أصغر أب في بريطانيا: طفل الـ 13 ربيعا يتعهد برعاية رضيعته

[jgeorge]

شوفتوا يا جماعة مدى انحلال الغرب

ازاى الواحد يربى اولاده فى وسط هذه البلاد و التاس

حاجة صعبة جدا جدا

أصغر أب في بريطانيا: طفل الـ 13 ربيعا يتعهد برعاية رضيعته

يحتاج إلى "مصروف جيب" للإنفاق عليها

لندن - أ ف ب

أصبح تلميذ بريطاني في الـ13 من عمره أصغر أب في بريطانيا، حيث رزق بطفلة من صديقته التي لا يتعدى عمرها 15 عاما, حسب ما أفادت صحف الجمعة 13-2-2009م.

وأقر ألفي باتين بأنه لم يفكر بعد كيف سيعول هو وصديقته شانتيل ستيدمان الطفلة التي أسمياها ميسي روكسان, إذ إنه لا يتلقى حتى "مصروف جيب من والديه".

وقال "عندما علمت أمي بالأمر, اعتقدت أنني وقعت في ورطة".

ونشرت صحيفة "صن" على صفحتها الأولى صورة للفتى يحمل طفلته التي وُلدت في ايستبورن جنوب إنكلترا.

وأضاف الصبي الذي يبدو أصغر من سنه، والذي لا يتعدى طوله 122سنتيمترا "رغبنا في الإبقاء على الجنين، لكننا كنا قلقين من رد فعل الآخرين. ولم أكن أعلم كيف سيكون شعوري عندما أصبح أبا. ولكنني سأكون أبا جيدا للطفلة وأرعاها".

إلا أنه اعترف "لم أفكر في مسألة التكاليف، وكيف سأنفق عليها. حتى إنني لا أحصل على مصروف جيب منتظم. وأبي يعطيني أحيانا 10 جنيهات (11 يورو)".

وقال دينيس باتين (45 عاما) والد ألفي إن ابنه ملتزم تماما بواجباته الأبوية الجديدة.

وقال إن الصبي "كان يمكن ألا يهتم، ويجلس في البيت ليلعب. ولكنه كان يذهب إلى المستشفى كل يوم".

وحملت شانتيل بالطفلة بعد ممارسة الجنس مرة واحدة بدون وقاية مع ألفي، الذي لم يتعد عمره وقتها 12 عاما, حسب الصحيفة.

[se_ Elsyed]

دي مراته او صحبته .. شكلها عامله زي أمه !!!

دي حبت في إيه دي ؟

[~Heba~]

هى دى عندها 15 سنة :lol: :lash: :lol:

[مسافر]

يعني طالما زنا وباختيارهم فالاب والام موافقين

وجمعيات حماية الطفولة والمراة فرحانة ومبسوطة

ولا وجع دماغ بسن زواج ولا مأذون ولا مفتي ولا محكمة

اما نحن فيأتي من هم من جلدتنا ويتكلمون بألسنتنا

ويجرحون فقهاءنا ويطعنون في ديننا ويسودون 12 صفحة

في فتوى الزواج من الصغيرة ولو تعلموا العلم الشرعي والفقة

لحمدوا الله على نعمة الاسلام وكفى بها نعمة

[jgeorge]

على فكرة لما البنت تتم 16 سنة الحكومة حتيديهم شقة يعيشوا فيها و الام هتأخذ فلوس علشان تصرف على المولود و على الاب العيل حتى يتمكن هذا العيل انه يخلص المدرسة و الدراسة و يتمكن من العمل للصرف على اسرته

عمار يا انجلترا

شوفتوا بقى الفرق بيننا و بينهم

[التونسى]

على فكرة لما البنت تتم 16 سنة الحكومة حتيديهم شقة يعيشوا فيها و الام هتأخذ فلوس علشان تصرف على المولود و على الاب العيل حتى يتمكن هذا العيل انه يخلص المدرسة و الدراسة و يتمكن من العمل للصرف على اسرته

عمار يا انجلترا

شوفتوا بقى الفرق بيننا و بينهم

ماهو دا بقى شئ يغيظ بصراحه ... يعنى الشئ الوحيد تقريبا اللى بيدفع الفتيات فى انجلترا خصوصا الجيل الجديد الارعن انهم يخلفوا هى حكاية البيت والبينيفت دى ((فلوس الاعاشه )) اللى بتوفرها الحكومه الانجليزيه بسفه .... يعنى البنت من دول اول ما تحس انها كبرت وتقدر تخلف تاخد بعضها وعلى اى نايت كلوب وتشوفلها واحد (اى واحد) يقوم بمهمة التخصيب .. وبعد كده كل سنه وانت طيب .. طفل يجى مش معروف ابوه مين ((واللى ملوش اب فى انجلترا (وياااااااااااااااااامكترهم))الحكومه الانجليزيه هى ابوه وامه وانور وجدى كمان)) .. والبنت بقى هى وابنها ((ابن الحرام لامواخذه)) يعيشوا على قفا دافعى الضرائب الشقيانين التعبانين اللى بيدفعوا كونسل هاوس وايجار او مورجيتش

هل ده ممكن نسميه عدل او أمر صحيح .. وهل بتحلم يا استاذ جورج بتطبيق مثل هذا الامر بمصر

على فكره الانجليز دول اكثر شعوب العالم نفاقا ((يقولون ما لا يفعلون)) يقولولك حقوق الانسان ولا للعنصريه .. وهما اكثر شعوب العالم انتهاكا لحقوق الانسان واكثر الشعوب عنصريه.. وانت عشت بينهم وعارف كويس .. انجلترا مش نموذج يحتذى به ...

تم تعديل 15 فبراير 2009 بواسطة التونسى

[jgeorge]

على فكرة يا تونسى

نسبة الاولاد المولودين خارج اطار الزواج فى بريطانيا اكثر من 50 فى المائة

ياريت بقى المصريين اللى اولادهم فى سن البلوغ الللى هيموتوا على الهجرة الى الغرب يصحوا معانا

و اللى عاوز فلوس الغرب يروح و يسيب ولاده فى بلده، اما انه يحط اولاده وسط هؤلاء الفاسدين و يقول البيت هو الاساس يبقى بيحلم لان تأثير المجتمع على الاولاد البالغين كبير جدا و بعدين احنا اللى اخذناهم هناك و قولنا لهم ان دى احسن من بلدنا، يبقى الولد حيلاقى اكل و ما يكولش؟؟؟؟؟؟؟؟؟؟؟؟؟؟؟؟؟

[nizza la bella]

يا استاذ تونسى مش دفعا عن انجلترا

ولكن لما تقول ان الانجليز دول اكثر شعوب العالم نفاقا ((يقولون ما لا يفعلون)على اساس اية التعميم ?

بماانهم اكتر شعوب العالم انتهاكا لحقوق الانسان فى احصائية بتقول كدة???

يبقى احناالانظمة العربية اكتر شعوب العالم احترما لحقوق الانسان... :happy:

فى انجلتراالحيوان لة حقوق ما بالك بالانسان ....

اما انهم اكتر شعوب العالم عنصرية يا ريت يكون كلامك مبنى على اسس..

فعلا فى عنصرية ومش لدرجة اكتر شعوب العالم

انت كدة صنفت انجلترا من الدول النامية

انا مش عارف هما بيقولو علينا اية ? :blink:

انجلترا مش نموذج يحتذى به ...

يا استاذ تونسى خد منهما الايجابيات ....

ولا دة بردو مفيش....

اوعى تكون زعلت من كلامى

تم تعديل 21 فبراير 2009 بواسطة nizza la bella

[التونسى]

يا استاذ تونسى مش دفعا عن انجلترا

ولكن لما تقول ان الانجليز دول اكثر شعوب العالم نفاقا ((يقولون ما لا يفعلون)على اساس اية التعميم ?

بماانهم اكتر شعوب العالم انتهاكا لحقوق الانسان فى احصائية بتقول كدة???

يبقى احناالانظمة العربية اكتر شعوب العالم احترما لحقوق الانسان... :blink: :cry1:

فى انجلتراالحيوان لة حقوق ما بالك بالانسان ....

اما انهم اكتر شعوب العالم عنصرية يا ريت يكون كلامك مبنى على اسس..

فعلا فى عنصرية ومش لدرجة اكتر شعوب العالم

انت كدة صنفت انجلترا من الدول النامية

انا مش عارف هما بيقولو علينا اية ? :lol:

انجلترا مش نموذج يحتذى به ...

يا استاذ تونسى خد منهما الايجابيات ....

ولا دة بردو مفيش....

اوعى تكون زعلت من كلامى :lol:

ابدا كلامى معاك اخى الفاضل بالرد على اخر مداخلتك .. طبعا مش زعلان .. مرحى بالاختلاف الهادئ.. وبالنقاش الهادف :protest:

انا اللى مستغربله ان الاخ الكريم جورج اللى كان عايش فى انجلترا لم يتحفظ على ارائى فى الانجليز وفى انجلترا :unsure: دى بس جمله اعتراضيه وتحفيزيه للاخ الكريم جورج ان ييشاركنا برائيه وانطباعه بخصوص انجلترا بلد وشعب .. واكيد هو حيكون اجدر منى فى الرد عليك

على فكره ردى على تساؤلاتك محتاجه شرح كتير لكن الاول هل انت عاشرت الانجليز .. عاشرتهم على حق وانغمست فى وسط مجتمعهم .. دخلت بيوتهم .. شفتهم على حقيقتهم العاريه.. بدون رتوش ولا تجميل

وعلى فكره اخى العزيز النهارده بس لسه عامللين تحقيق صحفى مع اتنين عيال 15 سنه ومخلفين تؤام والموضوع ممكن تلاقيه فى جرايد انجلترا 21 قبراير .. مش الانجليز دول برده بتوع حقوق الانسان .. وحقوق الطفل .. واللى بيجرموا وبيستهزؤا بينا كمجتمعات شرقيه مسلمه لاننا بنسمح بجواز البنات الاقل من 16 سنه .. طب تقول ايه بقى وتحليلك ايه للحالتين اللى فاتوا .. الحاله بتاعة الموضوع الاصلى واالحاله اللى جت النهارده فى احد جرائدهم .. واوعى تقوللى ده استثناء .. ازعل منك قوى ومش ححناقشك خالص .. لان ما خفى كان اعظم .. واسال استاذ جورج وهو يعرفك مراهقات انجلترا .. علىى الاقل البنت عندنا تحت 16 بتتجوز على سنة الله ورسوله وقانونى .. مش ((.................)) والا بلاش

وللحديث بقيه ان شاء الله:blink:

[Alshiekh]

السلام عليكم

يعنى بما ان الموضوع خفيف فاعتقد انهمافيش داعى للدراسات والتأنيب وبننتقد نفسنا ليه فى زواج الرضيعة والحاجات دى.

لكن فلننظر للموضوع من جانب جاد

عندما تم القبض على التوربينى ( فاكرين التوربينى ) فهل معنى ذلك ان الشعب المصرى كله من عينة التوربينى؟

أو عندما تحدث حالات ولادة او اجهاض لبنات فى مصر فى مدنها او ريفها بوجيه البحرى والقبلى حملن من علاقات غير شرعية وكلنا يعلم ان مثل تلك الحالات تحدث كل يوم ، هل يعنى ذلك ان هذا الامر شائع فى مصر؟

وهل مايحدث من زيجات سرية أى غير شرعية بين قلة من طلبة وطالبات الجامعة ، هل يعنى هذا ان كل خريجى وخريجات الجامعة فعلوا ذلك او ان يكون هذا الفعل هو احد مسوغات الالتحاق بالجامعة؟

بالطبع هى حالة قد تحدث فى مصر وليس فقط بريطانيا او الغرب عموما ، ولكن عندنا دائما مانقوم بالستر على الفضيحة ولايتحدث الناس فيها الا همسا مذيلين كلامهم بعبارة " ربنا يستر على ولايانا ، بلاش نجيب فى سيرة الناس ، كلنا عندنا ولايا ".

عارفين اوحش حاجة فينا ايه؟

اننا ننقد الآخرين لو قعلوا مافعلناه ، وكأننا جئنا من كوكب آخر.

[jgeorge]

احنا مش بنعمم على الانجليز

بس هما ليهم طباع منيلة يستين نيلة

يعنى زى ما المصريين بيأكلوا فول و طعمية و ده طبع فينا الا القليل منا فالانجليز بيمارسوا الجنس عند البلوغ و بدون زواج يعنى هذه من عاداتهم و تقاليدهم

زى الامير شالز ولى العهد اللى مارس مع كاميليا اللى شكلها اد امه و خان صحبه

قامت ديانا زوجته قالت فى برنامج تليفزيونى انها مارست مع كابتين هيويت و الدكتور حسنات خان الباكستانى و دودى الفايد

عادى، تانى يوم الشعب كله قال البت ده اتظلمت و ليها ميت حق فى اللى عملته

و ده قصة الاثنين اللى سنهم 15 و جابوا توأم

[أحمد سيف]

يعني طالما زنا وباختيارهم فالاب والام موافقين

وجمعيات حماية الطفولة والمراة فرحانة ومبسوطة

ولا وجع دماغ بسن زواج ولا مأذون ولا مفتي ولا محكمة

اما نحن فيأتي من هم من جلدتنا ويتكلمون بألسنتنا

ويجرحون فقهاءنا ويطعنون في ديننا ويسودون 12 صفحة

في فتوى الزواج من الصغيرة ولو تعلموا العلم الشرعي والفقة

لحمدوا الله على نعمة الاسلام وكفى بها نعمة

من غير بس طعن وجلدتنا والكلام الكبير ده

المشكلة مركبه من جزئين ... الأول إنه ابن زنا

والثاني ان أبويه لسه عيال

الجزء الأول دي مشكله عامه في بلاد الغرب ... وهما تعودوا عليها وتأقلموا معاها... وطبعا ده لا يمت لدينا أو لعادتنا بصله ومرفوض تماما سواء كان الأب عنده عشر سنين ولا تسعين سنه

الجزء الثاني هوا اللي كنا بنناقشه في موضوع زواج الصغيره ... وانتقدنا فتوى الباحث الديني اللي بتبيح زواج الصغار ... وحضرتك طبعا ما كانش عاجبك الكلام ده

طيب سؤال: هما العيال دول لو كانوا راحوا عند مأذون وكتبوا كتابهم بطريق شرعي بموافقة ولي البنت كنت هاتوافق على اللي عملوه؟

لو المشكله في الزنا يبقى مافيش حاجه جديده في الخبر ... ده مشكله معروفه لدى جميع الأعمار والمستويات

ولو المشكله في ممارسة الجنس بين الصغار وإنجاب أطفال في عمر مبكر.... طيب ده يفرق ايه عن فتوى ال"شيخ" اياه

إذا تغاضينا عن نقطة الزنا وركزنا على حكاية عمر الوالدين هانلاقي إن زواج الصغار وإنجاب أطفال في عمر مبكر مشكله شائعة أيضا في أجزاء من العالم الإسلامي.... يعني اللي بيته من أزاز ما يحدفش الناس بالطوب

د. جورج ... من أول ما قرأت الخبر في الجريده كنت متأكد إنك مش هاتضيع فرصه زي دي و لازم تنزل موضوع عنه ... وتوقعي كان صحيح والحمد لله

عموما يا سيدي أنا بادعوك مره ثانيه مادمت بتكره وتحتقر الانجليز الى هذا الحد إنك تروح تتنازل عن جنسيتك البريطانية وتنزل تعيش في مصر كأي مواطن مصري

جرب الفكره دي وابقى ادعيلي

[jgeorge]

يا احمد يا سيف انا فى مصر مع اولادى من سنة و نصف

و اللى عاوز اوضحه للسادة اللى عاوزيين يهاجروا ان المشكلة مش فى الجيل الاول اللى هما احنا و لكن فى الجيل الثانى من اولادنا و لقد تاكد ذلك بما شوفتهذ

احنا هنا فى مصر معنديناش خبرة فى الغربة غير فى الدول الغربية و ده قصة اخرى

اما اللى راحوا دول غربية ما رجعوش يقولولنا اصل الحكاية

و اما ما يقولون ان البنت اتجوزت امريكانى من عيلة كبيرة و اسلم، و ان الولد تزوج امريكانية من عيلة كبيرة و اسلمت

طبعا فيه جزء منا زاهد فى الدين او ايبور زى عمنا محمد الفايد اللى احتفل بميلاد اول حفيدة له فى خمارة نتيجة علاقة غير شرعية لبنته

و فيه بعض منا سموا اولادهم اسماء لاتينية و معندهمش مشكلة ان اولادهم يشربوا خمر او ياكلوا خنزير او يتزوجوا من اهل الغرب

المشكلة فى اللى عاوز يتمسك بدينه و ان اولاده يطلعوا زى ما هو اتربى، و على العموم فيه امثلة ممتازة للجيل الثانى فى الغرب و احسن من الاولاد اللى فى مصر بس للاسف قليلة

[Alshiekh]

نظرا لانتهاء الغرض من الخبر ،

فلن يكون الموضوع مفتوحا لنشر اخبار حمل السفاح ومثل هذه المواضيع المقززة

شكرا لتفهم الجميع

سيغلق الموضوع