انصحونى انا متردد اروح ابوظبي ولا لأ

[الكريم]

اخوانى انا طبيب جالى عقد فى مستشفى المفرق ابوظبى و اناوافقت بس لسه ما وقعتش العقد و متردد لانى سمعت ان الناس بتمشى من هناك و ان الحياة نار بس لو ده حتى صح هل الحياة هناك حلوة ؟ امان؟ العيال مدارس كويسة؟ قصدى اتوكل على الله و اروح تنصحونى باية

[dongol]

اخي العزيز

حضرتك بتسأل نفس الأسئله اللي سبق و جاوبنا حضرتك عليها لذلك مش فاهم ايه جدوي الموضوع ده تاني و مش قادر اقول غير ربنا يوفقك و عليك بالاستخاره

[الكريم]

اولا اشكرك اخى الكريم على ردك انا لا اعيد الاسئلة انا فقط لا اعرف اي شئ عن البلد و انا اعيش فى الكويت و خايف اضحى بهنا رغم انى مش مرتاح و اروح العيشة تكون صعبة و اكون خسرت الاثنين لذلك متردد جدا على كل حال جزاك الله خير على النصيحة شكرا

[Abu Reem]

اولا اشكرك اخى الكريم على ردك انا لا اعيد الاسئلة انا فقط لا اعرف اي شئ عن البلد و انا اعيش فى الكويت و خايف اضحى بهنا رغم انى مش مرتاح و اروح العيشة تكون صعبة و اكون خسرت الاثنين لذلك متردد جدا على كل حال جزاك الله خير على النصيحة شكرا

أخي الحبيب/ انت تطلب المشورة في حين أن ليس هناك أي معطيات تعطيها لنا لكي نعطيك رأينا في مثل هذا القرار المصيري!!!

فانا لا أعرف كيف سأعطيك رأيي وانت لم تذكر الفرق بين وضعك وإمتيازاتك في الكويت ، وبين العرض الذي جاء من ابو ظبي، وما هي سنوات عملك في الكويت وهل معك أسرتك أم لا ، وهل العقد جاد من جانب المستشفى في أبو ظبي أم لا ،،

أمور أخرى عديدة كان لابد أن تذكرها لكي لا يهمل الموضوع كالعادة لأننا كمصريين لا يكون عندنا دقة في عرض الموضوع ،

وعلى العموم ، نحن في انتظار المعلومات لكي نعطيك الرأي والمشورة، وربنا يوفقك

[محمد زكى]

ارجو من الإخوه تفهم وضع الدكتور فهى فعلاً مخاطره

وعليك يا دكتور استخدام فقه الموازنات فهى تكون بين

المصالح والمفاسد .... فتغتفر المفسدة القليلة من اجل المصلحة الكبيرة

والخير والشر ..... فا اختار أهون الشرين وأخف الضررين

والمنافع والمضار ..... فدفع المفسدة مقدم على جلب المصلحة

فا عقلها جيداً تخطيطاً وحزماً ثم توكل على الله بعد أن تستفرغ جهدك وتبذل وسعك وعندها يعينك الله ويكون معك

تحياتى لك

اخوك محمد

[الكريم]

اولا اشكر اخى محمد زكى لانى فعلا محتار و الموضوع مش سهل ثانيا شكرا لكل اخوانى و هذ التالى سبب حيرتلى انا راتبي فى الكويت هو نفس راتب الامارات تقريبا و لكن انا اصرف على الاكل هنا ما يعادل3000 درهم شهريا و اللبس هنا رخيص يعنى توتال ممكن 3500 درهم اما السكن فبدل السكن متضمن فى المرتب حوالي 30 الف درهم سنويا السكن هنا رخيص يعنى اخصم من المرتب 2500 درهم كمان و التعليم هنا اما العربى و مستواها وحش او الباكستانية و دى اللى كل زمايلي مدخلين فيها و مشكلتها ان مش معترف فيها فى مصر يعنى لازم الولد يمتحن كل سنة معادلة فى السفارة لو حبيت ادخل لغات محترمة دى للkg 15 الف درهم سنويا المهم عذرا للاطالة حصرف ما يعدل 10الاف درهم شهري ده لو مدرسة محترمة لو مدرسة اي كلام حصرف 8500 درهم و هو دة لب المشكلة بعض الاخوة قالي حصرف فى الامارات حوالي 8000 شهرى انا لى تعليم اطفال فى الامارات 9 للطفل و بعد تفاوض زاد بدل السكن الى 150 الف يعنى يمشى الحال و لى تذاكر سفر و بدل ماء و كهربا 500 شهرى لهذا انا لااعرف هل هى هى نفس الشئ و لا كدة الامارات ارقى و احسن الكويت متخلفة جدا بس الشغل لحد 2 ظهرا الامارات لحد 5 العصر بس لو الامر يستحق انا مستعد لهذا انا محتار و شكرا

[سهيلة]

على فكرة يا دكتر مستشفى المفرق دى موش داخل ابو ظبى نفسها دى غلى طريق ابو ظبى دبى

يعنى بعيد على حدود ابو ظبى فاعمل حسابك انك هتحتاج عربية اكييييييييييد

ثانيا

انت بتقول بتصرف اكل وخلافة 3000 درهم ف الكوييت

واانت عندك اطفال

دة استحالة هنااااااااااااااااااااااااااااااااااا

ممكن اقل شىء تحط لمصايفك انت والاولاد العادى جداا شهريا 4000 الى 5000درهم ودة كحد ادنى من غير فسح ولا اكل برة

انما بالنسبة لبدل السكن متهيالى كويس ممكن تاخد بية غرفة وصالةة داخل ابو ظبىىاو غرفتين وصالة خارجها

وربنا يوفقك لما فية الخير

كان عندى سؤال

هوة حضرتك هتشتغل على طول من غير امتحان الهيئة الصحية هنا ؟؟

طب ازاى؟

[قطرة ندى]

خليك عندك احسن المدارس الباكستانية احسن من المدارس الهنود اللى ب7 الف فى السنه

والامارات اللى بيموت فيها من الجوع الناس بتدوس عليه وتمشى ..يعنى اللى مرتبه 3000 أكي

دد أكيد هيموت من الجوع...ليه ؟

لان فيه حاجات هنا بتيجى طارئة لازم تدفعها يعنى مثلا ممكن فجأة تلاقى فاتورة الكهرباء جايالك الف درهم عادى خالص...مخالفة سيارة

ألف درهم

مش فاكر انك عملتها ألف درهم عادى خالص..ولازم تحط أعصابك فى تلاجة وانت بتدفع...أما عن المناطق اللى بيسكن فيها الفقراء اللى ايجار الأوضة فيها 1500فحدث ولاحرج..طبعا انا مبتكلمش عن ابوظبي..او دبي الايجارات اعلى كتير رغم ان فيها مناطق متتمناش انك تعدى فيها ..

تم تعديل 17 فبراير 2009 بواسطة قطرة ندى

[الكريم]

السلام عليكم و جزاكم الله كل خير الاخت سهيلة بالنسبة لسؤالك فانا اجروا مقابلة امتحان بالتليفون كان فيها لجنة و عصروني وقالوا ده بدل ما اجى لانى بشتغل . الاخت قطرة ندى انا بدات اتراجع انا بصراحة حاسس ان المعيشة غالة جدا ى الامارات اعتقد الكويت رخيصة نوعا ما كده ده انا كاتب 3000 او 3500 اكل و شرب داخل فيها الحاجات التافهه اللى الواحد بيجبها للبيت بدون مناسبة ربنا ييسر

[قطرة ندى]

أخى كريم اللى تعرفه احسن من اللى متعرفهوش وبصراحة انا مش شايفى مدرسة عدلة هنا ..يعنى بالتفصيل مدارس الهنود بتكون فى حدود 8الف وفيه مدارس لغات منهج بريطانى او منهج امريكى ملقيتش فيهم واحدة عدلة كل واحدة فيها مش مشكلة لا فيها مصيبة دلوقتى بقول ان المدارس اللى مافيهاش مصايب تبدأ من ال30الف ومين يقدر يدفع كده الا اللى الشغل بيدفعله المدارس ..اسأل كده اذا الشغل يدفعلك المدرسة يبقى ميت فل وعشرة..

انا زهقت من كترة مشاكل المدارس عندى طفل فى مدرسة بعشرين الف فى السنة الولد مبسوط بس المدجير انجليزى ومنتهى قلة الأدب بيهزأ أولياء الأمور والطلبة...والله انا بعانى ..لو المدارس عندك أحسن قولى ضرورى

تم تعديل 17 فبراير 2009 بواسطة قطرة ندى

[الكريم]

اختى الكريمة هنا المدارس اللى بنفس سعر 20 الف درهم هى المدارس ثنائية اللغة و هى مدارس كويسه جدا وفي مدارس اعلى طبعا لحد3000 دينار يعنى 36 الف درهم بس انا طبعا نفسى ادخل فيها عيالي اللى هى ثنائية اللغة بس المشكلة هنا ان التعليم و السكن علينا يعنى لو الواحد حسبها مش حيحوش و يتبقى فقط الباكستانية و العربي للغلابه اللى زينا انا فى الامارات حيدونى للطفل 9000 فى السنة يعنى تقريبا 50% من التعليم بس انا حقول لحضرتك الكويت دولة هادية و تعتبر مش غالية (يعنى مثلا الهدوم هنا رخيصة جدا الطقم السوبر للعيال بحوالي 70 درهم انا طبعا بجيب هدوم فى حدود 30-50درهم و ممتازة جدا انا سمعت ان الهدوم عندكم غالية جدا) بس الكويت مش نظيفة زى الامارات مهملين فى البلد جدا و المواطنين هنا متعجرفين جدا انا بصراحة السبب الرئيسي هنا اللى بيدفعنى افكر امشى هي المعاملة الواحد دكتور و بيعاملوه زى الخدامة و او البواب منتهى قلة الادب.

[مستعين بالله]

اختى الكريمة هنا المدارس اللى بنفس سعر 20 الف درهم هى المدارس ثنائية اللغة و هى مدارس كويسه جدا وفي مدارس اعلى طبعا لحد3000 دينار يعنى 36 الف درهم بس انا طبعا نفسى ادخل فيها عيالي اللى هى ثنائية اللغة بس المشكلة هنا ان التعليم و السكن علينا يعنى لو الواحد حسبها مش حيحوش و يتبقى فقط الباكستانية و العربي للغلابه اللى زينا انا فى الامارات حيدونى للطفل 9000 فى السنة يعنى تقريبا 50% من التعليم بس انا حقول لحضرتك الكويت دولة هادية و تعتبر مش غالية (يعنى مثلا الهدوم هنا رخيصة جدا الطقم السوبر للعيال بحوالي 70 درهم انا طبعا بجيب هدوم فى حدود 30-50درهم و ممتازة جدا انا سمعت ان الهدوم عندكم غالية جدا) بس الكويت مش نظيفة زى الامارات مهملين فى البلد جدا و المواطنين هنا متعجرفين جدا انا بصراحة السبب الرئيسي هنا اللى بيدفعنى افكر امشى هي المعاملة الواحد دكتور و بيعاملوه زى الخدامة و او البواب منتهى قلة الادب.

ياريت تشوف مكان ثانى لو مش راضى عن مستوى التعليم فى الخليج

لان مستوى التعليم والتفكير واحد بس الفرق ان الامارات مفتوحة شوية

ولكن الامارات الان فى حالة اقتصادية سيئة

[قطرة ندى]

اختى الكريمة هنا المدارس اللى بنفس سعر 20 الف درهم هى المدارس ثنائية اللغة و هى مدارس كويسه جدا وفي مدارس اعلى طبعا لحد3000 دينار يعنى 36 الف درهم بس انا طبعا نفسى ادخل فيها عيالي اللى هى ثنائية اللغة بس المشكلة هنا ان التعليم و السكن علينا يعنى لو الواحد حسبها مش حيحوش و يتبقى فقط الباكستانية و العربي للغلابه اللى زينا انا فى الامارات حيدونى للطفل 9000 فى السنة يعنى تقريبا 50% من التعليم بس انا حقول لحضرتك الكويت دولة هادية و تعتبر مش غالية (يعنى مثلا الهدوم هنا رخيصة جدا الطقم السوبر للعيال بحوالي 70 درهم انا طبعا بجيب هدوم فى حدود 30-50درهم و ممتازة جدا انا سمعت ان الهدوم عندكم غالية جدا) بس الكويت مش نظيفة زى الامارات مهملين فى البلد جدا و المواطنين هنا متعجرفين جدا انا بصراحة السبب الرئيسي هنا اللى بيدفعنى افكر امشى هي المعاملة الواحد دكتور و بيعاملوه زى الخدامة و او البواب منتهى قلة الادب.

المعاملة هنا كويسة بس الأماكن الوحشة كتير يعنى فيه أماكن فيها زبالة عادى خالص بس مش زى مصر طبعا..هنا الطابع المادى يغلب على الحياة ...اللى مامعهوش محدش بيرحمه والله لو مات ىمحدش هياخد باله وكل واحد فى حاله الجار ميعرفش جاره ..طرق صرف الفلوس متعدده....والمشكلة مش فى اللبس اللبس ممكن تلاقى طقم الهدوم للخروج بالنسبة للطفل أقل حاجة ب 70 طبعا فى أماكن معينه أما لو اشتريت من المولات والأماكن التانية فحدث ولاحرج ممكن الطقم يوصل 1000

المشكلة مش مشكلة هدوم...المشكلة فى الفواتير اللى مابتخلص..فاتورة تلفون فاتورة نت فاتورة مخلفات سيارة فاتورة مياة وصلت ل200 و300 بدون الكهرباء أما الكهربا ففى الصيف بتيجى الفاتورة 900 عادى ربنا يستر بعد ما زادت المياه هتوصل الفاتورة كام؟ بالنسبة للبنزين تعبى التانكة ب70 درهم ...بالنسبة للصرف الصحى فى بعض الامارات لسة بينزحوا المجارى بالخراطيم ..مافيش صرف صحى...بالنسبة للشوارع أزمة مرور خانقة ...وممكن تعمل سيرش على المشكلة اللى ملهاش حل..والله واحدة اعرفها جوزها بيشتغل فى أبو ظبى وبيروح وييجى كل يوم لعجمان 3ونص رايح 3ساعات ونص راجع صدق او لا تصدق ودا كله ليه؟ عشان الشقة فى ابوظبي ايجارها 150 الف فى السنة...بالنسبة للتعليم صدقنى من أسوء ما يكون ...يعنى انت شايف ان ابنك هيدخل مدرسة حلوة ب 18 الف وبعد ما تدخله هتكتشف ازاى المدرسة بتتشرط ومش عاجبها ولو اشتكيت من اى مشكلة هتلاقيهم بيقولولك مش عاجبك انقل مدرسة تانية والله انا لفيت على اكتلر من خمس مدارس وفى الآخر اكتشفت ان طالما المدرسة فى رينج ال7 الى العشرين فكلهم زى بعض ...الاول كنت بفتكر ان كل ما زاد سعر المدرسة كل ما كانت احسن ...والكلام لا ينتهى اسأل وانا اجاوبك

تم تعديل 19 فبراير 2009 بواسطة قطرة ندى

[سهيلة]

قطرة ندى مشاركة بتاريخ اليوم, 12:13

المعاملة هنا كويسة بس الأماكن الوحشة كتير يعنى فيه أماكن فيها زبالة عادى خالص بس مش زى مصر طبعا

بالنسبة للصرف الصحى فى بعض الامارات لسة بينزحوا المجارى بالخراطيم ..مافيش صرف صحى...بالنسبة للشوارع أزمة مرور خانقة

mf-:

هوة حضرتك ساكنة فين والاماكن الوحشة دى فين

انا ساكنة ف ابو ظبى وبصراحة البلد من انضف ما يكون ولا فى ورقة ف شارع استحالة

والصرف الصحى بردو عادى

مجارى وخراطيم بصراحة كلام لم ارة هنا ابدااااااااااااااااا

اما الزحمة غير موجودة داخل ابو ظبى نفسها الا ف اوقات الذروة وزحمة لدقاءق معدودة

لان المرور هنا منظم جداااا والكل بيحترم كل حاجة والا المخالفات شغالة وما بترحمش

اما الزحمة الحقيقية ف دبى

موش عارفة حضرتك بتتكلمى على اى منطقة

تحياتى