ما فعلتة بنا الغربة

[شيماء حمدين]

مازا فعلت بك الغربة؟؟؟؟؟

سمعت كثيرا عن الغلربة وما تفعلة بكل من يسافر قبل ان اتى الى الرياض من ست شهور فقط

ان الغربة تغير الناس وتبدلهم يكتسبو اشياء ويفقدوا اشياء

ادعو كل من يقرأ هزا الموضوع ان يكتب عمافعلتة بة الغربة من سلبيات واجبيات

وهل تغيرنا الغربة فعلا؟

[لولا]

اكثر ما فعلته بى الغربه بعد الزواج انها اصابتنى بعقده الذنب .

نعم الذنب .. الذنب تجاه اهلى الذين تعبوا كثيرا فى تربيتى ومنحى كل شيء وشاءت الظروف ان اتركهم ليكون حقهم على زيارتين فى السنه

ومكالمات تليفون .

ابتعدت عنهم فى الوقت الذى اصبح عندهم هم وفى هذا السن متسع اكبر من الوقت الذى يفترض ان نقضيه معا .. ان نتكلم ونحكى ونتذكر

الذكريات معا.. ان يحكو لى اكثر واكثر عن تربيتهم لنا عن حباتهم عن طفولتنا .

الآن وفى الوقت الذى اصبحت فيه ارى كل الأشياء من منظور آخر وبعمق آخر واحتاج لحوارات اعمق معهم اصبح حظى هو بعض اوقات اقضيها

فى اجازات سنويه .

الآن وانا اعانى الرهاب الشديد جدا لحد الفزع من فقد أحدهم اجلس انا فى بلد وهم فى بلد .

الآن وانا أشعر ان عيناى لا تشبع من ملامحهم اشتاق لهم فأنظر للصور او اغمض عينى لأسترجع ذكرى .

الآن انا فى بلد وهم فى بلد والعمر يمضى وكل يوم يمر يزيد من سخطى ومن احساسي بالعجز .

اتذكر بابا الحبيب .. ماما الطيبه .. افكر فى اشتياق قلوبهم لوجودى معهم فييعتصرنى الألم ويكوينى ولا اعرف كيف اخرج منه .

[شيماء حمدين]

صحيح انا ليا فى الغربة ستة شهور فقط

لكن مستعدة اضحى باى شىء

مقابل ان القى بنفسى فى حضن ماما

وانام فى حضنها

ولما ابقى متضايقة اروح لهاواحكلها وبعدها احس انة لا شىء بى

اه لو تعرفى يا لولا قد اية انا مفتقضة كل شىء فى مصر

[لولا]

ليست المسأله مسأله اخذ اختى شيماء ..

ولكنه احساس بالتقصير فى جقهم هم ..

هذا وقتهم هم لأعطيهم انا من مشاعرى ورعايتى ووقتى واسمعهم واجعلهم يرون اثر تربيتهم ومازرعوه .

اريد ان اكون معهم لأسعدهم وليس لأشكو او اخذ .. هنا فى الغربه استحرم بشكل تام ان ابث ايا من همومى لأحدهم..

اريد لوجودى فى الحياه ان يصبح مصدر فرح لهم .. مرت المرحله التى يفترض ان يسمعوا ويحملو الهموم ونجرى لنرمى كا احمالنا عليهم.

الآن هم يحتاجون ان نعطيهم لا ان نحملهم شكوانا وهمومنا .. هذا الفرق بين الماضى والحاضر . كبرنا يا شيماء وحان وقت الحصاد لهم .

اللهم احفظهم واجرهم كل خير يارب . وطمئن قلبك يارب فى غربتك .

تحياتى لك

لولا

[الجدار]

كنت بسمع زمان ان الغربه على أد ماتديك بتاخد منك

حسبه بسيطة

الغربه حتديك ايه ؟؟

مافيش غير الفلوس

كله يفكر الغربه أديته ايه ؟؟

طيب نشوف أخدت منك ايه

بلدك

جيرانك

صحابك

حبايبك

ابوك

امك

أخوانك

فرحتك

راحتك

صحتك

أملك

أحلامك

بجد انا خسرت كتير قوي قوي ومهما كتبت مش حقدر أعبر عن الغصة اللي جوا الواحد

بس للأسف مافيش حل تاني

مع كل ده ماسكين في الغربة بأدينا وسنانا

نفسي امشي على الحديث ده

"من أصبح آمناً في سربه، معافىً في بدنه، عنده قوت يومه.. فكأنما حيزت له الدنيا بحذافيرها"

بس للأسف مش عارف

كل اللي حواليا عكس كده مش بشوف غير الحديث ده

"‏ ‏لو كان لابن ‏ ‏آدم ‏ ‏واديان من مال لابتغى واديا ثالثا ولا يملأ جوف ابن ‏ ‏آدم ‏ ‏إلا التراب ويتوب الله على من تاب ‏"

تم تعديل 20 فبراير 2009 بواسطة الجدار

[capitshino]

كنت بسمع زمان ان الغربه على أد ماتديك بتاخد منك

حسبه بسيطة

الغربه حتديك ايه ؟؟

مافيش غير الفلوس

كله يفكر الغربه أديته ايه ؟؟

طيب نشوف أخدت منك ايه

بلدك

جيرانك

صحابك

حبايبك

ابوك

امك

أخوانك

فرحتك

راحتك

صحتك

أملك

أحلامك

بجد انا خسرت كتير قوي قوي ومهما كتبت مش حقدر أعبر عن الغصة اللي جوا الواحد

بس للأسف مافيش حل تاني

مع كل ده ماسكين في الغربة بأدينا وسنانا

نفسي امشي على الحديث ده

"من أصبح آمناً في سربه، معافىً في بدنه، عنده قوت يومه.. فكأنما حيزت له الدنيا بحذافيرها"

بس للأسف مش عارف

كل اللي حواليا عكس كده مش بشوف غير الحديث ده

"‏ ‏لو كان لابن ‏ ‏آدم ‏ ‏واديان من مال لابتغى واديا ثالثا ولا يملأ جوف ابن ‏ ‏آدم ‏ ‏إلا التراب ويتوب الله على من تاب ‏"

والمشكلة ان الواحد حاسس انه ادبس فيها . حاسس انه مش هيعرف يرحع تانى ودى اصعب حاجة عالواحد

[الباشمهندس ياسر]

سلام عليكم

مش عارف ليه حاسس رايى مختلف عنكم

يمكن بحكم ان طبيعة شغلى من وانا ف مصر كانت غربة

من يوم ما بدات اشتغل ف الصحراء و انا ف غربه

افتكر ان اقرب موقع كان 300 كم من القاهرة تقريبا

من يوم ما خرجت بره و برده الصحرا هى هى متغيرتش

يمكن الوضع اتحسن جدا على مستويات كتير

الحاجة الوحيدة اللى حسيت فيها بفرق ان التليفون ف مصر كان اسهل لانه ارخص

انما انا استفدت م الغربة كتيييييييييييير

خبراااااااات جديده ف الحياة

نااااااااااس تانية خالص بعادات تانية بمفاهيم تانية عرفت ان مش انا بس اللى ف الدنيا فيه حاجة اسمها الاخر

وانا مضطر اتعامل واتعايش مع الاخر ده بعد ما كنت برفض فكرة وجوده ف الحياة اصلا

و دى ف حد ذاتها ميزة بحمد ربى عليها

انما لو جينا ع العيوب

معتقدش انى هعرف اضيف جديد ع اللى اتقال من الافاضل

تقريبا لسه مخلصتش اللى عندى

بس مش قادر اجمع تانى

[التونسى]

مازا فعلت بك الغربة؟؟؟؟؟

سمعت كثيرا عن الغلربة وما تفعلة بكل من يسافر قبل ان اتى الى الرياض من ست شهور فقط

ان الغربة تغير الناس وتبدلهم يكتسبو اشياء ويفقدوا اشياء

ادعو كل من يقرأ هزا الموضوع ان يكتب عمافعلتة بة الغربة من سلبيات واجبيات

وهل تغيرنا الغربة فعلا؟

الغريب بيفضل طول عمره غريب .. حتى لو رجع يعيش وسط ناسه ((الا من رحم ربى ))

المغترب خصوصا اللى اتغرب فترات طويله بيجى عليه وقت لا بيرتاح فى غربته ولا بيرتاح فى وطنه الاصلى مهما كانت قوته الماليه

المغترب مكتوب عليه الشقى والتعاسه والبحث عن شئ مفقود كل اما يفتكر انه قرب يلاقيه بيكتشف انه سراااااااااااااااب ومحض خيال ..

وتفضل رحلة البحث عن الوهم حتى بلوغ اللحد ((الا من رحم ربى))

اذا الايمان ضاع فلا امان

سلبيات الغربه كتير منها العنصريه وعقدة الشعور بالاضطهاد ((خصوصا لاخواتنا اللى عايشين فى الغرب وانا واحد منهم))

الى جانب افتقاد الحياه الاجتماعيه تقريبا لان صعب ان الانسان يختلط مع المجتمعات الغربيه خصوصا لو كان الانسان ده مازال متشبث وحتى اخر نفس بالتقاليد الشرقيه والتعاليم الدينيه .. وهنا بتيجى معاناة الزوجه التى يتم استقطابها من مصر حيث انها تفتقد اسرتها وتقتقد حتى اقامة علاقات اجتماعيه ((الا من رحم ربى )) .. ياااه يعنى سجن كبير تعيش فيه الزوجه

ايجابيات الغربه الواحد بيكتشفها متاخر جدا جدا بعد ما بيفوت الاوان .. بيكتشف انه مكنش مفروض يفكر انه يهاجر ... والمعافره اللى عارفرها فى غربته كانت بلده وناسه واهله اولى بيها .. طبعا ده الواحد بيكتشفه بعد ما تكون ضاعت زهرة شبابه .. وبتهدر طاقاته فى بلاد الغربه

كفايه كده .. كان هذا قليل جدا من وجعى :)

[محمد عبدالعزيز]

يااااااااااااااااااااااااااااه

كل ده بتعمله الغربة فى الإنسان؟

الحمد لله إنى حسمت أمرى فى الوقت المناسب وتعلمت من تجارب غيرى, كنت أسمع عن كل هذه المشاعر والأحاسيس والمشاكل التى تصيب المغتربين من أصدقاء وأقارب قضوا أوقات طويلة فى الغربة, فقررت ألا أدور فى نفس الساقية وأتعظ من تجارب غيرى والحمد لله.

[MoHaMMeD EgYpT]

فعلا الغربة صعبة لكن الاصعب ان الواحد يحس انه غريب في بلده لما يكون بيتعامل زي الغريب في بلده و الاجانب بيتعاملوا علي انهم اصحاب البلد لذا لما الواحد يتغرب و يسافر لبلد غير بلده يبقي ارحم له من الغربة في بلده و يخد جنسية البلد اللي راحها و يتعامل كمواطن في بلده و في البلد اللي اخد جنسيتها

[سهران]

زمان......... قبل ما يخترعوا السجون و المعتقلات ............ كان اللي بيغلط غلط كبير في القبيلة كان بينطرد منها و يخرج بره أهله و ناسه .......... بأختصار كان سجنه مش زنزانة صغيرة مترين في مترين ..... بالعكس سجنه واسع جدا .... سجنه هو الدنيا كلها بشرقها بغربها بفدادينها ..... لكن من غير ناسه و أهله و أحباؤه ... يراودني هذا الأحساس كثيرا....... لا يسعد بغربته في رأيّ الى من فقد أحباؤه و أهله و أنفصل عنهم لسبب أو لآخر .

.......و يتغرب و يعاني زي ما بنعاني .

تم تعديل 20 فبراير 2009 بواسطة سهران

[شيماء حمدين]

ياااااااااااااااااااااااااااااااة

واضح انى قلبت عليكم مواجع والام كتيرة

لكن اللى اكتشقتة انى كلنا متفقين على كراهية الغربة ونفسنا تنتهى

لكن يا ترى لدينا الشجاعة لأتخاز هزا القرار المصيرى

لالالالالالالالالالالالالالالالالالالالالالا

لا اعتقد

عندما قررنا ان نغترب عن اهلنا ونسنا من اجل المال فى المقام الاول وضعنا لانفسنا اهداف

بمجرد ان تحقق نعود لديارنا

اسئلكم هل حققتم ما خططم لة؟

ولا لسة كام مليون

هو مش باردو الرزق اللى ربنا كتبهولى فى الغربة كان مكتوبلى فى مصر ولا الحكاية اية

فية سؤال تانى

هل الغربة فعلا تصيبنا بالفتور واللامبالاة؟

[osmel33]

الأخوة الأعزاء كارهي الغربة

معلش أنا يمكن كلامي يكون فى عكس التيار بس برضه لازم الناس تبقى عامله حسابها علي أن فيه دايماً من هم عكس التيار

أنا بقى بافضل الغربة عن أني أكون فى مصر لأن زى ماحد من الأخوة الأفاضل ماقال أن أفظع غربة هى غربتك فى بلدك وبدون الخوض

فى تفاصيلها أنا دايما بافضل المعيشة بره مصر عن المعيشة فى مصر لأنى ببساطة اتولدت فى مصر وخلال أيام سافرنا كلنا وعيشنا

سنين طويلة بره مصر وكنت لما أروح مصر كنت باعتبر انى فى نزهة وراجع تاني ولما كبرت برضه سافرت بره مصر يا إما لوحدى أو مع

أولادى لدرجة أن أولادي مروا بنفس اللى أنا مريت بيه فى صغري وبقوا يحبوا يعيشوا بره وأنا عائلتي كبيرة جداً فى مصر لكن أكثر الناس

ارتباطاً بيهم والدى ووالدتى يرحمهم الله فخلاص ماعادش حد فى مصر أرجعله وأنا نسبة كبيرة من عيلتى مهاجرين فى بلاد الله الواسعة

اللى فى كندا وأمريكا وأوروبا وما بنتقابلش غير بره مصر ومن النادر لما بنتقابل فى مصر

وعلى فكرة الرأى ده غالباً هاتلاقوه عند كل الناس اللى بتدور على الهجرة لبره لأنهم لو كانوا ناوين على الرجوع ماكانوش أصلاً يفكروا فى

الهجرة

وعلى فكرة الرأي ده مالوش أبداً علاقة بحبي لمصر كبلد لأنه ده بره النقاش لأن مافيش مصري مابيحيبش مصر

[alexa]

السلام عليكم ايه رايكم النهرده نتكلم في الغربه

ناس كتير عاوزه تسافر ويمكن انا كنت واحده منهم لكن بعد 15 سنه لقتني بقول لا للغربه

الغربه خلتني لا انا مصريه ولا انا الجنسيه التانيه والاهل اتعود البعاد

مبقاش فيه روابط اسريه وفي نفس الوقت مقدرش اقول اني خلاص بقيت اوربيه

عارفين ايه اكتر حاجه فعلا لما سافرت مصر عرفت ان مصر غنيه بيها

هو الطين اللي بنبت اي شئ تحطه فيها

الشمس الحنينه الجميله اللي لا تحرق و تئذي

قلوب الناس الطيبه الغلابه اللي عيشين بعيد عن المشاكل

لاكن تفتكرو اقدر اقول ارجع

هو الحقيقه لا للغربه ولا للرجوع والحياه ماشيه

بس لو كان من البدايه

كنت قلت لا للغربه

انتم ايه رايكم في الغربه؟؟؟؟؟

[سهل جدا]

الدنيا كلها تعب, سواء في مصر ولا برة مصر ..

المغترب نفسه يرجع, واللي في مصر نفسه يتغرب

الإنسان مننا ما بيعجبوش العجب ..

زي ما قال الشاعر:

صغير يشتهي الكِبَرا *** وشيخٌ وَدَّ لو صغُرا

ورَبُّ المال في تعبٍ *** وفي تعبٍ مَنِ افتقرا

وخالٍ يبتغي عملا *** وذو عملٍ به ضَجِرَا

ويشقى المرء منهزما *** ولا يرتاح منتصرا

[MoHaMMeD EgYpT]

غربة الخارج احسن من غربة الوطن . يعني المصري في مصر غريب في بلده و الاجانب هما اصاحب البلد يبقي الواحد يتغرب احسن له و بعد كده يرجع اجنبي و يرجع بلده كانه بلده زي الاجانب و يبقي محترم من الجميع في اي مكان

ده كله غير العيشة التي اصبحت لا تطاق في مصر و المرتبات اللي بملاليم

[عماد حمدي]

مفيش حلاوه من غير نار .... والغربه كلها نار

ايه اللي رماك علي المر .... قالولوا الأمر

بعدين محدش بيختار الغربه بمزاجه محدش بيختار يبعد عن أهله وأصحابه وولاده بمزاجه ظروف الحياه في مصر اللي بتجبره علي كده

قوليلي انتي كده لو شاب مننا اتخرج واشتغل يا ستي علي طول بمرتب 1000 جنيه مع ان دا في المشمش قوليلي كده هيصرف كام مواصلات ,واكل وشرب ويحوش كام ؟؟!!! بالله عليكي هيجيب ثمن شقه وشبكه ومصاريف فرح بعد كام سنه !!!!!!! وشوفي بقولك 1000 جنيه مع ان الواقه بيقول من 350 الي 500 بالكتير

Mohamed EGYPT

عجبتني اوي الجمله دي ( غربة الخارج احسن من غربة الوطن )

ياعني لو هشتغل في مصر ب 1000 جنيه وبره بنفس المبلغ لا دا انا اتغرب احسن !!!

وسيبوكوا من حكايه الغربه ليها ثمن والكلام دا والله احنا في بلدنا غرباء وعايشين في وسط كوم حرباء !؟

صلي علي النبي في سرك واحمدي ربنا

وحسبنا الله ونعم الوكيل

تم تعديل 25 فبراير 2009 بواسطة EMAD HAMDY

[emano]

والله فعلا الواحد اصبح بيحس بالغربه داخل مصر بعد وفات الوالد

والاخوه كلهم فى الخارج يعنى كنت بروح مصر علشان بابا الله يرحمه كان فعلا مجمعنا حوليه وعامل لمصر حس ونفس

بس بعد وفاته الصيف الى فات معنديش اى رغبه للعوده الان الواحد فعلا بقى حاسس بالغربه داخل مصر

بس الواحد مش ندمان على الخروج بره مصر لان العيشه كانت صعبه

ويارب منندمش على الهجره كمان لانها قربه

مصر اصبحه للطبقه الفوق غنيه ده طبعا من الى بشوفه فى الصيف ان الطبقه المتوسطه بتنقرض

[herohero]

والله للاسف احنا اصبحنا غرباء ف الداخل يبقى غربه بغربة خلينا غرباء بره على الاقل لما الواحد حقه يضيع يبقى اسمه مش بلده انما لما حقك يضيع ف بلدك بتبقى صعبه وللاسف انا حقي ضاع ف بلدي وبره باخد حقوقي

[jgeorge]

فيه فرق بين الغربة فة الدول العربية و الدول الغربية

اللى فى الدول العربية فى الآخر بيرجع

اما اللى بيروح الغرب مبيرجعش و لا اولاده بيردعوا

طب ايه تأثير الغرب على اولادنا، و يترى هل الاغلبية منهم حتحتفظ بدينها و هوينها و لا لاء

ياريت يا اليكس تقولنا عن خبرتك فى تأثير الغرب على الجيل الثانى