عرض علي احد الاشخاص السعودين مشروع في جده

[مغترب]

السلام عليكم ورحمة الله وبركاته ،

اخواني حابب استفسر منكم على شيء

عرض علي احد الاشخاص السعودين مشروع في جده

وهو عباره عن فتح محل خاص بالحاسب الالى وساكون انا المسئول عن كل شيء في المحل

زي المشتريات والصيانه والبيع وخلافه

يعني اختصار كلامه الشغل مناصفه بس هوا مش حيكون معايه غير بشكل صوري ومش حيكون موجود بالمحل

فايه رايكم اقبل العرض ولا لأ ، ولا قبلته اطلب كام راتب

وايه المفروض عليه من احتياطات اخدها قدام الوظيفه دي

وانا مهندس كمبيوتر ومصمم جرافيك ومواقع واعمل في المجال اكثر من 8 سنوات بقالي فتره

تم تعديل 18 فبراير 2009 بواسطة عصام

[ozoozo]

اخي العزيز انا الكلام ده سمعته من احد الزملاء من حوالي 4 او خمس شهور وكان اسمه شباره علي ما اظن وكان جايب فيزا عامل منزلي ولما جه هنا اتبهدل اخر بهدله وكل الاحلام الورديه طلعت فشنك فخلي بالك

1-الفيزا لازم تكون مهندس وسيبك من سواق وحداد وزبال والكلام الفاضي ده وقصه استني لغايه مانفتح المحل ...اصل مفيش فيز

2-لسه كان في المنتدي موضوع من يومين واحد بيسأل عن مرتب المصممين واعتقد 8 سنين خبره لا تساوي باي حال من الاحوال اقل من10 الاف اساسي و3 شهور بدل سكن واعتقد ان محل زي ده عمره ماهيدفع حاجه زي كده

3-رايي الشخصي طبعا بلاش يعني ايه اللي يخلي مهندس من الاخر يجي يشتغل في دكانه؟؟؟؟؟؟؟؟؟؟؟

[capitshino]

اعرف واحد مهندس زراعى عمل زيك كده

واحد قاله نعمل مزرعة والخير هيعم والكلام الفاضى ده

ولما عمل له المزرعة ووقفت على رجليها وبدات انتاج الراجل قاله جزاك الله كل خير ومع الف سلامة

...

فيزا مهندس زى ما الاخ الفاضل قالك

مرتب محترم

بدل سكن 3 شهور على الاقل

بدل مواصلات

تذاكر طيران لك وللاسرة او فردين على الاقل (4 تذاكر) / سنويا

تامين

ساعات دوام محددة لا تزيد عن 8ساعات بما انك انت المسئول الاول بالمحل

وباقى الزملاء يقولو لك رائيهم برده