هجوم الشعر الأبيض على رأسي.. وامصيبتااااه

[Amr Radwan]

ههههههههههههه هو انتو كمان ؟؟

و الله انا كنت فاكر نفسي الوحيد اللي في الدنيا و طلع لي شعر ابيض و انا لسه في عز ريعان شبابي هههههههههه

يا خسارة باظطت فكرة اني افكر في الزوجة التانية :(

[الباشمهندس ياسر]

[الموضوع بسيط يا أخت إيمو

الست بتلبس الحجاب وما بيبانش حاجة

الدور والباقي على الغلابة اللي زيينا

سهله جدا يا عم سهل جدا

ممكن تفكر ف ايسكارب لذيذ

و يبقى المشكلة خلصت

و متحتاجش انك تحسد الستات على حاجة

او انه يلبس غترة .. لانه تقريبا فى الخليج

او يلبس عمة و ياخد اجر احياء السنة

هيص يا عم

بندلك ع الخير اهو

[سهران]

قلبت علينا المواجع ......... فكرتني بالخمس شعريات البيض اللي عندي و اللي شفتهم من ست أشهر ....( و غزا الشيب مفرقي ).... فجأة أرتاح ضميري جدا و نمت قرير العين لما لقيت صديق عمري في راسة أتناشر شعراية .. كله على بعضه أبيض على أسود ... و باقي دماغه فاضية ..... قلت الحمد لله الذي لا يحمد على مكروه سواه ... و أهو خمس شعرات بيض في وسط أخواتهم احسن ما تقوم ما تلاقيش شعر خالص....

تعرف أني سمعت أن كتير من لعيبة الكورة اللي حالقين زلبطة عاملين في نفسهم كدة لان أغلب شعرهم أبيّض... أحمد ربنا أنك مش لعيّب كورة و الا كنت هاتحلقه علشان سعرك ما ينزلش ميتين تلتمية دولار في السنة md2: و يقولوا عليك عجزت ..... أحمد ربنا علشان يحفظلك الموجود .

[لولا]

[الموضوع بسيط يا أخت إيمو

الست بتلبس الحجاب وما بيبانش حاجة

الدور والباقي على الغلابة اللي زيينا

سهله جدا يا عم سهل جدا

ممكن تفكر ف ايسكارب لذيذ

و يبقى المشكلة خلصت

و متحتاجش انك تحسد الستات على حاجة

او انه يلبس غترة .. لانه تقريبا فى الخليج

او يلبس عمة و ياخد اجر احياء السنة

هيص يا عم

بندلك ع الخير اهو

واين ذهبت القلنسوه يا أخ العرب ؟؟ md2:

[alsaher]

تعرف أني سمعت أن كتير من لعيبة الكورة اللي حالقين زلبطة عاملين في نفسهم كدة لان أغلب شعرهم أبيّض

مره الحلاق اللي بأتعامل معاه

قعد يلعب في دماغي ، قال عايزني أحط حنه سوده

أنا ممكن أدل اللعيبه دول على الحلاق ده md2:

[سهل جدا]

لا مش بيحبوه اوى يعنى ومش كلهم كمان ومش عجبك ابقى غطيه :sad: او احلقه خالص :closedeyes:

ده على اساس انك ماتفتكرش نفسك دونجوان وتروح تتجوز على زوجتك

لكن عارف بينى وبينك معظم الستات بتحب الشعر الابيض لكن اووووووووووعى انت فمهنى وكفايالك بقى بص فى المرايا :)

يا ست فتفوتة شليني من دماغك , هو أنا عملتلك إيه يا ستي

عموما أنا هاقابل الإساءة منك بالإحسان وهادعيلي دعوة حلوة جدااا

روحي يا شيخة

إلهي ربنا يرزقك ب 3 ضراير صالحات قانتات وقلبهم يكون أبيض زي البفتة البيضة

وتكوني أنتي أبلتهم .. ويقولولك يا أبلة فاطمة

وتأمري وتنهي بقى زي ما أنتي عاوزة , لأنك انتي هاتكوني نمبر وان

إيه رأيك في الدعوة الحلوة ديه , شوفتي أنا بحب جوزك أد إيه smk:

[سهل جدا]

لكن عارف بينى وبينك معظم الستات بتحب الشعر الابيض لكن اووووووووووعى انت فمهنى وكفايالك بقى بص فى المرايا :closedeyes:

يعنى اتوكل على الله

واروح اصبغ شعرى ابيض

ولا ايه العبارة فهمونا

احسن انا صواميل دماغى فكت من الستات و شغلهم اللى ما يعلم بيه الا ربى

يا هندسة شعر أبيض إيه وأسود إيه , إذا كان الأصلع (بعد الشر عليك) بيتجوز بنات زي القمر

طالما يابني الزواجة الأولى ما تخافش , لكن المشكلة لما تنوي تتجوز التانية

قلبت علينا المواجع ......... فكرتني بالخمس شعريات البيض اللي عندي و اللي شفتهم من ست أشهر

أسكت يا أستاذ سهران

بعد ما كتبت الموضوع بصيت في المرايا تاني لاقيتهم فوق ال7 شعيرات

أنا اتحسدت يا رجالة ..

مره الحلاق اللي بأتعامل معاه

قعد يلعب في دماغي ، قال عايزني أحط حنه سوده

أنا ممكن أدل اللعيبه دول على الحلاق ده smk:

المشكلة إن أعرف إن في نهي نبوي عن صبغ الشعر الأبيض باللون الأسود

يا أخ ساهر .. سيبك انت

الشباب شباب القلب

[Spanish Eyes]

انتوا عارفين ان كان من المتطلبات الأساسية عندي في عريسي لما كنت صغنونة من سبع سنين بس عشان متقولوش اني كركوبة، انه يكون شعرة ابيض من الجنبين اصلي بحب ريتشارد جير جدا وكنت شايفة فيه فارس احلامي هااهاهاها بس ربنا محرمنيش من حاجة جوزي فعلا شعرة اسود بس من الجناب ابيض في اسود، انا بشوف ان دة بيدي نضج ووقار للرجل عكس الست بقى خالص انا اموت لما اشوف شعرة بيضا انما انت المفروض تزقطط

دمتم سالمين

[osmel33]

يا ريت يا خوانا بلاش موضوع التلات شعرات والخمس شعرات دول عشان حرقة الدم ماشي ؟

أنتم عارفين أنا من ثانوي يعنى من حوالي 19 سنة وكل ماروح للحلاق يقعد

يحرق في دمي ويعدلى الشعر الأبيض يا عم أرحمنى لغاية أما جه من كام سنة كده

وقالي أيه ؟ اعدلك بقى الشعر الأسود من ساعتها ماروحتلوش تاني

[الباشمهندس ياسر]

عموما أنا هاقابل الإساءة منك بالإحسان وهادعيلي دعوة حلوة جدااا

روحي يا شيخة

إلهي ربنا يرزقك ب 3 ضراير صالحات قانتات وقلبهم يكون أبيض زي البفتة البيضة

وتكوني أنتي أبلتهم .. ويقولولك يا أبلة فاطمة

وتأمري وتنهي بقى زي ما أنتي عاوزة , لأنك انتي هاتكوني نمبر وان

إيه رأيك في الدعوة الحلوة ديه , شوفتي أنا بحب جوزك أد إيه

روووووووووووح استخبى بسرعة

انا قلتلك اهو وعملت بالعشرة النتاوية اللى بينا

انا كده خليت ذمتى منك

و برىء من دمك

الله يرحمك يا سهل جدا ..... كان راجل محترم والله

[fatfouta]

لا مش بيحبوه اوى يعنى ومش كلهم كمان ومش عجبك ابقى غطيه :happy: او احلقه خالص

ده على اساس انك ماتفتكرش نفسك دونجوان وتروح تتجوز على زوجتك

لكن عارف بينى وبينك معظم الستات بتحب الشعر الابيض لكن اووووووووووعى انت فمهنى وكفايالك بقى بص فى المرايا

يا ست فتفوتة شليني من دماغك , هو أنا عملتلك إيه يا ستي

عموما أنا هاقابل الإساءة منك بالإحسان وهادعيلي دعوة حلوة جدااا

روحي يا شيخة

إلهي ربنا يرزقك ب 3 ضراير صالحات قانتات وقلبهم يكون أبيض زي البفتة البيضة

وتكوني أنتي أبلتهم .. ويقولولك يا أبلة فاطمة

وتأمري وتنهي بقى زي ما أنتي عاوزة , لأنك انتي هاتكوني نمبر وان

إيه رأيك في الدعوة الحلوة ديه , شوفتي أنا بحب جوزك أد إيه :rolleyes:

مش هفرحك فيا ابدااااااااا وعمره ماهيحصل ان شاء الله لانى واثقة من نفسى جداااااااااا

وبعدين انا هحطك فى دماغى ليه يا سيدى ده انا برد عليك عادى ماتزعلش لو لقيت اى موضوع ليك بعد كده مش هعمل مداخلة فيه ابدااااااااا اتفقنا؟

وبعدين انا مأسأتش ليك باى حاجة عشان انت بتقول كده وبعدين تقول هقابله بالاحسان؟ وهى الدعوة دى احسان يعنى فى نظرك عالعموم شكراااااا وبرده مش هيحصل ابدااااااا

وشيل من دماغك فكرة انى حطاك فى دماغى دى عشان فى الاول والاخر كله كلااااااااام

اشوف وشك بخير ....... قصدى ابقى اقرا مواضيعك على خير بس بدون رد مدام بتزعل وبتفهم غلط

سلام

[سهل جدا]

معقولة يا مدام فتفوتة أنا أزعل منك بردو

دا أنا والله بقرأ كل تعليقاتك وأنا بضحك

على فكرة إنتي فيكي كثير من مراتي

نفس التلقائية في الكلام , وعشق مصر لدرجة الجنون

تعرفي أول ما جبتها السعودية فضلت تعيط كل يوم وتقولي رجعني مصر , أنا مش عاوز أبعد عنها

وتقولي: وحشني عم مكرم بتاع الفول ولا بتاع اللبن ووحشتني الزحمة والبهدلة بتاعت مصر ...

زي كلام حضرتك كده

ربنا يهديكي انتي وهي .... آمين

[لولا]

طب يا جماعه بس صلو ع النبى فتفوته دى اطيب قلب فى المنتدى كله وورده بيضا بلاش الدعاوى دى سا سهل الله يهديك ..

بص يا سيدى نرجع لمرجوعنا .. حكاية الشعر الأبيض

ارجع واقولك الشعر الأبيض دا هو احلى حاجه فى الراجل وبتخلى اسهمه تزيد فووووووووووووووووووووووووووووووق .

اسمع كلامى انتا بس .

تعرف العلامه الكبييييييييييييييييييييييييير " جورج كلونى " :rolleyes:

اهو دا بقى بص عليه وشوف حجم القلوب اللى هو محطمها بشويه الشعر الأبيض اللى عنده وانتا تستوعب :happy: .

بعدين مش بتسمع قول امرئ القيس "

وليل كموج البحر ارخى سدوله ...

صحوت من سدوله وجدت شعرى ابيضا

فقلت له كم شعرة بيضاء كلكلت يا ليل

فقال لى كل اليالى ليها اول وأخر حضرتك

تحياتى

لولا

[fatfouta]

معقولة يا مدام فتفوتة أنا أزعل منك بردو

دا أنا والله بقرأ كل تعليقاتك وأنا بضحك

على فكرة إنتي فيكي كثير من مراتي

نفس التلقائية في الكلام , وعشق مصر لدرجة الجنون

تعرفي أول ما جبتها السعودية فضلت تعيط كل يوم وتقولي رجعني مصر , أنا مش عاوز أبعد عنها

وتقولي: وحشني عم مكرم بتاع الفول ولا بتاع اللبن ووحشتني الزحمة والبهدلة بتاعت مصر ...

زي كلام حضرتك كده

ربنا يهديكي انتي وهي .... آمين

يا سيدى ما احنا قلنا بلاش نظام التريقة ده

وقلتلك كده مراتك دى ست اصيلة ومالهاش حظ بصراحة عشان جوزها مش مقدرها وبيفكر...... ولا بلاش

وبعدين احنا لو مسكنا كلام حضرتك فى مواضيعك هنلاقى انك دايما بتتكلم عن الدين والاسلام طيب ماحدش قالك ان الاسلام بيقول ان الاستهزاء او السخرية بالناس حرام؟

استهزء باللى ليك انت حررررررررر لكن بيا انا مرفوووووووووووض ماشى

كل واحد فيه فى كلامه حاجات ممكن نمسكها وناخدها تريقة بس ده مش طبع الواحد

وقلتلك قبل كده انا بتكلم على سجيتى لكن انت بقى بتنقى الكلام اوى وده مش وحش ده بيتاخد فى صفك دايما

وبعدين انا مش اراجوز تضحك على كلامى اوكى عموما طالما الكلام الدوغرى بقى يضحك اضحك براحتك يا سيدى

ومالها مصر يعنى مهما ان كانت دى بلدى ولا حضرتك ولا غيرك هيكرهنى فى بتاع الفول والبهدلة وكلامى انا حرة فيه ذى امانت ماشى بالطول والعرض وحر فى كلامك وبتحدف اتهامات

اخيرا بقى انا مش عاوزة الدعوة بتاعة ربنا يهديكى دى عشان انت ماتعرفنيش انا ربنا هدينى ولا لأ وتااااااااااانى انت حر تدعى للى ليك لكن انا مرفوووووووووووض برده

واوعدك تانى ماتشوفش كلامى فى مواضيعك عشان احرمك من الاراجوز اللى بتقعد تضحك عليه

[fatfouta]

طب يا جماعه بس صلو ع النبى فتفوته دى اطيب قلب فى المنتدى كله وورده بيضا بلاش الدعاوى دى سا سهل الله يهديك

متشكرة يا لولا انتى الاحسن

بس الظاهر القلب الطيب مش بيعجب الناس

الف شكر يا حبيبتى

[alsaher]

إيه ياجماعه ، ما الموضوع كان زي الفل ، والواحد عمال يضحك

ليه عايزين تقلبوها وش تاني

يا عم سهل جدا ، جرب إدعي الدعوة دي لمراتك ، وقلنا هنا حتعمل معاك إيه ساعتها :)

ونرجع بقى للشعر الأبيض

والله يا عم سهل جدا ، انا صبغت كام شعره قبل فتره ، وربنا يسامحني بقى

[أبو محمد]

الأخوات والأخوة

الموضوع فى باب "موضوعات شخصية" .. ومن يفتح مثل هذه المواضيع يوجه دعوة للجميع للتدخل فى أموره الشخصية .. وعلى الداعى أن يكون كريما مع مدعويه .. وعلى المدعوين أن يقدروا كرم الدعوة

لا نرحب بالموضوعات التى تُفتح على هذا الأساس ثم تتحول رويدا رويدا إلى مشاحنات شخصية

نشكركم على حسن تفهمكم

الإدارة

[سهل جدا]

ما فيش مشكلة إطلاقا يا أبو محمد

بالعكس أنا مبسوط من الموضوع ومن تعليقات الأخوة والأخوات الأفاضل

وبالنسبة لأخت فتفوتة (مدام فاطمة) ديه أخت صغيرة لي , بس هي يمكن ساعات بتزعل من هزاري وبتفتكر إني بتريق عليها..

على فكرة أنا كنت أقصد إني بضحك من كلامك يا أخت فاطمة, مش بضحك على كلامك , فيه فرق كبير بين الاثنين

أنا عارف إنك زعلتي مني من ساعة لما قولتي في موضوع تاني:

طب هقولك حاجة ومش هتصدقها انا بقى والله ممكن اسيب جوزى يتجوز عليا لكن اللى بيخوفنى من الموضوع ده ان زوجته الجديدة تجيب عيال يشاركوا ولادى فى حب ابوهم ليهم

رحت أنا رديت عليها وقولت:

في واحدة محترمة جدا ما بتخليفش ونفسها تتجوز؛ إيه رأيك تعرفيني بجوزك عشان أكلمه عليها

فما ردتيش علي, وهربت من الإجابة , مع إني الواحد لما يقول كلمة لازم يكون أدها .. :)

وعلى فكرة يا أخت فاطمة الدعوة بالهداية ديه كلنا محتاجنها

والرسول صلى الله عليه وسلم كان من دعائه: (اللهم اهدنا فيمن هديت)

شكرا لك , وياريت ما تحرميناش من تعليقاتك الجميلة الطيبة ..

[لولا]

احم احم .. هى لسه محاوله الإستفزاز والرمادى شغاله ..

طب بالإذن بقا

مفروض الرد يتجاوز الموضوع ونترفع عن المشاحنات مش نروح نجيبها من مواضيع تانيه متوقعتش منك كده يا استاذ سهل :) .

وكمان توهتنا عن الموضوع الأصلى والشعر الأبيض .. :lol:

انا خلاص مش حكملك بقيه نصايحى .. احسن كمان توزع عليا كام دعوه هدايه انا كمان wst::

[سهل جدا]

انا خلاص مش حكملك بقيه نصايحى .. احسن كمان توزع عليا كام دعوه هدايه انا كمان :)

لا , خلاص آسف والله

يا جماعة مشكلتي إني بحب الهزار , بس دا ما يمنعش إن احنا نمزجه بالجد

على فكرة كلام حضرتك مفيد , وكان مفاجأة بالنسبة لي

يا ريت تكملي نصائحك

بس على فكرة أبيات الشعر بتاع امرؤ القيس لا أظنها كذلك

أنا راجعت الموسوعة الشعرية في أشعار امرؤ القيس ولاقيت الأبيات كده:

وَلَيلٍ كَمَوجِ البَحرِ أَرخى سُدولَهُ **** عَلَيَّ بِأَنواعِ الهُمومِ لِيَبتَلي

فَقُلتُ لَهُ لَمّا تَمَطّى بِصُلبِهِ **** وَأَردَفَ أَعجازاً وَناءَ بِكَلكَلِ