تكاليف شقة مساحتها 130 متر

[welloook]

اود بناء قطعة ارض مساحتها 130 متر عبارة عن دور ارضي + الثاني والثالث دوبلكس بحيث ان الارضي عبارة عن 3 غرفة وحمامين ومطبخ وريسبشن انا حاليا ان شاء الله هاشطب التاني والتالت فقط والتاني عباره عن 2 غرفة مطبخ حمام ريسبشن اما التالت 3 غرفة وحمامين حمام كبير مع غرفة النوم الماستر ةريسبشن صغير وايه اقتراحاتكم للسلم الداخلي بين الدورين وعايز تشطيب جيد جدا بمعني لو تفيدونا باسعار السيراميك والبورسلين وبالنسبة للاسقف ايه الافضل كرانيش ولا فيه اجمل والشبابيك والبلكونات ايه احدث اشكالها

[Emo]

اللي أأقدر اساعد حضرتك فيه اني ادل حضرتك ع شركة مقاولات محترمة..

مهندسينهم كويسين جدا..وديكوراتهم تحفة ..واسعارهم جيدة..

هي شركة ريتاج بالمهندسين لصاحبها مجدي خليفة..

لو حابب ابعت لحضرتك رقمه ع الخاص بعد مااديله فكرة عن اتصالك..

دمت بخير..

[الأقصرى]

عزيزى ربنا معاك

انا لسه مخلص تشطيب شقه مساحتها 180 متر بحى السفارات مدينة نصر 3غرفه +2حمام +رسيبشن مساحته 70 متر تقريبا

يوجد اسقف ساقطه وديكورات بالريسبشن والممر فقط باقى الغرف كرانيش فقط

الغرف سيراميك والحماماميم والمطبخ سيراميك كيلو باترا اما الريسبشن فبورسلين كيلوباترا لامع

الاجهزه الصحية ديرافيت والخلاطات جروهى والابواب هموله مدهونه استر

الدرج الداخلى اخضر هندى

الدهانات ديكورية فى غرفة الاطفال وعدد 2 حائط بالريسبشن

الامونيوم قطاعات الوتك

التكلف تقريبا 100 الف جنيه وممكن تقل شويه لان سمعت ان هناك انخفاض فى السعار

ربنا يوفقك

[welloook]

بار ك الله فيك اخي الاقصري ويا ريت استفسر من سيادتك عل ي بعض الحاجات:

1 - الشقة دي كانت نص تشطيب علي المحارة يعني

2- يا ريت تديني حضرتك اسعار الالوميتال والبورسلين ان امكن

3- في رايك ايه افضل انواع الدهانت ف مصر وورق الحائط

[الأقصرى]

السلام عليكم

لا شكر على واجب

الشقه مفروض انها نصف تشطيب ولكن كمعظم شقق ميدنة نصر تباع بدون ابواب, وحلوق الابواب مش نافعه بتخلعها وترميها اما الكهرباء فهى عباره غن مواسيربلاستيك ومفتاح وبريزه فى كل حجره انا بعتبر انها مبانى طوب عليها محارة والسباكه عباره عن مدخل مياه ومخرج صرف, يعنى كانك بتبدأ من بعد مرحلة المبانى مباشرتا, يعن ممكن تقول ربع تشطيب!!

طبعا كان بيشطب الشقه والد زوجتى جزاه الله خيرا لانى اعمل بالرياض حاليا, ونظرا لوجود الشقه فى الدور السادس بعد الارضى فان التكلفة يدخل من ضمنها تشوين المواد لان الاسانسير لم يعمل الا هذا الاسبوع

اسعار اللوميتال من شهرين -قطاعات الشركة العربيه من 400 الى 450 للمتر المربع ورائيى تبعد عن قطاعات شركة السعد والشركة العربية وتستخدم قطاعات افضل وسعرها تقريبا بيبدأ من 600 الى 800جم للمتر واكثر من كده بلاش منه طبعا, على العموم ان رائيي ان الشبابيك والبلوكات الالمونيوم تستخدم فى اضيق الحدود لعدم مناسبتها لظروف الجو فى مصر

بالنسبة للبورسلين فكان نفسى فى الرخام ولكن لقيت تكلفته النوع الكويس بيعدى ال 350 جم للمتر المربع وده فوق امكنياتى , اما الرخام الجلاله والفلتو والتريستا فسعره كويس ولكن شكل البورسلين افضل منه بكتير.

البورسلين اللى عجبنى بتاع كيلوباتر والمتر تقربيا بعد الخصم ب 110 جم ويا ريت تركبه بطريقة zero Joint بمعنى اخر ما فيش فواصل ولا لحامات بيدى منظر رائع فى المساحات الكبيره, وابعد عن الاشكال الديكورية الجاهزه لانها غاليه ومش بتبان بعد فرش السجاجيد وممكن تعمل كنار من لون غامق فقط

الدهانات الكويسه سايبس او جوتن والرك على الصنايعى اما الاشكال الديكورية لبعض الحوائط فموجوده فى معارض جوتن والجزيره وسايبس ودى مش بتبقى للمساحات كله يعنى مثلا بروز الاعمده بتتعمل ترخيم وحوائط محدده بتتعمل ورق يتم دهانه فيما بعد واشكال اخرى فى غرف الاطفال لحوائط محددة

وربنا معاك كمان مره