أطفال الشوارع!

[عبير يونس]

مر علي هذا الموضوع أكثر من عشرة سنوات ... ( يا الله كيف تمر الأيام بسرعة ) .. و لكنه مازال سبة في جبين مصر .. مازالت تلك المشكلة تمثل جرح غائر في جسد الوطن تسيل منه دماء ثمينة .. ندفع ثمنها جميعآ .. فغني عن البيان ان غالبية اطفال الشوارع الذي فتح الفاضل وايت هارت باب الحوار حولهم منذ عشر سنوات هم بلطجية اليوم .. هؤلاء الذي ينتقمون الآن شر انتقام من تهميش المجتمع لهم .. هؤلاء الذين تركناهم لأنفسهم فوجدوا ان الحل الوحيد هو اتخاذ طريق الجريمة .. وددت ان افتح باب الحوار مرة اخري حول تلك المسألة .. فأعداد هؤلاء الأطفال لم تتضائل بالطبع بل تضاعفت أضعافآ و اضعافآ .. فما هي الحلول المعقولة و القابلة للتنفيذ بالفعل هنا في مصر للبدء في " تجفيف منابع" البلطجة التي أصبحت سرطانآ ينهش في جسد بلدنا ...

حل أكثر من رائع

و ربما يعوضنا عن الصناع و الحرفيين المهرة الذين تركوا البلد لأنصاف الموهوبين

جنبا إلى جنب مع التعليم الأساسي

فمن أراد اكمال التعليم أكمله

و من أراد الاتجاه لتعلم حرفة بعد قدر معقول من مهارات التعليم الجيد من قراءة وكتابة وحساب فليفعل

أحلم بتعليم مهارات و ليس مجرد مناهج صماء يلقون بها في ورقة الامتحان و يخرجون بعدها بلا شيء في عقولهم!!

أشكرك من قلبي على رفع هذه الموضوع

بث في قلبي شعاع من أمل

[tarek hassan]

قال مصدر مسئول بوزارة التضامن الاجتماعي، إن القوات المسلحة طالبت بحصر أطفال الشوارع والمتسربين من التعليم بجميع محافظات مصر.

وأضاف المصدر، في تصريحات خاصة لـ«فيتو»: «القوات المسلحة تعد دراسة حاليا لإلحاق أطفال الشوارع والمتسربين من التعليم بالمدارس الفنية العسكرية، لتخريج جيل صالح قادر على العطاء، واكتسابه مهارات مهنية تجعله يستطيع الاعتماد على نفسه في الحياة».

وأشار المصدر، إلى أن عدد أطفال الشوارع تحت سن 18 سنة يبلغ نحو أكثر من مليون طفل، منهم نحو 40% تحت سن العاشرة، كما يوجد 250 ألف طفل بالقاهرة والجيزة فقط، والباقى موزع على جميع المحافظات.

"""""""""""""""""""""""""""""""""""""""""""""""

الفكرة التي نفذها محمد على باشا"والتى تتبناها القوات المسلحة الان"" للقضاء على مشكلة اطفال الشوارع وهل يعود هذا الزمن؟

اطفال الشوارع .. كانوا كارثة بالنسبة لمحمد علي باشا ..

حوالي 300 ألف مشرد ومتشرد في شوارع مصر من اسكندرية لأسوان ..

أدرك ان هؤلاء سيكونون المتسبب الرئيس في سقوط الدولة المصرية العظمى التي يحلم بها ..

جمعهم جميعا .. لم يترك احدا .. و اودعهم في معسكر بالصحراء بالقرب من الكلية الحربية التي انشأها في اسوان .. لمدة ثلاثة سنوات أو يزيد ذكور واناث ..

أمر قائد الجيش وكان سليمان باشا الفرنساوي في ذلك الوقت أن يأتي بأعظم المدربين الفرنسيين في شتى المهن والحرف اليدوية ليعكفوا على تدريب هؤلاء المشردين ..

ثلاث سنوات او يزيد و يخرج لمصر أعظم الصناع المهرة في تاريخ مصر الحديثة .. يجيدون جميع الحرف اليدوية واللغة الفرنسية والعربية .. احتفظ محمد علي باشا بالنوابغ واستعان بهم في انشاء مصر الحديثة .. وارسل الباقين كخبراء للدول التي تفتقر لتلك الحرف ..

وانشأ لهم المواني ( البلدية ) حتى يستطيعوا ان يتواصلوا بانتاجهم مع الدول المطلة على المتوسط لصالح مصر ..مدهش ان نعرف ان احد هؤلاء الحرفيين المهرة كان هو والد عبدالله النديم ..استخدمه محمد علي رئيس النجارين في الاسطول البحري الذي صنعه محمد علي وفتح به بلدانا كثيره

لعل هذا الخبر يكون صحيحا فهو حل عملي محترم يفتح باب الأمل لهؤلاء ويغلق باب اللجوء للبلطجة والاستخدام السيء لهؤلاء الأطفال

تم تعديل 21 ديسمبر 2013 بواسطة tarek hassan

[Scorpion]

اذا صح هذا الخبر فهي خطوة رائعة تحسب للمؤسسة العسكرية المصرية ... و اذا اضفنا الي تلك الخطوة فكرة انضمام الجمعيات الاهلية التي ذكرتها الفاضلة عبير الي تلك الحملة .. سيكون هناك حلآ اخيرآ لتلك المشكلة الخطيرة ..

و لكن الأهم من هذا كله هو أخذ المر بجدبة و الأستمرار و الأصرار علي متابعته ... و الا تصيبه آفة "القرص الفوار" الذي هو من سماتنا ..

[عبير يونس]

اذا صح هذا الخبر فهي خطوة رائعة تحسب للمؤسسة العسكرية المصرية ... و اذا اضفنا الي تلك الخطوة فكرة انضمام الجمعيات الاهلية التي ذكرتها الفاضلة عبير الي تلك الحملة .. سيكون هناك حلآ اخيرآ لتلك المشكلة الخطيرة ..

و لكن الأهم من هذا كله هو أخذ المر بجدبة و الأستمرار و الأصرار علي متابعته ... و الا تصيبه آفة "القرص الفوار" الذي هو من سماتنا ..

بالضبط يا سكوب

وضعت يدك على أكبر نقطة ضعف

عدم الاستمرارية

و ذلك يعود لضعف الحافز عادة

او من جراء أخذ الامور بعاطفية ..فيكون هناك حماس في البداية ثم تفتر الهمة بعد وقت قصير !!!

الحافز والجدية هما سر نجاح أي عمل

و التوعية بضرورة وأهمية الأمر بأساليب تناسب الجميع هي المفتاح للحافز و الجدية

فهناك من يناسبهم أسلوب الترغيب في الخير و زرع المحبة

و هناك من يناسبهم أسلوب الترهيب من خطورة الأمر عليهم شخصيا لو تركوهم يرتعون في أحضان الشوارع

الأساليب عديدة ومتنوعة

المهم أن تصل لادراك الناس و تنبههم لأهمية الأمر

و اعتقد أن هذا هو دورنا هنا

في باب التكافل الاجتماعي والخدمات الموجود هنا بالمحاورات

وقد قام الفاضل أبو محمد بتفعيل ذلك الباب المهمل جراء انشغالنا بالفوضى السياسية

بهذا الموضوع بمناسبة موجة الصقيع التي مرت على مصر الفترة الأخيرة

http://www.egyptiantalks.org/invb/index.php?showtopic=151264&view=getnewpost

[Scorpion]

تطبيقآ لقاعدة ال 180 درجة التي يجب ان نضع المسائل تحت منظورها ...

رأينا في درجات حلولآ قابلة للتطبيق .. و المطلوب أخذها بجدية و متابعة مستمرة .. و لكن بعد ان قرأت انه هناك حوالي 2 مليون طفل و طفلة مشردين في شوارع المحروسة .. و بغض النظر عن صحة هذا الرقم او ان هناك من بالغ فيه .. هل نستطيع ان نتوقف قليلآ لنري درجات اخري من المشكلة و البحث عن مصدر مشكلتهم و السبب للجوئهم الي الشارع ..

فإذا لم يتوقف هذا النزيف .. لن يجدي العلاج ...

من هم .. و من اين ... و لماذا ؟

[عبير يونس]

تطبيقآ لقاعدة ال 180 درجة التي يجب ان نضع المسائل تحت منظورها ...

رأينا في درجات حلولآ قابلة للتطبيق .. و المطلوب أخذها بجدية و متابعة مستمرة .. و لكن بعد ان قرأت انه هناك حوالي 2 مليون طفل و طفلة مشردين في شوارع المحروسة .. و بغض النظر عن صحة هذا الرقم او ان هناك من بالغ فيه .. هل نستطيع ان نتوقف قليلآ لنري درجات اخري من المشكلة و البحث عن مصدر مشكلتهم و السبب للجوئهم الي الشارع ..

فإذا لم يتوقف هذا النزيف .. لن يجدي العلاج ...

من هم .. و من اين ... و لماذا ؟

أطفال الشوارع إما لقطاء

و إما هاربين من أسرة مفككة بعد طلاق الوالدين أو هاربين من ملاجيء الايتام

و إما فقراء و أسرهم دفعوهم للعمل للانفاق على الاسرة

لا حل لمشكلة اللقطاء في نظري سوى أن يطبق قانون نسبة الطفل لأبيه اسما دون زواج

أتوقع طبعا حربا شعواء و أنني أشجع الرذيلة

و لكن على العكس

الرذيلة هنا حدثت و انتهت و بقي أثرها طفلا لا ذنب له فيما اقترفه أبواه

الرذيلة موجودة و لن تنتهي

فقط ما ذنب الطفل أن يُلقى في الشوارع خوفا من الفضيحة ؟؟؟

و الهاربين من أسر مفككة و فقيرة بالطبع أو أيتام لا حل لهم سوى دور الرعاية الحقيقية و التي لابد أن تقام بالجهود الذاتية الأهلية و بمحبة و رغبة في المساعدة

لا دور لتنفير الصغار

عندما كنت صغيرة في اولى اعدادي زرت مع مدرستي قرية للايتام و كانت أكثر من رائعة لاطفال مقسمين في فيلات كل مجموعة مع أم بديلة

كما زرت النور و الأمل لذوي الاحتياجات الخاصة

لازلت أذكر تلك الزيارات بعد كل هذه السنوات

أما الأطفال الذين يعملون بالورش و ما شابهها بسبب الفقر فحلها مساعدة أسرهم ماديا حتى لا يضطروا ارسال ابنائهم للعمل قبل اتمام الدراسة الاساسية

اكرر لا حل إلا العمل الاجتماعي و تبرع أهل الخير بالأموال و الادارة والمجهود

و هنا تظهر المواطنة و حب الوطن و الولاء له

أما أن ننتظر أن توفر الدولة الحلول فليس إلا تسويفا لمن لا يريد عمل أي شيء

[جويرية]

خبير في مشاكل الطفولة:

أسباب الظاهرة ترجع للهجرة من الريف الى المدينة وانتشار المناطق العشوائية وارتفاع معدلات الهرب من المدارس والزيادة السكانية والاعتماد على الأطفال لتولي بعض الأعباء الأسرية إضافة الى أسباب عائلية أخرى كاليتم والإقامة مع الغير وغياب الأب

”

ده مش مفروض يسمي خبير في شئون الطفولة ده مفروض عشان نسمي الاسماء بمسمياتها يبقي اسمه خبير في الكدب الحكومي او مطيباتي الحكومة

المهم ان هو مش عايز يشغل عقله و او جاهل معندوش عقل و بينقل الكلام اللي الحكومة ملقناه ليه

طبعا لا يجرؤ انه يقول ان المتهم الرئيسي في موضوع اطفال الشوارع هو الحكومة

هو الحكومة لما تدي رخص للبارات و الخمارات و كله بالقانون هو الاماكن دي حينتج عنها ايه ، ايه المخرجات بتاعتها

الخمر حينتج منها ورد و فل و ياسمين و لا حيخرج منها مشردين و لقطاء و اوطفال شوارع

الحكومة لما تحارب الدين بكل ما اوتيت من قوة

حينتج من غياب الدين الا اطفال شوارع

الحكومة لما تغض الطرف عن اماكن البغاء

الحكومة اما تصر علي ان تعليم الفتيات لا يكون له خصوصية و يكون مساوي تماما لتعليم الذكور

فهي كدة بتوأد داخل الفتيات غريزة الامومة و حب الاسرة و تربية الاطفال

الحكومة لما تصر علي تشغيل المرأة و ياخدوا وظائف الذكور و يدوها للأناث

اعلام الحكومة اللي لا يحض علي الخير ابداا

ولا يشجع المرأة علي القرار في بيتها و العناية بأسرتها

لكن يحضها علي كل سوء ، العمل خارج البيت و لو بغير حاجة ، الطلاق و لو بغير حاجة

اما لما نفند كلام المطيباتي ده عشان نعرف انه كدب

و انه شاطر جدا في ابعاد التهمة عن اسياده وولي نعمته

السبب اللي بيتكتب ديباجة كدة الهجرة من الريف الي المدن

طيب و فيها ايه اما الناس تهاجر ، اكيد اللي هاجر ده لقي شغل في المدينة

بس ملقيش شغل لأبنائه

و طبعا مفروض الحكومة مش تخلي القري خاوية علي عروشها و تخرب الزراعة عشان الناس مش تطفش من اراضيها

السبب التاني و هو الحكومة بتسب الناس اللي مش لاقيين مأوي و اضطروا يسكنوا في بيوت بسيطة خشب ولا صفيح ولا طوب ني

و بتديهم لقب سكان العشوائيات

طيب ما كل واحد من حقه يسكن في بيت علي قدر استطاعته

ولا العمارة الحديثة لا تعرف الرحمة يا اما بيوت فاخرة يا اما يبات الواحد في العراء بدون سقف يحميه

الزيادة السكانية و اليتم و الطلاق دي حاجات مش جديدة ، و ليه زمان لم تنتج اطفال شوارع

و ليه هو المطيباتي ده اهو بيرص في اي اسباب بس يبعد اصابع الاتهام عن سيدته الحكومة

اخطر الاسباب علي الاطلاق و اكثرها اجراما و كذبا قوله ان تولي الاطفال بعض الاعباء الاسرية ده بيخليهم مشردين

بالعكس الطفل مفروض يساعد اهله و يشتغل بس في حدود قوته الجسدية يعني لا مانع من اعمال خفيفة

و ده افضل من اطفال المدارس اللي بينشأوا علي الكسل و عدم تحمل المسئولية و الاعتماد علي والديهم في كل شئ

و يبقي مفروض دور الحكومة مش منع عمالة الاطفال لكن التأكد من ان الاطفال مش بيعملوا في اعمال شاقة

تم تعديل 18 يناير 2014 بواسطة جويرية

[جويرية]

اما السبب الرئيسي في مشكلة اطفال الشوارع فهو نظام التعليم الاجرامي اللي بيطبق في بلاد المسلمين

نظام يعتمد علي تحويل الكائن البشري الي كائن حريت يقعد يحفظ و يصم في الكتب علي مدى اكتر من 18 سنة

طيب النظام ده لا يوجد فيه مكان للصبي اللي قدراته مش ذهنيه و قدراته حركية

الطالب ده بيوصم في المدارس بانه غبي و فاشل و بليد

و طبيعي هذا الصبي ده انه يهرب من المدارس

و اللي مش بيهرب بيبقي عنده عقدر نفسية بتبقي ملازمة له طول العمر

الحل اللي عمله محمد علي ده بيدل علي حاجة ان لو الحكومة عايزة تحل المشكلة حتحلها

لكن هي عايزاها تستمر

و كون ان السيسي حيعمل زي محمد علي

فهو طبعا عايز البلطجية يبقوا من ضمن المؤسسة العسكرية

عشان كانت صور فضيحة اما نشوف الظباط و البلطجية ايد وحدة

وواضح ان محمد علي خد المشردين و علمهم حرفة مش مسكهم سلاح يضربوا بيه الناس

انما السيسي ايه اللي فكره بموضوع محمد علي دي ، و هل القصة دي حقيقة و لا ايه

ومنين الاحصائية دي انهم 300 الف مشرد

و اول مرة نسمع ان الصناع المهرة اصلا كانوا لصوص

المعلومة دي انفرد بيها السيسي

و بعدين واضح انه محرج من موضوع ان البلطجية يبقوا عساكر و ظباط كمان

عشان لو محطش موضوع محمد علي ، الناس حتقول ايه ده اجرام عيني عينك كدة

بس اهو عرف يداريها بأي حجة

بس هو اكيد عجبه اجرام فئة من اطفال الشوارع اكيد لازم يستفيد من الاجرام ده و يوظفه صح

هما بيختاروا ظباط الجيش و الشرطة اغلبهم ناس غير اسوياء

و لكن غير اسوياء بقدر غير كافي

لكن البلطجية من اطفال الشوارع دول متربيين في مستنقع دول كفائة نادرة مش ممكن السيسي يفوت الخبرات و الكفاءات دي

ولا بأس انه يدخل المجرمين في الجيش في سابقة لم تعرف من قبل

تم تعديل 18 يناير 2014 بواسطة جويرية

[جويرية]

نقل التعليم الغربي بحذافيره الي البلاد الاسلامية

طيب النظام ده مناسب لظروفهم ، و بالطبع غير مناسب لظروفنا

البلاد الغربية بلاد غنية النساء ملهاش طهقان تقعد في البيت ولا زم تخرج برة البيت تشتغل

فاتعمل نظام تعليمي طويل المدي لأستضافة الاطفال علي مدي اكتر من 18 سنة

لغاية ما يتخرج الاطفال دول من الجامعات و هما عرايس و عرسان و انسات و رجال

و اهم دول غنية و معاهم فلوس مش عارفين يودوها فين

و المدرسة تبقي زي النادي تدلع الطلاب فسحة و اكل و استضافة و مناهج خفيفة لغاية ما يرجع البيت

تكون ماما رجعت من الشغل و الطفل يرجع يكون خلص اليوم و يرجع ينام

و يبقي الكدة الحكومة خدمت المجتمع بضرورة مشاركة المرأة في الانتاج

واما نشوف المناهج اللي بيدرسوها طبعا مختلفة تمام عن سوق العمل

و سوق العمل لا يحتاج لكل ما تم تدريسه في المدارس

طبعا عندهم برغم كل الفلوس و كل الامكانيات برضو في مشاكل في التعليم و لكنها اقل حدة من عندنا

لكن طبعا الفلوس و الاستضافة مش حتربي اطفال كويسين يتربوا بعيد عن امهاتهم

اما نيجي بقي للطامة الكبري و هي نظم التعليم ده اما ينقل للبلاد الاسلامية

فلوس قليلة مناهج اجرامية تقيلة عشان تقرف الاطفال ووالديهم

المدارس امكانياتها ضعيفة بتتحول المدارس الي سجون لحبس الطلاب

المنطقي و الطبيعي ان الاطفال يهربوا من هذه المدارس

الغير منطقي و اللي عايز يتعمل عليه دراسة هما اللي مش بيهربوا

و مفروض تتعمل دراسات و ابحاث عن ظاهرة ( اطفال المدارس اللي مهربوش منها )

عشان نشوف ازاي وصل الطفل لدرجة من الخنوع و الخوف انه يقبل بأنه يعيش مسجون اكتر من تلت عمره

18 سنة علي الاقل

[سهران]

الحكومة لما تحارب الدين بكل ما اوتيت من قوة

حينتج من غياب الدين الا اطفال شوارع

الحكومة لما تغض الطرف عن اماكن البغاء

الحكومة اما تصر علي ان تعليم الفتيات لا يكون له خصوصية و يكون مساوي تماما لتعليم الذكور

فهي كدة بتوأد داخل الفتيات غريزة الامومة و حب الاسرة و تربية الاطفال

الحكومة لما تصر علي تشغيل المرأة و ياخدوا وظائف الذكور و يدوها للأناث

اعلام الحكومة اللي لا يحض علي الخير ابداا

ولا يشجع المرأة علي القرار في بيتها و العناية بأسرتها

لكن يحضها علي كل سوء ، العمل خارج البيت و لو بغير حاجة ، الطلاق و لو بغير حاجة

اما لما نفند كلام المطيباتي ده عشان نعرف انه كدب

و انه شاطر جدا في ابعاد التهمة عن اسياده وولي نعمته

الزيادة السكانية و اليتم و الطلاق دي حاجات مش جديدة ، و ليه زمان لم تنتج اطفال شوارع

و ليه هو المطيباتي ده اهو بيرص في اي اسباب بس يبعد اصابع الاتهام عن سيدته الحكومة

اخطر الاسباب علي الاطلاق و اكثرها اجراما و كذبا قوله ان تولي الاطفال بعض الاعباء الاسرية ده بيخليهم مشردين

بالعكس الطفل مفروض يساعد اهله و يشتغل بس في حدود قوته الجسدية يعني لا مانع من اعمال خفيفة

و ده افضل من اطفال المدارس اللي بينشأوا علي الكسل و عدم تحمل المسئولية و الاعتماد علي والديهم في كل شئ و يبقي مفروض دور الحكومة مش منع عمالة الاطفال لكن التأكد من ان الاطفال مش بيعملوا في اعمال شاقة

المشروع الرائع اللي قدمته المؤسسة العسكرية اطنه خطوة بل قفزه هائلة هائلة لو استطاعوا بمعاونة مؤسسات العمل المدني تفعيله و اعدوا جيدا آليات التنفيذ .... اما الحلول الاخرى لا ادري هل من الممكن مناقشتها مع موضوع زي ده لنفس الزميلة http://www.egyptiantalks.org/invb/index.php?showtopic=62415&page=1

يقترح (ببساطة) ان نتخذ الايتام ( خدمـــــــــــــــا ) حلا للمشكلة ... الرحمة حلوة ما فيش كلام .

تم تعديل 18 يناير 2014 بواسطة سهران

[جويرية]

المشروع الرائع اللي قدمته المؤسسة العسكرية اطنه خطوة بل قفزه هائلة هائلة لو استطاعوا بمعاونة مؤسسات العمل المدني تفعيله و اعدوا جيدا آليات التنفيذ .... اما الحلول الاخرى لا ادري هل من الممكن مناقشتها مع موضوع زي ده لنفس الزميلة http://www.egyptiantalks.org/invb/index.php?showtopic=62415&page=1

يقترح (ببساطة) ان نتخذ الايتام ( خدمـــــــــــــــا ) حلا للمشكلة ... الرحمة حلوة ما فيش كلام .

لا اعتقد ان المؤسسة العسكرية تعمل مشروع رائع ، عشان الحداية مش بتحدف كتاكيت

يعني المفترض انهم ياخدوا طائفة ممن يطلق عليهم اطفال الشوارع ظلما

و هم اطفال اسوياء هربوا من جحيم المدارس و بيشتغلوا و بيساعوا و والديهم

لكن انا متأكدة انهم مش حياخدوا غير اعظم البلطجية و اشرهم و ياخدوهم يربوهم علي ايديهم

عشان يتعلموا البلطجة و الاجرام علي اصولهم

اما موضوع الاطفال خدم :) فده كان تقريبا من 4 سنين و ما زلت عند رأيي في احترام العمل اليدوي

وفي مقت لأن الاطفال يعيشوا في ملاجئ هي معامل لتفريخ المجرمين و المرضي النفسيين و الغير اسوياء

الللي بتمناه ان اليتيم يعيش داخل اسرة طبيعية و طبعا الافضل انه يعامل كأنه واحد من ابنائها

و ان لم يكن وده اضعف الايمان انه بقي خادم لهذه الاسرة برضو ده افضل من تربية الملاجئ

لا غني بأي حال من الاحوال عن الاسرة كمحضن طبيعي لتربية النشأ

لا اتمني فقط للأيتام ان يعملوا كخدم , لكن اتمني لجميع الاطفال ان ربنا يفك اسرهم من المدارس

و يعملوا في مهن يدوية

فقط ما لا يزيد عن نسبة 10 % من طلاب المدارس او من يطلق عليهم المتفوقون

اظن ان هؤلاء فقط الذين يسمح لهم بمواصلة الدراسة و لكن ايضا ليس بالكيفية الحالية

جزاك الله خيرا

تم تعديل 19 يناير 2014 بواسطة جويرية

[سهران]

لا اعتقد ان المؤسسة العسكرية تعمل مشروع رائع ، عشان الحداية مش بتحدف كتاكيت

يعني المفترض انهم ياخدوا طائفة ممن يطلق عليهم اطفال الشوارع ظلما

و هم اطفال اسوياء هربوا من جحيم المدارس و بيشتغلوا و بيساعوا و والديهم

لكن انا متأكدة انهم مش حياخدوا غير اعظم البلطجية و اشرهم و ياخدوهم يربوهم علي ايديهم

عشان يتعلموا البلطجة و الاجرام علي اصولهم

اما موضوع الاطفال خدم :) فده كان تقريبا من 4 سنين و ما زلت عند رأيي في احترام العمل اليدوي

وفي مقت لأن الاطفال يعيشوا في ملاجئ هي معامل لتفريخ المجرمين و المرضي النفسيين و الغير اسوياء

الللي بتمناه ان اليتيم يعيش داخل اسرة طبيعية و طبعا الافضل انه يعامل كأنه واحد من ابنائها

و ان لم يكن وده اضعف الايمان انه بقي خادم لهذه الاسرة برضو ده افضل من تربية الملاجئ

لا غني بأي حال من الاحوال عن الاسرة كمحضن طبيعي لتربية النشأ

لا اتمني فقط للأيتام ان يعملوا كخدم , لكن اتمني لجميع الاطفال ان ربنا يفك اسرهم من المدارس

و يعملوا في مهن يدوية

فقط ما لا يزيد عن نسبة 10 % من طلاب المدارس او من يطلق عليهم المتفوقون

اظن ان هؤلاء فقط الذين يسمح لهم بمواصلة الدراسة و لكن ايضا ليس بالكيفية الحالية

جزاك الله خيرا

و جزاكي ألف خير ... الحقيقة باتمنى يكون طموح المصريين بعد ثورتين و تضحيات كبيرة يكون أكبر بكتير من كدة ... يعني ما نرضاش للملاجيء تكون معامل تفريخ للمجرمين ... و لا نرضي لمن توفي من يعوله أن يكون مصيره خادما لمن له أب ... نتمنى عدالة اجتماعية حقيقية و تنمية تظهر آثارها على المعدمين و المهمشين لصالحهم و لصالح المجتمع كله و ده هدف المؤسسة العسكرية من موضوع تدريب و تعليم أطفال الشوارع ... ايه اللي يزعل في امر زي ده مش فاهم ... نتمنى لأطفال الشوارع مهنة و حرفة يثبتوا فيها ذاتهم و يحققوا فيها الاكتفاء و يخدموا نفسهم و مجتمعهم بعيدا عن سكة ( الخدم ) و نتمنى مراجعة افكار زي ان الست مكانها البيت و الستات واخدين وظايف الرجالة و الكلام ده لانه خلط للاوراق فات اوانه ... ده حتى انا فاكر لحضرتك موضوع من كام سنة كنتي راغبة في العمل كـــ (مربية اطفال في الخليج ) يبقى ليه بتهاجمي عمل المرأة دلوقتي !!!

تم تعديل 20 يناير 2014 بواسطة سهران

[جويرية]

و جزاكي ألف خير ... الحقيقة باتمنى يكون طموح المصريين بعد ثورتين و تضحيات كبيرة يكون أكبر بكتير من كدة ... يعني ما نرضاش للملاجيء تكون معامل تفريخ للمجرمين ... و لا نرضي لمن توفي من يعوله أن يكون مصيره خادما لمن له أب ... نتمنى عدالة اجتماعية حقيقية و تنمية تظهر آثارها على المعدمين و المهمشين لصالحهم و لصالح المجتمع كله و ده هدف المؤسسة العسكرية من موضوع تدريب و تعليم أطفال الشوارع ... ايه اللي يزعل في امر زي ده مش فاهم ... نتمنى لأطفال الشوارع مهنة و حرفة يثبتوا فيها ذاتهم و يحققوا فيها الاكتفاء و يخدموا نفسهم و مجتمعهم بعيدا عن سكة ( الخدم ) و نتمنى مراجعة افكار زي ان الست مكانها البيت و الستات واخدين وظايف الرجالة و الكلام ده لانه خلط للاوراق فات اوانه ... ده حتى انا فاكر لحضرتك موضوع من كام سنة كنتي راغبة في العمل كـــ (مربية اطفال في الخليج ) يبقى ليه بتهاجمي عمل المرأة دلوقتي !!!

بالنسبة ليا هما مش ثورتين ، هما مشرع ثورة و تم وأده زائد انقلاب

صحيح قعاد الست في البيت ده كلام فات اوانه

و يودوا الاطفال الملاجئ اللي مسماه بالحضانات

اللي تقدر تدفع مصاريف حضانة محترمة علي الاقل 1000 جنيه في الشهر او مصروفات مربية برضو 1000 في الشهر

تشتغل و يبقي كة اهي حاولت بقدر الامكان انها مش تقصر مع اطفالها

لكن الحضانات المنتشرة زي الوباء و ب 100 جنيه و ب 50 جنيه و اقل في الشهر

حنتوقع ايه مستوي الخدمة اللي فيها ، ماسي و مصائب و امراض لا تحصي ولا تعد

طيب لما يكون الواحدة بتطلع تشتغل و مرتبها اقل من مرتب حضانة محترمة

ايه الحل مش دي تقعد في بيتها الاول

اما اني كنت عايزة اشتغل مربية اطفال في الخليج

فده مكانش طلب حقيقي هو بس كان في ظروف عائلية بمر بيها و عدت و الحمد لله

حتى كتبت الكلام ده في اخر الموضوع و طلبت حذف الموضوع

حضرتك بتقول ليه بعيدا عن سكة الخدم ، لغاية امتي حننظر للأعمال اليدوية بازدراء

لغاية امتي حنرهق ابنائنا الطلاب في رحلة تعليم طوييييييييلة طمعا في ان يصلوا الي الاعمال الذهنية التي تضمن لهم المكانة اللائقة في هذا المجتمع

الشغل الحلال مش عيب