البنوك والحاج محمد والفجل والجرجير!

[سهل جدا]

*

*

الحاج محمد.. رجل طيب القلب عمل في التجارة؛ ففتح الله عليه.. أقابله في كل أجازة سنوية لمصر ..

صحيح أنه لم ينل حظه من التعليم.. لكنه أحيانا يتفوه بكلام ينبغي أن يدرَّس في الجامعات..

المهم في إحدى إجازاتي لمصر، قابلته، فدار بيني وبينه هذا الحوار..

قلت: السلام عليكم يا حاج محمد؛ عامل إيه بتوحشني أوي لما بسافر ..

الحاج محمد: أهلا! إزيك يا أستاذ؛ عامل إيه؟ .. مش كفايا بقى يابني غربة وبهدلة

قلت: كله بأوانه يا حاج محمد, وعلى رأي المثل: (إيه اللي غصبك على المر؛ قال اللي أمر منه)

الحاج محمد: ربنا يوفقك يابني؛ بس إوعى تعمل في يوم من الأيام زي الأفندي اللي في الشارع اللي ورانا ما عمل .. بعد ما رجع من الخليج ومعاه قرشين؛ راح حطهم في البنك؛ قال إيه عشان يجيبه له كل شهر دخل ..

قلت: آه .. أنت تقصد عشان فوائد البنك "ربا" وحرام يعني ..

الحاج محمد: لا يا أستاذ ما أقصدتش كده، أنا الحمد لله صحيح بصلي فرض ربنا؛ بس ما أعرفش في الدين كثير؛ أنا بس استغربت من تصرفه ده..

فقلت: ازاي يعني يا حاج؟

الحاج محمد: أصلى أنا سألته: هو الواحد لما يحط مثلا ألف جنيه في البنك؛ دول هايجيبولو كام؟

فراح الأفندي قايل: الألف جنيه يجيبوا حوالي عشرة في المية يعني 100 جنيه في السنة

فقمت قلت للأفندي: يعني يعملولك كام في الشهر؟ فقال: حوالي 8 جنيه في الشهر

فسألت الأفندي يعني كام في اليوم؟ فقعد يحسبها بالموبايل بتاعه وبعدين قال: يعني تقريبا ربع جنيه في اليوم ..

وبعد ذلك رأيت وجه الحاج محمد يتمعر؛ ثم ضرب كفا على كف؛ وقال: إيه الجنان ده ..

يعني أنا أدفع للبنك ألف جنيه عشان يديني كل يوم ربع جنيه، ليه هو أنا مجنون؟؟!!

دا أنا لو رحت اشتريت حزمتين فجل ولا جرجير بنص جنيه وبعتهم هاكسب فيهم الربع جنيه ده ..

من غير لا بنك ولا ألف جنيه ولا نيلة!!

فأعجبني رده جدا وقلت في نفسي: صحيح والله؛ يعني فوق إن فوائد البنوك تعتبر من الربا، إلا أنه مع ذلك يعد غبن فاحش للمودعين ..

وللأسف فإن هذا الغبن الفاحش يتم برضا الضحية ..

وعجبي الذي لا ينقضي!

*

*

[أبو محمد]

فأعجبني رده جدا وقلت في نفسي: صحيح والله؛ يعني فوق إن فوائد البنوك تعتبر من الربا، إلا أنه مع ذلك يعد غبن فاحش للمودعين ..

وللأسف فإن هذا الغبن الفاحش يتم برضا الضحية ..

وعجبي الذي لا ينقضي!

*

*

الحل "سهل جدا" بالنسبة لمن لا يستطيع أن يتاجر فى الفجل والجرجير لأى سبب (مثل عدم القدرة البدنية .. عدم التفرغ مع عدم الخبرة لإدارة مشروع الفجل عن بعد .... أو لأى سبب آخر)

تحالف الريان والسعد والبوشى هو الحل

[MZohairy]

طيب لو واحد كبير او واحده كبيره و وحدانيه يا سهل جدا متقدرش تبيع جرجير ولا تعرف تتاجر

و عندها مبلغ50 الف او 100 الف جنيه حطاهم في بنك و بيجيبولها حوالي 450 جنيه الى 900 جنيه شهريا

تعمل ايه غير انها تحط فلوسها في البنك؟

مع الوضع في الاعتبار اراء بعض العلماء بأنها ليست حرام

[عصام]

عايزين بس نفهم الأول عشان نعرف نحدد هانتكلم فى أى اتجاه!!

الموضوع عن الربا وللا عن فوايد التجارة؟

[أبو محمد]

الموضوع عن الربا وللا عن فوايد التجارة؟

الموضوع عن الفجل والجرجير يا عصام ..

سيبك انت من حكاية توظيف المدخرات للتنمية .. سيبك من إنك تفكر وتطالب بتوظيف أمثل لهذه المدخرات .. سيبك من محاربة الفساد بأنواعه المختلفة فى الجهاز المصرفى .. الحل فى الغالب بيكون بنسف كل شئ والبداية من أول "الجمل سفينة الصحراء"

[سهل جدا]

الحل "سهل جدا" بالنسبة لمن لا يستطيع أن يتاجر فى الفجل والجرجير لأى سبب (مثل عدم القدرة البدنية .. عدم التفرغ مع عدم الخبرة لإدارة مشروع الفجل عن بعد .... أو لأى سبب آخر)

تحالف الريان والسعد والبوشى هو الحل

على فكرة يا أبو محمد.. أيام الريان والسعد (فترة الثمانينات) كنت لسه صغير شوية فما كنتش مستوعب الموضوع بس لما كبرت وسألت الأناكيل (جمع أونكل) قالوا لي إنها كانت ممكن تعمل طفرة اقتصادية كبيرة.. وتنقل مصر نقلة تانية خالص، بس لو كانت الحكومة والبنوك الربوية سابتهم..

ويكفي إنهم شغلوا عشرات الآلاف من العاطلين

لكن هانعمل إيه بقى الحكومة اللي بتخاف من أي مسمى إسلامي .. سواء كان سياسي ولا اقتصادي ولا اجتماعي ولا ...

فوبيا الخوف من كل ما هو إسلامي

عموما أنا لا أدافع عن الريان ولا السعد تحديدا؛ أنا متوقف فيهم .. لأني سمعت كلام كثير عنهم .. دفاعا وهجوما .. فالله أعلم بحالهم

لكن ما يهمني أن قيام الاقتصاد على أساس المشاركة في نسبة من الربح أو الخسارة وهو ما يعرف بالمضاربة في الفقه الإسلامي هو أعدل الأمور.. مش البنك يكسب ملايين ويديني ملاليم..

لااا , ويديني كمان ملاليم واسمها ربا؛ وأدلة تحريم الربا في القرآن والسنة معلومة للجميع

[سهل جدا]

طيب لو واحد كبير او واحده كبيره و وحدانيه يا سهل جدا متقدرش تبيع جرجير ولا تعرف تتاجر

و عندها مبلغ50 الف او 100 الف جنيه حطاهم في بنك و بيجيبولها حوالي 450 جنيه الى 900 جنيه شهريا

تعمل ايه غير انها تحط فلوسها في البنك؟

يا أستاذ إم زوهيري بلاش نتكلم عن الاستثناءات؛ وخلينا نتكلم عن الأصل

يعني انت عاوز تقول مثلا إن كل اللي حاطين فلوسهم في البنوك الربوية مضطرون لأنهم كبار في السن وما يعرفوش يتصرفوا ..

بصراحة كلام غير مقنع أبدا

زي ما واحدة مرة كنت بقوله إن أكل الميتة حرام, راح قاللي: طيب افرض واحد في صحراء وهايموت من الجوع وما لقاش غير الميتة ديه , يموت من الجوع يعني ؟!!

فترك الموضوع الرئيسي وفضل يكلمني على الاستثناءات

وبعدين حتى اللي ما يعرفش يستثمر فلوسه؛ ما هو ممكن يحولها لأصول مثلا

مع الوضع في الاعتبار اراء بعض العلماء بأنها ليست حرام

سم لنا هؤلاء العلماء

لكن بشرط ألا يكونوا من علماء السلطان .. طبعا عارف يعني إيه علماء السلطان

يعني الحكومة لو عاوزة تحلل حاجة هايحللوها؛ ولو نفس الحاجة ديه الحكومة حبت تحرمها بعد كده بردو هايحرموها .. وراكو وراكو يعني

[سهل جدا]

الموضوع عن الربا وللا عن فوايد التجارة؟

مش هاتفرق كتير

الموضوع عن الفجل والجرجير يا عصام ..

:Exclam:

سيبك انت من حكاية توظيف المدخرات للتنمية .. سيبك من إنك تفكر وتطالب بتوظيف أمثل لهذه المدخرات .. سيبك من محاربة الفساد بأنواعه المختلفة فى الجهاز المصرفى .. الحل فى الغالب بيكون بنسف كل شئ والبداية من أول "الجمل سفينة الصحراء"

أيوة وسيبك من حكاية إجحاف حقوق المودعين؛ وسيبك من ظلم المقترضين وخراب بيوتهم إذا تعسروا؛ وسيبك من المليارات اللي بتتهرب برة البلد للمراباة فيها في بنوك خارجية بفائدة أعلى , وسيبك من تضخم ثروات الأغنياء على حساب الفقراء ؛ وسيبك من .....

بس كفاية دوخت :Exclam:

[أسد]

على فكرة يا أبو محمد.. أيام الريان والسعد (فترة الثمانينات) كنت لسه صغير شوية فما كنتش مستوعب الموضوع بس لما كبرت وسألت الأناكيل (جمع أونكل) قالوا لي إنها كانت ممكن تعمل طفرة اقتصادية كبيرة.. وتنقل مصر نقلة تانية خالص، بس لو كانت الحكومة والبنوك الربوية سابتهم..

الأخ الفاضل ..

مفيش حاجة اسمها كده أبداً ..

أنا بحكم تخصصي وعملي . وخبرتي .. مفيش حاجة اسمها اللي قالوه لك الأناكيل ده ..

تعرف إيه سبب الأزمة العالمية الإقتصادية الحالية ....

هو أنه تمت عمليات نصب مشابهة لما قام به السعد والريان .. وغيرهم ... ولكن على نطاق أوسع .. وبشكل جديد ..

مضاربة بالأوراق ... والأوراق المالية .. بدلاً من المضاربة على بعض السلع ..

كل مايتم بهذا الشكل .. هي عمليات نصب .. وليس لها إسم غير هذا الأسم أبداً ..

البنوك ... هي المكان الأكثر أماناً لادخار الأموال ..

وأنا هنا لا أتعرض للفتوى في هذا الأمر... فهذا ليس من اختصاصي .. ولا أريد المناقشة فيها ..

ولكن .. من ينصح الناس بغير ذلك .. وينصحهم باستثمار أو إدخار أموالهم لدى أي من النصابين .. فجزاؤه عند الله هو نفس جزاء النصاب والحرامي واللص ..

والترويج لنفس الفكرة .. هو أمر غير صحيح أيضاً .. ومن يقم بذلك له نفس الجزاء

أليس كذلك ..

لم نرى أي تجارب ناجحة حتى الآن ..

ولمن لا يريد أن يضع أمواله في البنوك التجارية بفائدة 10% .. وليس لديه خبرة في التجارة ..

يمكنه التوجه إلى أي من البنوك الإسلامية .. ويضع أمواله فيها .. للمعلومية .. الفائدة أو الربح هناك أقل من 10% .. يصل إلى 7 أو 8 % ...

أما من يريد أن يضارب مع أي من التجار .. على أساس أن هذا ليس ربا ..

أنصحه نصيحة مخلصة .. إما أن تشارك .. وتقوم على تفاصيل العمل بنفسك .. وتساهم فيه .. أو لا تفعل ..

فلم تنجح أي تجربة مشابهة حتى الآن .. حتى ولو كانت برعاية أكبر الإقتصاديين .. مثلما حدث في أمريكا أيضاً ..

[الحياة حلوة]

أيوة وسيبك من حكاية إجحاف حقوق المودعين؛ وسيبك من ظلم المقترضين وخراب بيوتهم إذا تعسروا؛ وسيبك من المليارات اللي بتتهرب برة البلد للمراباة فيها في بنوك خارجية بفائدة أعلى , وسيبك من تضخم ثروات الأغنياء على حساب الفقراء ؛ وسيبك من .....

بس كفاية دوخت :Exclam:

انت تانى بجد مش ممكن

[Alshiekh]

نرجع للحاج محمد وماقاله

الحاج محمد انسان بسيط ، واضح ذلك من وجهة نظره.

لكن الحاج محمد على الرغم من بساطته وقلة تعليمه فى المدارس والتى من الممكن الا يكون قد عرف طريقها ،

الا انه عرف شيئ مهم جدا " إعلاء قيمة العمل والكسب الحلال.

عم محمد رأى أن البنوك لاتعطى عائد مجزى للمداخرات ، وانه لمن الافضل ان يقوم كل صاحب مال بتشغيل ماله حتى لو اضطر ان يتاجر فى الفجل والجرجير ، فهو يرى ان أم محمود التى تبيع الفجل والجرجير فاتحة بيت وقامت بتربية ابناؤها من بيع الفجل والجرجير ، فما المانع أن يقوم الاستاذ فلان الذى عمل بالخليج او بالسعودية فى ان يقوم بعمل مماثل ليس بالضرورة فجل وجرجير ، فقد يقوم بالعمل فى تجارة المواشى مثلا وبذلك قد يخلق عدة فرص عمل لشباب صغير السن ، او ان يفكر فى كشروع صناعى ( صناعة ملابس مثلا ويقوم بتشغيل بضع عشرات ممن لايجدون فرص عمل ويضطرون للاقتراض من اليمين واليسار حتى يتمكنوا من الهروب على مركب متجها لاوروبا ليلقوا حتفهم.

أكيد الحاج محمد لم يكن شاغلا باله بموضوع البنك ده حلال والا حرام ، هو كان مشغول بحاجة ثانية خالص " العمل " و " الاستثمار " والذى للاسف لايتقنه معظم من سافروا للعمل بالخليج والسعودية والذين يفضلون اما وضع مدخراتهم فى حوائط اسمنتية.

لو عدنا لموضوع شركات النصب المسماة " شركات توظيف اللحى لجمع الاموال " فأنا أتعجب ممن يدافعون عنهم على الرغم من انهم لم يكونوا من ضحاياهم ( لان كل من تعامل معهم كان ضحية حتى ولو لم يخسر ماله ، لانه اخذ مالا حراما من مال ضحايا آخرين خسروا مايملكون لدى تلك الشركات "

واتذكر على سبيل المثال " محمود الخطيب " الذى نُصح بسحب امواله قبل فرض الحراسة على الريان بوقت قليل.

[سهران]

لو عدنا لموضوع شركات النصب المسماة " شركات توظيف اللحى لجمع الاموال " فأنا أتعجب ممن يدافعون عنهم على الرغم من انهم لم يكونوا من ضحاياهم ( لان كل من تعامل معهم كان ضحية حتى ولو لم يخسر ماله ، لانه اخذ مالا حراما من مال ضحايا آخرين خسروا مايملكون لدى تلك الشركات "

واتذكر على سبيل المثال " محمود الخطيب " الذى نُصح بسحب امواله قبل فرض الحراسة على الريان بوقت قليل.

يبدو أننا لا نقرأ و لا نتعلم من خطايانا أبدا ........... ضحكت كثيرا و شر البلية ما يضحك عندما ذكر أحد المحققين في قضية الريان و ذكر في برنامج تليفزيوني منذ شهور بمناسبة عودة موضة توظيف الأموال ....ذكر أنه أثناء التحقيق بحثوا عن مزارع الأبقار التي كانت تعرض في أعلانات التليفزيون ليل نهار و كانت البقرة مليء الشاشة و البقر ما شاء الله أكثر من أن يحصى و المزارع على مرمى البصر .... بحثوا عن المزارع فلم يجدو غير ( زريبة ) على قد الحال و لمّا أضناهم البحث قرروا الأستدلال بمخرج و مصوري الأعلان علشان يقولولهم البقر و المزارع فين !؟ .... قالولهم دي كانت مزارع بالدنمارك ............. راحوا صوروها و عرضوها علينا في التليفزيون بتاعنا من باب ( الاستكراد ) :ninja: ........... الأظرف أننا نكرر أخطاءنا بمنتهى الأصرار .. و أوعى حد يناقش كيف تتحول الأموال المكتظة في البنوك لقوة دفع تحيّ أقتصادنا و تنشيء آلاف فرص العمل للعاطلين و تنقذنا من براثن الجهل و التخلف الذي نتنفسه.... و أوعى حد يناقش أزاي ممكن البنوك توجه الأستثمارات بأمكانياتها الكبيرة و متخصصيها الى الأنشطة التي يحتاجها فعلا المجتمع ..... المجتمعات كلها تتحول لكيانات ضخمة عن طريق الأندماج و الأتحاد و أحنا عاوزين كل واحد يقف بعربية بطاطا يبيع و يشتري حتى لو مكانش بيفهم في البطاطا و لا عنده وقت يبيعها ... و البديل أنه يدي شقى عمره للسادة المحظوظين بينا جدا ....كما قال الفاضل محمد ( شركات توظيف اللحى ) و غيرهم و هنيئا لهم

تم تعديل 12 فبراير 2009 بواسطة سهران

[سهل جدا]

أهلا بالأخ الفاضل: أسد ... (يا ماما :lol: )

شكرا لك على ردك المفصل ..

بس على فكرة الأزمة المالية الحالية؛ معروف أسبابها؛ وإن البداية كانت بسبب التوسع في الإقراض العقاري (الربوي) بدون ضمانات كافية؛ ثم تعسر المقترضين وبالتالي إحراج البنوك المقرضة..

وبعدين دخلت شركات التأمين في اللعبة فأمنت على قروض معدومة.. وهلم جرا..

وسبحان الله, أنا بعتبر الأزمة المالية ديه إعجاز للاقتصاد الإسلامي الذي حرم كل هذه الأشياء

قروض بفائدة (يعني ربا) – بيع ديون معدومة (غرر) – شركات تأمين (ميسر)

هو دوا أس البلاء في الأزمة المالية الأخيرة؛ والله أعلم هانطلع منها إمتى ؟

الشاهد من كلامي السابق إنه لا علاقة بين ما حدث مع الريان والسعد بالأزمة المالية الحالية ..

ولمن لا يريد أن يضع أمواله في البنوك التجارية بفائدة 10% .. وليس لديه خبرة في التجارة ..

يمكنه التوجه إلى أي من البنوك الإسلامية .. ويضع أمواله فيها .. للمعلومية .. الفائدة أو الربح هناك أقل من 10% .. يصل إلى 7 أو 8 % ...

أمممممممممممم

أهو دا اللي كنت خايف منه , إن احنا نضطر نتكلم عن البنوك الإسلامية في مصر

المشكلة إن البنوك ديه لا تتعامل مع المواطنين بحرية تامة , وإن الحكومة فارضة عليها نسبة معينة للأرباح ما ينفعش تتخطاها, عشان الناس التانية اللي حطه فلوسها في البنوك الربوية ما يشيلوش فلوسهم وتخسر باقي البنوك ..

فالبنوك الإسلامية في مصر ليست إسلامية بالمعنى الصحيح؛ قد يجد البعض مبررات ويقول إنها مضطرة توافق على شرط الحكومة عشان تمشي أمورها ..

على أية حال أنا لا أحبذ إيداع الأموال لا في هذه البنوك ولا في تلك البنوك اللهم إلا للضرورة فقط فتوضع حينئذ في البنوك الإسلامية ..

التجارة والاستثمار هو أفضل شيء لصحاب رأس المال..

ففي ذلك المنفعة لصاحب المال نفسه وللبلد ككل وللغلابة خصوصا

تخيل أستاذ أسد لو كل واحد معاه رأس مال وشغله بما يرضي الله .. عمرنا ما هانلاقي واحد عاطل ولا هايكون فيه أي مشكلة

لأن المشكلات كلها بتيجي من ركود رؤوس الأموال أو تسفيرها خارج البلد في بنوك أخرى لأخذ فائدة أعلى

ولمن لا يحسن التجارة يمكنه أن يشارك شخص مضمون أو يحول رأس ماله إلى أصول

دمت بود md2:

انت تانى بجد مش ممكن

أنا مش فاهم يا أختي الكريمة إنتي معترضة كده ولا موافقة ولا إيه الحكاية بالظبط :ninja:

[سهل جدا]

نرجع للحاج محمد وماقاله

الحاج محمد انسان بسيط ، واضح ذلك من وجهة نظره.

لكن الحاج محمد على الرغم من بساطته وقلة تعليمه فى المدارس والتى من الممكن الا يكون قد عرف طريقها ،

الا انه عرف شيئ مهم جدا " إعلاء قيمة العمل والكسب الحلال.

عم محمد رأى أن البنوك لاتعطى عائد مجزى للمداخرات ، وانه لمن الافضل ان يقوم كل صاحب مال بتشغيل ماله حتى لو اضطر ان يتاجر فى الفجل والجرجير ، فهو يرى ان أم محمود التى تبيع الفجل والجرجير فاتحة بيت وقامت بتربية ابناؤها من بيع الفجل والجرجير ، فما المانع أن يقوم الاستاذ فلان الذى عمل بالخليج او بالسعودية فى ان يقوم بعمل مماثل ليس بالضرورة فجل وجرجير ، فقد يقوم بالعمل فى تجارة المواشى مثلا وبذلك قد يخلق عدة فرص عمل لشباب صغير السن ، او ان يفكر فى كشروع صناعى ( صناعة ملابس مثلا ويقوم بتشغيل بضع عشرات ممن لايجدون فرص عمل ويضطرون للاقتراض من اليمين واليسار حتى يتمكنوا من الهروب على مركب متجها لاوروبا ليلقوا حتفهم.

أكيد الحاج محمد لم يكن شاغلا باله بموضوع البنك ده حلال والا حرام ، هو كان مشغول بحاجة ثانية خالص " العمل " و " الاستثمار "

هذا الجزء من كلامك جيد جدا وأتفق معك فيه

لكن الشطر الثاني لا يعنيني

فأنا لا أدافع عن أشخاص بأعيانهم؛ وإن كنت على يقين أن الحكومة تعمدت إسقاط هذه الرموز (الريان والسعد وغيره)

الأخ الفاضل سهران نفس الكالم أقوله لحضرتك .. ليس لي دخل بأشخاص بأعيانهم

وبالنسبة للبنوك التي تتعامل بالربا؛ فهي تظلم من ناحيتين

تظلم المقرض فتعطيه أكثر مما يستحق (في الغالب)

وتظلم المقترض فتأخذ منه ربحا محددا حتى ولو لم يربح عُشْر معشار ما سيؤخذ منه .. بل وحتى لو خسر الربح ورأس المال ..

فيخسر دنياه وآخرته

ولو ربح في الدنيا فلن يربح في آخرته

{يَا أَيُّهَا الَّذِينَ آمَنُوا اتَّقُوا اللَّهَ وَذَرُوا مَا بَقِيَ مِنَ الرِّبَا إِنْ كُنْتُمْ مُؤْمِنِينَ * فَإِنْ لَمْ تَفْعَلُوا فَأْذَنُوا بِحَرْبٍ مِنَ اللَّهِ وَرَسُولِهِ وَإِنْ تُبْتُمْ فَلَكُمْ رُءُوسُ أَمْوَالِكُمْ لَا تَظْلِمُونَ وَلَا تُظْلَمُونَ}

وكل قرض جر نفع فهو ربا

تم تعديل 12 فبراير 2009 بواسطة سهل جدا

[MZohairy]

طيب لو واحد كبير او واحده كبيره و وحدانيه يا سهل جدا متقدرش تبيع جرجير ولا تعرف تتاجر

و عندها مبلغ50 الف او 100 الف جنيه حطاهم في بنك و بيجيبولها حوالي 450 جنيه الى 900 جنيه شهريا

تعمل ايه غير انها تحط فلوسها في البنك؟

يا أستاذ إم زوهيري بلاش نتكلم عن الاستثناءات؛ وخلينا نتكلم عن الأصل

يعني انت عاوز تقول مثلا إن كل اللي حاطين فلوسهم في البنوك الربوية مضطرون لأنهم كبار في السن وما يعرفوش يتصرفوا ..

بصراحة كلام غير مقنع أبدا

زي ما واحدة مرة كنت بقوله إن أكل الميتة حرام, راح قاللي: طيب افرض واحد في صحراء وهايموت من الجوع وما لقاش غير الميتة ديه , يموت من الجوع يعني ؟!!

فترك الموضوع الرئيسي وفضل يكلمني على الاستثناءات

وبعدين حتى اللي ما يعرفش يستثمر فلوسه؛ ما هو ممكن يحولها لأصول مثلا

يا أخي مين اللي قال ان دول استثناءات؟

اللي مبيعرفش يتاجر هو الحاله المستثناه؟؟؟؟؟؟ :ninja:

احسبها انت بالبلدي

و شوف الدنيا فيها كام تاجر و كام زبون مشتري في كافة القطاعات

حتعرف ان نسبة اللي بيعرفوا يتاجروا تعتبر نسبه عظيمة الصغر امام اللي مبيعرفوش

انا عن نفسي راجل مالي و تعليمي و دراساتي ماليه

و مع ذلك تاجر فاشل!!!

و تلاقي واحد معاهوش ابتدائيه و تاجر شاطر

موهبه يا سهل ربك اختص بيها بعض البشر زي الست ام كلثوم مثلا

يبقى البعض الآخر معندوش طريقه غير استثمار الفلوس دي مع ناس بتعرف تستثمرها

و اللي هو البنك في حالتنا

أما موضوع علماء السلطان دول بقى ففيها كلام كتير عشان انا بحب علي جمعه و بحترمه و محبش حد يشتمه

تحياتي

[Alshiekh]

نرجع للحاج محمد وماقاله

الحاج محمد انسان بسيط ، واضح ذلك من وجهة نظره.

لكن الحاج محمد على الرغم من بساطته وقلة تعليمه فى المدارس والتى من الممكن الا يكون قد عرف طريقها ،

الا انه عرف شيئ مهم جدا " إعلاء قيمة العمل والكسب الحلال.

عم محمد رأى أن البنوك لاتعطى عائد مجزى للمداخرات ، وانه لمن الافضل ان يقوم كل صاحب مال بتشغيل ماله حتى لو اضطر ان يتاجر فى الفجل والجرجير ، فهو يرى ان أم محمود التى تبيع الفجل والجرجير فاتحة بيت وقامت بتربية ابناؤها من بيع الفجل والجرجير ، فما المانع أن يقوم الاستاذ فلان الذى عمل بالخليج او بالسعودية فى ان يقوم بعمل مماثل ليس بالضرورة فجل وجرجير ، فقد يقوم بالعمل فى تجارة المواشى مثلا وبذلك قد يخلق عدة فرص عمل لشباب صغير السن ، او ان يفكر فى كشروع صناعى ( صناعة ملابس مثلا ويقوم بتشغيل بضع عشرات ممن لايجدون فرص عمل ويضطرون للاقتراض من اليمين واليسار حتى يتمكنوا من الهروب على مركب متجها لاوروبا ليلقوا حتفهم.

أكيد الحاج محمد لم يكن شاغلا باله بموضوع البنك ده حلال والا حرام ، هو كان مشغول بحاجة ثانية خالص " العمل " و " الاستثمار "

هذا الجزء من كلامك جيد جدا وأتفق معك فيه

هناك من اعطانى امتياز مع مرتبة الشرف

[عصام]

طيب يا أخ سهل جدا

التصيحة أرجوك عشان أنا فهمى على أدى

المطلوب إيه وتنصحنى بإيه لو انا معايا 100000 جنيه مدخرات؟

البنوك حرام

والبنوك الإسلامية حرام

والتوظيف حرام

مش فاضل غير انى أحطهم تحت البلاطة لحد ما ييجى صاحب نصيبهم الفجر ياخدهم وانا نايم

[لولا]

طيب يا أخ سهل جدا

التصيحة أرجوك عشان أنا فهمى على أدى

المطلوب إيه وتنصحنى بإيه لو انا معايا 100000 جنيه مدخرات؟

البنوك حرام

والبنوك الإسلامية حرام

والتوظيف حرام

مش فاضل غير انى أحطهم تحت البلاطة لحد ما ييجى صاحب نصيبهم الفجر ياخدهم وانا نايم

رش البلاطه الأول يا عصام .. احسن الفيران تاكلهم قبل ما يجى صاحب نصيبهم :ninja:

[Alshiekh]

طيب يا أخ سهل جدا

التصيحة أرجوك عشان أنا فهمى على أدى

المطلوب إيه وتنصحنى بإيه لو انا معايا 100000 جنيه مدخرات؟

البنوك حرام

والبنوك الإسلامية حرام

والتوظيف حرام مش فاضل غير انى أحطهم تحت البلاطة لحد ما ييجى صاحب نصيبهم الفجر ياخدهم وانا نايم

بس الفجل والجرجير مش حرام :ninja: md2:

[abdulmuttaleb]

بداية أنا أنحني تقديرا لكل الأقلام التي شاركت في الموضوع ومعظمهم من عمالقة الفكر والرأي في هذا المنتدى وأخص بالذكر الأستاذ الفاضل م-زهيري وكافة السادة الأعضاء جميعا فردا فردا..

وأود شكر أ.سهل جدا على هذا الموضوع حقيقة،

يعني أنا أدرس MBA ويعني وجدت أن أفكار الحاج محمد رائعة جدا، وهي بالمناسبة آراء كل من يعرف آليات عمل البنوك، وإذا تركنا جانبا مسألة الحلال والحرام ونظرنا بمنطق ربحي بحت للبنوك نجد الآتي:

1-حسابات (جارية) مالية ضخمة لشركات كثيرة لا يحصل أصحابها طبعا على أية (فوائد) لأن الحساب الجاري لا يستفيد من الفائدة: طبعا هذه الحسابات يتم تشغيلها لمصلحة البنك.

2-حسابات (توفير) تحصل على فائدة ضئيلة.

3-مبالغ هائلة من العمولات على التحويلات وخطابات الضمان.

4-تحصيل فوائد على المبالغ التي يتم إقراضها لا تقل بحال عن 12% [في مصر].

طبعا كل من يعمل في مصر يعلم أنّ هوامش الربح في المنشآت التجارية والصناعية والخدمية عالية ولا تقل عادة عن 20% فالبنك يدخل في مشاريع جذابة وناجحة ويحصل على أرباح كبيرة (أقلها الحصول بعلاقاته على أراض من الدولة ثم بيعها بأسعار رهيبة)، يعطي البنك من هذه الأرباح الفتات للمودعين الغلابة، والنصيب الأكبر يكون من حظ الموظفين صغارهم وكبارهم.

دعوني أنتقل للصورة الأشمل، وهي أنّ لدينا في مصر من لديه الأفكار المحترمة ذات الجدوى الاقتصادية المعتبرة [وضع تحت آخر 3كلمات ألف خط لأن عددا من الأفكار محترمة ولكن غير ذات جدوى اقتصاديا]، ولدينا من لديه رأس المال، ولكن هنالك مشكلة كبيرة جدا جدا في تلاقي الطرفين، وذلك في رأيي نابع من 3 أسباب:

أولا-غياب الثقافة التجارية وأعني بها فهم آليات الربح والخسارة وأصول العرض والطلب ولو بشكل بسيط، للأسف هذا الجانب (مظلم) لدى قطاعات كثيرة من الشعب ومنهم الجامعيّ وربما البروفيسور. فضلا عن أضحوكات يراها الإنسان مثل المشاركة واحد برأس المال وواحد بالخبرة وتجد صاحب الخبرة يقتسم نصف الربح رغم أن صاحب رأس المال لو عيّن من يقوم بالعمل فلن يزيد ما يأخذه ربما عن 5% من الربح [نقطة فصل الملكية عن الإدارة مهمة جدا والشخصية الاعتبارية للشركة]

ثانيا-غياب ثقافة الخدمات، بمعنى ليس من الضرورة أن تنشئ مصنعا، يمكنك أن تفتح مكتبا لتوفير عمالة للمصانع المجاورة في القرية مثلا، أو مكتبا لتوفير عمالة مؤقتة تسجل بيانات طلاب الجامعة الراغبين للعمل الصيفي، أو أن تفتح مكتبا لتقديم استشارات الكمبيوتر، وهذه الثقافة ناتجة عن عدم تقدير عام للمعلومة رغم أن المستشارين Consultants في العالم كله هم الأكثر دخلا لأنهم يستخدمون فقط عقولهم ومعارفهم ولا يبيعون لا ذهبا ولا ألماسا.

ثالثا-غياب التكافل الاجتماعي، فكثير من المشاريع يمكن أن يتوافر لها رأس المال البسيط وربما يجاور في الشقة المقابلة لصاحب رأس المال هذا من لديه الخبرة أو المعرفة، ولكن أنّى يلتقيان؟! إنّ غياب دور المسجد في توثيق هذه الروابط بين أفراد الحي الواحد وكذلك غياب دور اتحاد الملاك حتى في تعارف الجيران وتعرفهم على بعض، فربما تجد خريج يبحث عن عمل وجاره في العمارة يعمل في شركة تحتاج لمثل هذا الخريج ورغم ذلك لا يلتقيان.

تم تعديل 13 فبراير 2009 بواسطة abdulmuttaleb