قوارب الكوسة باللحمة المفرومة ..

[بندق أفندى]

دى بمناسبة انى شفت موضوع يسأل عن الكوسة ..

الكوسة تكون حجمها فى حدود 10 الى 12 سم طول وتكون تخينة ومكلبظة .. هنقطعها نصفين بالطول بعد التقشير لمن يهوى تقشير الكوسة (انا مش بأقشرها لأنه عشان أشتريها لازم تكون طازة أوى) .. ووضعتها فى ماء بيغلى وتخليها تغلى لمدة 5 دقايق .. بعدها نصفيها .. ونشيل القلب ونخليها عاملة زى القوارب ..

وهنرصها متجاورة فى صينية وهنحمل القوارب باللحم المفروم المعصج اللى عملناه كما يلى

هنعمل لها لحم مفروم معصج .. لحم مفروم مع فلفل أسود مع بصل مع عصير ليمون نع ملح مع عصير طماطم .. مع زبدة أو زيت حسب الرغبة .. وممكن تحطى عليها صنوبر لو تحبى ..

لحد كده ممكن تدخليها فرن حار على درجة 200 درجة ..

غطيتها بجبن موزاريلا وجبن بارميزان

وندخلها الفرن حتى تحمر وبالهنا والعافية ..

تم تعديل 18 فبراير 2009 بواسطة بندق أفندى

[se_ Elsyed]

كمل جميلك وجاوب على تساؤلات أخوك المحتار س س :

1- القوارب دي بتتقدم جنب رُز ولا معكرونة - على رأي اللبنانيين ؟

2- الجبنة .. مش دي المفروض نحطها على الوش لما الإختراع يقرب يستويي ؟

هاجرب الإختراع ده بكره في العيال ولو عاشوا لحد يوم السبت هابقى أقول لك عالنتيجة ..

[HDarwish]

كل مرة أقول توبة عدت أدخل مواضيع الطبخ دي ... وأرجع أدخل وأندم إني دخلت تاني

الواحد يهرب من أكل المطاعم لأكل العزاب (اللي ما بيعرفوش يطبخوا) ... لحد ما كره الأكل كله وأمنيته الوحيد لو ينفع يعيش من غير أكل.

بندق أفندي بجد بحييك على وصفاتك الهايلة دي ... شكلي هاسيب الكويت واروح الدمام علشان خاطرك إنت بس

تحياتي

[بندق أفندى]

كمل جميلك وجاوب على تساؤلات أخوك المحتار س س :

1- القوارب دي بتتقدم جنب رُز ولا معكرونة - على رأي اللبنانيين ؟

2- الجبنة .. مش دي المفروض نحطها على الوش لما الإختراع يقرب يستويي ؟

هاجرب الإختراع ده بكره في العيال ولو عاشوا لحد يوم السبت هابقى أقول لك عالنتيجة ..

شوف يا سى السيد بك .. الكوسة مسلوقة واللحمة متعصجة .. يعنى كله مستوى .. دخولها الفرن مع الجنبة عشان اللون واستكمال النكهة يعنى مش محتاجة وقت كتير

تتقدم جنب رز أحسن .. دى كانت مع كتف ضانى وسلطة بس ..

[بندق أفندى]

كل مرة أقول توبة عدت أدخل مواضيع الطبخ دي ... وأرجع أدخل وأندم إني دخلت تاني

الواحد يهرب من أكل المطاعم لأكل العزاب (اللي ما بيعرفوش يطبخوا) ... لحد ما كره الأكل كله وأمنيته الوحيد لو ينفع يعيش من غير أكل.

بندق أفندي بجد بحييك على وصفاتك الهايلة دي ... شكلي هاسيب الكويت واروح الدمام علشان خاطرك إنت بس

تحياتي

الله يخليك يا هتش ..

بس خليك فى الكويت أحسن انا قربت أطفش من الغربة هنا .. صحيح مفيش زحمة زى جدة ولا تلوث جدة .. بس هنا غربة مزدوجة

[السويفي]

السلام عليكم:

شيلو الراجل ده من وشي.... :)

هموتك يا كابتن ازا عملت كده تاني

انا جعاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااان :huh:

تم تعديل 18 فبراير 2009 بواسطة السويفي

[fatfouta]

تسلم ايدك يا بندف باشااا مش افند

سهلة وجميلة واكيد هتبقى لذيذة هجربها بكرة ان شاء الله بس بلاش الضانى عشان مش بحبه

يا بخت مراتك بيك والله

[ترنيم]

والله يا بندق أفندى ممتعنا بأطباقك الجميلة ......

هجربها بإذن الله وأعرفك النتائج ........

بس لى سؤال بصفتك خبير ....إيه أحسن نوع لزيت الزيتون لأن أنواعه هنا فى المولز بتاعت جدة بالهبل وأنا مش عارفة أختار :sad: :sad: :unsure:

وقولت قبل كده إنك زهقت من التدوير على لحمة كويسة .........طيب وصلت لإيه فى الآخر لأننا لايصين هنا والأنواع الى بنشتريها

من هايبر بنده أو كارفور بناخد فيها كل مقلب والتانى ......الله ينور wst:: wst::

معلش أنا طولت عليك ..بس إحنا فرصة اننا لاقيناك وهنستغلك أسوأ استغلال :roseop:

بالمناسبة هو حضرتك بتشتغل إيه؟؟!!! :) :blink: :blink:

[بندق أفندى]

السلام عليكم:

شيلو الراجل ده من وشي.... mf-:

هموتك يا كابتن ازا عملت كده تاني

انا جعاااااااااااااااااااااااااااااااااااااااااااااااااااااااااااااااااااااااااااااا

اااااااااااااااااااااااااااااااااان

نعلش يا سويفى العين تأكل قبل الفم دائما .. انت اتفرج هنا وكل فى حتة تانية .. :wub:

[بندق أفندى]

تسلم ايدك يا بندف باشااا مش افند

سهلة وجميلة واكيد هتبقى لذيذة هجربها بكرة ان شاء الله بس بلاش الضانى عشان مش بحبه

يا بخت مراتك بيك والله

الله يخليكى يا فتفوتة هانم .. هى فعلا لذيذة أوى .. وأحد أخواتنا أول ما عملتها بتقول خليتها مقرر لمدة 3 أيام من كتر الطلب عليها ..

أما بقى حكاية يا بخت مراتى بى الرجل اللى بيطبخ سلاح ذو حدين ممكن يبقى ناقد كبير ويبقى متعب .. بس الحمد لله بالرغم من انى بأعرف أخرج اكلة كويسة انما نفسى حلوة ممكن آكل اى أكل .. خصوصا لو مفروض على .. بس زوجتى أستاذة كمان فى المطبخ .. كما حماتى كما أمى كما أخواتى كما خالاتى .. وكلهن من مدرسة جدتى رحمها الله ..

طبعا أنا بأسهل عليها الأمور فى المشتريات (حتى هى تقولى انت أروبة أوى .. بس بنختلف فى الفاكهة .. انا بأحب الفاكهة خضراء وجامدة ومززة وهى بتحبها مستوية .. ابنى زيى ..

كنت لا أحب الضانى ولا اطيقه .. لما جيت السعودية بدأت أتعامل معه .. ثم عشقته .. طبخه بطرق غير تقليدية .. بيخليه كمان حالة خاصة

[بندق أفندى]

والله يا بندق أفندى ممتعنا بأطباقك الجميلة ......

هجربها بإذن الله وأعرفك النتائج ........

بس لى سؤال بصفتك خبير ....إيه أحسن نوع لزيت الزيتون لأن أنواعه هنا فى المولز بتاعت جدة بالهبل وأنا مش عارفة أختار :sad: :sad: mf-:

وقولت قبل كده إنك زهقت من التدوير على لحمة كويسة .........طيب وصلت لإيه فى الآخر لأننا لايصين هنا والأنواع الى بنشتريها

من هايبر بنده أو كارفور بناخد فيها كل مقلب والتانى ......الله ينور wst:: wst::

معلش أنا طولت عليك ..بس إحنا فرصة اننا لاقيناك وهنستغلك أسوأ استغلال :wub: ;)

بالمناسبة هو حضرتك بتشتغل إيه؟؟!!! :blink: :blink:

شوفى يا ترنيم هانم .. أحسن زيت زيتون .. فيه نوعين واحد أسبانى هتجدى غلاف الزجاجة أخضر .. وشيك أوى .. مش متذكر اسمه بس فيها سى وأوه .. وبعده ساسو الزجاجة .. بس دول أغلى سعرا .. ودول سعرهم بيرجع للبراند نيم جنب الجودة ..

حلا لهذه النقطة تختارى الزيت على أساس انه معصور على البارد وكلما قلت نسبة الحموضة به كلما زادت قيمته .. وفيه أنواع كتير بينطبق عليها الوصف ده .. فيه أليسا .. وده تونسى وفيه السوسن وده سورى وفيه رحمة ..

لو عرفتى حد بيبيع زيت فلسطينى مش مغشوش .. اشتريه وانتى مغمضة لأنى جربته ذات مر ةوكان رهيب .. ولما غيرت الرجل كان مش حلو واضطريت أرجعه .. الزيت فى طبيعته بيكون لونه مائل للخضرة وله رائحة الزيتون وله طعم مميز .. وده بيكون معصور يدوى وعلى البارد وسعره مش بيكون غالى مقارنة بالأصناف الجيدة جدا .. لأنه الصفيحة 1 لتر بيكون سعرها فى حدود 360 الى 400 ريال .. فى حسن النوعين اللى ذكرت أغلى من 50 ريال للكيلو ..

أما مشكلة اللحمة لم أحلها .. واتجهت للضانى والأسماك بشكل أساسى .. وطبعا الفراخ مكتفين بالتموين من اللحوم اللى نجيبه من مصر كل ما حد يسافر .. وبس