ارجو ان تشاهدوا الأن ندوة د زويل على قناة دريم 2

[se_ Elsyed]

بصراحة .. مش هاتندموا

والندوة الثقافية تقام في دار الاوبرا المصرية بالاشتراك مع العملاق الدكتور محمد غُنيم والمحترم فاروق جويدة والدكتور السيد ياسين مستشار مركز الاهرام للدراسات السياسية

فعلاً مش هاتندموا لو شاهدتموها

[capitshino]

عولم وينفذ ... بس الشاوند سيستم فيه مشكلة عويصة عندهم

[capitshino]

تقريبا يا س س الناس عرفت انك عملت توبيك فهيغيرو تردد القناة......... اقصد هيغيرو القناة

على دريم 1

بس الجد خلص وهيبدوء فى الهجص

[se_ Elsyed]

يا خسارة ... معليش يا كابتيش

بس مليون الميه هاتتعاد تاني وبإذن الله هاحاول اعرف موعد الاعادة

[أبو محمد]

ياسين سين

إنت بتلفت الأنظار لبرامج وندوات بيتكلم فيها ناس مصريين .. بيقولوا سلبيات وبيضعوا حلول .. وفى الآخر تطلع منهم بأمل فى غد أفضل

سمعت احمد زويل وفاروق جويدة وهم بيتكلموا عن الطاقة البشرية المصرية .. وعن قدرتها على استيعاب كل جديد كما استوعبت مصر المهاجرين الأوروبيين بعد الحرب العالمية .. ومنهم كفافيس اليونانى اللى فاروق استلم جايزته ، وحتى كمان الدكتور الألمانى .. أعتقد كانت الناس مسمياه (الخواجة طارق) اللى اتكلمت عنه الجرايد من أسبوع واللى عذب اليهود أثناء تلك الحرب ؟

الكلام ده اللى قاله فاروق جويده الاسكندرانية اللى فى سنى وسن فاروق وزويل يعرفوه تمام المعرفة .. حضرنا أواخر الأيام دى أيام ما كانت مصر جاذبة للهجرات مش طاردة لأبناءها ..

ومع ذلك فهذا الجيل .. جيل احمد زويل وفاروق جويده عنده أمل فى الشباب الكتير اللى ملوا القاعة عن آخرها واللى كانوا واقفين بره مقدروش يدخلوا ...

أنا باكتب مشاركتى ومش قادر اتكلم عن اللى سمعته فى الندوة دى ، بعد ما قريت موضوع سد نفسى .. بيصور المجتمع المصرى على إنه مجتمع ليس فيه إلا كل نقائص شعوب الأرض :closedeyes:

[se_ Elsyed]

عجبني قوي يا عم أبو محمد تركيز الجميع على دور المثقفين ودور الشعب في تحقيق النهضة ...

فالحكومة الفاسدة زائلة ... هذا لا شك فيه ..

لكن كلامهم وخصوصاً فاروق جويدة لا يعفي المثقفين اللي هو منهم من التقاعس ...

وهذه معضلة كبيرة وخطيرة جداً .. وهي ان تجد في مجتمع ما مثلنا طبقة مثقفة واعية ترى الفساد أمام أعينها وتطنش او تنساق وتركب الموجه مع الفاسدين ..

وكمان تركيز الدكتور السيد ياسين .. على الهوجة الدينية ... او الفوضى الدينية بالمجتمع المصري ... الكل بيفتي والكل بيُلصق أي موضوع بالدين .. والكثير بينصب بإسم الدين ... وكإن الدين أصبح هو الحلقة الأضعف في المجتمع او هو الشماعة اللي بنعلق عليها مصايبنا ..

كمان كان الدكتور زويل كعادته أكثر من رائع .. ويركز دائماً فيه على روح العمل الجماعي .. وكيف إنه لم يصنع تلك الإنجازات بمفرده .. ولكن صنعها بمساعدة البيئة المحيطة به وبفريق العمل الذي يساعده ؟؟؟

وأول مره كمان أعرف إن فاروق جويده وزويل كانوا زمايل في المدرسة .. ودول شخصان محترمان جداً بشهادة العالم كله .. لكن كان ثالثهم في الفصل الدراسي للأسف مصطفى الفقي المفكر السياسي والدبلوماسي المصري الحرامي المزور واللي دخل مجلس الشعب في إنتخاباته الاخيرة وهو عارف إنه مزور وإن النتيجة إتغيرت وإتزورت عيني عينك لصالحه وكانت المحترمة الواعية المسشارة نُهى الزيني شاهدة على ذلك بصفتها رئيسة لجنة الإنتخابات .. وباع عقله وضمرية للحزب الوطني عشان كُرسي ومن ثم أصبح محتقر من جميع من يسمع إسمه ...

[عنبو]

والله ياجماعه انا بحزن بجد بلدنا فيها الخير ده كله علماء على اعلى مستوى لكن للاسف مش بنعرف نستفيد منهم فى اى حاجه يعنى الدكتور احمد زويل بيتعب نفسه ويجى وفى الاخر تنتهى الزياره على شوية اساله وخلاص وياترى اللى بسالوه دول متخصصين ولا مش متخصصين يعنى لو واحد مش متخصص اكيد هيسال من اول الف وباء وممكن اى حد غير الدكتور زويل يجاوبه المفروض نسيب الدكتور زويل للناس المتخصصه اللى مش هضيع الوقت وهتجيب من الاخر على طول الراجل يعنى كان اقاعد بيشرح من اول الخليه هيعمل ايه ؟؟ مهو بيبدا من اول الف وباء لكن لو فيه طلاب علم اقدامه وعلماء هيبقى الموضوع يختلف وهنتعلم حاجات مفيده وبسرعه وبعدين اللى عنده اسئله بسيطه ممكن اى دكتور او متخصص يجاوب له عليه مش شرط الدكتور زويل ولا بقت موضه مهو احنا شعب بيموت فى الفشخره سلامى لكل عالم وكل متخصص فى اى مجال بيشرف مصر وبيحب مصر

[Lancelot]

إعادة إيه يا جدعان ... والناس الغلبانة اللي زينا تتفرج فين ..

هي ديه الحلقة اللي بتتكلموا عليها

http://www.youtube.com/view_play_list?p=5779AB8F63B763B2