رخصة بناء

[الشامي]

ياجماعة الخير أنا اشتريت قطعة أرض بالتجمع بالمستثمرين تاريخ استلام الأرض شهر 4/2008 العام الماضي طبعا بالتوكيل بس هي تخصيص مش قرعه المهم كنت قلقان من ناحية موضوع الرخصة خصوصا أنهم بيقولوا ان الرخصة ليها مده اذا ماطلعت الرخصة تنسحب الأرض المهم طلعت الرخصة وفوجئت بأن مكتوب بالرخصة البناء خلال ثلاث أشهر

ولما ارسلت وسألت بالجهاز أخبرونا أنهم بيجددوا الرخصة مره واحده فقط ورسوم تجديد الرخصة الف جنيه ولمدة ثلاث شهور اخرى المهم الرخصة تنتهي في شهر 4/2009 واذا جددتها هدفع الف جنيه وتجدد لشهر 7/2009 ولمره واحده فقط .

وسألت على تصريح الحفر قالوا ان الحفر الآن بيتكلف في حدود عشر الاف جنيه علما بأن قطعة الأرض مساحتها 260م والسبب في ذلك ان الجهاز بيدي بونات للحفر علشان المقاول اللي بيحفر ميرميش الرمل في اي حته ويرميه في المقالب المخصصة لذلك

المهم علشان ماأطول عليكي انا حاسس اني غرقان ومش عارف ابتدي منين

ياريت لو في حد عنده خبره ويساعدني أكون له شاكره وجزاه الله خير الجزاء

المطلوب وبأختصار

من أين ابدأ وكيف انتهي

واذا بنيت بدروم وأرضي ودور اول كم يكلفني

وايه هيه الطريقه

والأحسن اتفق مع شركة ولا مقاول

وايه الأسعار المناسبه

باختصار اريد كل المعلومات من الألف للياء

وشاكر لكم سلفا كريم تعاونكم وفي أنتظار ردودكم

وشكرا

[الشامي]

معقول أكثر من سبعين مشاهده وقراءة للموضوع ومفيش حد رد بجمله واحده

أرجو من الأخوه الأعزاء المساعدة والرد

وشكرا

[tanash]

السلام عليكم

الاخت الكريمة علي حسب قوة تحملك للصنيعيه والمقاولين يعني لو اعصابك تتحمل التعامل معهم ادخلي في هذا الامر وعلي بركة الله اما ان كنت لاتتحملي اسالي اقاربك او معارفك عن مقاول مشهود له بالنزاهة ومواعيده مضبوطة ويمشي معاك خطوة خطوة وانا في الجزء اللي بنيته عملت كده مشيت مع مقاول خطوة خطوة

وربنا يوفقك

[الشامي]

الأخت دانش

شكرا على أهتمامك وردك عليه

ممكن طلب بأن تكتبيلي أسم المقاول ورقم تلفونه وعنوانه إن أمكن

وشكرا

[tanash]

السلام عليكم

المهندس اللي عمل لي الاساسات بيشتغل في العبور والشروق اعتقد بعيد عن التجمع

دا غير ان مواعيده صعبة جدا وغير ملتزم باي مواعيد براحته علي الاخر

لو حد من طرف الاقارب او المعارف بيكون افضل وعموما سوف اتصل بالمهندس ولو هناك امكانيه للتواصل معه

ان شاء الله ساخبرك ولكن مواعيده تنقط

وبالتوفيق وربنا يعينك ان شاء الله

[أشرف محمد]

بسم الله الرحمن الرحيم

الأخ الكريم / الشامي

تحية طيبة وبعد 000

معظم أسئلة حضرتك موجود إجابتها في موضوع كل ما يهم المستثمر من أمور البناء و أنا تحت أمرك في أي أسئلة أخرى لم تجد لها إجابة في الموضوع المذكور مع إعتذاري في التأخير عن الرد 0

شكراً مع خالص تحياتي

مهندس / أشرف محمد