اخلاقيات المصريين بالخارج

[ام مريومة]

السلام عليكم ورحمة الله وبركاته

الحمد لله انا مصرية وهذا شيء افتخر به كثيرا بالرغم من بعض اخلاقيات المصريين او اخلاقيات بعض المصريين المسببة للإزعاج والمهينة في بعض الأحيان

لماذا هذه الأخلاقيات من سرقة او نصب او كذب او رياء او تضليل او حسد او تحضير مقالب او الطعن بالظهر او او او ؟ ام هذا ما يسمى بالفهلوة اتغدى بيه قبل ما يتعشى بيك؟ :)

انا في انتظار مشاركاتكم و تعليقاتكم

اعاننا الله واياكم على رفع اسم مصر عاليا

[fatfouta]

السلام عليكم

عارفة يا ام مريومة بجد انا كنت لسه بفكر فى الموضوع ده امبارح لان كان زوجى بيحكيلى على مديره اللبنانى انه دايما بيحامى على ولاد بلده اللبنانيين اللى ذيه وعاملهم مرتبات اكبر من اى جنسية اخرى

وقلتله طب ده لو مصرى كان عمل كده مع المصريين اللى ذيه قاللى للاسف لأ

والله حسيت بحزن لانى غيورة جدا على بلدى ونفسى كل المصريين يبقوا كويسين مع بعض وبالذات بالغربة

بس على فكرة مش كل المصريين كده فيه ناس بتخاف على بعضها اوى ودى فعلا انا شفتها هنا كتير لكن كمان فيه ناس من شده حرصها على كل حاجة بتبقى وحشة مع بعضها اوى

وشكرااااا ليكى

[سهل جدا]

أختي الكريمة أم مريومة

المصريين زي أي جنسية في العالم

فيهم الكويس وفيهم الوحش

وأنا لي أصدقاء مصريين أفديهم بكل ما أملك , وأعتقد أنهم كذلك

[أبو محمد]

السلام عليكم ورحمة الله وبركاته

الحمد لله انا مصرية وهذا شيء افتخر به كثيرا بالرغم من بعض اخلاقيات المصريين او اخلاقيات بعض المصريين المسببة للإزعاج والمهينة في بعض الأحيان

لماذا هذه الأخلاقيات من سرقة او نصب او كذب او رياء او تضليل او حسد او تحضير مقالب او الطعن بالظهر او او او ؟ ام هذا ما يسمى بالفهلوة اتغدى بيه قبل ما يتعشى بيك؟ :)

انا في انتظار مشاركاتكم و تعليقاتكم

اعاننا الله واياكم على رفع اسم مصر عاليا

جميل وضعك خط تحت كلمة بعض

أما سؤالك : لماذا هذه الأخلاقيات .. فالإجابة سهلة .. لأنهم بشر .. ربما تقابلين عددا أكبر نسبيا من المصريين بحكم أنك مصرية .. أو بحكم تعدادهم فى البلد الذى تعيشين فيه ..

الأمور نسبية وليست مطلقة .. لو قابلتى 10 سيئين من جنسية تعداد بلدها مليون .. فأخلاقيات هذه الجنسية (إذا أردنا التعميم المقيت) أسوأ من أخلاقيات جنسية قابلتى منها 10 سيئين من بلد تعدادها 80 مليون ..

هوِّنى عليك .. وعليك بنفسك ثم من تعولين .. وهكذا .. لو التزمنا بهذا لن تكون هناك شكوى بإذن الله .. هذا كلام أقوله عن 20 سنة غربة فى بلد عربى .. وكان مجتمعى فى العمل وفى السكن يشبه الأمم المتحدة .. وكان المصريون بالذات تحت ضغط جنسية أخرى "عربية" ترى ذلك البلد بلدها (مع أنها كانت جنسية وافدة) وترى المصريين منافسين لها فى الأرزاق .. يعنى كان أى خطأ للمصرى يوضع تحت منظار مكبر .. أما أخطاء بل خطايا تلك الجنسية فكانت تنحصر فى نطاقها هى فقط

[مسالم]

السلام عليكم ..

اعتقد ان هذا الموضوع قد قتل بحثاً في المنتدى من قبل .. وقد كان له سلبيات وايجابيات على كل الذين شاركوا في توضيح رؤاهم سابقاً.. وقد كان له ايضا الاثر السئ في نفوس كثير من الاعضاء حيث كانت هناك مناقشات حاده في تعريف ماهية المواطن المصري في الداخل والخارج .. لما لهذا الموضوع من حساسيه مفرطه عند البعض..

لذا ارجو قراءة المواضيع السابقه التي تحدثت عن أخلاق الوطن والمواطن المصري في ظل التحديات المعاصره .. وكيف تأثر سلباً ..

نحن ياختي الفاضله من أفضل الجنسيات اخلاقاً وحباً للوطن .. ولا يعني هذا .. ان الدنيا اصبحت في خبر كان .. إن أخطأنا في بعض الاوقات..

بارك الله فيكي .. وأنقذ الامه من ولي إمرها ..

تم تعديل 17 فبراير 2009 بواسطة مسالم

[adel ALEX]

قد يكون احساس المصرى بعدم تعاون المصريين معه فى الغربة او احساسةبمحاربة زملائة له فى العمل كما تقولين يرجع الى عيب فى شخصيتة هو والمشكلة اننا بطبعنا كمصريين نميل الى التعميم والنتائج المسبقة وتضخيم الامور ولكن عموما المصريين اطيب ناس يمكن التعامل معهم بالغربة ولكن يجب الا ننسى قوله تعالى

بسم الله الرحمن الرحيم

فادفع بالتى هى احسن فاذا الذى بينك وبينه عداوة كانة ولى حميم

[الباشمهندس ياسر]

هو فيه ايه

ماحنا زى الفل بالصلاة ع النبى

و مش بنقصر مع حد لا جوه ولا بره

لا مصرى ولا هندى ولا غيره حتى

يعنى هو اى حد قابله حد وحش ......خلاص يبقى كل المصريين كخه

منطق غريب والله

يا جماعه انا واحد م الناس بخدم الناس ... اى حد م الناس ... سواء اعرفه او معرفوش

و اعرف كتييييييييييييييييييييييييييييييييييييييييييييييييييييييييييييير جدا احسن منى جدا جدا

الامور ماتتقاسش كده ابدا

و على فكرة

محدش بيبوظ سمعتنا غير الناس الوحشة اللى شايله باسبورنا و اسمنا

جاتهم القرف ملوا بينا الدنيا كلام فاضى لما قربت تطلعلنا سمعه.....او يمكن طلعت اصلا

[محمد عيسى]

ما هو الوحش في مصر هايبقى وحش بره و كذلك العكس

عادي يعني الموضوع مش محتاج تضخيم

[herohero]

لاسف الشديد بقى ملتصق بالشخصيه المصريه بعض السلبيات من امثال انها شخصيه معتمده على النفاق والفهلوة والتملق ونقل الكلام وانها بتكره الخير لغيرها قد يكون ده موجود ف كل جنسيه لكن بحكم اننا كتير فطبعا بيظهر فينا العدد اكتر وبالتالي ناس كتير بتعمم ده للاسف احنا كمصريين نفسي نبقى ايد واحده زي ما بيقولوا نبقى لوبي زي اللبينانين رغم مشاكلهم وخلافاتهم الطائفيه نفسي كمصريين نبقى جدعان قوي مع بعض ولو عاوزين نضر بعض يبقى ف بلدنا بلاش ناكل نفسنا للغريب لان للاسف تلاقي بعض النماذج مننا يخدم الكل ومع المصري اللي زيه يتشطر عليه ياجماعه نفسي نتعلم من الهنود ولا الفلبينيين ولا طبعا حبايبنا اللبنانيين اللي لما بيمسك واحد منهم ف مكان بيجيب كل حبايبه وبيخدموا بعض جدا رغم خلافاتهم الطائفيه

يارب يجي اليوم اللي نبقى بجد كده

[se_ Elsyed]

أتفق مع الزميل مسالم إن الموضوع قُتل بحثاً بالمنتدى

وعشان ما نتعبش نفسنا ..

المعادلة بسيطة جداً

إنت مصري .. يبقى طبيعي أن تُركز على كل ما هو مصري .. وطبيعي ان تقع عينك على بقع السواد اللي في الثوب الأبيض المصري ... ومش طبيعي ان تتوقع إن إن بلدك المصري يبذل لك الغالي والرخيص لمجرد إن إنت إبن بلده أو بدون حتى أن تُُقدم أنت شيء له ... فلاحظوا كلامنا جميعه كده هاتلاقي الموضوع من جانب واحد ..

يعني .. ناس داخله تتكلم عن ندالة المصريين وعدم مساعدتهم لأبناء بلدهم ... يبقى من الطبيعي اللي بيتكلم يكون في قمة المرؤة وقمة الأخلاق ... بدون حتى أن نعرف أو نف على موقف الندالة ويا ترى هي فعلاً نداله ولا ده كان سوء تفسير من المتلقي ...

وإذا تحدث مصري عن تلاحم اللبنانيين والهنود والسودانيين ... فأرجو أن يُحدثنا عما يعرفه عن تجمعاتهم ومجتمعاتهم ..

اتحدى يعرف حاجه عنهم ..

أتحدى مرة أخرى ..

لإنهم ليسو أبناء بلدنا .. وبالتاكيد ما نعرفش عنهم حاجه ..

ده حتى في ناس معانا ما نعرفش لغتهم ..

يعني ممكن هندي حلو وعجبك اخلاقة وخوفه على أهل بلده .. يكون بيشتم في اللي جابو أهل بلدوا جنبك كده وإنت مش فاهم حاجه ... لكن لما ييجي يكلمك بلغة تفهمها ويكون هناك موقف ما .. تلاقي مثلاً اللي من حيدر أباد أو بومباي وهي مُدن مشهورة وحضرية .. بيلعن في سلسفيل خاش اللي من كيرلا أو من الأرياف بشكل عام ... وهكذا ... وده لإنهم بشر ...

فإذا كانت الجنسيات الأخرى جميعهم ملائكة ... يبقى فعلاً العيب فينا وفي حاجه غلط خلتنا نبقى جميعنا شياطين من جهنم ... بالمناسبة بما فيهم من يتحدث في هذا الموضوع ...

[herohero]

سيدي الفاضل سي السيد هل تعني بذلك اننا نجحنا ف تكوين لوبي لنا قوي هل من الممكن انك تلاقي عشان المدير مصري فمشغل مصريين معاه زي ما بيحصل مع اللبنانيين بمجرد ما مدير لبناني يمسك ينقي كفاءات من بلده طبعا انا ضد فكرة التفرقه ع اساس الجنسيه بس انا اقصد ان النماذج والحالات اللي بتتشاف مفيش داعي لها بل ياريت نقدر نقللها يعني نبقى ايدينا ف ايد بعض

[se_ Elsyed]

سيدي الفاضل سي السيد هل تعني بذلك اننا نجحنا ف تكوين لوبي لنا قوي هل من الممكن انك تلاقي عشان المدير مصري فمشغل مصريين معاه زي ما بيحصل مع اللبنانيين بمجرد ما مدير لبناني يمسك ينقي كفاءات من بلده طبعا انا ضد فكرة التفرقه ع اساس الجنسيه بس انا اقصد ان النماذج والحالات اللي بتتشاف مفيش داعي لها بل ياريت نقدر نقللها يعني نبقى ايدينا ف ايد بعض

هذا يحدث وأراه بعيني في نماذج كتتتتير جداً ..

لكننا تعودنا على أن تذهب أعيننا إلى النماذج السيئة اللي موجودة ... ولا ننكرها .. لكنها قليلة .. بدليل .. لو النماذج دي كثيرة هل تعتقد إن دول الخليج مثلاً بالسذاجة اللي يخليها تُفضل المصريين في مهن كثيرة جداص وأولها المهن الطبية والإدارية والهندسية وتجعلهم أكتر جنسية موجودة ؟ .. اللهم إلا دبُي عشان طبيعة الشغل السبيط بتاع المعمار واللي بيحتاج عمالة كثيفة واللي بيستجلبوا لها عمالة رخيصة من الهند وبنجلاديش

لكن عندك السعودية مثلاً عددنا فيها يزيد عن المليون ...

وبالتالي لو الصورة عبارة عن حرب بين المصريين والمصري بيكره المصري اللي مثله وما إلى ذلك من الأساطير .. فهل جو مثل هذا هو جو صحي لإقتصاد البلد أو لبيئة صحيه في العمل ؟

ولا ننسى الجانب الثقافي والتعليمي أيضاً .. فمش معقول أجي لواحد كل شغلانته في الحياة وما بيعرفش غيرها هي التحميل والتنزيل أو حفر الأرض - مع إحترامنا لكل مثل هذه المهن - وأجي أكلمه عن مدي يد العون للأخرين وإن عليه ألا يُفضل الجانب المادي على الجانب الأخلاقي .. إلخ

[HassanAboali]

السلام عليكم هذا الموضوع تحديدا كان أول مشاركة لي بالمنتدي بعنوان أنتم مصريين غير كل المصرين إلي عرفتهم ولقد كانت الردود قاسية علي من الأعضاء وخاصة الأستاذ سي سيد وزعلت وإنصدمت من رده علي لأن بطبعي شخص يؤثر في الكلام جدا ولكن أعتبر أستاذ سي سيد أخ كبير واستفدت من مشاركاته ونصائحه كتير ربنا يبارك في عمره ومازلت لي رأي عنا كمصرين وأحتفظ به لنفسي حتي لا أزعل من رد أحد ومازلت أعتقد أن الفئة المشاركة باستمرار بالمنتدي يتسمو بصفات احترام ومد يد المساعدة قلما تجدها في أرض الواقع وأنا لا أستطيع أفوت يوم بدون الدخول إلي المنتدي

[ام مريومة]

السلام عليكم شكرا لكم جميعا على هذا الحماس في الرد واعتذر لأي احد قد اكون جرحت احساسه وحقا افتخر ان اكون مصرية وطبعا كل بلد فيها الكويس والوحش بس يمكن الواحد طماع شوية انه يشوف ابناء وبنات بلده دائما على القمة

طماعة بقه اعمل ايه

وطبعا انا لازم ابدأ بنفسي اولا ويعلم الله اني باحاول اني اكون سفيرة جيدة لبلدي في كل شيء

ربنا يوفقنا جميعا

وكله تمام بالصلاة على النبي

وسمعني سلام بلادي بلادي

[الباشمهندس ياسر]

ربنا يوفقنا جميعا

وكله تمام بالصلاة على النبي

اللهم صلى على محمد واله وصحبه

و تحيا مصر

الغالية عليا