أرجو الاستفسار بخصوص الحج

[omniya]

السلام عليكم

ان زوجى مقيم بالسعودية ونفكر ان نحج هذا العام ان شاء الله فهل من الممكن ان يعمل لى زوجى تاشيرة زيارة للرياض واسافر له ونذهب للحج، وما هو الوقت المناسب لتقديم الطلب لوزارة الخارجية السعودية وللقنصلية السعودية فى مصر علما ان قد قرأت فى منتداكم أنالزوجة والاولاد الزيارة مفتوحة لهم طوال العام .أما أى فرد اخر من الاسرة فمن شهر شعبان إلى الحج بتبقى الزيارة لهم غير مسموحة

وهل اذا حضرت بتأشيرة زيارة يسمح لى بالحج مع الحملات ام يشترطوا اقامة وما هى افضل طريقة للحج او شركة مسئولة عن الحج بالرياض

شاكرين حسن تعاونكم

[الطير السافر]

هو انا اللى اعرفه ان ممكن فى او قت للزوجة وبالنسبة للزيارة والحج انا هقولك على تجربتى الشخصية انا كان معايا والدى ووالدتى وكانوا على فيزا زيارة مبينفعش خالص انهم يطلعوا حملة بتصريح وكده عشان كده كل اللى معاهم زيارة بيطلعوا حملات المبيت بتاعها فى العزيزية ومفيش فرق كتير خالص بل ان العزيزية احيانا بتبقى اقرب من اللى موجودين بالمزدلفة وده اللى حصل معانا

[omniya]

مش فاهمة يعنى حضرتك بتسافر لوحدك بدون حملات ولا ايه والعزيزية بتفرق عن المزدلفة فى ايه

هل هنا فى القنصلية السعودية فى القاهرة فى اى مشكلة مثلا لو طلبت اضافة التأشيرة قبل السفر باسبوعين مثلا ولا ممنوع

[omniya]

ايه يا جماعة مفيش حد يقولى خبرته فى هذا الموضوع ولا ايه

[ياره]

الزياره ملهاش انها تطلع تصريح حج وصعب جدا انك تطلعي لوحدك تحجي لان اولا مشقه فوق الوصف ولو معاكي اطفال يبقي الموضوع مستحيل مش هيقدروا يستحملوا ثانيا لانهم بدؤا يضيقوا ع الناس اللي بتطلع تحج من غير تصريح واللي بيطلع لوحده مبيعرفش يتصف عند نقط التفتيش يبقي الحل في الحملات .الحملات الكبيره المترخصه في الحكومه ودي بيقبي لها خيم للمبيت في مني دي صعب جدا تطلعي معاهم لانك زياره لانهم بيبقوا ماشين قانوني .في بقي الحملات التانيه اللي مبيبقاش معاهم تصاريح دول تقدري تشتركي معاهم وبيبقي لهم طرق بيقدروا ان شاء الله يعدوا عند نقط التفتيش لكن بيبقي ملهمش خيم في مني والمبيت ايام التشريق بدل ميبقي في مني بيبقي في العزيزيه او المزدلفه .اولا ده مخالف السن لان المبيت لازم في مني بس فيه علماء اجازوا المبيت في المزدلفه او العزيزيه وممكن حضرتك تسالي ف الموضوع ده حد من الشيوخ علشان تتاكدي وممكن علشان تستريحي تروحي تقعدي في مني كل ليله من العشاء حتي منتصف الليل وكده تبقي بيتي في مني وبيبقي فيه ناس كتير قاعدين في مني في الشوارع وعلي الكباري يعني مش هتبقي لوحدك احنا عملنا كده من سنتين واحسن ان حضرتك تشتري خيمه ولو لقيتي مكان في مني تنصبيها فيه بليل هيبقي اسهل .ثانيا رمي الجمار فعلا لو انتي في العزيزيه ممكن تبقي اقرب احنا كنا بنمشي حوالي نصف ساعه علشان نوصل لمكان رمي الجمرات وبرضه بيبقي فيه ناس كتير ماشين ان شاء الله مش هتبقي مشقه اوي .ربنا يكتب لكي الحج ان شاء الله

[omniya]

اشكرك على الرد والمعلومات القيمة وربنا يكتب لنا جميعا الحج باذن الله

[hyoussif]

طيب وهو امتى يعنى ممكن ان اعمل اجراءات لزوجتى الزيارة يعنى علشان تقدر تيجى قبل الحج ولوجد يعرف حملة كويسة يا ريت يقولى عليها

[صعيدي]

أنا أحتمال اسافر للعمل فى السعودية عن قريب ان شاء الله وسؤالي عن امكانية استقدام الوالدين للزيارة ومن ثم الحج

[se_ Elsyed]

أنا أحتمال اسافر للعمل فى السعودية عن قريب ان شاء الله وسؤالي عن امكانية استقدام الوالدين للزيارة ومن ثم الحج

حتى الماكينات اليابانية طلعت هي روخرها مش بتقرا ملايين الموضوعات والردود اللي غتكتبت وقتلت تلك التساؤلات بحثاً ؟!!

يا خسارة

انا عايز أعيش في كوكب تاني