ساعدوني بخصوص المعيشه في ابها

[سماسعد]

السلام عليكم ورحمة الله وبركاته mf-:

احنا مقيمين في الرياض وفيه عرض جه لزوجي يتنقل ابها

ياريت تقولولي

المعيشه في ابها ازاي

والسكن بكام و مصاريف البيت هناك بمعدل كام في الشهر

وياريت توصيفولي البلد وهل هيا زي العليا اقدر اخد الاولااد وافسحهم لوحدنا فأي مكان قريب من السكن؟

وجزاكم اللع خيراااااااااااااا

تم تعديل 19 فبراير 2009 بواسطة سماسعد

[MZohairy]

عشت في ابها بس من سنة 75 حتى سنة 78 mf-:

يعني معلوماتي تشبه معلومات اهل الكهف حين افاقوا من نومهم

كل اللي اقدر اقوله انها مدينه بارده شتاء و معتدله تميل للبروده صيفا

ومكناش بنحتاج مكيفات ابدا من البرد لدرجة انها كانت بتمطر تلج احيانا

ده غير ارتفاعها اللي بيخلي التنفس فيها صعب قليلا في الفتره الأولى حتى يتأقلم الجسم على نقص الاكسجين

بالتوفيق

[ozoozo]

الاخت الكريمه

انا اعمل بابها ولسه منقول جديد لها اولا المدينه جميله جدا ومش زي مالناس كانت مصورهالي انها فلاحين ونازلين يدلعو ويملوا القلل

1-السكن هنا رخيص جدا جدا جدا جدا بالمقارنه بجده والرياض يعني تستطيعي السكن في بنايه جديده من 3 الي 6 غرف تبدأ من 10 ال 15 الف بالكتير حسب التشطيب والمساحه وهاتكون في حته كويسه ولو مكان شعبي ممكن تلاقو من 6000ونصيحه مني تعملو زي ماانا عملت وسكنت في خميس مشيط-تبعد 20 كيلو عن ابها وتعتبر المدينه التجاريه- باخدهم في حوالي نص ساعه الصبح وده عشان خمبس مشيط ادفي شويه من ابها عشان ابها موجوده في الطل علي حافه الجبل والهوا علي طول بيطس فيها دي حاجه الحاجه التانيه الحشرات في ابها كتير من ابراص وخلافه وحاجات اول مره تشوفيها ودي لوجود مرتفعات وتكوينات صخريه كتير في ابها بعكس الخميس اللي ارضها منبسطه بعض الشئ-لكن فوق الجبل برضه-

2-تكاليف المعيشه هي هي نفس الاكل اللي في الرياض موجوده بابها هاتوفره في النور شويه عشان الجو لا يحتاج تكييف

3-اماكن التسوق هنا في

1-بندا حوالي 4 فروع بين ابها والخميس

2-العثيم حوالي 4 فروع برضه

3-الغنيم والبسامي وبن ناجي والاخير ده كلو مصريين وفيه كل الحاجات المصري زي الفطير المشلتت والسمن البلدي وخلافه

4-اماكن الترفيه

1-عسير مول وفيه ملاهي

2 ابها مول +ملاهي

3-دلمون لاند

زاءد المتنزهات المفتوحه وسط الطبيعه الراءعه والتي لاحصر لها وخصوصا السوده ودي تبعد 50 كم عن ابها وهي مرتفعه عن ابها حوالي 800 متر ويوجد بها تلفريك بين الجبال ده غير الجزء المغطي بالضباب يعني بتبقي فوق السحاب ويوجد بابها حوالي 4 تلفريك

ده غير البحر علي بعد 100 كم من ابها في بلد اسمها الشقيق بس بتحتاجه تنزله العقبه -من فوق الجبل لتحت-واللي بتبقي سواقتها رخمه شويه ومليانه قرود اثناء النزول

واي استفسار تاني انا في الخدمه ويستطيع زوجك ارسال رقمه لي علي الخاص وممكن اكلمه لو يحب وانزل معاه لما يجي يدور علي سكن

تم تعديل 19 فبراير 2009 بواسطة ozoozo

[سماسعد]

مشكور اخي الكريم

بس انا خوفت من البرد طب والشتاء بتقدرو تستحملوه ولا الاطفال ممكن تتعب من شده البرود

وخصوصا ان الجو في الرياض حار

هو احنا لسه بنفكر يعني مش مفروض علينا ننتقل لابها

حضرتك عايش في ابها

فأرجو منك النصيحه هل ننتقل لابها ولا هنندم

والحشرات دي بتدخل البيوت ولا هنقابلها بس واحنا في الخارج

لاني ماتخيلش نفسي في بيت واحد مع برص ده كمان غير الحشرات النادرة اللي بتوصفها

ربنا معانا

[ozoozo]

اولا البرد هنا اخف من البرد اللي متعودين عليه في مصر حتي في الشتا يعني بالنسبه لينا البرد ده لعب عيال بالنسبه لبرد مصر وبرد الرياض يعني حتي ماباحتجش دفايه لكن بالنسبه للسعوديين والحر اللي عندهم فبيعتبروه برد

بالنسبه للحشرات ماتقلقيش مش هاتعملكو غزو في البيت ولا حاجه مش للدرجه دي ولو سكنتو في الخميس مش هاتلاقو اي حاجه من دي

[enjisultan]

شكرا جدا ozoozo

ببجد حضرتك فعلا افادتنى

ومعلش بقى لو ليا اى استفسار هبقى اسال حضرتك علية

[enjisultan]

طيب سؤال على الماشى كدة

المدارس اللغات فين احسن واقرب بناتى عمرهم 6 و4 سنوات على الدراسة الجاية

فى خميس مشيط ولا ابها

واسعارها اية لو تكرمت؟

ولو حضرتك بتنصح بالسكن فى خميس مشيط

فعليا انا الزوجة يعنى انى اروح واجى كل يوم ابها

لان جوزى هيكون بخميس مشيط هاروحها ازاى ؟

هل فى مواصلات ينفع اروح بيها ابها انا كسيدة

امان يعنى ولا نقعد بابها وجوزى هو اللى يروح ويجى

برضة احب اعرف راى حضرتك

ولو حضرتك سمعت عن الاكاديمية الدولية للعلوم الصحية فرع البنين بخميس مشيط او فرع البنات بابها اى حاجة

او تعرف موقعهم كويس قريب من العمار

ولا فى الطل

يا ريت حضرتك تقولنا ؟

جزاكم اللة كل خير

[هشام عبد العزيز]

كلام جميل

بالتوفيق يارب

[ahmos1]

خميس مدية معقولة جدا و صغيرة و المسافة من خميس و ابها مسافة بسيطة لا تتعدى 20 دقيقة الاوكسوجين اقل شوية فى ابها و مجالات الترفية غير القليل من المولات هى المتنزهات و خصوصا فى ابها القريبة مثل السودة و القرعة و دلغان و هى اماكن جميلة بس طبعا فية فررق كبير جدا بينها و بين الرياض كمدينة كبيرة بها كل الامكانات

ايضا المطر فى الصيف