ضانى بخل بلسمك مع العسل مع خضار مختلف وسلطة بصوص غير تقليدى

[بندق أفندى]

الأولى هى .. لحم غنم من الفخد .. مخلى من العظام .. متبل بملح وفلفل وخل عنب لمدة 15 دقيقة .. وبعدين ملفوف فى دقيقة ومتحمر لمدة 3 دقايق لكل وجه ..

ثم يوضع فى صينية ويدهن بخل بلسمك (بالصدفة طلع خل توت) معلقين خل معاهم ملعقتين عسل .. ومخلوطين مع بعض .. واللى معاها بطاطس حمرا متبلة بزيت زيتون وملح وفلفل أسود ..

نحطها فى الفرن لمدة 30 دقيقة وبعدين نطلعها ونسقيها من خليط الخل والعسل تانى ونرجعها الفرن لمدة 10 دقائق .. بس

نفس القصة تنفع مع السمك ومع الفراخ

أما ده فأنا احترت أعمل فيها ايه ..

هى زهرة (قنبيط) .. سلقتها لمدة 5 دقايق .. مش عاوزها مقلية ولا عاوزها باللحمة المفرومة .. الأخضر اللى فى النص بروكلى يعنى نفس العيلة

الوش عبارة عن فتات خبز مع بيضتين مع كوب حليب .. متبل بالملح والفلفل .. مع زعفران ..

ممكن نفس القصة تبقى مع فواكه وتطلع طبق حلو بس بدل الفلفل يبقى فانيليا وقرفة .. وبدل الملح يبقى سكر

أعتقد انه لو كنت فكرت أعملها صوص كريمة كانت هتكون كمان رائعة ..

أما ده فالتقديم .. سلطة عبارة عن فلفل أحمل حلو وطماطم ومعاهم خس أخضر .. والصوص بتاعهم عبارة عن عصير ليمون وماشروم وزبيب متحمر مع الماشروم فى زيت زيتون

نسيت أقولكم انه اللحم بالطريقة دى كان مالوش حل

[لولا]

اولا .. مشاء الله تبارك الله .. حقيقى معجبه بموهبتك واحساسك العالى فى الطبيخ .. فعلا الطبيخ دا فن ومزاج وعشان يطلع حلو كده زى ما كل مره بتتحفنا بأصناف جديده لازم يكون معمول بحب ونفس .

اعتقد سر التميز عندك ديما فى اختيار التتبيلات المناسبه والجديده .

يعنى خلط العسل بخل البلسمك حتكون نتيجته هايله على اللحمه .. وميزة اللحمه انها تستحمل التتبيلات القويه النكهه وبتظهر بشكل معتدل ولذيذ ومميز جدا فى الآخر.

كمان لاحظت فى الوصفات الأخيره اللى حضرتك قدمتها ان طريقة طبخك احلى حاجه فيها انها بتعتمد على اسلوب اقرب للصحى وغالبا بتستعمل زيت الزيتون

ودى ميزة جامده جدا .. عن نفسي مش بحب الدهون تقريبا فى الأكل وبميل لإستعمال زيت الزيتون برده فى اغلب الحاجات .

حقيقى بشكرك جدا ..

اصناف مميزة ..

دهون اقل ..

تتبيلات حصريه من مطبخ بندق باشا bv:-

والطبق النهارده هايل .. على فكره انا مش بحب اللحمه قوى ..خصوصا فى السعوديه .. وخبرتى فيها "زيرو " لاحظت ان حضرتك بتستعمل لحمه الخروف "كتف او فخد"

وانها احسن .. وبما انى فى بدايه المشوار فمكنتش اعرف ان لحمه الخروف احسن ..عاده بستعمل لحمه بقرى عشان بتبقى خفيفه وصحيه اكتر ..لكن ححاول

اجرب بلحمه الغنم .

على فكره فى صنف تانى كمان حضرتك كتبته هنا " فراخ مشويه بالكرات " لسه مجربتوش ... بس شكله خرافه وبرضه مميز .

الف شكر يا استاذ بندق cr((:

[بندق أفندى]

اولا .. مشاء الله تبارك الله .. حقيقى معجبه بموهبتك واحساسك العالى فى الطبيخ .. فعلا الطبيخ دا فن ومزاج وعشان يطلع حلو كده زى ما كل مره بتتحفنا بأصناف جديده لازم يكون معمول بحب ونفس .

اعتقد سر التميز عندك ديما فى اختيار التتبيلات المناسبه والجديده .

يعنى خلط العسل بخل البلسمك حتكون نتيجته هايله على اللحمه .. وميزة اللحمه انها تستحمل التتبيلات القويه النكهه وبتظهر بشكل معتدل ولذيذ ومميز جدا فى الآخر.

كمان لاحظت فى الوصفات الأخيره اللى حضرتك قدمتها ان طريقة طبخك احلى حاجه فيها انها بتعتمد على اسلوب اقرب للصحى وغالبا بتستعمل زيت الزيتون

ودى ميزة جامده جدا .. عن نفسي مش بحب الدهون تقريبا فى الأكل وبميل لإستعمال زيت الزيتون برده فى اغلب الحاجات .

حقيقى بشكرك جدا ..

اصناف مميزة ..

دهون اقل ..

تتبيلات حصريه من مطبخ بندق باشا

والطبق النهارده هايل .. على فكره انا مش بحب اللحمه قوى ..خصوصا فى السعوديه .. وخبرتى فيها "زيرو " لاحظت ان حضرتك بتستعمل لحمه الخروف "كتف او فخد"

وانها احسن .. وبما انى فى بدايه المشوار فمكنتش اعرف ان لحمه الخروف احسن ..عاده بستعمل لحمه بقرى عشان بتبقى خفيفه وصحيه اكتر ..لكن ححاول

اجرب بلحمه الغنم .

على فكره فى صنف تانى كمان حضرتك كتبته هنا " فراخ مشويه بالكرات " لسه مجربتوش ... بس شكله خرافه وبرضه مميز .

الف شكر يا استاذ بندق

شوفى حضرتك .. اللحمة فى السعودية البقرى لا يؤكل الا نادرا .. طوال 18 سنة مرة واحدة اللى ظبطت فيها اللحم اللى اشتريته وكانت عرق فليتو من مرحبا ..

كنا بنشترى بتلو كان بييجى من مصر لما كانت الشركة اللى أعمل بها بتستورده .. بس بعد كده ولا مرة ظبطت اللحمة ..

كنت أشترى السواكنى الخرف كامل مذبوح لا يزيد عن 8 كيلو .. وده أفضل حاجة فيه ..

الخرفان النعيمى أو الحرى أو التيوس لحمها ناعم أوى وريحته مش نفاذة زى الضانى بتاع مصر ..

ولما نشترى المفروض الحجم ما يكونش كبير ..

عجبنى الدراسة التحليلية للمحاولات الطبخية بتاعتى دى .. اللى بيحصل مش بيكون فى ذهنى أى فكرة عن أنا عاوز أعمل ايه ولا ازاى .. بس أروح السوبر ماركت وانا جوعان .. وألف على الرفوف وأشوف اي وده بيطلع بأكتر من فكرة فى نفس الوقت .. واللى بتسبق الى مقدمة التفكير هى اللى بتتنفذ .. أهم حاجة يكون فكر من رحم الجوع ..

الخل مذيب رهيب للدهون .. فى الغالب أحب اما زيت الزيتون أو الزبد .. الخل معاهم بيعادل الدهون الى مستوى معقول .. كذلك الكوسة والبروكلى والمكسرات والفاصوليا وورق العنب والكرنب مذيبات طبيعية للدهون (معلش يا أم بلال)

شكل الأكل هو المحطة الأولى للاستمتاع به بعدها الطعم .. بس

مرة أخرى شاكر لحضرتك ..

[لولا]

.. بس أروح السوبر ماركت وانا جوعان .. وألف على الرفوف وأشوف اي وده بيطلع بأكتر من فكرة فى نفس الوقت .. واللى بتسبق الى مقدمة التفكير هى اللى بتتنفذ .. أهم حاجة يكون فكر من رحم الجوع ..

متشكره على معلومات اختيار اللحوم فى السعودية تعتبر معلومات قيمه جدا بالنسبالى .

على فكرة غالبا الواحد لما بيرجع من الشعل هلكان بيكون صعب جدا يفكر ويطبخ ... بالتالى الحل الأسهل هو ياكل اى حاجه خفيفه او سريعه او ياكل من بره.

ويقتصر الطبيخ على الويك اند عشان كده بستغرب انك عندك الصبر على التفكير والتسوق والطبخ بعد الشغل.

لكن فعلا الطبيخ هوايه ومزاج عالى جدا . ميزته انك بتحس ان الأكل نظيف جدا وعارف مكوناته وبالضبط حسب ذوقك .. وكمان بالنسبه للناس اللى بتشتغل

زى حالاتى الطبخه الوحده بتكفى يومين غالبا وممكن فى اليوم التانى تزود بس حاجه بسيطه جنب الصنف الرئيسى .

[alsaher]

الله

بجد وصفات جميله جدا

على فكرة بالنسبة للوصفه الأولى ، أنا عملتها ، وحطيت عسل يومها ، وكانت الفكرة جاية من زميل يمني كان بيقول لي إنهم بيغمسه اللحم المشوي بالعسل

وإستغربت الفكرة

وأنا عمال بأعمل التتبيله

ولأني من أتباع أنه في المطبخ كل شيء ممكن ، ولا تلتزم بالتعليمات md2:

رحت حاطط عسل على التتبيله

وكانت النتيجه مالهاش حل فعلا

على فكره ، أنا بأشعر أن الطبخ مريح نفسيا ، وعلاج للتوتر العصبي والتفكير الدائم

علشان كده بأحب العمليه دي ، ومتميز فيها

ولا يمنعني منها إلا أنني أكره أن ينتهي الأمر بأن آكل وحدي wst::

[بندق أفندى]

.. بس أروح السوبر ماركت وانا جوعان .. وألف على الرفوف وأشوف اي وده بيطلع بأكتر من فكرة فى نفس الوقت .. واللى بتسبق الى مقدمة التفكير هى اللى بتتنفذ .. أهم حاجة يكون فكر من رحم الجوع ..

متشكره على معلومات اختيار اللحوم فى السعودية تعتبر معلومات قيمه جدا بالنسبالى .

على فكرة غالبا الواحد لما بيرجع من الشعل هلكان بيكون صعب جدا يفكر ويطبخ ... بالتالى الحل الأسهل هو ياكل اى حاجه خفيفه او سريعه او ياكل من بره.

ويقتصر الطبيخ على الويك اند عشان كده بستغرب انك عندك الصبر على التفكير والتسوق والطبخ بعد الشغل.

لكن فعلا الطبيخ هوايه ومزاج عالى جدا . ميزته انك بتحس ان الأكل نظيف جدا وعارف مكوناته وبالضبط حسب ذوقك .. وكمان بالنسبه للناس اللى بتشتغل

زى حالاتى الطبخه الوحده بتكفى يومين غالبا وممكن فى اليوم التانى تزود بس حاجه بسيطه جنب الصنف الرئيسى .

الله يمتعك بالصحة والعافية يا لولا هانم .. بعد الشغل يمكن الطبخ اكلات سريعة للغاية تستغرق حوالى 15 دقيقة ومتكاملة ودى فيها مكرونات وبيتزات وأشياء من هذا القبيل .. فى الوبك اند ممكن نعمل أكلتين يكفو 4 أيام .. أو نعمل تجهيز لحاجات تستخدم فى تجهيز اكلات سريعة .. مثلا تتبيل صدور دجاج وتركها فى الثلاجة .. أو قطع دجاج تتعمل شاوما أو فاهيتا او مع طبق صينى فيه مكرونة وبروكلى وجزر مبشور وكوسة .. أو نعمل كوسة مشوية مع باتنجان مشوى مع جبنة فى سندوتش تحفة . أو نعمل جمبرى بانيه مع خضار فى سندوتش زى الحواوشى .. أو نعملى فوتتشينى بالجمبرى فى دقايق .. أو بصدور الدجاج .. أو نعمل سمك فيليه مشوى بياخد 10 دقايق أو سلمون مشوى مثلا .. فيه آلاف الأفكار .. ممكن تكون طبق سلطة متكامل فيه كل حاجة زى ده مثلا

ده فيه مكرونة وخضار وجبن مشوى وأناناس مشوى وزيتون وفاصوليا حمراء ودائما أهتم بثراء طبق السلطة كبديل عن الرز والمكرونة واختصار فى ذات الوقت .. يعنى يتاكل لوحده ودمتى

تم تعديل 16 فبراير 2009 بواسطة بندق أفندى

[بندق أفندى]

الله

على فكره ، أنا بأشعر أن الطبخ مريح نفسيا ، وعلاج للتوتر العصبي والتفكير الدائم

علشان كده بأحب العمليه دي ، ومتميز فيها

ولا يمنعني منها إلا أنني أكره أن ينتهي الأمر بأن آكل وحدي wst::

هو ده بيت القصيد أن تتخلص من توتر العمل وأن تصفى ذهنك بعمل يدوى بسيط بعيد عن الضغوط .. ولو مش عاوز تاكل لوحدك اعزم حد كل كم يوم مرة .. انا لما كنت فى جدة عشان أصحابى كانت فيه طقوس معينة كل فترة اعمل لهم عزومة سمك تصل أحيانا الى 35 شخص .. أقصى ما يمكن أستقبله فى البيت 18 شخص فكنا بنعملها على البحر وبتنظيم خاص .. وبتكون سمك وبحريات .. وفيه ا على الأقل 5 أنواع مختلفة من السمك والجمبرى هذا غير المقبلات .. هى متعبة جدا لكن مريحة للأعصاب وبعدها تغط فى نوم عميق .. وبدون غسيل أطباق .. ولا تعب تدبير صرف للأكل المتبقى حيث من الشروط .. يتولو الغسيل وكمان يشيلو الأكل الباقى

[se_ Elsyed]

شوفى حضرتك .. اللحمة فى السعودية البقرى لا يؤكل الا نادرا ..

عندك يا ريس حنتيره .. في ناس هنا قاعدة في الرياض كتيرة ..

ومش عارفين يعملوا إيه وياكلوا لحمه إزاي

محسوبك يا بندق رياضي قديم - مقيم في الرياض من فترة - ومررت بتجارب خبراتية لحميه مفزعة .. وإنضحك عليه من طوب الإرض .. إيشي لحمه كاوتش .. على لحمه مجهولة المصدر ... على أشباه اللحوم ... على لحوم معدلة وراثياً ... إلخ إلخ

لحد الحمد لله ما عترت في سلسة محلات لحوم مشهورة هنا وتبع شركة متخصصة في تربية الأبقار والعجول وبتورد لمحلاتها دي فقط وإسمه " شركة روابي المراعي "

ولو روحت سوق اللحوم اللي في البطحاء - لو كنت من ساكني الرياض - هاتلاقي لهم عدة فروع بالداخل لكن مختلفين عن بعض بصراحة مش عارف ليه ... يمكن عملية نفسية بالنسبة لي ..

عامة أنا بقى لي 3 سنوات مع الجزار ده .. وبأمانة ربنا .. لم يخيب ظني طوال تلك الفترة ... وهو بيبيع كيلو البتلو بـ 30 ريال .. لكن بيعطيني إياه بـ 32 ... ( اوكازيون مش كده ؟ ) wst:: لكن السبب إنه بيعيطني لحمه بتلو مشفيه ومن القطعية اللي أنا باختارها ..

وحضرتك لو داخل السوق من أول باب ناحية مطعم سلامه ... تدخل أول مجموعة محلات على اليسار مباشرة .. هاتلاقيه ثالث أو رابع محل تقريباً على اليسار ... خليك فاكر .. على اليسار .. لإن على اليمين قدامه محلين تلاتة بنفس الإسم لكن مش قد كده ...

وكُل وأستطعم يا شيف بندق أحلى بتلو يفكرك بمصر وخصوصاً شوية الشوربة اللي يرموا العضم .. وإدعي للحاج س س وولده ابو سريع السريع ...

وبما إن " الناس فيما يعشقون مذاهبُ " فمحسوبك ما بيحبش الضاني الا في الكباب والكفتة ... لإن سِني ما بقاش يسمح بالدهون ... بأتكلم جد .. بقيت أتعب جداً من الحاجه اللي فيها دهن كتير ...

لكن أود أن أحييك على أفكارك التقدمية الوحدوية المطبخية ...

ونصيحة من أخوك : لازم تبخر نفسك اليومين دول .. أو تعلق فردة صندل مقاس 24 على باب المبطخ عشان إنت هاتاخد حسد من ستات المنتدى وخصوصاً العاملات وتحديداً أختنا لام لام md2: .. وزمان كل واحده عماله تقول في عقلها الباطن ( بقى ياربي ما كانش جوزي يبقى شيف كده ويروشنا كل يوم إيشي محمر وإيشي مشمر وإيشي صوص بالمايونيز على بطاطس بالدندورمه )

أنا شخصياً يا صديقي عندما أنشغل وأبتعد عن الملاعب لفترة .. ونفسي تهفني على أكله حلوه أعملها بإيدي .... مش هاخبي عليك ... زميلنا الغائب الحاضر حبيب قلبي الشيف بودا ... واخونا المتألق بندق أبو البنادق .. هما مثلاي الأعليان في الحياة المطبخية وداخل مواضيعهم اسرق الوصفات بتاعتهم .. ووالله العظيم تشوف منظري في المطبخ وأنا فارد الورق على الرخامه وعماله أتبع التعليمات .. تموت على نفسك من الضحك .. لكن أنا تلميذ كويس .. اعتقد ذلك .. وبأنفذ الوصفة مع بضع نفحات شخصية واجتهادات سينسينية .. والحمد لله ما بتجليش معايا ولا مره .. والفضل لله ثم لكم .. ومن قدم شيء بيداه إلتقاه ... لكن هذا لا يعفيني من إن زوجتنا المصونة بتسوق فيها وتقولي : خلاص يا حلو .. خد إنت النباطشية بتاعت الويك إند وأكلنا من إيدك الحلوين ... !!!! فنصيحة يا بندق يابني أنا أكبر منك ورجل تقدم بي العُمر ... اللي بتعمله سُنه بمزاجك .. ممكن يتحول إلى فرض ... والستات يابني عايزين معاملة خاصة .. ولازم تبقى سي السيد وكدهوت يعني ...

اخوك مساعد أول طبيخ ... س س رمز الكبشة ...

[بندق أفندى]

الله يخرب بيت شيطان حضرتك يا سى السيد ..

شوف يا سى السيد .. أصلا مش بأحب اللحوم كتير .. من زمان أوى .. كنت لو أكلت أى حتة لحمة فيها دهن كانت معدتى توجعنى مباشرة من زمان .. بس لما الدكتور قاللى ما تاكلش لحم سمين .. بقى حلوى أوى وبيعجبنى جدا .. :unsure: بس تخيل من أيام العيد دى أول مرة آكل لحم ..

ثانيا انا جداوى عايش فى الدمام حاليا وحاسس نفسى غريب شويتين وما عنديش رغبة أدور على جزار لأنه مش هأحب لحم بقرى هنا خالص .. الضانى الصغير لحم كويس ودهنه معقول ومعادلته بالشوى أو بالخل بتخليه تحفة ..

ثالثا فى وجود زوجتى لا اعمل فى المطبخ الا فى المرات التى أريد انى ترى الصنف الجديد .. أو لما يكون عندنا عزومة كبيرة .. أحيانا كان يكون عندى خالاتى وبناتهن أو أولادهن وزوجاتهن .. وكنت أقف فى المطبخ حواليا 6 ستات بيخدمو على وانا بأفتكس الأكل .. ومرة منهم خالتى بتقولى هو السمك كده مش هيطلع زفر؟ قلت بعد ما نشيله من طبق التتبيل لو الطبق زفر هنرميه .. واستغربت جدا انه يكون الطبق بدون غسيل ولا فيه اى ريحة زفارة ... يعنى الحساب العلمى موجود فى كل طبخة .. :D

اما حكاية الحسد دى .. مدامتى قالتلى عليها كم مرة خصوصا كل ما يكون ماليس نفس آكل ولا أطبخ .. بس الله خير حافظا وهو أرحم الراحمين .. زى ما قال اخونا الساهر هى هواية بتصفى الذهن .. وربما تكون علم ينتفع به .. خصوصا اننا كمحاسبين ولا مدراء مالييين بيحكمنا سوق عالمى مش احنا اللى بنتخترع فيه .. ايه مجال اختراعنا؟

الأسماك هى المسيطر الرئيسى على مطبخى .. وذات مرة (من حوالى 6 سنوات) طلب منى صديق كان يجهز مطعم أسماك ان أكتب له أسماء الأصناف التى يمكن أن يقدمها فيه .. فكتبت من الذاكرة 105 طبق مختلف دول بأعرف أعملهم .. شوف بقى لو كل سنة 5 أسصناف زيادة يبقى بقينا 135 طبق .. يعنى لو مشيت ورا السمك على ما أرجع للطبق الأول هتكون عدت تلت سنة وحتة .. أكون نسيته .. :D وتحية كبيرة لأهل الرياض

[se_ Elsyed]

الأسماك هى المسيطر الرئيسى على مطبخى .. وذات مرة (من حوالى 6 سنوات) طلب منى صديق كان يجهز مطعم أسماك ان أكتب له أسماء الأصناف التى يمكن أن يقدمها فيه .. فكتبت من الذاكرة 105 طبق مختلف دول بأعرف أعملهم ..

105 طبق ...!!!!!!!!!!!!! يا قادر يا جامد

عن إذنك يا لولا .. سيبي لي الطلعة الجوية دي

نععععععععععععم يا خويا ..

يعني عايز تفهمني إن في أنواع تانية من السمك غير التلات انواع اللي إتربينا وعيشنا وترعرعنا عليهم وهما " مشوي ، مقلي كُل وبرأ لي وصينية في بعض الأحيان ؟ "

أنا أنضحك عليه يا رجاله .. واتاري في كائنات أخرى في الكواكب المحيطة بنا

[بندق أفندى]

الأسماك هى المسيطر الرئيسى على مطبخى .. وذات مرة (من حوالى 6 سنوات) طلب منى صديق كان يجهز مطعم أسماك ان أكتب له أسماء الأصناف التى يمكن أن يقدمها فيه .. فكتبت من الذاكرة 105 طبق مختلف دول بأعرف أعملهم ..

105 طبق ...!!!!!!!!!!!!! يا قادر يا جامد

عن إذنك يا لولا .. سيبي لي الطلعة الجوية دي

نععععععععععععم يا خويا ..

يعني عايز تفهمني إن في أنواع تانية من السمك غير التلات انواع اللي إتربينا وعيشنا وترعرعنا عليهم وهما " مشوي ، مقلي كُل وبرأ لي وصينية في بعض الأحيان ؟ "

أنا أنضحك عليه يا رجاله .. واتاري في كائنات أخرى في الكواكب المحيطة بنا

:unsure: :D

طبعا فيه .. مثلا فيه سمك بالزبيب وصوص الزبدة .. فيه سمك محشى كرافس وفتات خبز مع زبيب .. فيه سمك مشوى بالمكسرات .. فيه سمك زى اللحمة اللى فى الموضوع ده .. فيه سمك بعصير البرتقال .. فيه سمك بمبشور قشر البرتقال .. فيه مش حاضرنى كتير دلوقتى بس فيه طرق لا تحصى

وأى خدمة .. فيه غيرهم كتير بس دول اللى جاهزين فعلا

[se_ Elsyed]

كفايه ما تبسطهاشششششش

حرام عليك كرهتني في الدنيا وحسستني أني أعيش في غياهب الكهوف حيث يقتاط الإنسان مش خشاش الأرض ...

ياريتني كنت كملت علامي وأخدت بكالوريوس التجارة ...

[لولا]

كفايه ما تبسطهاشششششش

حرام عليك كرهتني في الدنيا وحسستني أني أعيش في غياهب الكهوف حيث يقتاط الإنسان مش خشاش الأرض ...

ياريتني كنت كملت علامي وأخدت بكالوريوس التجارة ...

اضم صوتى لصوتك يا سين سين :unsure:

ليه يا بندق ياخويا تعمل كده :cry1:

انا نفسيتى انهارت بعد الصور الأخيره دى :D

الظاهر الواحد كان متهيأله انه بيعرف يطبخ السمك :D

ارجوك يا بندق ..

ارجوك ..

ارجوك ..

ارجوك..

بلاش تتخلى عن اخواتك الغلابه هنا .. خليك معانا خطوه خطوة واحنا باذن الله حنتعلم .. استمر يا اخويا واحنا كلنا عنين مفنجله :cry1:

لولا

كى جى مطبخ بندق .

[بندق أفندى]

كفايه ما تبسطهاشششششش

حرام عليك كرهتني في الدنيا وحسستني أني أعيش في غياهب الكهوف حيث يقتاط الإنسان مش خشاش الأرض ...

ياريتني كنت كملت علامي وأخدت بكالوريوس التجارة ...

تفتكر بينفع؟

ولا حتى بكالوريوس تدبير منزلى .. حب ما تعمل حتى تعمل ما تحب .. مطب صناعى :lol:

[بندق أفندى]

كفايه ما تبسطهاشششششش

حرام عليك كرهتني في الدنيا وحسستني أني أعيش في غياهب الكهوف حيث يقتاط الإنسان مش خشاش الأرض ...

ياريتني كنت كملت علامي وأخدت بكالوريوس التجارة ...

اضم صوتى لصوتك يا سين سين :lol:

ليه يا بندق ياخويا تعمل كده smk:

انا نفسيتى انهارت بعد الصور الأخيره دى :blink:

الظاهر الواحد كان متهيأله انه بيعرف يطبخ السمك wst::

ارجوك يا بندق ..

ارجوك ..

ارجوك ..

ارجوك..

بلاش تتخلى عن اخواتك الغلابه هنا .. خليك معانا خطوه خطوة واحنا باذن الله حنتعلم .. استمر يا اخويا واحنا كلنا عنين مفنجله mfb:

لولا

كى جى مطبخ بندق .

وماله مش غلط المهم نتعلم من بعض .. وما حدش يحمرق من نص الطريق

[ترنيم]

موافقة جماعية بأغلبية أصوات :) :wub:

[بندق أفندى]

موافقة جماعية بأغلبية أصوات :) :wub:

على ايه يا ترنيم؟ اصلى توهت شوية ..