ابشرو مقابلات كيبك الجديدة مارس 2009

[francois]

ياريت يا جماعة نحاول نعرف بعض الاوقات اللى قدمنا فيها الفيدرالى علشان نحاول نتابع مع بعض مواعيد الميديكال

انا مثلا مقدم الفيدرالى فى اول شهر 9 وفتح على النت 8 - 9 - 2009

ياريت اللى مقدم قبل التاريخ ده يعرفنى علشان نتابع مع بعض

استاذ فرانسوا اخبارك ايه فكره جميله ياريت نتابع مع بعض انا بعدك بشهرين

ياريت نعمل جدول بسى فى توبيك الحاصلين على السى اس كيو وقدموا فيدرال ونتبابع مع ببعض

انا موافق اعمل الجدول واكتب لنا اللينك علشان نكتب بياناتنا

وربنا يوفقناكلنا

[francois]

ياريت يا جماعة نحاول نعرف بعض الاوقات اللى قدمنا فيها الفيدرالى علشان نحاول نتابع مع بعض مواعيد الميديكال

انا مثلا مقدم الفيدرالى فى اول شهر 9 وفتح على النت 8 - 9 - 2009

ياريت اللى مقدم قبل التاريخ ده يعرفنى علشان نتابع مع بعض

استاذ فرانسوا اخبارك ايه فكره جميله ياريت نتابع مع بعض انا بعدك بشهرين

ياريت نعمل جدول بسى فى توبيك الحاصلين على السى اس كيو وقدموا فيدرال ونتبابع مع ببعض

انا موافق اعمل الجدول واكتب لنا اللينك علشان نكتب بياناتنا

وربنا يوفقناكلنا

انا جددت الطلب فى بنك العلومات يارب الاخوة يستجيبوا

[Scorpion]

معلش يا جماعة سامحوني .. ممكن افهم ازاي ممكن اي حد يستفاد من موضوع زي ده .. موضوع وصل لأكثر من 330 صفحة ... موضوع فيه اكتر من 5 الاف مداخلة .... الاقي فيه ازاي معلومة تهمني ؟؟ ... الاقيها ازاي ما بين 600 مداخلة من عينة السندوتش كان طعمية و لا حلاوة .. الاقيه ازاي ما بين فين فلان و علانة مقموصة ... الخ الخ الخ ...

المنطق يقول ان كفاية كده قوي فعلآ ... كفاية يا شباب بجد ... ساعدونا بقي ....

بعد اذنكم و بعد اذن الأدارة سيتم غلق الموضوع ده ... او بمعني اصح سنقوم بفصل مداخلاته الأخيرة لنفتح بها موضوع جديد يدور حول نفس الأمر نظرآ لأهميته للبعض منا ... و لكن نتمني بالفعل ان لا يصيب الموضوع الجديد ما اصاب هذا الموضوع من سرطان الثرثرة التي لا تفيد ... و ان كنا نعدكم بتواجد اشرافي يشذبه من اي مداخلات بلا فائدة ...

[myusername]

معلش يا جماعة سامحوني .. ممكن افهم ازاي ممكن اي حد يستفاد من موضوع زي ده .. موضوع وصل لأكثر من 330 صفحة ... موضوع فيه اكتر من 5 الاف مداخلة .... الاقي فيه ازاي معلومة تهمني ؟؟ ... الاقيها ازاي ما بين 600 مداخلة من عينة السندوتش كان طعمية و لا حلاوة .. الاقيه ازاي ما بين فين فلان و علانة مقموصة ... الخ الخ الخ ...

المنطق يقول ان كفاية كده قوي فعلآ ... كفاية يا شباب بجد ... ساعدونا بقي ....

بعد اذنكم و بعد اذن الأدارة سيتم غلق الموضوع ده ... او بمعني اصح سنقوم بفصل مداخلاته الأخيرة لنفتح بها موضوع جديد يدور حول نفس الأمر نظرآ لأهميته للبعض منا ... و لكن نتمني بالفعل ان لا يصيب الموضوع الجديد ما اصاب هذا الموضوع من سرطان الثرثرة التي لا تفيد ... و ان كنا نعدكم بتواجد اشرافي يشذبه من اي مداخلات بلا فائدة ...

فى الحقيقة هذا بالضبط ما حاولنا فعله, عندما تم فتح موضوع الكل ناجح, و لكن تم الاعتراض على الفكرة كليا و جزئيا.. و جاء اعتراض الادارة واضحا.

فى رأيى الشخصى, بدل فتح موضوع جديد, اقترح فتح موضوع: "الكل ناجح" مرة أخرى, ناهيك عن ان الموضوع يحتوى على الكثير من المعلومات المهمة, مثل المعادلات, و تم ايضا انشاء جدول خاص بمواعيد المقابلات, اسوة بموضوع الفيدرال.

شكرا جزيلا لتفهمكم..

[محمد كيبيك]

:)انا من راييى انة الادارة تتفضل مشكورة باعادة فتح توبيك الكل ناجح باذن اللة لان فى مداخلات كتيرة تمت فى توبيكات تانية ملهاش مكان غير توبيك الكل ناجح باذن اللة واكبر دليل على كلامى ان فى اسئلة اطرحت فى توبيك مقابلات كيبيك سين وجيم باللغة الفرنسية و د ابو سمرة بنفسة قال ان دة مش مكان الاسئلة دية يا ريت فعلا الادارة تهتم وتفتح توبيك الكل ناجح باذن اللة مرة اخرى

[dr asar pharma]

من وجهة نظري المتواضعة ان ماقام به المحترم جدا م/احمد سيف وباقي فريق الاشراف من تنقيح وتنقية لتوبيكس كيبيك هو مجهود جبار يشكروا ويؤجروا عليه ونحسب لهم مجهودهم الرائع وتعبهم الشديد في هذا الشأن...وليس معنى ذلك ان نقوم بعد ماقاموا به مشكورين باغلاق التوبيك..فأرجو من سيادتكم أن تتفهموا الوضع التالي :

اولا : هذا التوبيك يحتوي على العديد من المعلومات المهمة والتجارب الثرية وخبرات القدامى في كافة شؤون الهجرة لأعضاء منهم من حصل على الفيزا ومنهم من استقر في كندا منذ زمن..وهذا التوبيك بدأ في مارس 2009 وضم تجارب الاخرين من 2006 و 2007 و 2008 الى اخر 2009

ثانيا : أنا لا أرى أن مشكلة في ان يمتد التوبيك لأكثر من 300 صفحة طالما انه يحتوي على معلومات هادفة والغرض منها واضح ومعلن وهو استفسارات واسئلة الاعضاء المختلفة وتناول المعلومات والاخبار المفيدة والهادفة بشأن موضوع الهجرة الى كيبيك .

ولذلك اقترح على سيادتكم :

أن يقوم جميع الاعضاء من تطوع منهم للخدمة ومساعدة الاخرين طالما ان الوقت يمهله بالبحث في توبيك ابشروا عن المداخلات الغير هادفة او غير مجدية وابلاغ ارقامها للادارة مثل السيد scorpion والسيد احمد سيف والسيد محمد التهامي ليقوموا مشكورين باكمال ماقام به م/احمد سيف ويتم حذف هذه المداخلات..وبذلك نكون قلصنا حجم التوبيك مع الابقاء على مضمونه والمعلومات الهامة والمفيدة فيه وخففنا على الادارة عبىء عناء البحث والتنقيب.

اما ان نقوم بفتح توبيكس جديدة تحت نفس المسمى فلا اظن ذلك مجديا..وسيكون الغرض منها هو الشهرة فقط..كما ان معظم الاعضاء الجدد جلهم يسأل ولا يجيب وهذا حقهم..ومن يجيب لا يملك التجربة وقد يكون ليس له علاقة بالهجرة لا من قريب او بعيد (ومنهم ايضا من ليس له علاقة بالهجرة وقام بتطفيش قدامى الاعضاء ممن ساعدونا دوما باختلاق المشاكل معهم)..واعتقد ان الغرض من وراء ذلك غير سوي...يعني بالبلدي ياجماعة (ناس من الاعضاء الجدد ممن ليس لهم علاقة بالهجرة طفش الناس اللي كانت بتساعد لوجه الله وعايزين يقفلوا التوبيك الذي يحتوي على مساعداتهم وخبراتهم السابقة ويقوم بفتح توبيكس جديدة ماهي الا copy و cut من هذا التوبيك العظيم...وللشهرة فقط) .

فاذا حكمنا العقل سيكون من المنطقي تنقيح هذا التوبيك عن طريق الاعضاء بالتواصل مع الادراة كما ذكرت اعلاه وسأكون انا اول من يساعد في هذه العملية .

وهذا من وجهة نظري المتواضعة...ولكم جزيل الشكر

[Scorpion]

زملائي الأعزاء

غلق الموضوع لا يعني حذفه.. مجرد التوقف عن اضافة مداخلات جديدة فيه..و لكنه سيظل دائمآ معروضآ للقراءة فقط

و بداية موضوع جديد "علي ميه بيضا" يراعي فيه المشاركين فيه قبل المشرفين ان لا يصيبه فيروس الثرثرة الغير هادفة

[مازن أطرش]

والله يا اخ سكوربيون ...وجهة نظرك مقبولة ..بس هاد الموضوع يتعلق بالممتحنين الجداد ...بالنسبة ليهم ...يهمهم ابقاء الموضوع ده مفتوح ..ولا الموضوع الجديد..بس المهم زي ما قلت ..التركيز مهم ..عشان الواحد ما يتشتت ..يعني أنا بصراحة بفضل انو موضوع ابشروا يفضل مفتوح ..ليه..؟؟ أسباب عاطفية ..واسباب منطقية ...يعني مثلا ..العضو يكون عبيقرا مقابلات قديمة ,,يقوم يخطرلو سؤال جديد يسأله..مش يقرا بمكان ويسأل بمكان ..بس زي ما قلت ..الأعضاء الجداد هما الأحق بأن يقرروا بالموضوع ده عشان دي مصلحتهم قبل الجميع

[astrophy]

اخوانى الافاضل فى راى الشخصى فقط الموضوع دا مهم جدا وقى بالتفاصيل ومعلومات مهمه ارجو انت يتم حذف المداخلات الغير مجديه وتنقيحها لتقليل عدد الصفحات

الموضوع مهم لما فيه من تجارب زاخره لبعض اخوانا الى سافروا والمنتظرين السفر ومقابلات مهمه جدا فتح موضوع جديد اعقتد لان يضيف كثرا لسبب ان 90 بالمائه من اصحاب الخبره فى موضوع الهجره لم يدخلوا منذ فتره كبيره وطبعا لمشاغلهم الكثيره فى الفتره القادمه بسبب الحياه الجديده وسنكون نحن بامر الله بعد فتره نفس الشىء لذلك كل من سيكتب فى التوبيك الجديد سيكونوا مثلى من اصحاب الخبره والمعرفه القليله فى الهجره وسيندثر التوبيك المهم والاصلى ارجوا انت يتم تنقيح هذا الكنز ويكون موضوع مثبت لاهميته

انا من الناس الى استفادوا جدا من هذا التوبيك بعد ان اعتمدت على نفسى وعلى نصائح كبار اخوانا ممن اثروا هذا الموضوع بالمعلومات

والقرار الاخير لاخوانا فى الادراه

المهم ليس فتح مواضيع جديده بل المعلومه الصحيحه الى ستفيد صاحبها

وأ ن كان فتح مواضيع جديده ستفيد وتضيف معلومات اكثر فى المراحل الاولى من مشوار الهجره

اكثر من التوبيك القديم مع وجود اعضاء اكثرخبره ومروا بكل مراحل الهجره

فلا مانع

ارجو التوفيق لكل اخوانا المقبليين على المقابلات

[حسام يوسف]

رأيي يا عم سكوربيون ان التوبيك فيه خبرات كويسة

وممكن يضاف ليه برضة خبرات كويسة تانية

فلو قدرنا نختصره بحذف الشت والحاجات دي

ممكن يوصل الى 70-80صفحة

مع التنبيه أن تكون المشاركات فيه جادة

بعيدا عن الشات

ولو تحب أنى أختصره

أنا تحت أمرك

ببساطة هنكتب أرقام المشاركات المهمة بس

وغير كدة يتحذف

مع تحياتى

[magedghonim]

استاذي الفاضل سكوربيون

اولا : ان الموضوع الجديد هيبقى على مية بيضة دة مش اكيد ...ومالوش ضمان والخبرات السابقة تؤكد عكس ذلك

ثانيا : زي الاخوة الي سبقوني فعلا الموضوع فيه خبرات اكتر من 3 سنين ولو اتقفل بيتسنى ويروح طي الكتمان

فمن رأي المتواضع انه يهذب وينقح وفيه بعض الاخوة والزملاء اقترحو انهم يقومو بالمهمة الصعبة دي

ثالثا: ودة راي شخصي جدااااااااا انه الاسهل عليا في البحث عن معلومة اني اقرا توبيك واحد طوييييييييل

ولا اني اقعد ادور في 4 او 5 مواضيع

بالتوفيق...[/b]

تم تعديل 20 فبراير 2010 بواسطة magedghonim

[dr alaa pharma]

اخى الفاضل سكوربيون

لاحظت حضرتك ان الاخوة كلهم اجمعوا على بقاء التوبيك و عدم فتح توبيك جديد

و لان كمان التوبيك الجديد لن يخلوا ايضا من الثرثرة ............لان دا طبع فى المصريين

اذن ......الاحسن هو تنقيه هذا التوبيك ......و تصفيته ......من كل المداخلات غير الهامه

و سيتفضل الاخ حسام بتنقيتها جزاه الله خير

و لو حضرتك قفلت التوبيك دا هيضيع زى ما ضاع توبيك ( بنك المعلومات للناجحين فى مقابلات كيبيك) مع انه

يحتوى على معلومات غايه فى الاهميه.......

شكرا لكم

[dr abo samra]

الاخوه الأعزاء ....اينما كنتم ونزلتم

السلام عليكم ورحمه الله وبركاته

ادخل دوغرى فى الموضوع واقول الاتى:_

فى مصر .....الدنيا ماشيه اهلى وزمالك.....لا الاهلاوى عايز يبقى زملكاوى ولا الزملكاوى عمره هيبقى اهلاوى

فى مصر العمليه ابيض واسود....لا الابيض عمره هيسود ولا الاسود عمره هيبيض

جيت هنا لقيتها فيدرال وكيبك.....طبعا عالورق لان الكل لسه على باب الله...بس سرعان ما انتهت عندى هذه الفكره صراحه بتدخل العظيم المحترم....م/احمدسيف

فى الزمالك(بما انى زملكاوى) ...اى فسفوسه بتحصل بتلاقى علاء ابوشنب صادق_ وشوخير _ومذحت شنبى شغالين الله ينور..والعين دايما عليه مع انه بيحتضر من 5 سنين...تلاقى علاء صادق بيقول يا جدو انت معايا ان حسام حسن خاين وضحك عليك؟.....جدو/ايوه يا دكتور صح....جدو انت معايا ان الزمالك اداره نصابه؟.....جدو/ايوه يا دكتور تمام......جدو انت مضيت صح؟....جدو/ايوه يا دكتور...طب امال ليه بيقولو انك مضيت مع انك ممضيتش؟ :lol:

جدو/ مش عارف يا دكتور ليه بيضحكو عليا مع انى مضيت ومش عارف ليه بيقولو انى مضيت......اى كلام فى اى اتجاه

امال لو الزمالك مش واخد كل البطولات بقاله 5 سنين بالظبط....كنتو عملتك فيناايه؟ :) ....ولا ايه يا عم حسام يا يوسف؟؟؟؟؟

ليه انا ضربت الامثله دى...

انا بشبه الزمالك بكيبك ورجاله كيبك وادب كيبك...واللى جابو كيبك..................كان يوم اسود يوم ما عرفت اسمها.............حد فهم حاجه؟

وطبعا عمرى ولا أجرؤ انى اشبه اى حد من اعضاء الاداره بعلاء شنب صادق او شوخير او مذحت شنبى...فالعزيز د/التهامى....م/احمد سيف(الخلوق جدا).....المحترم من خلال مداخلاته العزيز/سكوربيون

كلهم اهل تحضر وثقافه وعلم وهدف وتوجه سديد

لكن هشبه كيبك فقط بالز مالك.....توبكس كيبك يا ساده هاديه وهادفه وجميله ولما بتحصل حاجه بتتلم بسرعه....بس دايما عليها العين شويه

سيد سكوربيون....المهندس احمد سيف قال الحل وهو التهذيب وترويق التوبك وقد بدأ مشكورا فى ذلك...لكنه توقف ربما لانه مش فاضى وربنا يعينه او لانه تعب حيث ان العمليه متعبه ومقرفه فعلا..

لكن لم يخرج احد على هذا الحل والكل تفهم والتزم....فيا ريت اعرف من حضرتك ايه اللى جد؟..

ان كان الموضوع ان التوبك كبر فاعتقد ان الاعضاء قدمو الحلول وهى التهذيب ومساعده الاداره فى ذلك لتقليص حجمه الى ما يقارب المائه صفحه هادفه وجميله ومرتبه... وقد بدأ م/ سيف فى ذلك بنفسه مشكورا

اذا كان لعدم التزام الاعضاء فاعتقد ان مثل ذلك قد اختفى وانقضى...باستثناء عضو او اتنين وممكن تتابع سيادتك وتعرفهم وتتخذ اللازم ضدهم...

اذا كان بطلب من صاحبه التوبك المراد فتحه/الاخت منال....فلم ارها تناقش ذلك على العام وتدافع عن وجهه نظرها وتقولنا ايه دوافعها لفتح التوبك...ويكون النقاش فى منتهى الالتزام والحميميه من الجميع

اما فتح توبك لمجرد فتح توبك جديد وغير متخصص او مكرر ...وغلق توبك غنى عن التعريف فهذا لا اراه مناسبا اذا سمحتم لى سيادتكم..

اذا اجمع الاعضاء على فتحه فتوكل على الله...واذا اجمعو على استمرار ابشرو..فتوكل على الله...وان كنت ارى ان الغالبيه العظمى اعلاه تريد استمرار ابشروا

اذا يبقى استمراره من عدمه كما تفضلت سيادتك متروك لرأى الاعضاء وهذا قمه الديموقراطيه

والله الواحد لازم يفخر ان فيه مكان فى مصر ممكن تتكلم فيه براحتك ومن غير متتقفش....ويجعل كلامنا خفيف عليهم :lol:

ارجو رجاء اخير ان لا يعج المنتدى ببعض الالفاظ التى تتناثر يوميا على صدر صفحاته مثل(ثرثره_شات_شرشحه_قله ادب_مهاترات).....فقد مللنا التكرار و الخروج عن النص واتهام بعضنا البعض بما ليس فيه

فجميعكم اهل اقتداء وفكر وثقافه ........وزملكاويه.......................... ولا اييييييييييييييييييييييييييه؟ :)

كما كنت اتمنى ان يتم النقاش فى توبك(استراتيجيه العمل فى باب كندا) حتى لا يتم حذفه من هنا مع التهذيب والترويق الجارى...حيث اننى كعضو بحب التخصص جدا...وحتى يكون ارشيف يتم من خلاله معرفه رأى

كلعضو واتجاهاته وميوله...كما فعل المهندس/احمد عند طرح موضوع تطوير باب كندا قبل قرابه الاسبوع

شكرا لاتساع صدر حضراتكم وأسف جدا للاطاله

حفظكم الله جميعا

[myusername]

السلام عليكم,

ارتبطت بفتاة مصرية تعمل كيميائية, و هى كانت قدمت على كيبيك و حصلت على الcsq بدون مقابلة, منذ فترة قريبة.

هل ممكن اذا تزوجنا سريعا (كتب كتاب), ان يتم اضافتى و عمل ابديت update؟ و هل سأضطر الى دخول مقابلة؟

حيث ان فكرة الانتظار الى ما بعد ذهابها الى كندا.. ثم عمل سبونسرشيب.. هى فكرة غير مطروحة بالنسبة لنا..

و هل سيتم تأخيرها او تعطيلها؟ ما المدة اللتى سوف يستغرقها عمل الابديت؟

منتظر الرد ضرورى.. و شكرا جزيلا مقدما.

تم تعديل 21 فبراير 2010 بواسطة myusername

[elzaaeeem]

أنا أتجوزت بعد ما نجحت ومستنى الموافقة على المدام من شهر 11 اللى فات ولسه مفيش حاجة وهناك 3 حالات

يبعتوا السى اس كيو

يطلبوا شهادة فرنساوى ليك

مقابلة جديدة

[myusername]

أنا أتجوزت بعد ما نجحت ومستنى الموافقة على المدام من شهر 11 اللى فات ولسه مفيش حاجة وهناك 3 حالات

يبعتوا السى اس كيو

يطلبوا شهادة فرنساوى ليك

مقابلة جديدة

الف مبروك على الجواز.

طيب خطيبتى درجاتها كبيرة.. بحيث ان بعد اضافتى, مش هتبقى فيه مشكلة فى الدرجات, حتى لو حذفنا درجات الفرنساوى بتاعتى... فهل ده ممكن يبعتوا لنا السى اس كيو بتاعى على طول من غير مقابلة؟ ولا ده احتمال ضعيف؟

ايضا... فى المتوسط الموضوع بياخد وقت قد ايه (كام شهر)؟ و هل ان درجاتها كبيرة.. و ان وظيفتها مطلوبة.. له تأثير على اسراع العملية؟

شكرا جزيلا على ردك السريع.. smk:

تم تعديل 22 فبراير 2010 بواسطة myusername

[Morial]

دة ايه الجوازة المتظبطة دي :closedeyes:

اعذرني يا مسيو يوزر عندي سؤال لا يخلو من خبث هو حضرتك خطبتها قبل الليستة الجديدة وللا بعد الليستة smk: :closedeyes:

[myusername]

دة ايه الجوازة المتظبطة دي :blush2:

اعذرني يا مسيو يوزر عندي سؤال لا يخلو من خبث هو حضرتك خطبتها قبل الليستة الجديدة وللا بعد الليستة smk: :blush2:

كنت احب الا اتحدث عن تفاصيل شخصية بحتة, و لكنى لم اخطبها بشكل رسمى بعد.. لكننا متفقين على كل شىء :closedeyes:

و بعدين ربنا انعم عليا بانسانة محترمة, و من اسرة كريمة (علاقة اسرية قديمة).. و كمان مهاجرة الى كيبيك و حصلت على الcsq.. هو انا هعوز اكتر من كده ايه بس فى الدنيا؟ :closedeyes:

بالمناسبة.. هل توجد مشكلة انى لسه بدرس؟ لانى بفكر اقولهم انى ناوى اكمل دراسة هناك و اشتغل بالخدمة الاجتماعية :closedeyes:, ده فى حالة لو طلبوا مقابلة لا قدر الله.

تم تعديل 22 فبراير 2010 بواسطة myusername

[dr alaa pharma]

دة ايه الجوازة المتظبطة دي :lol:

اعذرني يا مسيو يوزر عندي سؤال لا يخلو من خبث هو حضرتك خطبتها قبل الليستة الجديدة وللا بعد الليستة :lol: :lol:

تحياتى يا اخت منال ..............الصورة دى جميله بس الايه القرأنيه احلى

بصراحه .........ما يمشوش مع بعض

انا اسف يا ريت من غير زعل ..........ممكن تغيريها؟

[magedghonim]

عزيزي ماي يوزر

طبعا فيه فرق كبير

لان الكاتجوري الي انت مقدم فيه دة خاص بالعمالة الماهرة (ترافيو كاليفي) مش فيزا دراسة ودة ممكن يعمل مشكلة كبيرة

لان كدة الهدف من الهجرة هو الدراسة وليس العمل ... فخلي بالك لو في مقابلة متجبيش سيرة الدراسة خالص

معادلة وشغل وبس..

وربنا يوفقك .