مش كفايه أحزان بقى

[سقراط المصري]

اعزائي اعضاء المنتدى ، هذه اول مداخله لي معكم ، اتابع تعليقاتكم منذ سنتين ، منها ما أضحكني من الطرافه والكلام المصري الجميل ، ومنها ماجعل قلبي يبكي على حال بلدي الحبيبه ، عندما احس باليأس احيانا أقرأ بريد الأهرام ، فأعرف انني أحسن حالا من الكثيرين ، فأحمد الله وأتقبل قدري.

وعندما اريد ان اعرف اخبار بلدي ، افتح المنتدى وأكون معكم ، ساعات بحس بيكم حولي ، همومنا واحده ومشاكلنا واحده.

بس عندي ملاحظه صغيره قوي ، حاسس ان أعضاء المنتدى لم يتركوا سلبيه في بلدي إلا وذكروها وحللوها وفنطوها .نفسي في طلب منك علشان خاطري ، عايزين نتكلم مره واحده عن خير بلدنا ، وأعني إيجابيات بلدي، أكيد فيه خير ياجماعه لسه في بلدنا ، عايزين نشوفه ونسمع عنه ونحكيه لبعض.

حتى ولو ذكرت انك كنت ماشي في الشارع وقلت لواحد السلام عليكم ، فرد السلام بسلام. من فضلكم مره واحده نشوف النور في بلدنا ، نتكلم بطريقه إيجابيه. لازم نشجع بعض على حب بلدنا. تكلمتم كثيرا عن الفساد لدرجه انكم فتحتم او فتح (بضم الفاء) له محور مخصوص عنه. وكأن بلدي هي بس الفساد. ليه لم تفتحوا محور عن الايجابيات.

كمان طلبي ده علشان الناس اللي في غربه مؤقته واللي كده او كده هترجع مصر احسن لها ترجع وهي حاسه انه فيه على الاقل بصيص امل في بلدنا ولاتحبط كثيرا.

والناس اللي في غربه دائمه ليه نفكرها دايما بأخبار بلدنا الغير ساره ، الناس دي بيحلموا بتراب مصر ، زي الحبيب لما بيحلم بحبيبته ، فلماذا نصدمه . انا معكم انها الحقيقه، ولكنها ليست كل الحقيقه. انه نصف الكوب الفارغ.

عارفين لو الكوب كله فارغ ، ينهار الميزان ، ولا تسألوني ماهو الميزان.

مره واحده وبدون عادتنا كمصريين لما احيانا نعيط في الافراح لنتذكر الموتى وكم حرمهم الموت من حضور الفرح ، مره واحده نتكلم عن خير بلدنا وبدون ان نذكر اي سلبيه ، فلقد امضيت معكم عامين اقرا عن سلبيات بلدي حتى كرهت نفسي. وبصراحه شديد كلامكم يمكن يرفع من معنويات الواحد شويه. تكلموا إيجابيا عن بلدي وإلا أقاطع قرائة محاوراتكم.

[yasser6666]

أولأ مرحبأ بك عزيزي سقراط.....معك حق ....المشكلة اننا بنتكلم من سنين في المنتدي وصوتنا لايصل الي احد من المسئولين او (السكارتارية)..لذلك تجدنا نعيد ونزيد في قضايا الفساد والرغبة من اصلاح الاحوال لعل وعسي تفوق الضمائر النائمة(ولن اقول الميتة)...وعلي رأي المثل التكرار بيعلم الشطار ....

ولكن ياعزيزي ان اردت القراءة في حب مصر والغزل فيها فعليك بباب (المغتربين المصريين) وستعرف كم من العشق والهيام يكنه اعضاء المنتدي الكرام لمصرنا الغالية

[White heart]

سقراط المصري كتب:

لقد امضيت معكم عامين اقرا عن سلبيات بلدي حتى كرهت نفسي.

معلهش بقى يا عزيزى، أصل أحنا هنا "فوق متوسط" يعنى قدامك لسة سنتين على الوضع دة!!!!!

و بعدين انت باين عليك لسة ما انتسبتش ل

أعتقد يا عزيزى ان معظمنا هنا بيعتقدوا فى مقولة :انا لما بأكون "عيان" بروح عند "دكتور"... و هذة هى من احدى فوائد هذا المنتدى ... "الكشف" عن العلل حتى نسهل عمل الدكتور....

اما عن الأيجابيات الموجودة فى بلدنا و الأعلان عنها فموجودة برضة عندنا من وقت لأخر، و لو أردت جرعة أكثر تركيزا فعليك و على برنامج "صباح الخير يا مصر"...

و بعدين لاحظ حاجة مهمه جدا عندنا.... منتدانا به تنوع جميل ... يعنى مثلا زى ما فى "الطفشان" و "Dissapointed " فية برضة" Freefreer" و "optimistic"...!!!

عموما أهلا بيك ثانية، و ياريت الأعزاء المقيمين فى بلدنا يستجيبوا لطلبك و ينقلوا الأيجابيات اللى بيشوفوها للمغتبرين و المهاجرين...

و أقترح تكملتة فى موضوع العزيز "MKG ":

وعليكم السلام من مصر