اشمعنى الست ايوه اما الراجل بقى لأاااا؟؟؟!!!!

[ذهبية]

يااخت فتفوتة انا كلامى مش هيختلف كتير عن الاصدقاء طبعا متسافريش والسبب من وجهة نظر اخرى غير اللى اتقالت

لية تلبسى الليلة لوحدك انت و يبقى الحمل كلة عليكى من تربية الاولاد و متابعة دروسهم و اكل و شرب و و تكونى اب و ام فى نفس الوقت و تخسرى صحتك و جمالك و تكبرى بدرى و يجيلك امراض الدنيا من ضغطك لسكر لحرقة دم

شايفة الناس الكومل يا فتفوتة وحلوة منك يا ذهبية "تلبسي الليلة" هو ده

بالظبط اللى قالتهولي زوجتى العزيزة

و برضة بتطلعى انتى فى الاخر مقصرة والراجل ينسى كل دة و يقولك سايبنى لوحدى وانتى السبب لازم اتجوز ياترى تحبى ان دة يكون جزاتك بعد كل دة

لا خليكى معاة و طلعى عينة و خلية يشيل هم عيالة معاكى و لا هو يخلف و ينسى و طيرى النوم من عينة لحد ما يتهد و يقول حقى باسنانى

الله يسامحك بعد ما قولت عليكى الناس الكومل توصل لطلعى عينه

وطيرى النوم من عنيه كمان الله يسامحك يا ذهبية وربنا يعين اللى في بالي

"لو فيه حد يعنى"

ويخلف وينسي يا نهار مش فايت يا جدعان وحقي بسناني كمان معلش "بلاش

موضوع السنان ده لحسن باضرس"

هو فيه أيه يا ذهبية ؟ انتي جايا تهدي النفوس ولا أيه ؟ mf-:

انا مش قصدى براى دة انى اولع النفوس ولا حاجة انا قصدى انا باقول وجهة نظرى ان لية الست مطلوب منها هى دايما التضحية و عليها الحمل الكبير فى دة

مع ان الحياة الزوجية حياة مشتركة كل واحد لة نفس الحقوق والواجبات و التضحيات لية دايما انتم ايها الرجال لما يجى فيها ذكر التضحيات و تعالى على نفسك و حاسبى على جوزك و بيتك علطول تبصوا لدرو الست و تنسوا انفسكم

لية دايما الرجال متعودين ان الست تعطى ما هى كمان عايزة تاخد

هو صعب قوى على اى راجل انة يقول لمراتة معلش انا عارف انك تعبت معايا و مقدر تضحياتك علشانى و اوعدك انى اعوضك انا عارف انك تعبتى من الغربة و مقدر دة لكن انا مقدرش استغنى عنك و مقدرش ابعدعنك لان حياتى من غيرك ملهاش معنى لية مش قادر يقولها انا ممكن انزلك مصر تشوفى اهلك لكن انا فعلا مقدرش اعيش من غيرك دقيقة لانك كل حياتى

انما سهل قوى على اى راجل انة يقولها بصى انتى لو ما مشتى عدل و عرفتةى قيمتى و حافظتى عليا انا هاتجوز عليكى و اغيرك بواحدة تانية وعلطول يحط السكين على رقبتها

هو مسئولية البيت مش حياة مشتركةوحب يجمع بين اتنين لية ياايها الراجل مش حاسس ان كلامك بيوجع بيوجع قوى

زى ما انا باحبك و باحافظ عليك و حاطك جوة عيونى و اتنازلت عن حريتى و مستقبلى و سيبت اهلى علشانك المفروض انى الاقى منك ذرة تقدير بدة كلمة حلوة

اى ست فى العالم مش مستنية من الراجل الا كلمة حلوة او حتى انة ميقدرش يستغنى عنها انها تحس بالامان زى ما بتديلك دة من حقها انها تاخد دة

زى ما حسستك بالاستقرار و الامان و الحب وانت معاها من حقها تحس دة و انت معاها انك فعلا بتحبها و مقدرها ومتقدرش تعيش من غيرها هو مش دة حق طبيعى زى ما بتاخد تدى زى ماهى بتضحى انت كمان لازم تضحى علشانها واول تضحياتك انك متفكرنيش كل شوية ان اكبر نعمة عملتها انك لسة متجوزتش عليا وانى مطلوب منى احافظ عليك و على بيتنا لوحدى دى مركب واحدة انا و انت فيها مع بعض لا انا اقدر استغنى عنك ولا انت تقدر تستغنى عنى

مش حقنا ايهاالرجال ولا اصبح مستحيل

[osmel33]

مش حقنا ايهاالرجال ولا اصبح مستحيل

أنا موافقك يا ذهبية ومن حق كل زوجة أنها تستمتع بالكلام الحلو والعشرة الحلوة مع جوزها

بدون أى تعقيدات

بس أنا حابب أقول ملحوظة كده صغيرة لفتفوتة وكل زوجة عايشة مع زوجها خارج مصر

بصى على حياتك مع جوزك فى مصر وحياتك معاه بره مصر أيه الفرق ؟

أقولك أنا من واقع خبرة أنا في مصر كنت باشتغل 26 ساعة فى ال 24 ساعة

وكان خروجنا نادر وفى مناسبات محددة

لكن بره مصر على طول الويك اند أساسي فى الخروج وممكن تطلع فى دماغنا الساعة

12 بالليل في أى يوم آخد الولاد ونروح أي حتى على الكورنيش مطعم إن شا الله يارب نلف بالعربية

طبعاً الموضوع ده نو واي No Way يحصل في مصر

هل فيه فارق زى ده أنتى حسيتي بيه ؟ لو كان فيه يبقى القعاد مع زوجك أفضل ميت مرة

من رجوعك ولوحدك فى مصر ... وتقبلي تحياتي

[الباشمهندس ياسر]

انا كنت نايم فين لما الموضوع ده نزل

عموما ملحوقة ان شاء الله

لى عودة

و تصبحوا على خير

[alsaher]

بصراحة أنا قريت الموضوع والردود كلها

ومافيش كلام يتقال

لكن أنا عايز أقول كلمة عن الاولاد ، بعدي عن الراجل والست ، وغرائزهم

وهي

إنه الأولاد لو ماكانش الظروف قهرية ، ولو كان فيه أي حل ، عن تشتت الأسره

فبجد الأولاد لما يكبروا ، مش حيكونا مسامحين أهلهم على إنهم عاشوا نصين أو أرباع أو أي حاجه

يمكن الكلام ده ما يظهرش اوي ، لكن حيبقى موجود في داخلهم

لما يفتكرو طفولتهم ، وقعدتهم على السفره ناقصين ، أو لما يفتكر إنه في المدرسة طلبو ولي أمره ، فراح منادي عمه أو جده او خاله ، وبقمة الحرج

ولما يفتكروا إن أبوهم أو امهم كانوا بيشوفوهم كضيوف ، مرة بالسنة ، في إجازة شهر أو أكتر شوية او أقل

ما فيش سبب يغفر إن الأطفال يعيشه شبه اليتامى ، رغم إن والديهم لسة عايشين

[Virus]

لكن عارفه .. ليه تبنى حياتك على سؤال اسمه " اشمعنى ؟" اشمعنى انا .. اشمعنى هو .. ليه انا ... ليه هو ..

أيونننن...هي دي..اللي خاربة الدنيا

اشمعنى

لما يقولها لراجل لمراته..أو الست لجوزها

لما يقولها الأخ لاخوه أو لأخته

الصاحب لصاحبه

الموظف لزمايله

و..و..

اشمعنى هي النضارة السودة اللي بنحطها على عينينا عشان منشوفش حقوق الآخرين..

اشمعنى هي المخدر اللي بينسينا عجزنا وفشلنا ويرضينا عن حالنا..

اشمعنى هي أول منافذ الشيطان/النفس الأمارة بالسوء للإيقاع بين الناس...

============================================================

الأخت فتفوتة..

أنا رأيي إن المشكلة كلها في رد جوزك عليكي..حياتنا فيها أعراف وخطوط حمراء كثيرة لو فكرنا فيها هنتعب جدا

والمفروض إنه بعد أربع سنين مستحملة لما تطلبي الطلب ده يكون الرد أظرف من كده شوية..معلش استحملي شوية..أنا مقدرش أعيش من غيرك..وكده يعني

مش لما العيال تخلص أو أصل أنا هتجوز..ده رد غير موفق تماما

[somayasaleh]

الاخت العزيزة فاطمة

اياكي ثم اياكي ثم اياكي تفكري في انك تنزلي مع الاولاد وتسيبي زوجك لوحده

انا ح اكلمك عن خبره ١٥ سنه غربه......الاول كنا مع بعض لحد ما رزقنا الله بالطفل التالت...... وهنا زادات المسؤليات الماديه علينا حيث ان اولادي في مدارس انترناشينال

نزلت انا بالاولاد في مصر لمدة خمس سنوات..... وده كانت اسوء خمس سنين في حياتي....طبعا تعب نفسي وعصبي وجسماني رهيب وشيل مسؤليه اولاد تلاته لوحدي

واصعب حاجه الشعور بالغربه التي بدات بيني وبين زوجي والاولاد؟؟؟؟

وطبعا الشعور ده كان بسبب دخول امراة جديدة في حياة زوجي وانا بعيدة....... :blink:

طبعا لميت الاولاد ورجعت قعدت علي قلبه علشان ما يبصش كده او كده.

اوعي تعملي نفس غلطتي....انا ربنا سترها معايا ولحقت الموضوع قبل فوات الاوان.

مهما كانت الغربه عن الاهل والوطن صعبه......غربتك بدون زوجك اصعب بكتير....صدقيني

وبلاش اشمعني الراجل غير الست.... لان ربنا سبحانه وتعالي خلقهم مختلفين في كل شئ... وكل طرف له طبيعة مختلفة عن الاخر حتي يحدث الانسجام والالجذب بينهما

ربنا يوفقك لكل ما يحب ويرضي :unsure: