رجاء من المغتربين في قطر ... ساعدوني

[مها صبري]

السلام عليكم

انا فرحانة قوي اني سجلت في المنتدى الجميل ده انا لسه ضيفة جديدة وعندي مشكلة نفسي تساعدوني على حلها انا مصرية متقدم لخطبتي محاسب بيشتغل محاسب في قطر في شركة اسمها الميرة وهو انسان كويس بس انا مكسوفه اسأله عن الراتب بتاعه ياترى مفيش حد من حضراتكم يعرف راتب المحاسب في الشركة دي كام ارجوكم ساعدوني علشان اقدر اخد قرار ربنا يخليكم وألف شكر ليكم جدا

تم تعديل 19 فبراير 2009 بواسطة مها صبري

[Emo]

أختي العزيزة مها..

أولا صباحك بخيرات الكون كله يارب..

ثانيا..

نصيحة مني بلاش تعرفي موضوع راتب خطيبك من مصدر غيره..عشان هو مفترض فيك العكس..

فمتحاوليش تتحايلي لمعرفته..

ولو هو يفرق معاكي اووي بإيدك تخلي باباك يسأله..

او بإيدك تسأليه بطريقة غير مباشرة..( كأن مثلا تقليله مش عاوزة اطول عليك ف التلفون محنا مش هنصرف ال 2000 درهم (او اي رقم )اللي بتخدهم ف التلفون) يعني كده ممكن تخليه يقلك من نفسه..لا ومين قالك اني بقبض كده..انا بقبض كذا...

مانفعش الطريقة الغير مباشرة يبقى مالكيش الا وش..

حضرتك بتقبض كام..(ده مدام الموضوع فارق معاكي اووي)

ولو عاوزة رأيي ..كبري دماغك من موضوع الراتب ده كله..استمتعي بحياتك ياعروسة وسيبه هو يدبرلك معيشتك..ربنا يوفقكم ويسعدكم ويجمع بينكم في كل خير وسعادة..

[osmel33]

السلام عليكم

انا فرحانة قوي اني سجلت في المنتدى الجميل ده انا لسه ضيفة جديدة وعندي مشكلة نفسي تساعدوني على حلها انا مصرية متقدم لخطبتي محاسب بيشتغل محاسب في قطر في شركة اسمها الميرة وهو انسان كويس بس انا مكسوفه اسأله عن الراتب بتاعه ياترى مفيش حد من حضراتكم يعرف راتب المحاسب في الشركة دي كام ارجوكم ساعدوني علشان اقدر اخد قرار ربنا يخليكم وألف شكر ليكم جدا

الأخت مها أنا مش عارف طلبك غريب جداً جداً

أنتى هاتتجوزي الراجل ولا هاتتجوزي مرتبه ؟

وأنا ماعتقدش أن فى بداية التعارف للإرتباط بيكون متاح معرفة راتب الزوج وخلافه

إلا إذا صرح بيه العريس مسبقاً لكن الموضوع ده بيجي مع العشرة

وللعلم أنا أعرف ناس كتير من أصدقائي وولادهم فضلة خيرك كده فى ثانوي

وزوجاتهم ما يعرفوش هما رواتبهم كام

معلومة ليكى شركة الميرة شركة كبيرة ينفع ؟ ولا ماينفعش ؟

[osmel33]

ولو عاوزة رأيي ..كبري دماغك من موضوع الراتب ده كله..استمتعي بحياتك ياعروسة وسيبه هو يدبرلك معيشتك..ربنا يوفقكم ويسعدكم ويجمع بينكم في كل خير وسعادة..

با أحييكي يا إيمو على الكلام ده :wub:

[herohero]

الاخت العزيزة انا ليا صديق دراسه هناك في شركه الميرة ف قطاع نظم المعلومات يعني مسئول عن قواعد البيانات وكده واللي اعرفه انه مرتاح ف الشركه ومعاه زوجته يعني الشركه مستقره انما محاولتك لمعرفه الراتب بصراحه لو انا خطيبتي طلبت مني كده هقولها بس هابقى متضايق يعني من الافضل انك تحطي شرط الراتب يعني لو مرتبك اقل من 7000 ريال مش هقبلك وكده يعني وساعتها مش عارف هل انت هتكوي مقدمه ع خطوة الجواز ولا صفقه انا مازلت مستغرب جدا من سؤالك انت لكي تعيشي كويس وهنفترض ان مرتبه كبير جدا فجاه مشوه من الشغل يبقى هتطلبي منه انه يفسخ الخطوبه يا اختي العزيزة الفلوس بتروح وبتيجي وبلاش فكره اننا وافقنا ع الارتباط عشان انت جاهز للاسف عندنا ف مصر بقت منتشره النقطه ده فبلاش لان عواقبها مش كويسه وافقي ع شخصيه اللي ادامك لما هيكلمك مش هيكلمك بمرتبه لما هيحل معاكي مشاكل هتواجهكم مش هيحلها بمرتبه الماديات مهمة لكن مش هي اساس الموافقه نصيحه من من مر بمثل هذا الموقف صدقيني هيفضل حاططها ف دماغه انك وافقتي عليه عشان الفلوس وساعتها ف كلام تاني ادرسي شخصيته كويس ده المهم

[مها صبري]

مش كنت متوقعة ردودكم السريعة دي ربنا يخليكم على اهتمامكم مش عارفة اقولكم ايه ده حببني اكتر في المنتدى . انا والله مش مادية ولا باعتبر الراتب ده شرط للجواز هو شخص محترم وطيب بس عارفين هو حب استطلاع مش اكتر بس ارائكم بتنم عن ناس عاقلة جدا فعلا الواحد يعتمد عليكم في اي مشكلة ربنا يخليكم الف شكر ليكم على ردودكم

[osmel33]

مش كنت متوقعة ردودكم السريعة دي ربنا يخليكم على اهتمامكم مش عارفة اقولكم ايه ده حببني اكتر في المنتدى . انا والله مش مادية ولا باعتبر الراتب ده شرط للجواز هو شخص محترم وطيب بس عارفين هو حب استطلاع مش اكتر بس ارائكم بتنم عن ناس عاقلة جدا فعلا الواحد يعتمد عليكم في اي مشكلة ربنا يخليكم الف شكر ليكم على ردودكم

احنا حاضرين على طول بس بلاش موضوع حب الإستطلاع ده عشان ماتخسريش

واحد أنتى بتقولى عليه أنه إنسان كويس

[dongol]

يا أختي العزيزه الرسول عليه الصلة و السلام بيقول " اذا جاءكم من ترضون دينه و امانته فزوجوه الا تفعلوا تكن فتنه في الارض و فساد كبير"

يعني ما قالش دوري علي مرتبه بياخد كام

و حتي لو راتبه قليل اهم حاجة التفاهم و السعاده و انه مش هيبهدلك معاه

بجد نظره البنات دلوقتي بقت ماديه جدا

[Melhakim]

موضوع مستفــــــــــــــــــــــــــــــــــــــــــــــــــــــــــــــــــــــــــــ

ـــــز

[semsem]

مها ربنا يوفقك فى الزواج ان شاء الله ,وسؤالك هذا منطقي ولا يعبر عن كونك مادية على الاطلاق لانه ببساطة اذا قررت الزواج من هذا الخاطب فان شكل الحياه بينكما ستتحدد بهذا الراتب ولا تتسرعي وتفهمي انا بفصد الشكل المادي بس فى جوانب اخرى يجب السؤال عنها مثل:

هل راتبه يوافق الحد الأدنى الذى تسمح به الدولة لقبول طلب الأستقدام, لو كانت الأجابه بنعم يبقى خير وبركة يبقى السؤال المهم هل عقده يشمل سكن عائلي ام لا

علشان لو لا تكون المشكلة اكبر حيث الايجارات مرتفعه للغايه . يعنى ببساطة هل سيكون باستطاعته اخذك معه وهو في هذا العمل ام سيكون عليه البحث عن عمل اخر ونقل كفالة. هذه الامور يجب ان تتضح واذا كان الحياء يمنعك فعليك بشخص من العائلة يفتح الموضوع في صورة دردشة ورغبة فى الاطمئنان. ربنا يوفقك

[DrGM]

كلمه قالها الدكتور عندنا ...

البنت المفروض متقبلش اللي ناوي يتجوزها لجمالها .....

والولد المفروض ميتقدمش للي ناويه تتجوزه لفلوسه .....