هجوم الشعر الأبيض على رأسي.. وامصيبتااااه

[سهل جدا]

*

*

قبل ذهابي إلى العمل؛ وقفت هنيهة أنظر في المرآة لأتأمل بديع خلق الله في وجهي

يا سلام يا واد يا سهل جدا ... إيه يا واد الحلاوة والطعامة ديه

إيه البؤ المسمسم ده :D

وإيه العيون المسبلة ديه mfb:

سبحان الخلاق

ليها حق الست الوالدة (حفظها الله) تحبني وتموت في دباديبي :D

وقال الناس لما أقولها كده تقولي: القرد في عين أمه غزال

قرد إيه وغزال إيه .. دول باين عليهم مش فاهمين حاجة i*:

وفي أثناء تأملي لهذه الملامح الفاتنة (كما أراها ولا يراها الآخرون كذلك) اكتشفت المفاجأة ..

اكتشفت ثلاث شعيرات بيضاء تسللت في صفوف شعري الكثيف لتعلن لي بكل قسوة عن قرب النهاية ..

نهاية مرحلة الشباب .. والدخول في مرحلة الشيخوخة المبكرة ..

آه ياني يامّا .. تعالي شوفي الغربة عملت فيّ إيه

كان بدري عليك , عليك بدري ... دا أنا لسه في أوائل الثلاثينات يا عالم

:D :cry1: :cry1:

على فكرة أنا كنت بسمع الناس العواجيز دائما يقولوا: الشباب شباب القلب

شكلي لازم أقنع نفسي بأن الكلام ده صحيح ..

:unsure:

ولّا انتم رأيكم إيه يا جماعة ..

[moheltohamy]

هاهاهاهاهاها :D

Welcome to the club :D

يللا بأه... حسن الختام...

مش هاقول غير كده :unsure:

[osmel33]

تلات شعرات بس ... يا مبخت :unsure:

[ahmedarab]

امال بقى تقول اية يا استاذ سهل يا اخويا فى اللى لسة اصلا مدخلش الثلاثين ..... وعندة يجى ثلاثين شعرة بيضاء ؟؟؟؟؟؟؟؟؟ :D :unsure:

[لولا]

ولا تخلى الموضوع يأثر فيك يا استاذ سهل .. خلى ثقتك فى نفسك اكبر من كده.

بعدين الكام الشعره البيضا دول عند الراجل بتزيده وقار وجاذبيه سدقنى .. يعنى انتا كده اسهمك بتعلى مش بتقل. :lol:

حاول تلبس نظاره كمان خفيفه معاهم حتبقى ميه ميه .. حتلاقى التلات عرايس اللى انتا منشن عليهم عشان تكمل الأربعه هما اللى بيخطبوك. :blink:

اسمع كلام اختك الصغيره ..

بلاش تخلى صغائر الأمور تأثر على ثقك بنفسك .

سلام بقى

لولا

تم تعديل 16 فبراير 2009 بواسطة لولا

[غريب الخبر]

وعايزنا نرجع زى زمان قول الزمان ارجع يا زمان

فكرتنى بفيلم العذراء والشعر الابيض

يا عم سهل جدا والله العملية سهلة جدا جدا . حافظ عليهم انت بس وضبطهم wst::

وزمان كان عندى شعرة ساعة تروح وساعة تيجى . والله دلوقتى خلاص ( واه يا غربة ) :blink:

يعنى بالعربى bald and beautiful

وبالانجليزى فلة :lol:

[ابو محمد بن مصطفي]

ثلاثة ...... ثلاثة بس

ثلاثة ...... ثلاثة بس

انا بقي عندي ثلاث شعيرات هم بس اللي لونهم اسود :blink:

وانا لسه في الثلاثينيات :lol:

كتنا نيله في حظنا الهباب wst::

[سهل جدا]

هاهاهاهاهاها mfb:

Welcome to the club wst::

مش هاقول غير كده :lol:

إيه دا يا أستاذ محمد التهامي , هو حضرتك تبعنا

كويس كويس , الواحد بيطمن لما بيشوف غيره بيشاركو في نفس المصيبة

زي ما قالت الخنساء لما أخوها اتقتل

ولولا كثرة الباكين حولي *** على إخوانهم لقتلت نفسي

تلات شعرات بس ... يا مبخت :D

أورّ بقى يا عم الحاج , من شوية جيت أعدهم لاقيتهم أكثر من 3 شعيرات

الله يسامحكو

امال بقى تقول اية يا استاذ سهل يا اخويا فى اللى لسة اصلا مدخلش الثلاثين ..... وعندة يجى ثلاثين شعرة بيضاء ؟؟؟؟؟؟؟؟؟ smk: wst::

صحيح يا استاذ أحمد اللي يشوف بلوة غيره تهون عليه بلوته :blink:

[سهل جدا]

بعدين الكام الشعره البيضا دول عند الراجل بتزيده وقار وجاذبيه سدقنى .. يعنى انتا كده اسهمك بتعلى مش بتقل. mfb:

إيه ده معقولة :lol:

ديه شهادة مهمة جدا بالنسبة لي , خصوصا إنها جاءت من امرأة

بتتكلمي بجد يا أخت لولا

يعني الشعر الأبيض بيجذب الفتيات ...

أمال مراتي لما جيبتلها سيرة الشعر الأبيض فضلت تقطم في وتقول خلاص يا راجل دا أنت عجزت ...

أمممممممممممم

أتاريها بتيأسني عشان ما أفكرش وأتجوز عليها :blink:

يا عم سهل جدا والله العملية سهلة جدا جدا . حافظ عليهم انت بس وضبطهم :D

وزمان كان عندى شعرة ساعة تروح وساعة تيجى . والله دلوقتى خلاص ( واه يا غربة ) wst::

يعنى بالعربى bald and beautiful

وبالانجليزى فلة wst::

لاااااا

أحافظ عليهم إيه , دا أنا احتمال أصبغ شوية الشعر السود اللي عندي أبيض بعد ما عرفت كلام الأخت لولا

صحيح يا رجالة ... رب ضارة نافعة smk:

[شاب مصري]

يديك طول العمر والصحة في طاعة ربنا

عليك لذبس انك تحاول تتبع نمط حياة صحيو ياريت تجري مرتين تلاتة في الاسبوع

الجري المنتظم ده (2 - 3 مرات بالاسبوع) يخليك شباب علطول ان شاء الله

الناس اللي بيجروا بانتظام بيوصلوا لسن 50 و 60 سنة وشكلهم لا يزيد عن 35 - 40 سنة

عشان كده الخواجات زي البمب

ويديك طول العمر وموفور الصحة :lol:

[Emo]

:lol:

هي الموضو بقت 3 أبيض...!!

كويس والله..

بقايلي أثنين وادخل النادي...!!

[سهل جدا]

يديك طول العمر والصحة في طاعة ربنا

عليك لذبس انك تحاول تتبع نمط حياة صحيو ياريت تجري مرتين تلاتة في الاسبوع

الجري المنتظم ده (2 - 3 مرات بالاسبوع) يخليك شباب علطول ان شاء الله

الناس اللي بيجروا بانتظام بيوصلوا لسن 50 و 60 سنة وشكلهم لا يزيد عن 35 - 40 سنة

عشان كده الخواجات زي البمب

ويديك طول العمر وموفور الصحة :lol:

شكرا يا أستاذ شاب مصري على الدعوات والنصائج الجميلة ديه

:blink:

هي الموضو بقت 3 أبيض...!!

كويس والله..

بقايلي أثنين وادخل النادي...!!

الموضوع بسيط يا أخت إيمو

الست بتلبس الحجاب وما بيبانش حاجة

الدور والباقي على الغلابة اللي زيينا

لكن السؤال الآن هل فعلا الشعر الأبيض في الرجال بيحبوه النساء ؟!

صحيح أتكلم بجد

[fatfouta]

لا مش بيحبوه اوى يعنى ومش كلهم كمان ومش عجبك ابقى غطيه :afr: او احلقه خالص md2:

ده على اساس انك ماتفتكرش نفسك دونجوان وتروح تتجوز على زوجتك

لكن عارف بينى وبينك معظم الستات بتحب الشعر الابيض لكن اووووووووووعى انت فمهنى وكفايالك بقى بص فى المرايا :blink:

[الباشمهندس ياسر]

لكن عارف بينى وبينك معظم الستات بتحب الشعر الابيض لكن اووووووووووعى انت فمهنى وكفايالك بقى بص فى المرايا md2:

يعنى اتوكل على الله

واروح اصبغ شعرى ابيض

ولا ايه العبارة فهمونا

احسن انا صواميل دماغى فكت من الستات و شغلهم اللى ما يعلم بيه الا ربى

[الباشمهندس ياسر]

[الموضوع بسيط يا أخت إيمو

الست بتلبس الحجاب وما بيبانش حاجة

الدور والباقي على الغلابة اللي زيينا

سهله جدا يا عم سهل جدا

ممكن تفكر ف ايسكارب لذيذ

و يبقى المشكلة خلصت

و متحتاجش انك تحسد الستات على حاجة

[fatfouta]

لكن عارف بينى وبينك معظم الستات بتحب الشعر الابيض لكن اووووووووووعى انت فمهنى وكفايالك بقى بص فى المرايا md2:

يعنى اتوكل على الله

واروح اصبغ شعرى ابيض

ولا ايه العبارة فهمونا

احسن انا صواميل دماغى فكت من الستات و شغلهم اللى ما يعلم بيه الا ربى

لا يا باشمهندس خليك انت بس على جمب عشان انت لسه ماتجوزتش لكن وكمان لسه صغنون لكن انا بقوله هو عشان هو متجوز فيه فرق

اصل لو فيه واحدة عاوزة تتجوز راجل متجوز وهو شعره ابيض تقعد تقوله عجبنى فيك وقارك وشعرك الابيض وهو سورى يعنى يقع ذى ال.. ولا بلاش وبعدين يصدق ويفرح بقى ويروح متجوز على مراته وهو الاستاذ سهل احنا بنقوله كده عشان هو فى دماغه موضوع التعدد وعاوز يتجوز تانى يعنى من الااااااااااخر بنرفع من روحه المعنويه

لكن لما البنوته الصغننه تيجى تدور على عريس تقول لا يااااى ده شكله كبير عليا وكمان شعره ابيض خليك انت فى الشعر الاسود لغايت ماتتجوز وبعدين ابقى اصبغ اربع شعرات من راسك لو مش عجبك الجواز

[alsaher]

:afr:

أنا إيه اللي جابني هنا ، ليه تقليب المواجع ده ؟؟

على فكره ، أنا أقول لك قصتي ، علشان اللي يشوف مصيبة غيره تهون عليه مصيبته

فربما تهون عليك مصيبتك دي :blink:

اخوك في الله لسة بيقول ياهادي وماكملش 24 سنة

والمشكلة مش في الشيب بس

المشكلة إن الشعر بيقع wst::

وبعد ما كان الشعر بالصلاة على النبي

بقت جلدة الراس باينه والوضع لو إستمر على كده ، يبقى بالكتير سنتين وحتبقى راحت علينا md2:

[alsaher]

لكن لما البنوته الصغننه تيجى تدور على عريس تقول لا يااااى ده شكله كبير عليا وكمان شعره ابيض خليك انت فى الشعر الاسود لغايت ماتتجوز وبعدين ابقى اصبغ اربع شعرات من راسك لو مش عجبك الجواز

md2: :blink:

يعني على كده أنا خلاص أقعد أغني , راحت عليك يادنيا :afr:

[الباشمهندس ياسر]

لا يا باشمهندس خليك انت بس على جمب عشان انت لسه ماتجوزتش لكن وكمان لسه صغنون

الله يكرم اصلك

ريحتينى

احسن انا حسيت ان كل الخبرات اللى عندى راحت ف لحظه

و مادت الارض تحت قدمى و الدنيا بقت لونها غريب والوضع بقى مش سهل جدا

[capitshino]

[الموضوع بسيط يا أخت إيمو

الست بتلبس الحجاب وما بيبانش حاجة

الدور والباقي على الغلابة اللي زيينا

سهله جدا يا عم سهل جدا

ممكن تفكر ف ايسكارب لذيذ

و يبقى المشكلة خلصت

و متحتاجش انك تحسد الستات على حاجة

او انه يلبس غترة .. لانه تقريبا فى الخليج