان الحلبى

[مازن أطرش]

انت فين يامونتريال

عايزين باقى حلقات مغامرات مونتريال فى بلاد الشام هل كان عندك وقت وزرت دمشق كويس

نفسى فى يوم ازور عاصمة الخلافة الامويه وكمان مدينة حلب بلد الشهيد سليمان الحلبى

تآنس وتشرف ياعزيزي استروفي .. على فكرة أنا من مدينة حلب .. :wub: ام المحاشي والكبب .. :amb: عاصمة الأدب والطرب ..بلد البحتري ..وابو فراس الحمداني ..مدينة سيف الدولة اللي قال عنها المتنبي ..كلما رحبت بنا الروض قلنا حلب قصدنا وانت السبيل ... مدينة ميادة الحناوي وصباح فخري ..المدينة اللي حكى عنها الموسيقار العظيم محمد عبد الوهاب بإعجاب ..ازاي امتحنوه بالحفلة الأولى وحضر حفلته الأولى بحلب بس خمسة مشايخ ..ولما سأل ليه بس خمسة قالولوه دول السميعة بتوع حلب . :squeeze: .إذا عجبتهم ..حلب كلها حتحضر حفلتك ..وده اللي حصل . :happy: .اهلا بيكم في سوريا ..في دمشق ..وفي حلب ..

[LA VIE]

ايه يا مونتريال كلنا مستنين بقيت الحلقات انت تقلان علينا ولا ايه على العموم احنا وراك للغايه لما نشوف اخر حلقه

[الرحالة باشا]

الله عليك يا مونتريال والله يا باشا أستاذ في سرد تفاصيل التفاصيل

يا جماعة الراجل بيحكي حتي اللمض اللي في أرض المطار ساعة إقلاع الطيارة كان لونها أحمر وبيقي أخضر ده إيه ده , ياراجل ده أنا حاسس أن أنا اللي في الطيارة والله والله يا مونتريال أنا ركبت الحمد لله طيارات كتير والله ما أخدت بالي من حكاية النور دي خالص , معلم كبير

أحكي أحكي يا مونترياااااااااااال ( أغنية ألف ليلة وليلة )

[astrophy]

انت فين يامونتريال

عايزين باقى حلقات مغامرات مونتريال فى بلاد الشام هل كان عندك وقت وزرت دمشق كويس

نفسى فى يوم ازور عاصمة الخلافة الامويه وكمان مدينة حلب بلد الشهيد سليمان الحلبىتآنس وتشرف ياعزيزي استروفي .. على فكرة أنا من مدينة حلب .. :wub: ام المحاشي والكبب .. :amb: عاصمة الأدب والطرب ..بلد البحتري ..وابو فراس الحمداني ..مدينة سيف الدولة اللي قال عنها المتنبي ..كلما رحبت بنا الروض قلنا حلب قصدنا وانت السبيل ... مدينة ميادة الحناوي وصباح فخري ..المدينة اللي حكى عنها الموسيقار العظيم محمد عبد الوهاب بإعجاب ..ازاي امتحنوه بالحفلة الأولى وحضر حفلته الأولى بحلب بس خمسة مشايخ ..ولما سأل ليه بس خمسة قالولوه دول السميعة بتوع حلب . :squeeze: .إذا عجبتهم ..حلب كلها حتحضر حفلتك ..وده اللي حصل . :happy: .اهلا بيكم في سوريا ..في دمشق ..وفي حلب ..

متشكر جدا يمازن دا مش غريب على الكرم بتاع اخواننا السوريين وكمان بذات بتوع حلب انا احب اصدقائى فى الرياض سوريين وكمان مديرى سورى

كمان حلب كان الله يرحمه مصطفى العقاد او ماينزل سوريا يروح علطول على حلب يزورها لعشقه لهذه البلد الجميلة وعموما كل سوريا جميلة

[مازن أطرش]

عزيزي استروفي ..مصطفى العقاد كمان برضه من حلب ...على العموم ...انت مقابلتك ايمتى ..وايه اخبار الممتحنين اليومين دول

[dr abo samra]

ألفففففففففففففففففففففف مبروك لمصر

ويارب يكمل النصر يوم الاربعاء فى السودان

على الرغم ان الواحد رهق من العيشه فيها لكن مش قادر يخلص من حبه ليها

صبع صبع يا عم الحاج (منظر واحد محشش وعنيه حمرا ومش لاقى قطره بريزولين)

معلش يا ماتيوس ما أخدتش بالى من اسفسارك عن الاعتراف بالمعادله من عدمه فى جامعه ميجل الا دلوقتى

بص يا برنس وربنا وربنا وربنا معترف بيها وزى الفل ولو حد منهم قالك حاجه...........انت بس قول له انا من طرف القرموطى بتاع السنبلاوين وهو هيخلصك علطول :lol: :lol: :lol: :lol: :lol: :lol: :lol: :lol:

اطيب الامنيات يا عم الريس

[dr abo samra]

الأخ روك........................وصلتنى رساله سيادتك وأنا تحت أمرك يا ابو الصخور فى كل اللى تؤمر بيه.....................صبح صبح يا كبو :lol: :lol: :lol: :lol:

[matyos]

ألفففففففففففففففففففففف مبروك لمصر

ويارب يكمل النصر يوم الاربعاء فى السودان

على الرغم ان الواحد رهق من العيشه فيها لكن مش قادر يخلص من حبه ليها

صبع صبع يا عم الحاج (منظر واحد محشش وعنيه حمرا ومش لاقى قطره بريزولين)

معلش يا ماتيوس ما أخدتش بالى من اسفسارك عن الاعتراف بالمعادله من عدمه فى جامعه ميجل الا دلوقتى

بص يا برنس وربنا وربنا وربنا معترف بيها وزى الفل ولو حد منهم قالك حاجه...........انت بس قول له انا من طرف القرموطى بتاع السنبلاوين وهو هيخلصك علطول :lol: :lol: :lol: :lol: :lol: :lol: :lol: :lol:

اطيب الامنيات يا عم الريس

دكتور ابو سمره السكره شكرا لردك يا جميل و أخويا بيشكركم على المساعده لانه مش عارف يسجل فى المنتدى

[دون كاملو]

سلام للكل زي الفل

انا بعت الملف دلوقتي حالا .. لسة مندوب فيدكس ماشي من عندي

حاسس ان فى غلطات فى الورق رغم انى راجعتة كويس - ربنا يستر

دعواتكم

مرة تانية بكرر شكري لجميع من ساعدونى بمعلومة و لو كانت صغيرة

:rolleyes: :)

:D :lol:

:lol:

[Rock]

اخواني بعد التحية,

في توبيك فتح واحد صراحة مش فاكر اسمة و التوبيك دة اسمة السلام عليكم و رحمة اللة و بركاتة

و كان بيسأل عن انة معاة فيزا سياحة لكندا .فهل ممكن يحولها فيزا دراسة

المهم انا رديت علية انة ماكانش لازم يفتح توبيك جديد و انة كان ممكن يسال في اي توبيك تانى

النقطة انة مشاركتة اختفت ( مش عارف ازاي ) و اصبحت كانة انا اللي فاتح التوبيك دة

انا قلت اوضح وارجو الاخ المشرف العام انة يقوم بحزف التوبيك دة

شكرا و اسف علي الازعاج

[jessika]

لا يا rock متقلقش دى حصلت معايا قبل كدة

لما بترد على حد والموضوع يتقفل

بيتحول تلقائى اسم الموضوع لاسم اول واحد رد

بس كدة

[astrophy]

عزيزي استروفي ..مصطفى العقاد كمان برضه من حلب ...على العموم ...انت مقابلتك ايمتى ..وايه اخبار الممتحنين اليومين دول

انا عملت المقابلة خلاص يامازن يوم 3 نوفمبر الماضى بالقاهره والحمدلله حصلت على السى اس كيو

[بيبو كندا]

سلامى قبل كلامى

اخيرا

و بعد 46 يوم من استلام الملف بسوريا

جااااااااالى الفايل نمبر

اوفففف

بس ورقتين ؟ مش عارف ليه

و بعنوا كل الصور الشخصية اللى احنا بعتناها

هو خير ان شاء الله و لا مش خير حد يفهمنى حاجة

ممكن ؟؟؟؟

[Rock]

سلامى قبل كلامى

اخيرا

و بعد 46 يوم من استلام الملف بسوريا

جااااااااالى الفايل نمبر

اوفففف

بس ورقتين ؟ مش عارف ليه

و بعنوا كل الصور الشخصية اللى احنا بعتناها

هو خير ان شاء الله و لا مش خير حد يفهمنى حاجة

ممكن ؟؟؟؟

عزيزي صامويل

االف الف مبروك

انت زي بالضبط و نفس المدة برضة

و برضة بعتولي الصور مرة تاني مش عارف لية ووسألت الاخوة هنا و ماحدش رد

هم بعتولك ورقة pink و ورقة white فيها الفايل نمبر ؟؟

[دون كاملو]

سلامى قبل كلامى

اخيرا

و بعد 46 يوم من استلام الملف بسوريا

جااااااااالى الفايل نمبر

اوفففف

بس ورقتين ؟ مش عارف ليه

و بعنوا كل الصور الشخصية اللى احنا بعتناها

هو خير ان شاء الله و لا مش خير حد يفهمنى حاجة

ممكن ؟؟؟؟

الف مبروك عقبال المقابلة و الميديكال و الفيزا

شد في الفرنساوي يا معلم على قد ما تقدر شــــــــد

افتكر اني قولتلك امبارح ان بكرة هيكون معاك الفايل نمبر ..

انا بعت الملف انهاردة على فكرة .. ادعيلى

[dr abo samra]

يا اخواننا الا تعتقدون انه سيكون من الجحود ان لا نتقدم يوميا بالشكر لصاحبه هذا التوبك(المحترمه الاخت مجبوره)............المفروض كل يوم نذكرها صباح مساء.....فلولا الله ثم هى ما وجد هذا التوبك صاحب ال 260 صفحه حتى اليوم(اكبر توبك فى هذا الباب)..................فاللهم اجعله فى ميزان حسناتها وجازيها خيرا وقدر لها الخير حيث كان.......

اللهم امين

والله الموفق