الفوضي والعشوائية

[nightmare]

مش عارف ليه لقيت نفسي مضطر اكتب الموضوع ده .. على الرغم ان سي السيد وبعض الإخوة مشرفي الموقع تحدثوا فيه كثيرا من قبل ولا حياة لمن تنادي .. بقالى شهر او أكثر بدخل المنتدي يومياً انى الاقي معلومة جديدة تفيدني كمغترب او استفسار من مصري مغترب بالفعل وعاوز حل او عاوزنا نقف جنبه في حاجة معينة .. لكن للأسف مفيش :closedeyes:

كل المواضيع مخصصة للي عاوز او جايله فرصة سفر ويسأل هل المرتب ده يكفيه والا لأ ... او اروح السعودية والا ابو ظبي .. الشركة دي حلوة والا لأ .. اسافر والا استني في مصر ... افيدوني في العرض ده.

وتلاقي الواحد لسه مسجل معانا من دقيقتين وعامل موضوعين وبيسأل عن نفس الحاجة في الموضوعين ... والمشكلة الكبري انه بيسأل الساعة 8:00 مثلا .. والساعة 08:01 يدخل يبعت مشاركة يقولك هيا الناس ما بتعبرناش ليه .. ارجوكم ساعدوني .. وكإن الناس مثلاً قاعدين على قده او الناس فاضيين وفاتحيين النت ليل نهار.

الموضوع فعلاً بقي ممل جداً smk: .. وزاد عن حده قوي في الفترة الأخيرة .. وارجو التدخل لوقف هذه الفوضي والعشوائية ... وهذه دعوة ايضاً للأعضاء الكرام لإرسال اقتراحاتهم لمساعدة الإدارة في وقف هذه الفوضي والحد من هذه الظاهرة التي تفشت في قسم المغتربين المصريين خصيصاً

وانا شخصياً بقترح إنشاء قسم خاص بالمقبلين على السفر .. وليسوا مغتربين بالفعل. انما قسم المغتربين المفروض موضوعاته تعبر عن استفسار المغترب وفقط .

وفي النهاية دي وجهة نظر تحتمل الصواب والخطأ .. وارجوا ان مفيش حد يزعل مني لإنى والله عاوز المصلحة للجميع. وشكرا