هجوم الشعر الأبيض على رأسي.. وامصيبتااااه

[fatfouta]

ما فيش مشكلة إطلاقا يا أبو محمد

بالعكس أنا مبسوط من الموضوع ومن تعليقات الأخوة والأخوات الأفاضل

وبالنسبة لأخت فتفوتة (مدام فاطمة) ديه أخت صغيرة لي , بس هي يمكن ساعات بتزعل من هزاري وبتفتكر إني بتريق عليها..

على فكرة أنا كنت أقصد إني بضحك من كلامك يا أخت فاطمة, مش بضحك على كلامك , فيه فرق كبير بين الاثنين

أنا عارف إنك زعلتي مني من ساعة لما قولتي في موضوع تاني:

طب هقولك حاجة ومش هتصدقها انا بقى والله ممكن اسيب جوزى يتجوز عليا لكن اللى بيخوفنى من الموضوع ده ان زوجته الجديدة تجيب عيال يشاركوا ولادى فى حب ابوهم ليهم

رحت أنا رديت عليها وقولت:

في واحدة محترمة جدا ما بتخليفش ونفسها تتجوز؛ إيه رأيك تعرفيني بجوزك عشان أكلمه عليها

فما ردتيش علي, وهربت من الإجابة , مع إني الواحد لما يقول كلمة لازم يكون أدها .. :)

وعلى فكرة يا أخت فاطمة الدعوة بالهداية ديه كلنا محتاجنها

والرسول صلى الله عليه وسلم كان من دعائه: (اللهم اهدنا فيمن هديت)

شكرا لك , وياريت ما تحرميناش من تعليقاتك الجميلة الطيبة ..

برده مافيش فايدة بتصر تدخل المواضيع فى بعضها غشان تغلط الناس

ايش جاب الموضوع ده لموضوعك اللى هناك

انا يا سيدى اتعودت لما مايعجبنيش كلام محاول ارد عليه وهو ده اللى خلانى ماردش عليك هناك اوكى

وعلى فكرة دعوة الهداية انا مش عاوزاها من حد وشكرا واذا كنت حضرتك شايف انك محتاجها انت حر لانى فاهمه حضرتك كنت تقصد ايه اوى بالدعوة دى وللمرة المليون بلاش ندخل الدين والاحاديث فى كل حاجة وناخد منها اللى احنا عاوزينه وبس

ايوه اخيرااااا انا اسفة اذا كنت زعلت منى لان اختلافى فى الراى معاك اعتقد انه بقى يفسد للود قضية عشان كده بلاش من الآراء اصلا

ماتزعلش يا سيدى اعتبرنى اختك

[لولا]

لا , خلاص آسف والله

يا جماعة مشكلتي إني بحب الهزار , بس دا ما يمنعش إن احنا نمزجه بالجد

على فكرة كلام حضرتك مفيد , وكان مفاجأة بالنسبة لي

يا ريت تكملي نصائحك

بس على فكرة أبيات الشعر بتاع امرؤ القيس لا أظنها كذلك

أنا راجعت الموسوعة الشعرية في أشعار امرؤ القيس ولاقيت الأبيات كده:

وَلَيلٍ كَمَوجِ البَحرِ أَرخى سُدولَهُ **** عَلَيَّ بِأَنواعِ الهُمومِ لِيَبتَلي

فَقُلتُ لَهُ لَمّا تَمَطّى بِصُلبِهِ **** وَأَردَفَ أَعجازاً وَناءَ بِكَلكَلِ</div>

شفت انك مش مركز معايا :)

البيتين دول كانو من الموسوعه الشَعريه وليس الموسوعه الشِعريه :D

احنا مش بنتكلم عن الشَعر بردو wst::

نعيد تانى "

وليل كموج البحر ارخى سدوله ...

صحوت من سدوله وجدت شعرى ابيضا

فقلت له كم شعرة بيضاء كلكلت يا ليل

فقال لى كل اليالى ليها اول وأخر حضرتك :lol:

تم تعديل 17 فبراير 2009 بواسطة لولا

[سهل جدا]

البيتين دول كانو من الموسوعه الشَعريه وليس الموسوعه الشِعريه wst::

احنا مش بنتكلم عن الشَعر بردو :lol:

آآآآآخ , فاتتني ديه :)

ونرجع بقى للشعر الأبيض

والله يا عم سهل جدا ، انا صبغت كام شعره قبل فتره ، وربنا يسامحني بقى

طيب يا أخي الكريم الساهر ..

خلاص اللي حصل حصل , والشعر اللي ابيض ابيض خلاص

السؤال دلوقتي إزاي نمنع انتشار الشعر الأبيض

صحيح , في حد عنده كلام علمي بخصوص الموضوع ده ..

[لولا]

السؤال دلوقتي إزاي نمنع انتشار الشعر الأبيض

صحيح , في حد عنده كلام علمي بخصوص الموضوع ده ..

اعتقد والله اعلم شويه خل صغيرين يتم تخفيفهم ويشطف بيهم الشعر الشطفه الأخيره . كويس للشعر الأبيض والقشره على كلام واحد من الناس :D

بس متنساش ....

كل الشعر الأبيض ما زاد زاااااااااااااااااااادت اسهمك فوووووووووووووووووووووووووووووووووووووووق .. انتا حر wst::

انا بشوف بابا بشعره الأبيض ونظارته والتخن اللى هو فيه كمان احلى راجل فى الدنيا :)

المهم انتا عايز تبقى احلى واحد فى نظر مين بالضبط :lol:

[ebregi]

والله كلام الشعر الأبيض الذي توغل وأنتشر كلام ذو شجن

مش عارف هي الناس بتقيس الشباب بالشعر الأسود و الأبيض

عموما أنا لما ظهرت الشغيرات البيضاء وسط شعري أحسست بالفخر

وشعرت بالمسئولية كما أحسست أنني و الحمدلله إنسان طبيعي ماشي

وسط الناس و مسطرة الظواهر الطبيعية هي اللي بتقيس حياتي وده شيء

مش وحش لأنك ممكن تحب تبقى راجل سوبرنورمال بس بيتهيألي ده هايتطلب

منك بعض المجهود العقلي و الذهني و يمكن يخليك تعيش في جزيرة منفصلة

عن العالم اللي حواليك و دايما هايخللي عندك إحساس بإنك مختلف عن الآخرين

وده شيء مش كويس أو مش عادي و عموما إنك تبقى طبيعي ماشي مع الناس

بتعجز وتكبر و ده شيء طبيعي بتحس وتفرح و تزعل و تبكي برضه طبيعي

إحساس جميل أنك تعرف أنك طبيعي و عادي و زي الناس اللي حواليك

[سهل جدا]

المهم انتا عايز تبقى احلى واحد فى نظر مين بالضبط :lol:

عاوز أبقى أحلى واحد في نظر ....

أمممممممممم

آآآآآآآآآآآآآآآآآآآآآآآآآآآه

يعني هو بصراحة كده ......

أصلي هو أنا يعني .........

مش عارف

إيه الأسئلة الغريبة ديه :)

وبعدين الراجل مش بشكله بس

في مقولة بتقول:

جمال الرجل في عقله .. وعقل المرأة في جمالها

مش عارف هي الناس بتقيس الشباب بالشعر الأسود و الأبيض

والله يا أستاذ إحنا قولنا إن الشباب شباب القلب بس ما حدش مصدق

ومن كم سنة كده قبل ما يحصلي اللي حصل , لما كنت بسمع الكلام ده من العواجيز كنت بقول:

دا قصر ديل

بس والله شكلهم كان عندهم حق الناس العواجيز في الكلام ده ... فعلا الشباب شباب القلب

[سهل جدا]

انهاردة جيت أبص على شعري لاقيت الشعر الأبيض كثر أوي

بعد ما كانوا 3 شعيرات من حوالي 3 شهور, بقوا دلوقتي .... ما تعديش :sad:

وياريتو ثابت في مكانه

دا بدأ يقع كمان

أنا خلاص , شكلي هابدأ رحلة الصلع

والناس هاتغني لي: جميل وأصلع .. جمييييييييييل وأصلع

أنا حزين جدا :sad: :sad: :sad:

[بندق أفندى]

عندى ييى 14 شهراية بيض فى شاربى ..

كل الناس بتقول انت بتصبغ شعرك

أحد العقلاء قال .. أولى انه يصبغ شاربه أو حتى يحلقه .. هذا باختصار ..

سمعت أحدهم يقول اذا ماتت أم المرء شاب فجأة .. لاحظتها فى اتنين ممن أعرف بس لا أعرف صحة المقولة ولا نسبها

[الباشمهندس ياسر]

انهاردة جيت أبص على شعري لاقيت الشعر الأبيض كثر أوي

بعد ما كانوا 3 شعيرات من حوالي 3 شهور, بقوا دلوقتي .... ما تعديش :sad:

وياريتو ثابت في مكانه

دا بدأ يقع كمان

أنا خلاص , شكلي هابدأ رحلة الصلع

والناس هاتغني لي: جميل وأصلع .. جمييييييييييل وأصلع

أنا حزين جدا :sad: :sad: :sad:

سلامتك من كل زعل يا سهل

هى الدنيا كده يا خوياااااااااا كاس و داير ع الكل

و بعدين انت زعلان ليه بس

دى مراحل الحياة اللى كل الناس بتمر بيها

حاول تستمتع بكل فترة ف حياتك بجمالها اللى فيها

[se_ Elsyed]

صلو عالنبي يا جدعان

انا مش شايف بروبليم

انا شعري شديد السواد هما مش بيسموه " كستنائي " باين ؟

ومع ذلك من سنتين ابتدت لوكش .. او بلاش دي .. خُصل بيضاء تظهر وبقيت عامل زي صلاح قابيل

وولا عمري بافكر في الصبغه ولا الورنيش

[حسام يوسف]

عموما يا جماعة انا عندي حل وبسطي وطبيعي للمشكلة

استعملوا زيت البابايا أو الشامبو بتاعه

مرة يوميا

والنتايج فى خلال شهر واحد هتبدا تظهر تحسن

وشفت حالات اتحسنت بنفسي بالطريقة دي

أى خدمة يا محاوراتية

[elfakhrany]

يُقال ان الشعر الأبيض وقــــار

[عنبو]

شعر ابيض ايه ياجماعه دانا ليا واحد صاحبى ياعينى عليه لسه مدخلش دنيا دول يادوب 24 سنه بس وكل شعره فركش يعنى مافيش شعر من اساس الا شويه على الجناب وطبعا على طول حالق اقرع وعامل فيها انها موضه وطبعا انا عارف الموضوع بس هنقول ايه

وفيه واحد صاحبنا كان معنا فى الكليه برضه كان شعره كله ابيض وتحس انه عنده خمسين سنه لكن لما تتكلم معاه تلاقيه شباب لدرجة انا لما عرفته اقعدت اقولته يابشمهندس وياستاذ كنت فاكره كبير لحد لما عرفت الحقيقه ولقيته بنى ادم ممتاز

يعنى من الاخر الموضوع مالوش علاقه بالشكل اهم حاجه الروح وخفة الظل وعيش وسيبنى اعيش

[ابو حودة]

ثلاثة ..............................

ثلاثة بس ....................... هما اللي فاضلين بسبب المياه اللي هنا

ربنا يرجعنا تاني لمصر

[doudy]

[color="#4B0082"]ايه دة موضوع عن الشعر الابيض و اللى فاتحه رجل

امال الستات يعملوا ايه لما شعرهم يبيض

السن مش بالشعر الابيض

يعنى حتى لو الشعر كله بقى ابيض

برضه معروف ان سنه صغير و كذللك اللى صابغ شعره مثلا و هوة سنه كبير

و الشعر الابيض مش بيوحش الشكل ولا حاجةهوة بس وحاشته انه بيفكر الواحد انه

كبر و بس

تم تعديل 1 يونيو 2009 بواسطة doudy

[pink rose]

عن فضالة بن عبيد رضي الله عنه أن رسول الله صلى الله عليه وسلم قال { : من شاب شيبة في الإسلام كانت له نورا يوم القيامة ، فقال له رجل عند ذلك فإن رجالا ينتفون الشيب ، فقال رسول الله صلى الله عليه وسلم : من شاء فلينتف نوره } .

[الدكتورة أم أحمد]

عن فضالة بن عبيد رضي الله عنه أن رسول الله صلى الله عليه وسلم قال { : من شاب شيبة في الإسلام كانت له نورا يوم القيامة ، فقال له رجل عند ذلك فإن رجالا ينتفون الشيب ، فقال رسول الله صلى الله عليه وسلم : من شاء فلينتف نوره } .

لم يعد الشيب لا يصيب إلا كبار السن

فقد لاحظت وجود الشيب في شعر أطفال ومراهقين وشباب

وكأنها أصبحت ظاهره ولا أدري ما سببها

هل نقصت بعض العناصر في طعامنا أدى إلا ذلك أم ماذا

هذا شعر يحب زوجي أعزه الله وأكرمه ترديده

وبادرة بالشيب لاحت بمقدمي ****** بادرتها بالنتف خوفا من الحتفِ

قالت على ضعفي اسنطعت ووحدتي****** رويدك حتى يلحق بي الجيشِ

[Nassarlink]

عموما يا جماعة انا عندي حل وبسطي وطبيعي للمشكلة

استعملوا زيت البابايا أو الشامبو بتاعه

مرة يوميا

والنتايج فى خلال شهر واحد هتبدا تظهر تحسن

وشفت حالات اتحسنت بنفسي بالطريقة دي

أى خدمة يا محاوراتية

كنت فين من زمان يا د حسام

مش كنت تلحقني

وتقولي علي الوصفه بتاعتك

ده انا لو كنت عارف ان سهل جدا هيفتح توبيك مخصوص علشان الثلاث شعرات

كان زماني دلوقتي فاتح منتدي لحساب شعر راسي الابيض

يالله ارزاق

متزعلش يا سهل انا مش بحسدك

وبعدين يا حسام اجرب الوصفه وانا متطمن

انت شايف ايه

احسن انا افتكرت الشاعر الي قال

إن تسألوني بالنساء فإنني *** عليم بأدواء النساء طبيب.

إذا شاب رأس المرء أو قل ماله *** فليس له في ودهن نصيب.

يردن ثراء المال حيث علمنه *** وشرخ الشباب عندهن عجيب

ربنا يستر ومراتي متشوفش الرد ده

لو حد شافها يا جماعه يقولي

ربنا يسترها معاكم

تم تعديل 3 يونيو 2009 بواسطة Nassarlink

[Nassarlink]

وبادرة بالشيب لاحت بمقدمي ****** بادرتها بالنتف خوفا من الحتفِ

قالت على ضعفي اسنطعت ووحدتي****** رويدك حتى يلحق بي الجيشِ

لا وانا دلوقتي الجيش خلاص لحقني

ده انا عندي قاعده صواريخ حربيه علي رأسي

[عطر الجنة]

عقدتنى بالثلاث شعرات بتوعك دول

انا لما جيت اتزوج كان نصيبى مع طبيب طيب القلب لكن كان اكثر من ثلث شعره ابيض رغم ان عمره كان ثلاثون عاما

لكن كان ده بيعطيه سن اكبر

يعنى ده وراثة فى اسرته

كان عمرى وقتها 25 عام

و المشكلة ان شكلى كان يعطى 16 عام

المشكلة الحقيقية انى لما كنت ادخل محل ملابس كانوا اصحاب المحلات من الحريم يقولولى اشترى اكتر و بيفكرونى انى تزوجته من اجل فلوسه

اههههه يانا