بدءا من الشهر المقبل استخراج بطاقات الرقم القومي للمغتربين بسفارات مصر بالدول العربية

[isa]

بدءا من الشهر المقبل

استخراج بطاقات الرقم القومي

للمغتربين بسفارات مصر بالدول العربية

كتب ـ أيمن فاروق‏:‏

أصدر السيد حبيب العادلي وزير الداخلية توجيهاته بايفاد عدد من ضباط وموظفي قطاع مصلحة الأحوال المدنية ابتداء من الشهر القادم الي دول الامارات‏,‏ وسلطنة عمان‏,‏ والبحرين‏,‏ والكويت‏,‏ والسعودية‏,‏ وقطر‏,‏ والأردن‏,‏ واليمن‏,‏ لاستخراج بطاقات الرقم القومي للمصريين المقيمين بتلك الدول بمقر السفارات المصرية يأتي ذلك في اطار سياسة وزارة الداخلية بتقديم الخدمات الجماهيرية للمواطنين المصريين في الداخل والخارج في سهولة ويسر‏.‏

وشدد اللواء مصطفي راضي مساعد الوزير لقطاع مصلحة الأحوال المدنية علي التنسيق مع الجهات المعنية لايفاد مجموعات عمل الي عدد من الدول العربية لمراجعة واستيفاء استمارات بطاقات الرقم القومي للمصريين المقيمين بتلك الدول تمهيدا لانهاء اجراءات استخراج وتجديد تلك البطاقات‏.‏

وكانت المجموعة الأولي من بعثات قطاع الأحوال المدنية قد حققت نجاحات جماهيرية كبيرة في المأمورية الأولي والتي قاموا بها في بعض المدن في كندا وحققوا خلالها عددا كبيرا من رغبات المواطنين المصريين في استخراج بطاقات الرقم القومي لهم والرد علي استفساراتهم‏.‏

ومن المقرر أن تبدأ مجموعات العمل الشرطية البعثة الثانية خلال الفترة المقبلة‏.‏

------

نقلا من جريدة الاهرام

[سكر]

مش قادر افهم العقلية الجبارة الى اخدت القرار دة بتفكر فى ايه او اصلا بتفكر ازاى

اية فائدة البطاقة فى الغربة

ممكن كنت اتقبل الفكرة لو كانت لجواز السفر الجديد اما البطاقة

دة يبقى تهريج وصرف فلوس واموال على الفسح والرحلات

[غريب الخبر]

مش قادر افهم العقلية الجبارة الى اخدت القرار دة بتفكر فى ايه او اصلا بتفكر ازاى

اية فائدة البطاقة فى الغربة

ممكن كنت اتقبل الفكرة لو كانت لجواز السفر الجديد اما البطاقة

دة يبقى تهريج وصرف فلوس واموال على الفسح والرحلات

لا مش تهريج ولا حاجة . هما بس عايزين يعملوا احلال وتجديد لكل بطاقات الرقم القومى وحسب القرار اللى قراته من حوالى شهر اللى بيقول ان مصلحة الاحوال المدنية ووزارة الداخلية تهيب بالمواطنين بتجديد بطاقات الرقم القومى والتى مر عليها اكتر من ثلاث سنوات والبعثات الموجودة بره مصر بارضو لنفس الغرض عن طريق تجديد الجواز يعنى الموضوع كله ناحية امنية وسياسية واقتصادية و......................الخ.

دمت على خير

[MoHaMMeD EgYpT]

هما من الاخر عاوزين يجمعوا فلوس و قالوا يمصوا دم اللي متغربين في الخارج و طبعا لو واحد هيعمل البطاقة بره مصر اكيد هيدفع اضعاف مضعفة

[سكر]

الاخ غريب الخير

اولا فائدة البطاقه انها اثبات داخل البلد وليس خارج البلد

ثانيا البطاقة مدام لا يتم استخدامها كاداة الكترونية للتعامل فى كافة تعاملات المواطن اليومية تبقى ملهاش لازمة للمواطن ومجرد اجراء امنى

عشان البيه العسكرى لما يوقفك فى الشارع يعرف بس انت اسمك اية وشغال فين ويبتدى يتعامل معاك بالطريقة المناسبة للبيان

يعنى بالبلدى لو البطاقة بتاعتى انتهى صلاحيتها يبقى على سبيل المثال وليس الحصر اتوماتيكيا

يتقفل حسابك فى البنك ومتعرفش تجدد الرخصة ليك وللعربيه ولا تطلع باسبور ولا حتى تقدم على ابنك فى المدرسة وهكذا فى كل التعاملات على الاقل مع وزارة الداخلية

لكن ان يتم تقزيم المشروع الى بطاقة بلاستيكيه والداخلية تتحايل على الناس عشان يجددوها دة يبقى تهريج