سؤال عن المعيشة في مصر

[Shmry]

السلام عليكم

اذا في مجال تساعدوني ببعض الاسئلة

سوف انتقل للعيش في مصر مع زوجتي وطفلي

مكان العمل American International School Egypt

5 th Settlement

East Mubarak Police Academy

New Cairo City

Cairo , Egypt

هل المدرسة بعيدة عن جو الحياة العامة في القاهرة

نحن نحب الحياة الشعبية وزيارة الاثار واكره التكلف والعيش في مناطق معزولة وبعيدة عن نبض الحياة

منزلنا سيكون في القاهرة الجديدة التجمع الخامس ما راءيكم بهذه المنطقة

شكرا لكم واناممتحمس جدا للانتقال لبلد جديد وخاصة مصر

ماهي تكاليف الحياة المتوسطة في القاهرة الجديدة

هل توجد خدمات نوادي رياضية حدائق مواصلات مستمرة

[عنبو]

السلام عليكم ورحمة الله وبركاته

اهلا وسهلا بيك فى بلدك التانى مصر انا معنديش معلومات كتير عن المنطقه اللى انت رايحها بس اللى انا اعرفه ان التجمع الخامس منطقه حلوه وراقيه وهى لسه بيها مناطق تحت الانشاء وهتكون اقريبه من شغلك اما بالنسبه للاسعار الحياه فى مصر فانت ممكن تعيش على حسب دخلك هتلاقى تفاوت فى درجات المعيشه من 1000 ج فى الشهر الى & ج وبرضه هبقى عندك كارفور تجيب منه اللى انت عاوزه

[se_ Elsyed]

التجمع الخامس منطقة راقية جداً ..

وممكن لو عندك حرية إختيار السكن .. عني ما يكونش مفروض عليك من المدرسة ... ممكن تسكن في منطقة قريبة جداً من التجمع وهي مدينة نصر .. حيث تعج بالخدمات والهيصة والزحمة والجو الشعبي اللي إنت بتحبه ..

والتجمع الخامس به نوادي وحدائق ومناطق مُخططة بطريقة حضارية وصحية جداً ..

متوسط تكلفة المعيشة .. إنت وشطارتك ..

فلو عندك أولاد في مدارس .. الوضع هايختلف

ولو هاتستخدم المواصلات العامة مش سيارة خاصة .. برضوا هاتفرق ...

لكن نقدر نقول لو إنت مش مصري .. فبالتأكيد لن تصل إلى طُرق التوفير التي يتبعها أهل البلد نفسهم اللي بيبقوا أدرى بشعابها .. ولكنك ستصل إلى هذه الطُرق بعد فترة تأقلم مع الظروف الحياتية هناك وبالتالي هاتظبط ميزانيتك مع الوقت

لكن إعمل حسابك مبدئياً من وجهة نظري .. إن تكلفة طعامك إنت والاولاد وتنقلاتك وتليفوناتك و و و و و في الأول لن تقل عن 5 ألاف جنيه شهرياً .. ستقل بالتدريج بعد أن تعتاد على الجو

وخلي بالك .. لإنك مش مصري فلازم تشترط على جهة العمل إنها تأمن لك وسيلة للعلاج الطبي وإلا هاتتبهدل كتير ... فالمصريين لهم طرق معاملة في المرافق الطبية مختلفة عن الاجانب ... ولو إن المستشفيات الخاصة لا تُفرق حيث أنك تتعالج بفلوسك .. لكن تظل تكلفتها عاليه مقارنة بالمرافق الطبية العامة المُدعمة ..

كذلك المدارس ... إحنا بنتعلم بالمجان في المدارس الحكومية .. أما غير المصري فبيدفع بالعُملة الصعبة ..

وخلي بالك هناك مدارس كثيرة في التجمع لكنها نارررررررررررررررررررر ناررررررررررررررررررررررر .. ومش هاتصدق لما أقو لك إن بعض المدارس هناك ( إبتدائي ) ممكن تصل المصروفات فيها إلى 50 ألف جنيه سنوياً يعني نقول تقريباً 10 ألاف دولار .. وهناك ما هو اقل ويصل إلى 2000 دولار .. وإنت أدرى بقى حيث إنك هاتكون في مدرسة أمريكية ...

[Shmry]

اشكركم من كل قلبي وبخاصة الاخ السيد

بالنسبة لابني فهو بعمر 6اشهر اي ليس هناك مدرسة

بالنسبة للصحة فلدينا تاءمين صحي دولي

ان شاء الله هاعمل استخارة واتوكل على الله

سي السيد لك محبتي و تقديري لجهودكم و مساعدتك كل من في المنتدى

[Shmry]

افيدونا حفظكم الله

عن اسعار ايجارات الشقق في المعادي مفروشة-ايجار شهري_سنوي_افضل الاحياء

___جزاكم الله خير___