المرور لطش النهارده نص مليون جنيه من الاسكندرانية

[abouali]

الفاضل أبو محمد

حسب وصفك لوقائع المخالفة:

" كان من المفترض عند التقاطع الذى على شكل حرف T أن تضع الحكومة (ممثلة فى إدارة المرور) علامة تنظيمية واضحة فى مكان ظاهر مثل هذه لتمنع الانعطاف إلى اليسار .. أو تضع علامة إرشادية كهذه لترشد السيارات القادمة على الاتجاه الجبرى للسير ... وهذا ما لم يحدث"

هذا دليل قد يكون لصالحك عند نظر القضية أمام القاضي .. ويمكنك أخذ صور عند هذا التقاطع تثبت عدم وجود علامات ارشادية عند هذا التقاطع.. ونظرا لفداحة مبلغ المخالفة فقد يهون جنبها تكلفة الاستعانة بمحامي متخصص في قضايا المرور .. احتمالات الحكم حتي بعد اثبات حجتك أمام القاضي تبدا من سقوط الدعوي وهذا غالبا لن يحدث (لاعتبارات أخري !!) - أو الحكم بعقوبة مخففة

[أبو محمد]

الفاضل أبو محمد

حسب وصفك لوقائع المخالفة:

" كان من المفترض عند التقاطع الذى على شكل حرف T أن تضع الحكومة (ممثلة فى إدارة المرور) علامة تنظيمية واضحة فى مكان ظاهر مثل هذه لتمنع الانعطاف إلى اليسار .. أو تضع علامة إرشادية كهذه لترشد السيارات القادمة على الاتجاه الجبرى للسير ... وهذا ما لم يحدث"

هذا دليل قد يكون لصالحك عند نظر القضية أمام القاضي .. ويمكنك أخذ صور عند هذا التقاطع تثبت عدم وجود علامات ارشادية عند هذا التقاطع.. ونظرا لفداحة مبلغ المخالفة فقد يهون جنبها تكلفة الاستعانة بمحامي متخصص في قضايا المرور .. احتمالات الحكم حتي بعد اثبات حجتك أمام القاضي تبدا من سقوط الدعوي وهذا غالبا لن يحدث (لاعتبارات أخري !!) - أو الحكم بعقوبة مخففة

شكرا جزيلا أخى الفاضل أبو على

إن شاء الله سيكون معه محامى .. ولكنى أوافقك على جملتك الأخيرة .. وتقريبا جبنا النتيجة من الكنترول إنها ستكون مخففة بمعنى :

1) لن يكون هناك حبس بإذن الله (كرم كبير منهم)

2) سيوقع الحد الأدنى للمخالفة .. يعنى ألف جنيه + ألف جنيه حضَّانة

3) ثم تبدأ دوخة البلجيك لاسترداد مبلغ الكفالة

المقصود يا سيدى الفاضل هو تحصيل ألفين جنيه (أصل الحكومة اتورطت فى زيادة المرتبات 30 % وعندهم "توجيهات" إنهم لازم يلموها بأى شكل) وبالمرة قرض إجبارى من الشعب "بدون فوائد" من خلال حجز مبلغ ألفين جنيه (الكفالة) لأطول مدة ممكنة .. ومش مهم إهدار وقت الناس ووقف حالهم وقهر الغلابة ممن يمثل مبلغ الأربعة آلاف جنيه لهم ثروة طائلة ربما لايستطيعون تدبيره .. رحماك يارب

[abdulmuttaleb]

سيدي أبا محمد،

لا عليك من عدم توضيح نجل حضرتك لجزئية غياب اللوحات أمام وكيل النيابة

لا تزال هنالك فرصة بتوضيح الأمر أمام المحكمة لدى القاضي

هذه يا سيدي نقطة هامة جدا وأرجو من حضرتك تكليف المحامي أو إذا كنت حضرتك ستمثل للدفاع ويا ريت يكون النجل العزيز محمد حاضرا للجلسة، يجب توضيح هذه النقطة كاملة

وخلي الدفاع يطلب استدعاء الضابط خصوصا اللي قال إنه لا توجد لوحات حاليا وأنها سرقت

ولو أمكن تصوير مدخل الشارع ومخرجه الذي يثبت غياب اللوحات وطباعتها وتقديمها صدقني هذا سيكون مفيدا لإقناع القاضي حتى ربما دون استدعاء ضابط للشهادة.

تم تعديل 12 فبراير 2009 بواسطة abdulmuttaleb

[abdulmuttaleb]

http://www.ahram.org.eg/Index.asp?CurFN=fr...tm&DID=9858

الأهرام السبت 14فبراير 2009م

وجود لافتة اتجاه واحد شرط

لتحرير مخالفة السير عكس الاتجاه

أمر اللواء سراج زغلول مدير الإدارة العامة لمرور القاهرة ضباط الدوريات الراكبة بعدم تحرير أي مخالفات للسير عكس الاتجاه‏,‏ إلا بعد التأكد من وجود لافتة تشير إلي أن السير في الطريق اتجاه واحد‏.

‏

[سهل جدا]

http://www.ahram.org.eg/Index.asp?CurFN=fr...tm&DID=9858

الأهرام السبت 14فبراير 2009م

وجود لافتة اتجاه واحد شرط

لتحرير مخالفة السير عكس الاتجاه

أمر اللواء سراج زغلول مدير الإدارة العامة لمرور القاهرة ضباط الدوريات الراكبة بعدم تحرير أي مخالفات للسير عكس الاتجاه‏,‏ إلا بعد التأكد من وجود لافتة تشير إلي أن السير في الطريق اتجاه واحد‏.

‏

أعتقد من المهم جدا إرفاق هذا العدد من جريدة الأهرام مع الدفاع؛ فهو حجة عليهم .

ملحوظة للأخ الفاضل عبد المطلب: أنا لم أقل أن أخي صحفيا مشهورا، وإنما قصدت أن له منصبا وعلاقات بحكم عمله في إدارة قسم في صحيفة قومية شهيرة .. شكرا لك

تم تعديل 14 فبراير 2009 بواسطة سهل جدا

[se_ Elsyed]

الموقف ده بيفكرني بجُملة في مسرحية " الجوكر "

لم التعابين بدل ما أجيبك الظابط

طب هي فين التعابين ؟ فين التعابين ؟

طب هو فين الظابط

--------------

فمش بعيد الواحد يبقى ماشي في شارع بعربيته وفجأة يعكشوه بحجة قطع إشارة حمراء ... مع إن مافيش إشارة أساساً

معليش أستحمل يا عم ابو محمد ... الأخ عادل لبيب من ساعة ما اتقطعت عنه حنفية الدعم المادية من رجال الاعمال السنكدريين اللي كانت مفتوحة عالبحري أيام المحجوب ... وهو بقى زي المجنون اللي بيلطش في كل حته عشان يجيب فلوس من تحت الأرض حتى لو من دم الغلابة ...

بالإضافة إلى إني أتفق مع الزملاء الأفاضل اللي بيقولوا إن تطبيق القانون لدينا وخصوصاً المرور المقصود منه الجبايا فقط وليس إعادة الأنضباط للشارع المصري المفلوت عياره ..

وأتصور لو صحينا بكره الصبح ولقينا إنضباط على أعلى مستوى في مصر والشوارع رايقه والدنيا حلوه ..

الشرطة سيُجن جنونها وهاتلم الناس من بيوتها بحجه " عدم مخالفة النظام " !!!!!!

طب أنا مخالفتش النظام يا جماعة وحلو ومؤدب |أهو ؟

فهايردوا يقولوا : طب ما هو النظام كان قدامك .. ما خالفتوش ليه ؟

ده بالإضافة إلى نقطة في غاية الخطورة .. وهي إن مافيش حاجه إسمها مرور ولا موجودة من أساسه على الخريطة المصرية في أكثر من 99 % من شوارع مصر الجانبية والكل متركز في بعض الشوارع العامة فقط ....

[الباشااا]

كل اللي اقدر اقوله يا ابومحمد

ربنا يعوض عليك في 2000 جنيه و1000 جنيه كمان حضانه العربيه

يبقى المجموع 3000 جنيه

مش عارف ليه ابويا مدخلنيش شرطه :lol:

[se_ Elsyed]

كل اللي اقدر اقوله يا ابومحمد

ربنا يعوض عليك في 2000 جنيه و1000 جنيه كمان حضانه العربيه

يبقى المجموع 3000 جنيه

مش عارف ليه ابويا مدخلنيش شرطه :lol:

في هذه الحالة بالذات بالنسبة للإسكندرية . الشرطة مالهاش دعوة ... لكن المحافظة متمثلة في عادل لبيب هي اللي بتهبش ده .. وهو عامل قوانين مرور ملاكي وخاص به هو ... لواء شرطة سابق بقى وحاجه معمولة بفن ودماغ عالية ..

[الباشمهندس ياسر]

فهايردوا يقولوا : طب ما هو النظام كان قدامك .. ما خالفتوش ليه ؟

ده بالإضافة إلى نقطة في غاية الخطورة .. وهي إن مافيش حاجه إسمها مرور ولا موجودة من أساسه على الخريطة المصرية في أكثر من 99 % من شوارع مصر الجانبية والكل متركز في بعض الشوارع العامة فقط ....

و الله يا حاج احمد انا مستغرب انت ازاى مبتكتبش لغاية دلوقتى

يا راجل يوسف معاطى عجز خلاص و عايزين وجوه جديده

ـــــــــــــــــــــــــــــــــــــــــــــــــــــــــــــــــــــــــــــ

ابو الشريف قصدى ابا محمد

سيدى الفاضل

اهم حاجة ان الشاب بخير و اى حاجة تانية مش مهم

اللى يجى ف الريش بقشيش يا ابو هاشم

بالنسبة بقى للسيفتى و الاشارات والعلامات التحذيرية

فمتشغلش بالك يا عمنا

ده نص ضباط الشرطة ميعرفوش يعنى ايه سيفتى ولا اى حاجة عنه من اساسه

و قلبى عندك

[أبو محمد]

الكلام بالنسبة لعادل لبيب مظبوط .. أعتقد إن اسكندرية هى المحافظة الوحيدة اللى فيها موضوع "الحضَّانة" ده .. حتى فى الصيف اللى فات كانت النصيحة اللى بتتقال لأى حد بيسوق عربية هى :

"خد بالك لو الأمين اللى فى كمين المرور يقولك إنزل كلِّم الظابط ، لو نزلت إوعى تسيب مفاتيح العربية فيها .. لأنك وانت بتكلم الظابط حتلاقى واحد من أمناء الشرطة أخد المفاتيح ، وحيلبسوك أى مخالفة وياخدوا العربية على الحضانة وعلشان تطلعها تدفع 2000 جنيه"

دى كانت النصيحة ..

يعنى فعلا عادل لبيب بيشغل المرور فى تحصيل ما توقف عن دفعه رجال الأعمال

النهارده كان ميعاد الجلسة .. راح إبنى ومعاه المحامى .. لقى "أمما شتى" على رأى محمد عبد الوهاب .. وفضل واقف من الساعة 9 للساعة 3 .. وبعد لخبطة وهرجلة قالوا له إنهم يدوب خلصوا اللى كانوا محبوسين (اللى ما دفعوش الألفين جنيه كفالة) ... أما الباقى فالجلسة اتأجلت لبعد بكره الكلام ده بيتقال بؤيئى ومفيش أى ورق بيه .. وفى الشغل عاوزين ورق يثبت سبب التغيب .. على فكرة ابنى ما راحش الشغل الأربع والخميس والنهاردة وكما بعد بكره مش حيروح لأن الحكم الغيابى ممكن يكون بالحد الأقصى (3000 جنيه أو الحبس لا قدر الله) .. ووجود المحامى لوحده ما ينفعش لأن كاتب الجلسة لازم ياخد البطاقة ويحطها فى الملف للعرض على القاضى ..

الخلاصة إن الموضوع عبارة عن وقف حال .. وقلة أدب .. وتنفيذ غبى للقانون .. المهم الفلوس .. اللى دخلوا الجلسة (اللى كانوا محبوسين) كلهم اتحكم عليهم بألف جنيه غرامة ... هو ده المقصود .. لا فيه ضمانات لمحاكمة جادة ولا فيه نظام .. وآخر هرجلة زى سوق الخضار

مش فيه نكتة بتقول ان بتوع الكاوتش بيرموا مسامير عشان الرزق يجرى ؟ ... أهو أنا متهيأ لى إن اللى أمر بهذا التطبيق الغبى للقانون حينزل بمشروع تاكسيات بعد ما يبطل الناس تسوق عربياتها