ابشرو مقابلات كيبك الجديدة مارس 2009

[Morial]

merci monsieur mazen mais je voudrais vous demander un question quelle est la situation si la applicant est celibataire mais a les enfants .est -ce que ce est un point de faiblesse :ninja:

[harveyhanna]

كل سنة وأخواننا المسيحيين بخير .. :ninja: في كل مكان بالعالم ..وبعالمنا العربي خصوصا .. :blink: وينعاد على الأخوة هنا بكندا ..ويحتفلو بقا بالميلاد على اصولو .. بثلوج كندا ... :blink:

وحضرتك بخيلر وسعادة

شكرا على التهنئة الجميلة دى

[harveyhanna]

شكراً جزيلاً يا أ. مازن علي سرعة أستجابتك وجزاء الله عنا خيرا

uaعشت يا عم مازن عليا النعمه انت راجل استاذ

فيه حد تانى هيدخل ولا أدخل باليمين؟؟

اتفضل يا باشا

[dr abo samra]

حيث كده بقه يبقى ابدأ

سقفه للنبى...كمان سقفه .....بس خلاص كفايه كده ...

طلعت بالطياره من القاهره على رحله طيران الاتحاد وكان يوم خميس الفجر وطبعا اخويا الرحاله عارف قصه دخولى ابوظبى الممله..المهم طول الطريق وانا قاعد جنب واحد اجنبى....الرحله تقريبا كانت 4 ساعات

]

البت المضيفه تقوله اكل وده نايم خخخخخخخخخخ....شاى وده يقول لأ وخخخخخخخخخخخخخخ....طب قوم يا عم نتكلم كلمتين وده خخخخخخخخخخخخخخخخخ.....تقريبا كان شارب ومتقل...... وكان بيقوم بس عشان يكح وينام تانى اه والله...المهم فضل نايم لحد اللاندنج بتاع الطياره تقريبا بياخد 15 دقيقه لحد ما تقف...ولقيت عمنا صحى...بتكلم معاه انجليزى وبقله الجو انهارده زى الفل فقالى فعلا الجو كويس(قلتله فى عقل بالى اه يا معلم منتا داير تشد طول الليل ولا كأن الكلب أكل عجينك...قايم وفايق...المهم بقوله انت منين ...قاللى من فرنسا وعنهاوانا كنت هموته...طب مش تقول يا بنى ادم كنت عملت عليك بروفه...وشاطر بس تناملى طول السكه(طبعا فى سرى)...فقلتله بالفرنساوى بقه انا عامل ترانزيت فى ابو ظبى بس على اساس انى راجع السعوديه ياترى هستلم الشنط فين....انا خايف استلمها فى السعوديه لانى ناوى ارجع تانى مصر..فقالى ورينى ورق البوردينج فوريتهوله فقالى انت راكب من مصر وهتنزل فى ابو سمره يبقى هتستلم الشنط فى ابو سمره....قلتله هات الجواز يا عم الحاج ابوسمره مين يا عسل دنتا تايه فحت يومك اسود..ابوسمره ده يبقى انا يا كبو فضحك وقالى اسف يبقى هتخده فى ابو ظبى ...المهم قاللى انت جاى ليه...قلتله كذا كذا كذا...فقاللى انت مستواك كويس فى الفرنساوى وهتنجح...قولتله روح يا شيخ الهى يخليهملك ويكفيك شر المرض زى ما جبرت بخاطرى....المهم دخلت البلد صباح الجمعه وروحت نمت فى الفندق بعد ما صليت وصحيت الساعه 12 بالليل وايدى خدلانه اصلى كنت نايم عليها ومش حاسس بالدنيا...المهم نزلت اكلت ورجعت وشويه ونمت تانى زى الفرنساوى...تانى يوم الصبح رحت عاينت مكان السفاره عشان متفاجئش بمكانها وادور عليها قبل المقابله...وده كان يوم سبت وكانت على بعد 10 دقايق من الفندق...المهم رحت لقيتهم اجازه بس العسكرى قاللى هى فى الدور العاشر..قلتله طب ممكن اطلع المس بابها بس وانزل تانى قاللى اطلع..طلعت ونزلت وروحت....قعدت الف فى البلد شويه ورجعت اكلت وهكذا المهم عديت السبت ...بقينا يوم المقابله..ااااااااااااااااه اصحى يا برنس....صحيت الساعه 5 صليت ...ولبست الحته التمام(على فكره مش شرط تلبس فورمال)..المهم يبقى لبسك منظم ونضيف :blink: انشالله حتى قميص وبنطلون نزلت اخدت التاكس وده كان تقريبا الساعه 8وخمسين دقيقه بعد ما شربت النسكافيه اللى يبهرز الاسطول (عشان اعرف اركز)...وصلت السفاره حوالى الساعه 9 زى ما قالولى (حاول تروح قبل ميعادك بساعه تقريبا لانهم ساعات بيخلصو بدرى ويخرجو يندهو عليك ولو لقوك ده بيعطيهم انطباع كويس عنك وبتصعب عليهم)المهم استنى اللى ينده ميندهش الساعه بقت 10 ومندهش ..ونص مندهش 11..لا كده بقه دخلنا فى العوق دنا مقابلتى 10 ونص يا جدعان...اقوم اسال فى الريسبشن يمكن يكونو ندهو اسمى قاللى لا لسه مندهناش..اصل فيه ناس فيدرال وناس تانيه كتير وامم..المهم تخيل ان واحده فليبينيه وبتتكلم فرنساوى...طبعا حاجه زفت....ندهت حاجه بسرعه كده المهم كله راح جارى عليها وانا معاهم بتقولى ايه..... ازاى....فقالت يا جماعه انا بنده على الموظف...يعنى بتشتغلينا يعنى ؟ :blink: بتستغلى اننا غلابه واصحاب مقابله...ماشى رجعت وقعدت على الكراسى صاله عامله زى استقبال المستشفى ...وشويه ولقيت واحد تقريبا سورى ومراته جاى وجايب فى ايده ظرف ورق زى بتاع اللحمه ...قلت اشطه دنا جايب حاجتى فى شنطه سفاره محترمه..المهم اخينا دخل فى باب 5 (بتاع كيبك) شويه وطلع ومبسوط وقعد يحط الورق فى الظرف...فقلت اساله انت كنت بتمتحن كيبك فقاللى ايوه...قلتله وسمعت اسمك فاللى ايوه قلتله فين قاللى هيندهو عليك انت اللى بعدى؟قلت ايوه..قلتله سالك فى ايه ...فقال سالنى ليش عم بتفكر تمرق عاكيبك؟(ليه عاوز تروح كيبك؟)قلتله تمام وايه كمان فقاللى والخبره والتعليم....فقلت اشطه مقابله تقليديه ...فقال لا تخاف الزلمه مليحان...المهم مكملش الكلمه ولقيت الفلبينيه بتنده اسم معرفتهوش...فقلت للاخ السورى هو ده اسمى؟فقال انت اسمك ايه فقلتله كذ كذا..فقاللى ايوه فوت فوت بسرعه....

اخدت ديل البدله فى بقى وجرى عالباب...وطبعا ايدى على قلبى ..ليه؟.خايف ليكون السورى بيزحلقنى او انه سمع اسم تانى..فقلت يالله ادخل ورزقك على الله...بس كنت خايف ليقولى انت مين وجاى هنا ليه...او انت عاوز مين او احنا لسه مطلبنكش..وساعته يحط عليا اكس..اذا كان جايله بدون معرف اسمع اسمى امال هينجحنى ازاى؟المهم دخلت وجتتى ملبشه لقيته بيبصلى ...قلت ارجع تانى يا جدعان ولا افوت على راى اخونا المهم عديت...فقلتله مسيو؟فقاللى وى فوزت مسيو ابوسمره؟فقلتله وى مسيو سى بيا موا..فقال اسيي فو..فقلتله ميرسى ...وعليه وفكيت وخلاص قلت تمام ...

طبعا كان يوم وقفه عيد الاضحى اللى فات2008 فى شهر ديسمبر والناس واقفه على عرفات وانا واقف بين ايدين عمنا المستشار وكان فى منتصف الاربيعينات وكان فى منتهى الذوق والظرف بصراحه(يمكن لو كان سقطنى كنت قلت حاجه تانيه)

شأنه شأن كل الكنديين...حتى اللى بيسقطو تلاقيهم بيضحكو بس طبعا ضحكه صفرا( :ninja: )....المهم يا جدعان انا هروح أأربعلى شويه ميه وارجع احكيلكم التفاصيل اوعو تقومو

[Morial]

والله انا بحسد كل الناس اللي خلصوا المقابلة علي رباطة جأشهم اذا كنت انا لما بحفظلي كلمتين واتخيل بيني وبين نفسي مجرد تخيل اني قاعدة قدام اللهم احفظنا البيه المستشار والله العظيم بنساهم وف احسن الاحوال بنطقهم بالمقلوب فياريت يا دكتور ابو سمرة رجاء خاص تشرح كانت حالتك النفساوية عاملة اذاي بالظبط لحظة بداية المقابلة هل حسيت انك متلخبط وناسي كل حاجة؟والفرنساوي كله طار من دماغك لأن فيه ناس كدة مبيعرفوش يعملوا كنترول علي اعصابهم في المواقف اللي ذي دي ز.شكرا علي وقتك ومجهودك :ninja:

[bat man]

نداء للأخت إيمان جابر

ارجعي ونوري

احنا كلنا اخواتك وما تبقيش بخيلة

انت انسانة خدومة وربنا معاكى

بات مان :ninja:

[AL MUHAGER]

مراسلكم من قلب الاحداث سوريا الشقيقة

الحلقة الثالثة و الاخيرة - خلاصة المقابلة.

هانتكلم عن ايه اللي استخلصته من مقابلتي وطبعا من مقابلات الاخوة اللي سبقونا:

قبل كل شيئ توفيق ربنا.

أولا:الفرنساوي

مهم جدا جدا جدا و حتى لو ممعاكش اي اثبات.... و مسئلتش على اي حاجة... هي بس سألت مراتي انتى بتتكلمي فرنساوي كويس قوي اتعلمتيه فين .. بس احنا في الاخر قلنا نوريها الشهادة كنوع من التأكيد (مراتي كان معاها شهادة المستوي 10 من المركز الثقافي الفرنسي في اسكندرية ومعاها شهادة اسمها الاليانس ودي كانت تعادل الدلف من حوالي عشر سنين على فكرة مراتي اخدتها وهي في الثانوية العامة)

ثانيا: الصراحة:

تكون صريح لاقصي حد ومتضربش ورق لان فيه ناس قابتلهم هناك و كانت مقابلتهم قبلي بيوم و اللي الاخت ايمان قالت عنهم كانو ضاربين شهادة فرنساوي من مركز وهمي وكانو اتنين واحد لوحده وده سقط لان مستواه اقل بمراحل من اللي كاتبه و التانيين واحد ومراته واللي انقذهم ان مراته بتتكلم فرنساوي معقول .. دول اتعصرو ساعة ونص واتسألو على كل حرف مكتوب في ورقهم وجه منين وليه وغلاسة... لان اللي عملهم المقابلة كان شاف نفس الشهادة المضروبة اللي معاهم مع اللي اترفض قبلهم وبالتلي داخل معلم عليهم يعني شاكك في كل حاجة في ورقهم وبهدلهم بس في الاخر عدو واتكتب لمراته اللي هي المقدم الرئيسي NF يعني مش فرانكفون. بالنسبة ليا انا كنت محضر بشكل معقول في رايي لكن اول ما دخلت وهبدتني السؤال رديت اني معرفش فرنساوي وده اعتقد هي اعتبرته صراحة بس من النوع اللي يودي في داهية و منصحش حد يعمل كده لان لولا الفرنساوي بتاع المدام كنا رحنا ورا الشمس نقزقز لب حاجة تانية في موضوع الصراحة هي ان انا عندي بتاع سنتين فجوة في شغلي ممعييش اش شهادة خبرة فيهم و مضربتش شهادة خبرة وهي مسألتش بس انا لفت نظرها للثغرة دي و باني كنت شغال و صحاب الشغل مرضيوش يدوني شهادة خبرة و معنديش اي اثبات وعلشان كده مكتبتوش وهي احترمت ده.

ثالثاً : التحضير:

لازم تكون عارف التالي:

ورقك مكتوب فيه ايه وتراجع التورايخ وتحفضها.

هتعمل معادلتك ازاي ومعاك مايثبت من ورق مطبوع من مواقع المعادلة الكندية واحيانا بتكون فيه طلبات زيادة لكيبك تكون عارفها... بالمناسبة فيه واحد قابلته هناك رايح يعمل المقابلة لوحد وبسأله محضر ورق المعادلة ....قالي هاقول على موجود على النت......قلت له بس لازم تكون عارف ومعاك مايثبت....قالي نسيت..... طبعا ده راح في الكازوزة .

هتشتغل ايه اما تروح وبشكل مؤقت وبعد المعادلة ........ وتكون طابع كام عرض عمل من مواقع العمل الكندية وبالذات في كيبك.

رايح كيبك ليه.......ومنها ممكن تقول سايب بلدك ليه نظرية البيض والاسود و بالتالي ممكن تتسأل ايه الفرق بين بلدك وبين كيبك.

هاتندمج ازاي في كيبك .

رابعاً الترتيب والتنظيم:

لازم تكون منظم ورقك لسببين هايعرفو انك منظم....... وكمان هاتوصل للورق بسهول وده هايوفر وقت و مش هايخليك ترتبك لانك بتكون بتتكلم وعاوز تطلع مايثبت كلامك ولو ماوصلتش للورقة بسرعة هاتخلص كلامك وهاترتبك وده مش في مصلحتك لانك لازم تكون واثق من نفسك.

خامسا : المظهر العام:

يكون بسيط ورسمي كأنك رايح تعمل مقابلة شغل وبلاش افتكاسات الالوان بتاعتنا...

سادساً : الثقة:

خليك واثق في ربنا وفي نفسك ودايما قول يا رب اختار اللي فيه الخير لان مش كل الناس الخير بتاعها في الهجرة وجايز ربنا كاتب لهم حاجة تانية غير الهجرة.

أخيرا يا جماعة... بكرر شكري للمنتدي لان من غيركم بعد توفيق ربنا طبعا مكنتش عديت.

شكرا و يجعله عامر.

[dr abo samra]

من فضلكم ياجماعة

انا مش بوجه كلامي لحد بشكل معين

و لكن كل ما في الموضوع ان اصبح ناس بتفتي كتير

ابسط شئ فيه 3 اشخاص كان معاهم شهادة فرنساوي من مركز

INTERNATIONAL ACADEMY AND INFORMATION TECHNOLOGIE

و كانت المقابلة مع PASCAL

و JEAN LUC DE POISSON

,و عديكم ياجماعة علي اللي حصل

طبعا ده شهادة مضروبة

الناس ده سقطت مع ان الفرنساوي بتاعهم تحفة

لكن اللي حصل انهم طلبوا منهم شهادة معتمدة من السفارة اي

CENTRE CULTUREL FRANCAIS

فطبعا مفيش فاترفضوا

شوفتم النتيجة العند

و الناس ده جتللي علشان اعمل لها نقد

ادعلهم ياجماعة لان بجد صعبانين عليه

لان الموضوع لم يبقي سهل بالمرة

شهاده مضروبه يعنى ايه؟يعنى اخدوها من المركز ده بدون ما يلتحقو بيه...ولا اصلا مفيش اى سنتر بالاسم ده؟

اما لو فيه مركز بالاسم ده وهما التحقو بيه وجابو منه شهاده حتى لو مش معتمد عندهم فمحدش من حقه يرفضهم ابدا

لكن ممكن الاوفيسر يطلب منهم شهاده معتمده لو شاف انه محتاجها

لو تقصدى الحاله الاولى(لم يلتحقو بالمركز او انه مفيش حاجه بالاسم ده اصلا) يبقى للاسف خلينى ابشرك ان النقض ده مش هيتقبل زى نمازج كتير عرفتها

حاولى تفهميهم بقه...وخاصه انك قولتى انهم مقدمين شهادات مضروبه

يعنى لو الاوفسر كتب توصيه انهم ضاربين شهاده وضحك عليهم وقالهم

انه رفضهم عشان اللغه يبقى بيشتغلهم وثقى تماما ان موضوع الشهادات المضروبه

اقل عقوبه له هى الرفض وكمان النقض لا يقبل ابدا

ولو دخلو كندا وعملو البى ار واكتشفو التزوير هيلغولهم البى ار

وخلينى اقولك حتى لو اخدو البسبور هتتسحب منهم الجنسيه

كله الا التزوييييييييييييير....ونصيحه للى بيقدمو

مش شرط تصعبها على نفسك بشهادات مضروبه ...ابدا حتى لو قدمت شهاده مش مختومه وقبلوها منك على وضعها

ثق تماما انهم بيثقو فيك وبيحترمو كلامك الى ان يثبت العكس وساعتها لا تلومن الا نفسك

هيحترموك لاقصى درجه وبيعطوك الثقه كامله ...لكن لو ثبت العكس(التزوير) هيسحبو الثقه برضه كامله

اطيب الامنيات

مره تانيه مليون مبروك للمهاجر وحرمه

حبيت بس أأكد على نقطه كانت ذكرت قبل ذلك ومعلش اذا كنت رجعتها للاذهان وعقبت عليها تانى وذلك نظرا لاهميتها الكبري

واهو بعد اقل من يومين من اللى كتبته عن موضوع الورق المضروب طلع واكد كلامى على نقطتين أو 3:_

1)ان اهم حاجه ادائك اثناء المقابله وليس العبره بالشهاده الموثقه من المركز الثقافى

2)انى قلت انه لو الشهاده(ردا على الاخت ايمان جابر)اللى الاخوه اللى سقطو كانو جايبينها كانت من مركز حقيقى ومش شرط انه يكون معتمد

المستشار ميقدرش يقول مضروبه او يسقطك عشانها بدليل ان الاخ المهاجر جايب شهاده من مركز ثقافى اسكندريه وهو رسمى ولكنه غير معتمد شانه شأن مركز ثقافى المنصوره وعلى فكره

المنصوره تابع لاسكندريه...... يا اخواننا الناس كلها عدت من غير شهادات...يبقى لازمته ايه نجيب مضروب

3)انه من رابع المستحيلات ان الاخوه اللى رسبو نقضهم يتقبل لانه زى ما توقعت انهم يكونو جايبين شهاده مضروبه أو من مركز وهمى(واهى طلعت مضروبه ومن مركز وهمى

يعنى اعداااااااام مش اعاده مقابله

ويبقى الاهم كن صادقا مع نفسك حتى يحترمك من تتحدث اليه...واعلم بانك لست اذكى الناس ...وامشى عدل يحتار عدوك فيك

وانشاء الله هكمل مقابلتى بس بعد ما الناس تعقب على مقابلات الاخوه واذا كان ليهم استفسار عنها عشان نستوفى الموضوع كاملا

واتمنى انه تكون فكره اعاده المقابلات نالت اعجابكم....عسى الله ان ينفعنا بما تعلمنا وان يوفق الجميع لما يحب ويرضى

تقبلو تحياتى

[Nassarlink]

أولا:الفرنساوي

ثانيا: الصراحة

ثالثاً : التحضير:

رابعاً الترتيب والتنظيم:

خامسا : المظهر العام:

سادساً : الثقة:

.أخيرا يا جماعة... بكرر شكري للمنتدي لان من غيركم بعد توفيق ربنا طبعا مكنتش عديت.

شكرا يا مهاجر علي التنظيم ده

انت كده جبت من الآخر

نصّار

[Morial]

ياجماعة لوسمحتم ارجو التوضيح في نقطة هامة انتم عمالين تقولوا الصراحة الصراحة يعني تقصدوا اية بمعني اية الحاجات اللي الواحد ممكن يكدب فيها ممكن حد يديني امثلة من باب الاحتياط لا بعدين الواحد من غير قصد يكدب كدبة كدة ولا كدة اهو الحذر واجب بردة وانوا عارفين ات احنا شعب بيحب يتجمل وما شاء الله خير ربنا كتير اشي كدبة بيضا وكدبة سودة وكدبة ابريل وكدبة الموسم علي كدبة برجلين وكدبة مكسحة والذي منه وبعدين يا استاذ مهاجر انا قاعدة علي النت من 12بليل علشان اطلع عروض العمل اللي حضرتك بتقول عليها عشان ادعم موقفي ولم يحدث اني لقيت اي حاجة ممكن توفر علينا المشقة وتدينا اللينكات اللي حضرتك استخدمتها في اعدادك المنظم الرائع هنتعبك معلش بس معلش اعتبرها حلاوة النجاحوربنا يتمملك بخير :closedeyes:

[dr abo samra]

hgpالحمد لله ....كنت عطشان أوى يا جدعان من امبارح منزلتش الأولله من على بؤى...

نخش فى الموضوع

دخلت وقفلت الباب وراى وعمنا بصلى وانا ركبى سايبه فهزيت راسى وقلتله

monsieur؟

فقاللى vous etes bien monsieur abou samra

فقلتله oui monsieur c est moi

فقاللى assiez vous

فقلت merci bien monsieur

المهم بدأ البدايه المعهوده واتحدى ان يكون حد فهمها كلها بس طبعا انا كان متنبه عليا ان البدايه التقليديه هتكون انه هيقولك انا هنا مستشار هجره عشان اعملك مقابله وبناء عليها هنقرر

اذا كنت تستحق السى اس كيو ولا لأ وده هنقرره فى اخر المقابله...طبعا انا فهمت حاجات بسيطه لانه كان سريع جدا فى الاول وقعدت اهز فى راسى وعامل فيها عبده الفاهم وى مسيو وى مسيو

داكوغ داكوغ,,وهكذا ,نبدا قلتله نبدأ

البدايه

votre passport s il vous plait

فقلتلهle voila monsieurيعنى اتفضل

فقاللى votre date du naissenceيعنى تاريخ ميلادك

فقلتله...........

فقاللى vous etes quelle nationaliteجنسيتك يعنى

فقلتلهegyptien monsieur

فقاللى vous etes ici depuis combienانت هنا من امتى

فقلتله depuis environ 2 jours monsieur

فقاللى comment etes vous venus aujourd huiيعنى جيت ازاى انهارده

فقلتلهen utillesant le taxi monsieur يعنى بالتاكسى امال يعنى هاجى بعربيه كارو

فقاللى bien bien elle vous pluيعنى هيا عجبتك؟

بصراحه شكيت فى نفسى وقلتلهpardonيا عسل مش فاهم تقصد مين انا من البيت للجامع

فقالى abu dhabi

فقلتله الله يحظك يا شيخoui il ma plu beaucoup يعنى عجبتنى طحن يا عم الحاج

المهم بدأ بقه فى الورق وقاللى ...انت اتخرجت من مدرسه كذا ودرست فى كليه كذا جامعه كذا فقلتله oui monsieur

فقاللى parlez moi du votre educationوناس تانيه تقولvos etudes يعنى دراساتك

المهم قلتله......j ai obtinu mon diplome d etudes secondaire l anne...... et puis j ai fini mon diplome de premier cycle dans la faculite de sciences phamaceutiques en يعنى حصلت على الثانويه فى تاريخ .......وحصلت على بكالوريوس العلوم الصيدليه فى تاريخ كذا

فقاللى et apres cela وبعد كده

فقلتله .....apres cela j ai obtinu mon autorisathion de la profission du pharmacie l anne ......... et jai travaille comme pharmacien seconde dans la pharmacy du dr..... du .... a

يعنى بعد حصولى على رخصه مزاوله المهنه اشتغلت كصيدلى تانى فى صيدليه كذا فى الفتره من كذ لكذاet voila l attestationوها هى الشهاده وخد بالك تكون منظم ورقك كويس جدا وكل ما تقول كلمه تطلع المستند بتاعها لانهم بيحبو الاختام جدا(مش متعودين عليها) وبيفضلو يبصو فيها كتير وانت عمال ترزع ولا حد فاهم حاجه...اهو تكسب وقت وتقول اللى فى نفسك وطبعا هو مركز معاك وبيهزلك راسه..المهم

.....et puis j ai travaille comme phamacien pendant mon serviece mellitaire de.......a

يعنى اشتغلت كصيدلى اثناء خدمتى العسكريه واتفضل شهاده الخدمه العسكريه وكمان معاها شهاده الخبره بتاعه الصحه لان مذكور فيها كل الكلام بالتسلسل الوظيفى زى ما اخواننا الصيادله يعرفو

et puis j ai travaille comme rechercheur dans l inestitut du..... du....a

يعنى اشتغلت كباحث فى معهد .....فى الفتره من كذا لكذا واتفضل الشهاده

..j ai travaille comme pharmacien dans la memme pharmacie ... du.........يعنى اشتغلت مره تانيه فى نفس الصيدليه من كذا لكذا

.... et puis je travaille en arabie saudite comme pharmacin dans lintreprise du... jausque au present يعنى اشتغلت فى السعوديه من بعد ذلك حتى وقتنا الحاضر فى مؤسسه كذا واتفضل شهاده الخبره

وعلى فكره ممكن تقدم عقد العمل زائد التاشيرات لو معرفتش تقدم شهاده الخبره..الناس دى بتفهم...المهم انا استاذن حضراتكم اقف لحد الخبره واكمل وقت تانى سامحونى عندى دوام ..

ملحوظه الكى بورد عندى مش مساعدانى اكتب فرنساوى كويس (لا اكسونات ولا بتاع)وكمان ممكن يكون فيه خطأ لغوى فمعلش انا سايب الفرنساوى من سنه

ففى الاعداد ابقو صححو اللغه مع المعد بس اهم حاجه تعرفو المعلومات دى كويس وتحاولو تظبطوها بطريقتكم

استودعكم الله

[Nassarlink]

وكمان ممكن يكون فيه خطأ لغوى فمعلش انا سايب الفرنساوى من سنه

ياراجل كل ده فرنساوي وتقول انك سايبه من سنه

امال لو كنت لسه شغال بقي كان زمان مفيش حد عارف يكلمك

عموما انت عندك غلطه هنا

فقلتلهen utillesant le taxi monsieur يعنى بالتاكسى امال

اللي يعرفها يقول

وليه جائزه سندوتش كوفته تايلندي

ده غير المكسرات التايلنديه بردو

نصّار

تم تعديل 12 ديسمبر 2009 بواسطة Nassarlink

[jessika]

oui il me plus beaucoup

بس انا صايمة

ممكن سندوتش طعمية لو سمحت

تم تعديل 12 ديسمبر 2009 بواسطة jessika

[Nassarlink]

oui il me plus beaucoup

بس انا صايمة

ممكن سندوتش طعمية لو سمحت

معلش يا جيسكا

انا اخذت كوبي غلط

وصللحته تاني

وبالنسبه للسنداوتش بتاعك متقلقيش

ليكي عندي واحد كوفته فول الصويا وصايا

[jessika]

oui il me plus beaucoup :sad:

بس انا صايمة

ممكن سندوتش طعمية لو سمحت

معلش يا جيسكا

انا اخذت كوبي غلط

وصللحته تاني

وبالنسبه للسنداوتش بتاعك متقلقيش

ليكي عندي واحد كوفته فول الصويا وصايا

[size="5"]كفتة فول صويا ............لا اللة يخليك بلاش الافتكاسات الصيامى دى

متعملش زى ماما مش ناقصة وجع بطن

هى كمان ال اية عملتلى همبورجر صيامى بالمشروم والعدس والمش عارف اية

الكفتة كفتة والفول فول يا زعيم

والكفتة ان ما كنتش باللحمة متنفعنيش لمؤخذة :lol:

[Morial]

ايوة يا استاذ نصار انا عارفاها ويارب تطلع صح يعني جيت مستخدما التاكسي utilisant اسم فاعل من الفعلutiliser يعني يستخدم لو صح انا مش هسيب السندوتش بتاعيوان شالله اجيلك المنصورة دة السوبرجيت ساعة ونص وتاكسي يلففني في المنصورة حتة حتة باتنين جنية وعمار يا مصر

[Morial]

هي مش المفروض il me plait beaucoupولا اللي انا بزاكرة دة تايلندي يابتوع الcsQ

[حسام يوسف]

أولا:الفرنساوي

ثانيا: الصراحة

ثالثاً : التحضير:

رابعاً الترتيب والتنظيم:

خامسا : المظهر العام:

سادساً : الثقة:

.أخيرا يا جماعة... بكرر شكري للمنتدي لان من غيركم بعد توفيق ربنا طبعا مكنتش عديت.

شكرا يا مهاجر علي التنظيم ده

انت كده جبت من الآخر

نصّار

:lol: :sad:

[Nassarlink]

ايوة يا استاذ نصار انا عارفاها ويارب تطلع صح يعني جيت مستخدما التاكسي utilisant اسم فاعل من الفعلutiliser يعني يستخدم لو صح انا مش هسيب السندوتش بتاعيوان شالله اجيلك المنصورة دة السوبرجيت ساعة ونص وتاكسي يلففني في المنصورة حتة حتة باتنين جنية وعمار يا مصر

برافوا مدام منال شوقي

انتي كده تنجحي ان شاء الله في الانترفيو بجداره

اما عن السندوتش بتاعك مفيش داعي تتعبي نفسك وتيجي المنصوره

مدام جيسكا واعدانا بطقم ساندوتشات علي الطياره المتجهه لمونتريال ان شاء الله

يارب متكونش ناسيه الوعد بتاعها

[jessika]

اة نسيت خالص ومفيش داعى تفكرنى دة مصدقت الناس نسيت :lol:

تم تعديل 12 ديسمبر 2009 بواسطة jessika