ارجو المساعده والنصيحة يا اهل الخير عقد محاسب

[salem ali]

اولا اشكر كل من في هذا الموقع الجميل وخصوصا قسم المغتربين

انا خريج محاسبه انجليزي 2008 و ما عنديش خبره

من شهرين عملت انترفيو وانقبلت و من اسبوعين وقعت العقد

وكان العقد على 2500 ريال

ومواصلات مؤمن

وسكن مؤومن

وبرضو اعاشه مؤمنه بس ما عرفش اي هي الاعاشه

الشركة اسمها منار العمران للسقالات والدعامات في جده

هل العقد كويس

والشركة كويسه او حد يعرفها

وبالنسبه للتامين الصحي هو بكون تمام يعني كل تخصصات الامراض والادويه

وربنا يخليكوا اخر سؤال هو السكن بكون في اعداد كبيره في الرووم انا سمعت ان عندهم سكن للمحاسبين والمهندسين

موقع الشركه هو الكيلو 8 طريق مكه هل هي بعيده عن جده

سامحوني يا جماعه الواحد اول مره يسافر شكرا للجميع

[salem ali]

مفيش ردود للاسف :hearts:

[Melhakim]

اولا يا باشا توصل بالسلامة ان شاء الله

ثانيا انا اعرف شركة منار العمران لان الشركة اللى انا شغال فيها بتتعامل معاها واعتقد انها مش شركة صغيرة لان ليها اكتر من فرع فى المملكة اما بالنسبة انها شركة كويسة او وحشة فللاسف معرفش بس هحاول اسالك حد يكون يعرف الشركة كويس واحاول افيدك ان شاء الله

[salem ali]

شكرا ليك وربنا يخليك يا باشا ومستنيين الردود من الشباب

وعلى فكرة التاشيرة محاسب عام

تم تعديل 15 فبراير 2009 بواسطة salem ali

[قطرة ندى]

طبعا المرتب قليل بس الصبر طالما لوحدك ربنا يسهل يمشى الحال ..اعتقد ممكن تحوش الف ريال فى الشهر عادى جدا

ومش معنى ان المرتب قليل ان الفرصة دى متاحة كتير بل وربما تكون معدومة ..يعنى متطيرش الفرصة من ايدك واستبشر خيرا

وحج واعتمر ....واللى يصبر ينول

[scarpo]

أخى سالم

السلام عليكم ورحمة الله وبركاته

اولا اقول ان المرتب ليس مرتفع جدا ولكنه ليس صغير وخصوصا ان خبرتك مازالت قليلة وهى فرصه مناسبة ليك ومنها ان شاء الله تجد الافضل او بعد فترة ان شاء الله يزيد مرتبك

انا للأسف مقدرش افتيك فى موضوع الشركة لانى لست فى السعودية بس احسن شئ انك طالع على فيزا محاسب وليس عامل زى كتير من الشركات

توكل على الله بس فى حاجة مهمة خد بالك منها وهى تذاكر الطيران على مين وكمان اجاوتك كلم يوم فى السنة

وتحياتى بالتوفيق

[salem ali]

شكرا شكرا وربنا يخليكوا على الردود