ليه - أحيانا - اللى بتقول له "ربنا يهديك" بيزعل ؟

[سهل جدا]

*

*

*

لفت نظري في كثير من المنتديات (لاسيما المصرية) وفي الواقع أيضا أن أكثر المصريين يغضبون حينما يقال لأحدهم: (ربنا يهديك)

فيظن أنها سبة.. أو انتقاص

فما هو السبب في ذلك ؟؟

أليست هذه دعوة تعني سؤال الله الهداية ؟؟

وهل منا أحد يفتقر إلى الهداية؛ حتى لو كان مستقيما

ألم يقل الله عز وجل: {وَالَّذِينَ اهْتَدَوْا زَادَهُمْ هُدًى}

يعني في كل الأحوال نحن مستفيدون من هذه الدعوة؛ ولعلها تخرج من قلب صادق فتكون سببا في الهداية والسعادة في الدنيا والآخرة ..

مش كده يا جماعة ولا إيه

ردوا علي ربنا يهيدكوا

:)

*

تم تعديل 19 فبراير 2009 بواسطة أبو محمد
تغيير العنوان بموافقة الكاتب لإزالة التعميم "للزعل" والتخصيص "للمصرى"

[aimen]

لما الدعوة تكون طالعة من واحد كداب او ظالم أو واكل حقوق الناس تبقى مقبولة ؟؟؟

اقسم بالله كان صاحب الشغل فى الرايحة والجايه الله يهديك الله يهديك ....كل مايشوف وجهى ...لغاية لما مرة قالها لى واحنا رايحين الجامع تقريبا وكان الكيل فاض بى ...قلت هو حضرتك شايفنى من الكفار ولا ايه ؟؟

لما يكون الكلام مقصود به السخرية يبقى من حقى ازهق

لما يكون الكلام بالهداية طالع من منافق وكذاب يبقى من حقى ازهق ...لما يبقى الكلام طالع من واحد ذقنه طولها متر وعمال يقول قال الله وقال الرسول ...وعامل لى فيها امير المؤمنين يبقى من حقى ازهق ......

فتكم بعافية

[MZohairy]

ربنا يهديك

و ربنا يشفيك

كلها جمل ظاهرها الدعاء و باطنها اتهام بعدم الهدايه او بالجنون او بأي أمر آخر

و كل واحد و نيته طبعا

دعواتي للجميع بالأمن و الأمان

[لولا]

فى المنتديات يا استاذ سهل عندما تصدر كلمه كهذه فهى تصدر لأن احد الطرفين يعتقد ان فكره ورأيه هو الحق الأوحد ..بالتالى هو ينهى الحوار دائما

بتلك العباره المفهوم جدا الغرض منها " ربنا يهديك " على اساس طبعا ان الطرف الآخر فى ضلال يحتاج معه الهدايه.

عموما ..

فى المنتديات يفترض بالنقاش ان يقابل الحجه بالحجه الفكر بالفكر ومن غير اللائق ان تخاطب محاورك وتقول له ربنا يهديك لأننى ارى ان لا محل لها

من الإعراب فى المنتديات . لا احد سيشق عن قلب احد ويعرف النوايا ولكن لأن الكلمه اصلا وبنسبه 99% تستعمل لإظهار ان محاورك على ضلال

فمن البديهى جدا ان دعوتك لن تكون ال 1% التى يجب ان يأخدها المتحاور معك انك ابدا لا تقصد من وراءها اى همز او لمز او انتقاص ..

ما يمكن ان تزعج به الآخرين لا اجد هناك داعى لإستخدامه ويمكن الدعاء بالهدايه فى السر :unsure:

تحياتى

لولا

[aimen]

نسيت اقولكم ان صاحب الشغل دا كان مصرى للأسف

[alsaher]

أستاذي سهل جدا

بصراحة هو الدعاء بالهداية كلنا بندعيه لنفسنا ، بدليل أغلب الدعاء بيبدأ باللهم إهدنا في من هديت

لكن اللي يزعّل موقع الدعاء في الحديث

يعني مثلا لما يكون س و ص من الناس ، عمال بتناقشوا في موضوع معين ، أو بيتعاتبوا في موقف معين ويصدر من س دعوة زي ربنا يهديك

دي طبعا تعتبر تعالي من الطرف ده ، وإفتراض إنه على هدايه والطرف الآخر لأ !!

وده منطق مرفوض

فليس منا من هو متيقن من صلاحه ، وفساد الآخرين ، ولكن كل منا يحاول الوصول للحق بتفكيره ومعتمد على ما لديه من ثوابت ومتغيرات

فمثلا ، انا شاب من جيل اليومين دول ، زي ما بيحب البعض تسميتنا :unsure:

كنت بمظهر عادي بالنسبة لي ، غير عادي للبعض ، ببساطه غير ملتحي ، وبشعر طويل ، >> نعمل إيه ما إحنا جيل ما يعلم بيه إلا ربنا

لبسي برضو زي لبس الولاد بتوع اليومين دول :blink:

كان في راجل متدينفي مظهره (الله أعلم بما داخله ) جاري ، وكنت أنزل اصلي الفجر ، في المصلى اللي تحت البيت

كنوع من الإحترام للراجل اللي بسن والدي ، لما أعدي من جنبه ، أقول السلام عليكم ، مع إنو عمره ما رد عليّ السلام :)

يرد عليّ ، هداك الله وأصلح حالك

مع العلم أنه لا يعرفني ولا أعرفه ، ولا يعرف عني أي حاجه

طيب هنا انا المفروض أقول إيه

كنت أقابل الموقف بإبتسامة بإمتعاض

هل برأيك الدعوة هنا في محلها ؟؟؟

تم تعديل 18 فبراير 2009 بواسطة alsaher

[سهل جدا]

طيب .. حسنا يا جماعة؛ فلنبدأ من البداية

هذه الكلمة التي من أجلها فتحت الموضوع (ربنا يهديك) بطلاها اثنان:

الأول: القائل

الثاني: المتلقي

كلكم ركزتم على القائل، وقلتم إنه ممكن يكون منافق أو بيفرض رأيه أو ... أو....

ولم تطرقوا للحديث عن المتلقي أبدا

طيب ما هو ممكن المتلقي يكون فعلا محتاج للدعوة دي, وحتى لو هو صالح فهي زيادة خير كما ذكرت في الموضوع الرئيسي ..

وبعيدا عن الداعي والمدعو له ,والدخول في النوايا وما إلى ذلك

الكلمة في حد ذاتها كلمة طيبة, ولا تستحق كل هذا الزعل

يعني لو واحد مختلف معاك وقالك مثلا ربنا يوسع رزقك هل ستغضب منها ؟؟

لا أعتقد

لكن لفظة ربنا يهديك ديه مش عارف الشيطان ليه ربطها في أذهاننا كمصريين بالضلال

لدرجة إن في ناس كثير لما حد يقولها ربنا يهديك (حتى لو كان القائل من أحسن الناس) .. يقول: ليه هو انت شايفني مجنون!!

واللي يأكد كلامي ده إن السعوديين مثلا لا يتضايقون من هذه الكلمة؛ بل هي على ألسنتهم دائما, ولم نسمع نكير من الآخرين عليها..

وربنا يهدينا جميعا لما يحب ويرضى

[لولا]

تقول الحديث عن المتلقى ..

حسنا ..

عندما يتناقش اثنان فى موضوع التعدد للرجل ويقول احدهما يجب مراعاه ظروف كثيره فيه فى زمن مثل الذى نحن فيه ويطول النقاش ويطوووووووووووووووووووووووووول

ثم يوجه احدهما الخطاب للآخر فى النهايه "ربنا يهديك " كيف يفترض بالمتلقى ان يأخذ الكلمه ؟؟

انتا بدأت الموضوع انك لاحظت ذلك فى المنتديات وانا اتحدث

عن مثال حى من مواضيع المنتديات .. وعليه من قيم المتلقى هنا ؟؟ الطرف المحاور الآخر الذى رأى وجوب الهدايه له ام القراء جميعا على كثرتهم ؟؟

اكررها كما انا مقتنعه جدا بها .. فى المنتديات هذه الكلمه هى اسلوب انتقااااااااااااااااااااااااااااااص مرفوض وليس لها مكان من الإعراب فى الإستخدام فى النقاشات

الحواريه فى اى موضوع حفاظا على احترام كل طرف لفكر الآخر ومساحه حريته فى التعبير دون انتقاص له ورميه بالضلاله .

تحياتى

لولا

[alsaher]

أستاذ سهل جدا

بغض النظر عن المتلقي والقائل

أي حوار بين طرفين ، عندما يقوم طرف بقطع الحوار بقوله الله يهديك

هو بمثابه إعلان نتيجه الحوار بان هذا الطرف على حق والآخر على ضلال ،

وهذا مرفوض ، طبعا

وكمان مواقع كتير ،

يعني إنت إيه رأيك باللي بأقول له سلام عليكم

ويرد ربنا يهديك ، أو هداك الله !!!!!!

[aimen]

الأسلوب وطريقة العرض هى المشكلة

[سهران]

لكل مقام مقال ......... و بالتالي دعوة ربنا يهديك لما أقولها لأبني الصغير و أنا حاضنه و باديله جرعة حنان طبعا دعوة جميلة و مقبولة ......... لكن لو باختلف معاه و باناقشة في أفعال أرى من وجهة نظري أنها أفعال غير متزنة يبقى الدعوة لفت نظر له بأنه على غير هدى و تنقصه الهداية ........ لكل مقام مقال.

حتى لو حضرتك متأكد أن اللي بتحاوره على ضلال ( مثلا ) فلا ينبغي في مثل هذا المقام ذكر هذه الدعوة لأنها ستمثل أستفزازا و أنتقاصا من قدره .

تحياتي للفاضل سهل جدا :unsure: ....... ربنا يهدينا جميعا .....قول يا رب .

تم تعديل 18 فبراير 2009 بواسطة سهران

[dawn walker]

ليه المصري بيزعل لما حد يقوله: (ربنا يهديك)؟

مش كل المصريين بيزعلوا

عن نفسى اللى بيقولهالى ...اقول له

ربنا يهدينا اجمعين

[أبو محمد]

أستاذ سهل جدا

بغض النظر عن المتلقي والقائل

أي حوار بين طرفين ، عندما يقوم طرف بقطع الحوار بقوله الله يهديك

هو بمثابه إعلان نتيجه الحوار بان هذا الطرف على حق والآخر على ضلال ،

وهذا مرفوض ، طبعا

وكمان مواقع كتير ،

يعني إنت إيه رأيك باللي بأقول له سلام عليكم

ويرد ربنا يهديك ، أو هداك الله !!!!!!

الاستاذ الفاضل / الساهر

رأيك متفق مع جميع "المصريين" فى هذا الموضوع .. فهل أنت "مصرى الهوى" ... ولاَّ بلاش "الهوى" دى أحسن حد يطلع يقول "ضل ابو محمد وغوى" ... ويدعيلى بالهداية .. ولو إنى سأؤمِّن على دعوته :unsure:

الأستاذ الفاضل / "سهل جدا"

أظن بعد اتفاق الفاضل "الساهر" _ وهو أخ فلسطينى عزيز - مع باقى "المصريين" فى الرد على سؤالك فمن المستحسن أن تراجع العنوان إلى (ليه - أحيانا - اللى بتقول له "ربنا يهديك" بيزعل ؟) .. لو احتجت أى مساعدة فى تغيير العنوان يسعدنى مساعدتك

[newcomer]

فى علم المعنى فى اللغويات

فيه اسئلة كتير مهمه.....من ضمنها

من مين ......لمين......ازاى....الخ

علشان نفهم معنى الكلام.....ده حتى نبرة الصوت و تعبير الوش بتأثر فى المعنى ......

فبالرغم من جمال معنى الدعوة دى

لكن الحقيقة ..... المعنى المقصود بيكون مستفز ( زى ما الزملاء الافاضل وضحوا)

و غالبا بيكون القائل و المتلقى فاهمين بعض كويس اوى !! :wub:

[ghallab]

*

*

*

ردوا علي ربنا يهيدكوا

*

:wub:

[لولا]

لكن الحقيقة ..... المعنى المقصود بيكون مستفز ( زى ما الزملاء الافاضل وضحوا)

و غالبا بيكون القائل و المتلقى فاهمين بعض كويس اوى !! :wub:

وازود كمان يا نيوكمر انى اللى بيقرا كمان بيبقى بردو فاهم ;)

[alsaher]

الاستاذ الفاضل / الساهر

رأيك متفق مع جميع "المصريين" فى هذا الموضوع .. فهل أنت "مصرى الهوى" ... ولاَّ بلاش "الهوى" دى أحسن حد يطلع يقول "ضل ابو محمد وغوى" ... ويدعيلى بالهداية .. ولو إنى سأؤمِّن على دعوته

الأستاذ الفاضل / "سهل جدا"

أظن بعد اتفاق الفاضل "الساهر" _ وهو أخ فلسطينى عزيز - مع باقى "المصريين" فى الرد على سؤالك فمن المستحسن أن تراجع العنوان إلى (ليه - أحيانا - اللى بتقول له "ربنا يهديك" بيزعل ؟) .. لو احتجت أى مساعدة فى تغيير العنوان يسعدنى مساعدتك

أستاذي الفاضل أبو محمد

أنا كنت عايز أقول عم أبو محمد بس خوفت أكبر حضرتك في السن

لكن فعلا ما ركزتش على حكاية إنو العنوان مكتوب بيه (المصري)

وجاوبت عليه كشخص ، وعلى الفكره

بمنأى عن أي إنتماء :wub:

عموما أعتز بفلسطينيتي ، وأعتز بحبي لمصر

وأولا وأخيرا أعتز بفكري ، فأنا أعتقد أني هنا فكر بغض النظر عن أي شيء تاني

[مغتربة]

هذه المقوله اذا قيلت اثناء مناقشه بين طرفين فليس لها معنى الا ان الطرف القائل لها يحسم الموقف على انه هو الذى على حق و الاخر على ضلال و بالطبع مصادره الحق بهذه الطريقه مرفوض جمله و تفصيلا و لو قصد فعلا الهدايه او الرشاد فما عليه الا ان يجعلها دعوه عامه شامله لهم هما الاثنين

كان يقول ربنا يهدينا جميعا لما فيه الرشاد

فلا احد فى غنى عن هدايه الله له

[سهل جدا]

عندما يتناقش اثنان فى موضوع التعدد للرجل ويقول احدهما يجب مراعاه ظروف كثيره فيه فى زمن مثل الذى نحن فيه ويطول النقاش ويطوووووووووووووووووووووووووول

ثم يوجه احدهما الخطاب للآخر فى النهايه "ربنا يهديك " كيف يفترض بالمتلقى ان يأخذ الكلمه ؟؟

أنا مش عارف موضوع التعدد ده جات سيرته في تعليقاتك كثير ليه ..

حتى في موضوع دستة العيال جبتي سيرة سمنة المرأة وربطيها بكثرة الخلفة , وأنا عديتها قلت يمكن صدفة

ثم تبين لي الآن إنك تقصدي المثال اللي ذكرته في الموضوع إياه

مع إني ما افتكرش إني شوفت ليكي مشاركة في موضوع التعدد ده خالص

طيب ليه ما دلوتيش بدلوك في الموضوع

ولا أقولك بلاش .. عارف رأيك من غير ما تقولي mf-:

نرجع للموضوع بتاعنا

اكررها كما انا مقتنعه جدا بها .. فى المنتديات هذه الكلمه هى اسلوب انتقااااااااااااااااااااااااااااااص مرفوض وليس لها مكان من الإعراب فى الإستخدام فى النقاشات

معليش سؤال بسيط، أأمل من حضرتك الجواب بنعم أم لا, هل لو قلت لحضرتك: ربنا يهديكي ويهديني , بردو هاتزعلي ؟

تم تعديل 19 فبراير 2009 بواسطة سهل جدا

[سهل جدا]

أستاذ سهل جدا

بغض النظر عن المتلقي والقائل

أي حوار بين طرفين ، عندما يقوم طرف بقطع الحوار بقوله الله يهديك

هو بمثابه إعلان نتيجه الحوار بان هذا الطرف على حق والآخر على ضلال ،

وهذا مرفوض ، طبعا

ليس بالضرورة أن يكون إعلانا بانتهاء الحوار؛ وعلى فرض إنه حصل , ممكن الآخر يبلعها ويستأنف الحوار من جديد

يعني مثلا لو قالوا ربنا يهديك , التاني يقول: ربنا يهدينا وإياك , ويكمل الموضوع

ليه المصري بيزعل لما حد يقوله: (ربنا يهديك)؟

مش كل المصريين بيزعلوا

أظن بعد اتفاق الفاضل "الساهر" _ وهو أخ فلسطينى عزيز - مع باقى "المصريين" فى الرد على سؤالك فمن المستحسن أن تراجع العنوان إلى (ليه - أحيانا - اللى بتقول له "ربنا يهديك" بيزعل ؟) .. لو احتجت أى مساعدة فى تغيير العنوان يسعدنى مساعدتك

بالفعل هو التعميم مش كويس, لكن كنت أقصد الأغلبية كما لاحظت ذلك ..

والأمر يرجعلك يا أبا محمد , حبيت تغير العنوان ما عنديش مشكلة ..