ابشرو مقابلات كيبك الجديدة مارس 2009

[الأهلاوي الأصيل]

أهلاً وسهلاً بيكي معانا ، ونورتي المنتدى

الفايل نمبر هيجيلك بعد مدة من شهرين لأربع شهور من تاريخ إرسال الورق

يعني لسه بدري على القلق أو السؤال

اهلا يا شباب

انا اول مرة اشارك معاكم ,انا فعلا سعيدة لان فى روح جميلة بين الجروب, انا طبعا عندى سؤال

انا بعت اوراقى(QSC and all attachments) الى سوريا من 30 مايو ولم يبعتوا لى اى رد او جوابconfirmation الى الأن هل لأن فى اوراق ناقصة

ورقم file . قبل ولا بعد أستكمال الأوراق

merci,

[Nassarlink]

السلام عليكم عاملين ايه اتمنى ان يكون الجميع بخير وصحه وسعاده كنت اتمنى ان اى يحد يفدنا يعنى الناس اللى عملت مقبلات ونجحت تقلنا عملوا ايه فى المقابله ومتبخلش بالمعلومه حتى لو كانت معلومه بيسطه عشان نقدر نفيد بعض وكنت كمان عاوز اعرف مدام سابيرنا لسه هى اللى بتعمل المقابله ولا فى حد تانى والشكر للجميع

حمد الله علي السلامه

انت رجعت من العمره ولا لسه ماسافرتش

[LA VIE]

لا والله لسه ما سفرت يا استاذ نصار يا حبيبى ليه يا استاذ نصار الناس مش متعاونه زى الاول وتحس انهم فى حاله عدم تفائل انا اعرف نا كتير بتدخل على المنتدى ده عشان تعرف معلومات وبس وهما مش من الاعضاء طبعا لكن اتمنى من الناس اللى بتدخل فقط عشان تستفيد من المنتدى انهم بردوا يفيدونا لان زى ما انت بتستفيد لازم تفيد والمصلحه للجميع اتمنى من الرجاله اللى بيدخلوا المنتدى انهم يشاركونا ارائهم ومعلش اننا هنتعبهم شويه فى كتابه الجديد عشان يفيدوا الناس اللى لسه ما عملت مقابله

[jessika]

على فكرة يا جماعة هو اصلا مفيش حد من المجموعة بتاعتنا دخل المقابلة علشان يحكيها لسة لية بنحكم عليهم انهم مقصرين

يعنى الاهلاوى الاصيل وفارما ولافى وفيزر ود حسام وغيرهم كلهم لسة بتوع الميشن دة

واللى دخل ناس من برة المنتدى وحكينالكم عملوا اية على قد ما قدرنا نعرف منهم

بلاش قلق وركزوا فى الفرنساوى واهدوا لان القلق دة بجد زيادة وممكن يجيب نتيجة عكسية المذاكرة والاعداد الجيد واكيد اللى عندة تجربة هايحكيها

المهم ركزوا فى المهم ........وربنا معاكم اكيد اوعوا تخافوا

[jessika]

طيب شوف يا lavie انا مقدرة قلقك لانى كنت فى يوم من الايام زيكم وانا بطبعى قلوق جدا .........انا معملتش مقابلة بس صدقنى من كل الكلام اللى اتحكى اقدر اقلك انى بجد فاهمة وحاسة نوع المقابلة وطبيعتها سواء بقى مع سبرينا او غيرها

ويمكن دة اللى كان قلقنى جدا من المقابلة لسبب واحد ان جوزى المقدم وهو بطبيعة شغلة معندوش اى وقت علشان يتعايش مع اللغة وخد بالك من الكلمة دى كان يكتب كويس ويحل امتحان الكورس ممتاز من غير مذاكرة كمان

ولكن المشكلة ان المقابلة شفوى مش تحريرى فكنت كل مرة اعمل معاة محادثة ورغم انة يجاوب كويس لكن اقلة لالالالا مش عاجبنى زيرو

هاتسالنى لية بقى؟

اقلك علشان طريقة الرد نفسها هى اساس القبــــــــــــــــــــول ودة اللى متاكدة منة علشان كدة انا واثقة ان كل واحد عارف قبل ما يدخل المقابلة هايتقبل اولا

صدقونى انا بحاول اساعدكم وارجوكم ركزوا وحاولوا تفهمونى بس علشان ربنا يوفقكم

لازم يكون فى صراحة ووضوح مع نفسك وتعرف انت طريقتك ازاى ومحتاج لاية لان الموضوع شخصية بتتكلم مع الممتحن مش لسان بيسمع فرنساوى يا جماعة

هاديكم مثال بسيط ويارب يوصلكم اللى عايزة اقولة

لما رحت اعمل تيست احدد مستوايا للفرنساوى فى المركز الثقافى كنت بذاكر مع نفسى فى البيت قلت علشان ادخل مستوى متقدم منة توفير ومنة نخلص بسرعة علشان الولاد المهم

قلت دى فرصة لية اختبر نفسى كانى فى مقابلة وفعلا

كان معايا واحدة فى نفس الحجرة هاتعمل مقابلة انا عملت الاتى

اولا كنت مبتسمة............اللبس كمان مهم بساطة مع اناقة يعنى ..........دخلت بكل ثقة للى هاتمتحنى رغم انى اول مرة اذاكر فرنساوى ولوحدى وكلة قلى بكتيرك تدخلى التانى بس بامانة انا داخلة ومقررة مش اقل من الرابع هايرضينى

فقلت انا اللى اجبرها تدينى اللى انا عايزاة

قعدت ورجل على رجل تناكة بقى حسستها انى متمكنة.........رغم ان دى مش الحقيقة

سالتنى السؤال خدوا بالكم وانا مبتسمة ليها ووشى معبر بحركات انى فهماها ومعاها على الخط وانا مش فاهمة اصلا السؤال

فى االنهاية لقط كلمة فهمت اللى هى عايزة تقولة

ورديت بكلمات بسيطة بس بقوة وكانى بدردش معاها وفاهمة وبفكر ومبتسمة متنسوش دى علشان محسسهاش بالتوتر

وراحت مطولتش عليا وادتنى امتحان تحريرى انجزتة علطول ودخلت الرابع فعلا وكنت مبسوطة لسبب بس انى اتحديت نفسى

اللى معايا كانت متوترة وبتتلجلج وكانها حافظة طبعا مدتهاش غير التانى وتوسلت ليها تديها رابع ضحكت وقلتلها ازاى يعنى

متهيالى وصلتلكم الفكرة ازاى اتمنى

معلش طولت ورغيت بس بجد بحاول اساعدكم علشان حاسة جدا بيكم

فى النهاية ربنا موجود..........وبالتوفيق

[Phizer]

على فكرة يا جماعة هو اصلا مفيش حد من المجموعة بتاعتنا دخل المقابلة علشان يحكيها لسة لية بنحكم عليهم انهم مقصرين

يعنى الاهلاوى الاصيل وفارما ولافى وفيزر ود حسام وغيرهم كلهم لسة بتوع الميشن دة

واللى دخل ناس من برة المنتدى وحكينالكم عملوا اية على قد ما قدرنا نعرف منهم

بلاش قلق وركزوا فى الفرنساوى واهدوا لان القلق دة بجد زيادة وممكن يجيب نتيجة عكسية المذاكرة والاعداد الجيد واكيد اللى عندة تجربة هايحكيها

المهم ركزوا فى المهم ........وربنا معاكم اكيد اوعوا تخافوا

عايز اقولك والله كتير يا جيسيكا واخدنها قرايه يعني مشفتش حد اقله تعالى في موقع بتاع محاورات المصرين وهتلاقي ناس تساعدك وبتاع الا اما يقولي ايوة عارفه فحاجا تزعل فعلا

ربنا يسترها صحيح الف سلامه على ابنك والله العظيم اول مره اخد بالي دلوقتي وانا بقرا الحاجات الي بتفوتني سامحني انتي عارفه انت بنت دفعتي ومقدرش اتاخر

[Phizer]

مفيش زي مشن الرجاله حمودي وابن سينا ونصار واحمد ابراهيم والناس المحترمه دي محدش يزعل والنبي انا بتكلم عن الاخوه القرااااء وهما كتيييييييير مش بتكلم عن زميلنا الاعضاء

المهم انا لسه شايف راجل الحمدلله ناجح وكان بيكتب الفيدرال صحيح هوا كان بيتكلم بالعافيه وبمنتهى التناكه وكنت حاسس اني هضربه بس كان غلطان فالابلكيشن بتاع الفيدرال فالحمدلله عرفت اساعده فنطق البيه اخيرا

بصارحه هوا حسسني ان مفيش غيره ينفع انه ينجح

المهم هوا بكلوريوس خدمه اجتماعيه بيقول انه واخد ديلف بيه ديو انا اشك بصراحه بيقول قابلته مدام سابرينا هوا عامل المقابله من شهر

كانت بتسأله بالفرنساوي ولما ميفهمش كانت بتسئله بالانجليزي يبقا مش ديلف بقا خالص

هوا عنده بنتين صغيرين ده كل الي ربنا كرمني وعرفته منه ومش عايز اعرف اكتر من كده

لمهم ان في حد نجح لان بصراحه كل الاخبار الي وصلتني مكان يعلم بيها الا ربنا

شكرا يا فايزر علي الاطراء ده

المهم انك لما انشاء الله تنجح متعملش زيهم

طبعا انا عارف ان في فرق واضح بينك و بين الاخ اللي انت بتقول عليه

بس اقصد انك ممكن تنشغل

فمتنساش حبايبك اللي بعدك في الميشن

وبعدين سابرينا مش وحشه ولا حاجه

لكن بنت سوق وعارفه الكبيره والصغيره

ومينفعش يتضحط عليها

والتحضير الكويس دايما بيبان

وطبعا قبل كل شيء ارادة ربنا وتوفيقه

علي فكره فايزر بتتكتب كده Pfizer

ده زي ما الخواجه شارل فايزر كان كاتبها سنه 1849

ايه يا نصار باشا الي انت بتقوله ده طبعا اقل واجب والله ان الواحد يحكي الي حصل معاه كفايه واحد زيك ولا استاذ سيد منير ولا كتيييييير مش هعد انتو ياما ساعدتم وخصوصا انا فاكر اما كنت مصدعك عشان معرفش التامينات ولا ايه ولا ايه

ومفيش حجج بيني وبينك مشغول مش مشغول ده اقل واجب فعلا

المهم بس انت ادعيلي عشان الاقي حاجا احكيهها

وانا مقلتش سابرينا صعبه خلاص بالعكس معاونه بدليل انها كانت بتسأله بالانجليزي لما كان الراجل مش فاهم

بس هيا برضه تعبت ناس ورفضت تانيين فأهم حاجا الاعداد الكويس وربنا ييسر للجميع

بخصوص بقا معلومه فايزر انا عارفها طبعا لاني صيدلي وكنت شغال فالشركه دي بس والله معرفت اسجل بالاسم ده

بس تصدق اول مره اشوف الحاج فايزر الكبير

تم تعديل 23 يونيو 2009 بواسطة Phizer

[maic]

ok, شكرا على الرد على اى حال و ربنا يكون مع كل واحد

[Nassarlink]

السلام عليكم

ازيكم ياجماعة

وخصوصا يا أستاذ nassarlink

انا سافرت تاني للاسف ومش عارف اتابع مذاكرة

هنا في الكويت ريتم الحياة سريع

ومش عارف اي حد او اي مكان اخد فيه او حتى امارس فيه اللغة

خصوصا ان وجع البطن بدأ

وجواب الانتظار جالي يوم 5-5 بـ 3 الى 6 شهور

ربنا يسترها من فضله دعواتكم

و السيد la vie بيسلم عليك يافندم

ازيك يا احمد

والله انت واحشني كتير

وبعدين احنا اتفاقنا انك لما تسافر تذاكر ولو في اليوم ثلاث ساعات

انا واثق في مستواك في الفرنساوي

بس من غير استمرار وممارسه هتنسي الفرنساوي

او علي الاقل هتنسي تتكلم ازاي

علشان خاطري الشغل مهم

لكن دلوقتي انت في مرحله مهمه في حياتك

ضروري تركز شويه

شد حيلك

وربنا معاك

[Nassarlink]

اهلا يا شباب

انا اول مرة اشارك معاكم ,انا فعلا سعيدة لان فى روح جميلة بين الجروب, انا طبعا عندى سؤال

انا بعت اوراقى(QSC and all attachments) الى سوريا من 30 مايو ولم يبعتوا لى اى رد او جوابconfirmation الى الأن هل لأن فى اوراق ناقصة

ورقم file . قبل ولا بعد أستكمال الأوراق

merci,

انت بعتهم لسوريا ليه يا مايك

مش انت من مصر

وبعدين دفعت الفلوس بتاعت السفاره فين

ياريت توضح شويه انت كانت مقابلتك امتي

وايه اللي حصل معاك

وليه ارسلت الCSQ الي سوريا

احنا في انتظار الرد

[Nassarlink]

بس إزاي ظروفك مشابهة تماماً لظروفي...محل العمل والمقابلة الشخصية والمواعيد

أحسن تطلع أنا وأنا مش عارف :closedeyes:

اعترف يا اصيل

انت طلعت مين

اوعي تكون طلعت ابن عمتك :closedeyes: :ninja:

[Nassarlink]

فقلت انا اللى اجبرها تدينى اللى انا عايزاة

قعدت ورجل على رجل تناكة بقى حسستها انى متمكنة.........رغم ان دى مش الحقيقة

ورديت بكلمات بسيطة بس بقوة وكانى بدردش معاها وفاهمة وبفكر ومبتسمة متنسوش دى علشان محسسهاش بالتوتر

هي دي الخلاصه

والف شكر يا جسيكا

انك تكون واثق من الفوز

وش هنيدي في فول الصين العظيم

[Nassarlink]

بس تصدق اول مره اشوف الحاج فايزر الكبير

انا بقي قاعد في وشه بقال 12 سنه

لما خلاص بكح اوزينكس

[biopasha]

ياجماعة ...انا هحكي لكم اللي حصل معايا في مقابلات امتحان الدلف .....يمكن تستفيدوا

اللي حصل اني مررت بمقابلتين مقابلة للدلف 1...ومقابلة للدلف 2 والحمد لله نجحت

ان شاء الله انتظروا  شرح المقابلتين .....ز بس عشان مشغول شوية دلوقتي ...ان شاء الله هحكيهم بالتفصيل

[biopasha]

DELF A1

DELF A2

[Nassarlink]

DELF A1

DELF A2

جميل

علشان الناس تتطمن ومتقلقش من الديلف

[الأهلاوي الأصيل]

مبروك ... مبروك...مبروك

gt: bnd5:: smk:

ياجماعة ...انا هحكي لكم اللي حصل معايا في مقابلات امتحان الدلف .....يمكن تستفيدوا

اللي حصل اني مررت بمقابلتين مقابلة للدلف 1...ومقابلة للدلف 2 والحمد لله نجحت

ان شاء الله انتظروا  شرح المقابلتين .....ز بس عشان مشغول شوية دلوقتي ...ان شاء الله هحكيهم بالتفصيل

[حسام يوسف]

وضح يا عمنا بيوباشا الله يكرمك القصة ايه بالظبط؟

[ahmedbenwasef]

ان شاء الله

الله يبارك فيك ويكرمك ويوفقك وييسر لك امورك

[biopasha]

ملخص الموضوع والمقابلتين انك تكون واثق في نفسك وتوصل الثقة دي للممتحن....

تجاوب بلابقة ....لو معرفتش سؤال ....تجواب اجابة دبلوماسية ...تبين انك فهمت

خليك لاماح لكل كلمة تتقال....التخمين يشتغل.....الابتسامة علطول ببساطة ورقة بدون تكلف

اتكلم عن نفسك كويس لما تيجي فرصة....يعني....خليك سهل وسهل علي الممتحن امتحانك واكد له انك فعلا مذاكر(بدون تكلف)

محدش عدوك غير القلق.....واللي ربنا كاتبه هيكون

هذا وسنوافيكم بالاخبار تبعا حال توفر الفرصة,,,وبالتفاصيل ان شاء الله

مراسلكم من اخر الشارع

بيوباشا :blush2: md2: