ما فعلتة بنا الغربة

[saad badr]

فاتفوتا الله يخليكي ده من زوقك

بس صدقيني والله ما هوا مجرد كلام ده احساس ملكني

اول ما هروح احجز وبايدي اقطع تذكرة والله حاسس اني هخش مقبرة

اروح اسأل فيه تذكرة قالولي ايوة فيه تذكرة ومليون تذكرة

هتحجز امتى يا استاذ اقول لا غالية التذكرة

تقولي لا ده عرض ورخيصة التذكرة

ولو قربت مني تسمع صوت جواية بيقول مش عاوز تذكرة

ارجع كفاية انت في المعمورة اللي بينا معمرة

قلت اه اه سمعت الموظفة

مصرية زيي بتقولي ايوة عارفة وبيك حاسة

بس هتعمل ايه يا استاذ هتحجز ولا الغي التذكرة

بعد خمس مشاوير رايح جاي على التذكرة

قلتلها احجزي بقى التذكرة

قالتلي خلاص اكيد أأكد حجز التذكرة

حجزت ليوم غروب وموت جواية صوت الانسان

ونمت احلام ورا احلام وبنتي وامي ميعرفوشي ان له زعلان

اضحك وقلبي بيبكي واقول اه حياة حرمان في حرمان

بنتي عرفت سالت بابا انت هتمشي وتسبني له ويضيق علينا المكان

قلتلها له المكان واسع قالتلي لا هيضيق المكان

قولتلها شغلي قالت شغل ايه وهشوفك امتى تاني وفاي زمان

قلبي يبكي وراية وسايب امي وبنتي والدموع جواية نار ورماد من غير دخان

مشيت وفي الطريق لقيت فلاح شايل رزقه على ايده بيسعى في بلاد الرحمان

قالي ارجع يا بني وكفياك اوهام غربة وضياع وفلوس حرمان

عمرك شبابك هترجع عجوز كحيان

وترجع تنادي على الشباب وياريتها تعود الايام

اسمع كلام واحد مرمطه الزمان

ضحكت بنتك ولا امك في حضنك بكنوز لقمان

سمعت يا ابني كلام راجل مسكين كحيان

انت حر .مصر عاوزه بس شوية رجاله وجدعان

هتروح فين وتسبها للكلاب والاندال

اوعى تسبها وغيرك يسبها ولما الحرة تنادي مين يقول حاضر يا مايه يا ام الجدعان

يا جدع اسمع صحتك بالدنيا وكنوز العالم ما تعوضك ثانيه اه من طمع الشبان

مين هيقول فيها لا مين هيطلع منه صوت الحق

ولا اقولك حاسس اني هموت اسندني يا بني حاسس بدوخان

وقع الفلاح المجدع الكحيان

اهده الف شب والف مليون انسان جمب الكحيان اللي يقولوا ارحمنا يا رحمان

واللي يقولوا مات الكحيان لا حول ولا قوة الا بالله يا عزيز يا الله يا ضعيف يا انسان

الله عليكي يا مصر والله على الجدعان

بصوا شوفوا الراجل ماسكه رزقه ازاي وميت بيحضن التراب الله ده فرحان

قبل ما يموت كتب وصية للمصريين قالي ارجع يا غريب انت اللي كحيان

سعتها بس قطعت بايدي التذكرة

وقلت تحيا مصر ورفعت على راسي ترابها وقولت مش عاوز غربة ولا فلوس عاوز اموت على ترابك زي الكحيان

فرحت بنتي وقالت بابا هوه جده اللي مات ده قلتلها ايوة اللي مات فرحان

وفي ايده سلاحه ورزقه ده جدك واصلك واصلي واصل المصريين الجدعان

شفت ورق التذكرة لما اتقطع على الارض طاير وبنت طايرة والفلاح نايم بردوا فرحان

ولما صحيت من نومي لقتني مش في مصر لقتني غريب في بلد ما فيها جدعان

لا مصريين ولا فيها حد ما فيها غير غربان

تحيا مصر تحيا مصر تحيا مصر

.........................................والله انا كتبته حالا ولا انا نقله ولا حاجه ولا كتبه قبل كده بس احساسي لما بحس ان فيه ناس بتحب مصر زيي بغير واقلاقي نفسي اكتب واعبر ولو بكلام فاضي مش معمر

[elfakhrany]

أنا قررت انى أشارك معاكم B)

أولا انا أخوكم محمد الفخرانى وعمرى 25 سنةمغترب بالسعودية من حوالى 7 شهور و بجد ياجماعة انا محستش بقيمة مصر الأ لما خرجت منها مش هنكر انى كنت زهقان لانى فضلت اشتغل سنتين اكثر من 11 ساعة يوميا وكل اللى حوشتة 10000 جنية وكنت بحرم نفسى حتى انى أشترى أى حاجة وطبعا لقيت ان لو فضلت على كده يبقى مفيش أمل وقررت السفر ودخلت فى الدوامة بين مكاتب السفريات والفيزا الحرة وتغيير المهنة وطبعا كتير منكم خاض التجربة دى وأول ماجيت هنا عجبنى النظام وان كل واحد فى حالة و النظافة واكتشفت ان فعلا المشكلة مش فى الحكومة المصرية على قد ماهى فى الشعب نفسه اللى فعلا لازم يغير سلوكة الحضارى كمان اختلف منظورى للحياة من خلال تعاملى مع ثقافات وجنسيات مختلفة و عرفت ان المصرى فعلا من أذكى الجنسيات الموجودة بس مظلوم لانه بيكون نفسه يمشى من مصر حتى لو ب 1000 ريال وأكيد لازم هرجع مصر فى أقرب فرصة بعد ماجمع مبلغ صغير ينفع كبداية لمشروع يرحمنى من غربة الأهل والوطن وأقدر أساعد بيه المصريين اللى فعلا محتاجين توعية كبيرة ومحتاجين يفوقوا من الجلوس على المقاهى و الفضائيات ووصلات الانترنت اللى يستخدموها فقط للدردشة وبدلا منها فعلا ينمو مهاراتهم أثناء فترة الدراسة بحيث انهم يكونوا جاهزين للعمل وانا متاكد انا مصر هتكبر بأولادها و أن النهضة قادمة ... ,وشكرا

تم تعديل 9 مارس 2009 بواسطة elfakhrany

[اسمعلاوى]

ههههههههههههههههههههههههههههههههههههههههههههههههههه انا اسف على الضحكه بس كلامك بيفكرنى باول مره جيت فيها هنااااااا هههههههههههههههههههههههههههههههههههههههههههههههه كنت بقول زيك كده بس للاسف يلا الحمد لله

[ناوية ع الهجرة]

فاتفوتا الله يخليكي ده من زوقك

بس صدقيني والله ما هوا مجرد كلام ده احساس ملكني

اول ما هروح احجز وبايدي اقطع تذكرة والله حاسس اني هخش مقبرة

اروح اسأل فيه تذكرة قالولي ايوة فيه تذكرة ومليون تذكرة

هتحجز امتى يا استاذ اقول لا غالية التذكرة

تقولي لا ده عرض ورخيصة التذكرة

ولو قربت مني تسمع صوت جواية بيقول مش عاوز تذكرة

ارجع كفاية انت في المعمورة اللي بينا معمرة

قلت اه اه سمعت الموظفة

مصرية زيي بتقولي ايوة عارفة وبيك حاسة

بس هتعمل ايه يا استاذ هتحجز ولا الغي التذكرة

بعد خمس مشاوير رايح جاي على التذكرة

قلتلها احجزي بقى التذكرة

قالتلي خلاص اكيد أأكد حجز التذكرة

حجزت ليوم غروب وموت جواية صوت الانسان

ونمت احلام ورا احلام وبنتي وامي ميعرفوشي ان له زعلان

اضحك وقلبي بيبكي واقول اه حياة حرمان في حرمان

بنتي عرفت سالت بابا انت هتمشي وتسبني له ويضيق علينا المكان

قلتلها له المكان واسع قالتلي لا هيضيق المكان

قولتلها شغلي قالت شغل ايه وهشوفك امتى تاني وفاي زمان

قلبي يبكي وراية وسايب امي وبنتي والدموع جواية نار ورماد من غير دخان

مشيت وفي الطريق لقيت فلاح شايل رزقه على ايده بيسعى في بلاد الرحمان

قالي ارجع يا بني وكفياك اوهام غربة وضياع وفلوس حرمان

عمرك شبابك هترجع عجوز كحيان

وترجع تنادي على الشباب وياريتها تعود الايام

اسمع كلام واحد مرمطه الزمان

ضحكت بنتك ولا امك في حضنك بكنوز لقمان

سمعت يا ابني كلام راجل مسكين كحيان

انت حر .مصر عاوزه بس شوية رجاله وجدعان

هتروح فين وتسبها للكلاب والاندال

اوعى تسبها وغيرك يسبها ولما الحرة تنادي مين يقول حاضر يا مايه يا ام الجدعان

يا جدع اسمع صحتك بالدنيا وكنوز العالم ما تعوضك ثانيه اه من طمع الشبان

مين هيقول فيها لا مين هيطلع منه صوت الحق

ولا اقولك حاسس اني هموت اسندني يا بني حاسس بدوخان

وقع الفلاح المجدع الكحيان

اهده الف شب والف مليون انسان جمب الكحيان اللي يقولوا ارحمنا يا رحمان

واللي يقولوا مات الكحيان لا حول ولا قوة الا بالله يا عزيز يا الله يا ضعيف يا انسان

الله عليكي يا مصر والله على الجدعان

بصوا شوفوا الراجل ماسكه رزقه ازاي وميت بيحضن التراب الله ده فرحان

قبل ما يموت كتب وصية للمصريين قالي ارجع يا غريب انت اللي كحيان

سعتها بس قطعت بايدي التذكرة

وقلت تحيا مصر ورفعت على راسي ترابها وقولت مش عاوز غربة ولا فلوس عاوز اموت على ترابك زي الكحيان

فرحت بنتي وقالت بابا هوه جده اللي مات ده قلتلها ايوة اللي مات فرحان

وفي ايده سلاحه ورزقه ده جدك واصلك واصلي واصل المصريين الجدعان

شفت ورق التذكرة لما اتقطع على الارض طاير وبنت طايرة والفلاح نايم بردوا فرحان

ولما صحيت من نومي لقتني مش في مصر لقتني غريب في بلد ما فيها جدعان

لا مصريين ولا فيها حد ما فيها غير غربان

تحيا مصر تحيا مصر تحيا مصر

.........................................والله انا كتبته حالا ولا انا نقله ولا حاجه ولا كتبه قبل كده بس احساسي لما بحس ان فيه ناس بتحب مصر زيي بغير واقلاقي نفسي اكتب واعبر ولو بكلام فاضي مش معمر

الله يسامحك يا استاذ سعد ليه بس قلبت علينا المواجع

ما احنا قاعدين وساكتين

ماحدش فينا طلع من مصر بمزاجه وربنا يجمعنا باهلنا على خير

[saad badr]

يا اختي ناوية على الهجرة

اسف جدا لكن صدقيني الكلام ده حقيقي وواقعي ولكن نهرب من الواقع لكي لا نصدم به

واذا صدمنا به ناسف على ما فات ولكن انا لما حبيت اشارك كان علشان افضفض ولكن كلامي عارف انه قاسي شويتين بس هعمل ايه مش عاوز احسس حد بيه غير ورقة بكتب عليها والكلام ده كتبته في لحظتها فما بالك لو كنت قاعد بقى كده مع نفسي وطلعت بجد اللي جوايه هتلاقي نار والله يا مصبرني على ما بصدري وصبر صدري علي

ربنا يعين الجميع ويوفق لما يحبه ويرضاه

اتمنى التوفيق للجميع والمعذرة

[الجدار]

والله قشعرت يا عم سعد

تحيه كبيرة ليك

[السندباد]

اسمحولى أن اعبر عن رأيي في موضوع الغربة

بداية الغربة ثلاث أنواع حسب ما اعتقد

1- غربة ذاتية بين الشخص وبين نفسه واعتقد أنها أصعب أنواع الغربة

2- غربة داخلية وهى الإحساس بالغربة داخل وطنك وبين اهلك وهى اقل صعوبة من الأولى

3- غربة خارجية وهى بعدك عن وطنك واهلك وهذه فيها كلام

أنا أرى أن الغربة الخارجية أو( الاغتراب ) هي قرار مثل قرار الزواج

وقد اعجبنى قول احد المشايخ في حكم الزواج

أن حكم الزواج فيه خمسة أحكام

مابين حلال ومندوب ................... وحرام

إذن فكل قرار لابد له من مبررات وأسانيد

إذا كانت تلك الأسانيد ضعيفة فلابد أن تحدث المشاكل

هناك أسئلة كثبره يجب أن تسأل قبل اخذ قرار الغربة وتختلف الأسئلة من شخص إلى آخر

حسب ثقافته وتعليمة ونفسيته

وبعد فترة من الغربة يجب أن يكون هناك مراجعة مستمرة للقرار

هل ما تم تحقيقه يساوى إحساسك بالغربة وهذا أيضا يختلف حسب طبيعة كل شخص

وساعتها لابد أيضا من قرار إما الاستمرار أو العودة

وأخيرا أتمنى للجميع الراحة النفسية سواء في الغربة أو في ارض الوطن

وتقبلوا تحياتى

[ranyzaid]

انا عايز اقو حاجه مهمه جدا طب ايه رايك لو انت في مصر وراتبك 500 او 750 او 2000 ووعايز تتجوز وعايز ترضي اهلك

الرضا مش بالكلمه الكويسه بس لازم تساعدهم عالمعيشه

لانك لو بالكلمه بس هتلاقيهم هما الي بيقولوا سافر وبعدين انت نفسك في مصر

جيران واهل وحبايبك ووممعكش للاسف

انا شايف ان الغربه موازنه متعادله لانسان عايز يعيش

[ناوية ع الهجرة]

يا اختي ناوية على الهجرة

اسف جدا لكن صدقيني الكلام ده حقيقي وواقعي ولكن نهرب من الواقع لكي لا نصدم به

واذا صدمنا به ناسف على ما فات ولكن انا لما حبيت اشارك كان علشان افضفض ولكن كلامي عارف انه قاسي شويتين بس هعمل ايه مش عاوز احسس حد بيه غير ورقة بكتب عليها والكلام ده كتبته في لحظتها فما بالك لو كنت قاعد بقى كده مع نفسي وطلعت بجد اللي جوايه هتلاقي نار والله يا مصبرني على ما بصدري وصبر صدري علي

ربنا يعين الجميع ويوفق لما يحبه ويرضاه

اتمنى التوفيق للجميع والمعذرة

عفوا يا اخي ما فيش اسف ولا حاجة

الحكاية كلها اني دايما بحاول ما ادخلش نفسي في دوامة الاحساس بالغربة لاني لو دخلت فيها مش هخرج منها وهعيش في اكتئاب دائم ربنا يهون علينا غربتنا

[saad badr]

يا اختي ناوية على الهجرة احنا اخوات مصريين يعني البت عندنا ارجل من الراجل

لانها اخت المصطفى وحفيدة صلاح الدين

ولا تقولي مين بنات رجولة بصحيح ادب واخلاق ودين

واسمع كلام الحكيم ولا مصطفى امين

ولا شاعر قاعد على النيل بيغني ليها والناس نايمين

ولا فلاح مسافر بيقول رزقي عليك يا رب يا كريم

ولا عامل شايل همه ويدندن هونا علينا يا نصير المحتاجين

ونقول ايه ولا ايه على المصريين

بس نرجع ونسال وندور على المصريين

فينا وبينا موجودين ولا ماتوا مع قطز ولا مع صلاح الدين

ونقول يا مهاجر ولا ناويى تهاجر وتهجر بلاد الكرم والمحبين

تسيب بلدك ليه بلادك بيك اولي من ولاد ستين في سبعين

ده الشمس بتضحك لما تعدي على مصر وتشرق على المصريين

والنسمة ترقص لما تعدي من اسكندرية وكمان من حلايب وشلاتين

ولا العصرية وساعة المغربية والحلاوة جاية والشمس تبكي من فراق الفلاحين

ولا السمسية ولا القلوب الطيبة في الشراع شراع المحتاجين

ياناس كفاية نسمة صباها صبية دايما ارض الملايين

عمرانه بالخير والخيرين

وحياة هواها ونسمة صباها لانول رضاها وارجع هناها

ويقولوا عليها انها قاسية مين يهون على امه وازاي نهون على ام المصريين

دهية عافية قووووي وصبورة وصابرة وماترد ايد ولا تزعل حبيب

يا بلاد طيبة وقريبة وحبيبة وقت الخطر امي بتحملي همي حضنك ده دفه وحنان

ايوة دفه وامان وقت الخطر درعي وسيف من غدر الزمان

ولا نقول ماشفش الرجال السمر الشداد ولا العناد في عيون الولاد

ولا نقول احلف بسماها وبترابها

ولا نقول مليش غيرها مليش غير بابها

ولا نقول شوفي اوراق ملادنا اسمك محفور يا امي

صورتك جوه دمي

[saad badr]

اوعي تكوني فاكرة اخويك اللي بيكتب ده انه مش زيك كان ناوي على الهجرة

لا كنت ناوي والورق بقدمها والجراح بتنزف والجروح بتكبي من قلب دامي

ولما راح سافر ورقي قلت لنفسي واعي ولا فقدت وعي

انت فعلا هل الهجر تقدر وناوي

ولا هروب وخوف ولا لجروحها مش هتقدر تداوي

صلة استخارة وكمان عملت زي ام عيالي

والقلوب انقفلت من الهجرة والبعد تاني

لكن جذوري في مصر وعودتي لترابي

الحجه ايه مستقبل وتعليم وصحة وكلام فاضي

حد يضمن عمره ولا يعرف بكره ويامن نفسه من غدر الليالي

لا والله الحياة مرة واكتر فيها مرارة قراري

هجرة ايه يا سعد يا بن خالي

دانت ماتقدر تغيب عنها وبتقعد تعد السعات والثواني

امال لما تهجر مين هيعد معاك السنين والليالي

لا يا سعد هما مش عاوزينك عاوزين عيالك يربوهم من تاني

واه يا حلو جذور ايه اللي بيخدوها جذور مصريين مأصله

يعني الشجرة هتخضر من صغرها وطرحتها جميله ومنوره

يعني هترمي بذرة في بلاد ممكن تكون لامك كارهه

بس مش عارف اخد قراري

ممكن عيالي يرجعوه البذرة لترابها من تاني

ولا الحياة الدنيا تاخدهم من امهم من تاني

ولا الحفيد اللي هيجي هيقول الله اكبر والمصطفى محمد

ولا هيكون واد مش مصري ولا تقاليع غربي

ولا هنقول اه على الاصل دور ماهوه مش مصري

راحت سنين وسنين الحفيد بقى جد لحفيده

والتلميذ صوته علي على استاذة

وراحت معالم عائلة مصري من جذورة

هل هية خطوة ليمة ولا هتكون خطأ وخطيأة

لكن ناخد من نبينا حاجات وامان وامن عن قناعة

من أصبح امنا في سره ...معافا في جسده عنده قوة يومه

فكأنما حيذت له الدنيا بحذافيرها

صدق يا مصطفى يا حبيبي

وعند الحبيب لا خطأ ولا خطيأة

كله نور ومان ودنيا كريمة واخرة سعيدة

لا لا لا استنى العقل في التفكير والرب في التدبير

اقولك ما معناه لو توكلتم على الله حق توكله لرزقكم كما يرزق الطير ....

والعلم هنا بايظ لا العلم دنا وسنة نبينا

استنى اجل قرارك شوية

وله شوية ؟؟

قراري ده صالح عيالي

يا سيدي صلي استخارة تاني

وشوف ايه اللي هيكون ولا عاوز تروح عند مونيكا ومش هتلاقي تاني زيينا

اه طيب توكل على الله .سبها على ربنا

ونعم بالله اللهم ما هون علينا سفرنا هذا

[عاشق الترحال]

الفقر في الوطن غربه والغنى في الغربه وطن

مستغرب من اللي بيقول أنه لو بياخد في مصر 1000 جنيه وهياخد فى الغربه نفس المبلغ يفضل الغربه ويسافر !!!!

طب ليه ؟؟؟

أنا لو كنت بآخد في مصر ما يكفي إحتياجاتي الأساسيه كنت هافضل في مصر بس للأسف . يعني بإختصار غربتي نتيجه البحث عن الرزق وبس.

مصر يعني الدفا والبيت والوطن والأم والناس والأهل وكل شئ حلو وله طعم ومعنى في الحياه وعلى الرغم من معارضتى لما تقوم به الحكومه ومعارضتي لبعض التوجهات الهدامه والأفكار الدخيله على مجتمعاتنا والتي يؤيدها البعض من أصحاب الأقلام وأصحاب الكلمه المسموعه داخل البلد .

إلا أن حب هذا الوطن وإنتمائي إليه وشوقي للرجوع إليه يجري في كل قطره من دمي ويكفى لحظه أن أستنشق نسيم الوطن بعد دخولي الأراضي المصريه في رحله العوده من الغربه .

وختاما فإن بلادي وإن جارت علي عزيزة وأهلي وإن ضنوي علي كرام

[ahmedfathi]

ليه بس يا شيماء تقلبي المواجع ما الواحد كان ناسي او يحاول يتناسي انا كل ما بدعي ربنا بقوله هون يا رب غربتي ووحدتي ملعون ابو الغربه واللي بتعمله في البشر وحسبي الله ونعم الوكيل في اللي كان السبب ما اهو لو كان فيه شغل في بلدنا ايه اللي يخلينا نتغرب ونكره نفسنا بس نعمل ايه لله الامر من قبل ومن بعد ومنه لله اللي كان السبب في غربتي وغربه جميع المصريين

مصري بجده

[النجم الثاقب]

مازا فعلت بك الغربة؟؟؟؟؟

اخاف

عندما اعود للوطن الحبيب

لا اجد صاحب لا اجد قريب

ولا حتي انتظار الحبيب

لا اجد سوي جسد الغريب

بلا روح بلا حياه

جسد مهجور

تسكنه ال أه

لا املك من دنياي

الا بعض من المال

ابتعت له حياتي

وخسرت به الامال

فهل ستقايضني الحياه

ان تاخذ المال وتنزع ال أه

المال الذي له

فاتتني احلي اللحظات

سبقتني احلي الابتسامات

تجاهلتني اعلي الضحكات

المال الذي

قتلت له جمع الاحبه

هدمت له حاجز الصحبه

دفنت له نفسي ببلاد الغربه

منقول

حوار مغترب

هي: أحن للعودة إلى الوطن؟

هو: هل حقاً هي مصر الوطن

هي: نعم إنها الوطن ...إنها الأرض

هو: لكنها لم تعد أرض الشرفاء

هي: ربما

هو: كما لم تعد أرض الصادقين

هي: بل أحلم بها

هو: لماذا؟

هي: لأنها هويتي

هو: و ما معنى الهوية في وطن تُزهق فيه أرواح الأحلام

هي: و ما معنى العيش في أوطان تتوحش فيها الأرواح

هو: إنها طبيعة صراع البقاء

هي: بل طبيعة صراع الأشقياء

هو: و لكنه حقق الأحلام والطموحات

هي : و ما فائدة اللهث وراءها؟

هو: تحقيق الذات

هي : و ما فائدة الذات بلا حياة؟

هو: و من قال إن الغربة تُذهب بالحياة؟

هي: و من قال إنها لاتقتل الحياة؟

هو: غريب أن يبدر منك هذا الكلام

هي: لماذا؟

هو: أنت من عاش دهراً بين ربوع الأوطان و البلدان

هي: أنا من عشت دهراً أبحث عن السكينة والأمان

هو: أنت!

هي: نعم ..

أنا من سئمت تغيير محطات القطار و التأقلم مع فراق الأحباب و التعايش

مع الاغتراب

أنا من كرهت تناقض المشاعر و احتواء الاحساس

أنا من سئمت حزم الحقائب و أهاب التعلق بالجدران

أنا من خفت التمسك بالمنازل أو النظر إلى حدائقها الغنًاء

هو: مهلاً ..مهلاً..مهلاً

من قال أنك ستفارقين الأحباب أو ستغيرين محطات القطار؟

بل ستصبح المحطات أوطانك

و ستعتادين غياب الأحباب

و ستصبح الواقعية شعارك

و سيصبح العمل أقصى رغباتك

و سيتوج النجاح نشوة انتصارك

هي: أعرف ...ولكن...

علمتني الغربة أن أخشى النجاح المتأرجح في غير الوطن

وعلمتني الغربة ألا أنتظر الرحمة من الغرباء والأشقاء وحتى أبناء الوطن!

علمتني الغربة أن أحيطني بأعتى الحواجز كي أحتمي من لطمات الزمن

وعلمتني الغربة غلبة شريعة العولمة وقسوة التنافس بين ألوان وأطياف البشر

علمتني الغربة قاموس الاصطناع والانكماش في الذات...

وعلمت غيري حب المال والسكوت عن الحق وقبول الظلم ودهس الرقاب

هو: ولكنها يا عزيزتي طبيعة البشر .. في غير الوطن والوطن؟

هي: و إن كانت كذلك .. فلم لا أعود بلا حياة إلى لا حياة داخل الوطن؟

هو:لأنه لم يعد وطن البسطاء ....

و لم يعد وطن المبادئ و الأخلاق

ولا حتى مدفن آمن للموتى والشهداء

هي: إذاً.... أين ذهب وطن طفولتي؟

هو: إنه أشباه صور !

هي: أشباه صور...؟ !

حقاً.....إنه أشباه صور.. جدي الحنون

أشباه صور.. أرجوحة العيد

أشباه صور ..رحلتي و جدتي في الأتوبيس النهري

أشباه صور.. "فلوكة" نيله الخالد

أشباه صور.. حرب أكتوبر 73

أشباه صور ..مغادرتي اضطراراً دون أن أعي أو أفهم لماذا؟

أشباه صور ..وطن ودود زرعه والداي الأحباء في مخيلتي...

ولكنني...لم أعد أعلم إن كان قد ضاع ذلك الوطن...

أم أنا ..من تاه في زحام الاغتراب

منقول

[herohero]

مش عار فحاسس اننا ظلمنا الغربة وده عيب فينا كمصريين لازم نلوم غيرنا وننسى نفسنا مش احنا اللي جرينا ع الغربة واحنا اللي راح دور ع شغل ف مكتب سفريات ولا اعلان ف جورنال ولا راح وتعب ف تقديم طلب الهجرة ياجماعه كل شيئ وله تمن ف مصر مكناش مرتاحين وف الغربة مش مرتاحين

ياجماعة احنا اللي كمصريين بتعيش حياتنا مش عارفين نتمتع بيها كمغترب بيحاول يكيف نفسة ان الغربة فترة مؤقته يعني نقعد 10 سنين ونقول مؤقتة والسنين تجري وف الاخر لا بنعيش ف بلدنا ولا ف الغربة ونقعد نقول بكرة لما ننزل مصر نتمتع وفالاخر لا بنتمتع بره ولا جوا

غير طبعا ان فيه كتير قوي مستعجلين الرزق عنده 23 سنة وعمال يدور يدخر كام من مرتبه حته التطوير الذاتي منسية ليه الغربة مش بنستفيد منها العاذب لو عنده مبلغ بيقدر يوفره يستثمره ف نفسه للاسف يقولك فلوس اعمل بيها مشروع معظم مستثمرين مصر ورجال اعمالها عملوا ثرواتهم من مصر او من اوروبا فاوروبا يعني فكر ومصر يعني معرفة باصول اللعبة انما متغرب الخليج مش بيطلع الا بقرشين نتيجه فرق العملة اتمنى اننا كلنا نستفيد ونضيف شيئ لخبراتنا

ومن حق اي حد يدور ع عيشة مريحة وما يتعبش

اللي بيدفع التمن الاولاد اللي اتعودوا ع عيشة معينه ومحدش ينكر ان معظم اللي بره مصر بيرتاحوا ف مرواحهم لشغلهم لا زحمة ولا فوضى مرورية

واجراءاتك بتخلص اريح من مصر

الغربة لها فوايدها ولهامضارها ومعظمنا هو اللي اختارها اختفى عصر النفي لاوروبا ولا لجزر سيشل

[عبير يونس]

اكثر ما فعلته بى الغربه بعد الزواج انها اصابتنى بعقده الذنب .

نعم الذنب .. الذنب تجاه اهلى الذين تعبوا كثيرا فى تربيتى ومنحى كل شيء وشاءت الظروف ان اتركهم ليكون حقهم على زيارتين فى السنه

ومكالمات تليفون .

ابتعدت عنهم فى الوقت الذى اصبح عندهم هم وفى هذا السن متسع اكبر من الوقت الذى يفترض ان نقضيه معا .. ان نتكلم ونحكى ونتذكر

الذكريات معا.. ان يحكو لى اكثر واكثر عن تربيتهم لنا عن حباتهم عن طفولتنا .

الآن وفى الوقت الذى اصبحت فيه ارى كل الأشياء من منظور آخر وبعمق آخر واحتاج لحوارات اعمق معهم اصبح حظى هو بعض اوقات اقضيها

فى اجازات سنويه .

الآن وانا اعانى الرهاب الشديد جدا لحد الفزع من فقد أحدهم اجلس انا فى بلد وهم فى بلد .

الآن وانا أشعر ان عيناى لا تشبع من ملامحهم اشتاق لهم فأنظر للصور او اغمض عينى لأسترجع ذكرى .

الآن انا فى بلد وهم فى بلد والعمر يمضى وكل يوم يمر يزيد من سخطى ومن احساسي بالعجز .

اتذكر بابا الحبيب .. ماما الطيبه .. افكر فى اشتياق قلوبهم لوجودى معهم فييعتصرنى الألم ويكوينى ولا اعرف كيف اخرج منه .

قبل كل شيء ربنا يبارك في عمر والديك الكرام و يجمعكم على خير

كانت أمي الغالية تقول دوما اللقا نصيب

يعني نحن لا نملك التواجد في مكان نحبه و مع أشخاص نحبهم

و لكنها أقدار أن نلتتقي بهم في أماكن معينة و أوقات معينة

فلا تبتأسي و تحملي نفسك فوق طاقتها

اتصلي بهم دوما و شوفيهم على كاميرا الانترنت

التواصل بات سهلا في أيامنا هذه بفضل الله

بارك الله لك في والديك الكريمين

و تأكدي أنه لا يوجد أحد غيرهما يتمنى لك الخير و السعادة حتى لو كان ذلك على حسابهما و حتى إذا كان ثمنه حرمانهم منك و من رؤيتك بينهم

و أكيد أنهم يفكران بمصلحتك أكثر من تواجدك معهم

فلا تجعلى الألم يعتصر قلبك و لا تشعري بالذنب

حاولي ان تشعري بالسعادة

و لا تتصوري ان شعورك بالألم الذي تشعرين به الآن لا يصل إليهما

فإن قلبيهما يريانك و يشعران بك حتى مع البعد

فبالله عليك لا تزيدي من آلامهم

و تأكدي أن أكبر ما يتمناه الأبوين هو الشعور بأنك سعيدة فعلا مع أسرتك الصغيرة

تحياتي md2:

[الطبيب]

مازا فعلت بك الغربة؟؟؟؟؟

سمعت كثيرا عن الغلربة وما تفعلة بكل من يسافر قبل ان اتى الى الرياض من ست شهور فقط

ان الغربة تغير الناس وتبدلهم يكتسبو اشياء ويفقدوا اشياء

ادعو كل من يقرأ هزا الموضوع ان يكتب عمافعلتة بة الغربة من سلبيات واجبيات

وهل تغيرنا الغربة فعلا؟

[الطبيب]

مازا فعلت بك الغربة؟؟؟؟؟

سمعت كثيرا عن الغلربة وما تفعلة بكل من يسافر قبل ان اتى الى الرياض من ست شهور فقط

ان الغربة تغير الناس وتبدلهم يكتسبو اشياء ويفقدوا اشياء

ادعو كل من يقرأ هزا الموضوع ان يكتب عمافعلتة بة الغربة من سلبيات واجبيات

وهل تغيرنا الغربة فعلا؟

ما تعريف الغربه؟

باختصار الشعور بقلة الحيله.

إذا لابد أن الشخص يتغير

لم أغترب يوما لكننى شعرت بمراره الغربه بحلوق المغتربين

المراره تظهر أكثر حينما يشعرون بعدم قدرتهم على عدم الإغتراب

كان الله فى عون الجميع