ايها الزوج ابعد زوجتك شوية وجاوب على السؤال دة ؟؟

[ذهبية]

ياترى بعدت زوجتك عن جهاز الكمبيوتر وانت بتقرا التوبك دة ياريت لو معملتش كدة اعمل كدة فورا قبل ما تجاوب على السؤال اللى هاقولة الان علشان ما يكون فية احراج وتجاوب براحتك

بعدت طيب اسالة انت ايها الزوج بتقول لزوجتك انت بتقبض كام بالضبط ومعاك قد اية فى البنك ياترى انت ماشى على مبدا دارى على شمعتك تقيد ومحدش يعرف حاجة ولا الجن الاحمر و السر ميبقاش سر لو طلع برة ومحدش ضامن الظروف وكدة وبلاش تعرف علشان انا مش ناقص بقى طلبات وهات هات هات بدل ما تروح تقول لماماتها و اصحابها و تبقى ليلة لا خلي الموضوع فى سرك علشان البركة تحل

ولا ماشى على مبداااا احنا واحد و الجيب واحد وانتى حبيبتى ااقرب انسانة ليا ولازم تعرفى عنى كل شىء من الضغيرة للكبيرة علشان لو حصل ليا حاجة تكونى عارفة راسك من رجليك و تعرفى انى ساندك و سايب لك اللى مكفيكى انتى واولادى وانا عارف انك مش هتفتنى عليا و تعرفى الاهل وماماتك باللى معانا و اللى احنا محوشينة علشان انا باثق فيكى

و ياريت برضة الزوجات ترد على السؤال دة جوزك عارف كل حاجة عن ظروفك المادية بالتفصيل ولا مش بتقولى اصلا و لا بتقولى العنوان و تحتفظى بنفسك بالتفاصيل ولا بتقولى اللى انتى عايزة تقولية

[MZohairy]

لو الزوجه اللي الزوج بيأتمنها على شرفه و على ولاده معرفتش اوضاع زوجها الماديه

مفروض مين اللي يعرف؟

هو ده الفرق بين اللي متجوز شريكة حياته و بين اللي متجوز واحده تجيبله عيال و تطبخله اكله حلوه

[حسام يوسف]

وأنا من رأى العزيز زهيرى wst::

[ام بلال]

قصة حقيقية أعرف أشخاصها نفر نفر و هم من أقاربي من جهة أمي :

كان قريب أمي له محل لبيع قطع غيار السيارات في مصر ، و كان يستورد بإسمه قطع غيار أصلي ، المهم حالته المادية عليت جدا

في عدة سنوات لسمعته الطيبة و لأمانته ، لكن كان مرتكب غلطة كبيرة جدا كان لا يطلع زوجته على كل مادياته و أسراره المالية ،

المهم إستورد صفقة من إحدى دول أوروبا من حوالي ست أو سبع سنوات ، حصلت مشكلة في الصفقة ، سافر لحل المشكلة كعادته

، ....ثم شهر إثنين ثلاثة ...... لاحس و لا خبر بدأت زوجته و هي قريبة لنا أيضا تسأل عنه طوب الأرض في سفارة البلد ، عملت كل ما

يمكن عمله لم تجده ، بعض رجال الأمن هنا قالولها البلد الأوروبية دي فيها مافيا ممكن يكونوا خلصوا عليه و الله أعلم بيه ،

قريبنا حتى سيارتهم الشخصية تخيلوا ركنها في مكان سري عشان الولد الكبير لا يأخذها و يعمل بها حادثة ،

الكلام ده من سنين .... النتيجة .... ديون متلتلة ....ضرايب ....... تهديد كل يوم يا الدفع يا الحبس أو الحجز على المحل ... طبعا باعت كل البضاعة اللي فيه ... و لا يفي بعشر الديون اللي عليهم للبنك اللي كان وسيط ...لأن المبلغ يفوق المليون .....

لكم أن تتخيلوا بعد كل الهنا -بسبب سوء تخطيط من الزوج و نسيانه أنه ممكن يموت و يترك كل شيء ، حتى وصية بالممتلكات و الفلوس و المستحقات لأنه تاجر لم يتركها لزوجته - زوجته عايشة على مساعدات الأهل و الأقارب و ولاد الحلال لتستطيع العيش

لأننا مطلعين و عن كثب عما حدث لقريبتنا هذه ، أكدت أمي- الله يرحمها - على أخي و زوجي و زوج أختي بضرورة المصارحة الزوجية في كل شيء من الطرفين ، لأن لا أحد يعرف الحي من الميت ،و إن كان مبدأ المصارحة موجود أساسا فينا لكن الواحد يتعلم مما يحدث للناس .

و أظن ذلك يذكرنا بتقصيرنا في إتباع سنة الرسول بضرورة كتابة الوصية لو أن الإنسان له أو عليه حقوق و عنده مال لأن لا أحد يعرف متى يموت ،

و شكرا

[MZohairy]

ده بيعتمد على طريقة اختيار الرجل لزوجة المستقبل

هل هو عايزها مخ يشاركه و يشوره و يفضفضله و يستشيره احيانا بالاضافه الى الواجبات الأخرى؟

أم يريدها طباخه و غساله و ولاده و شريكة فراش فقط؟

حقيقة النوعيه الثانيه لا يمكن اشراكها في كل الأمور لأن رأيها قد يضر بل ايضا تصرفها فيما عرفت قد يكون مؤذي

أما النوعيه الأولى فهي النوعيه المثلى لمشاركتك كل شيئ

[عاشق]

هو سؤال صعب

وبصراحة محتاج كلام كثير

ومش نبعد بس المدام بعيد عن جهاز الكمبيوتر

دي لازم تنام وتروح في النوم

المهم

انا شايف الموضوع ده يتحدد حسب نوع المراة وليس الرجل

بمعنى انا لو راجل مقتنع ان زوجتى هتقدر طيب المعاملة واني اوضح لها جميع اسراري وليس الامور المالية فقط .. بجد هعملها وهذه النوعية من النساء بجد بتفكر بالمستقبل واذاى تحافظ على اموال زوجها ومستقبل اطفالها ... بس للاسف كان زمان

ولكن لو الزوجة لم تقدر هذا الكلام .. بجد هيكون صعب ان تطلع على اي شيئ وخاصة الامور المالية

لان وللاسف بعض الزوجات لو اطلعو على دخل الزوج الحقيقي مش هتخلص من الطلبات الاساسية والغير اساسية

وبالاضافة الى تدخل الزوجة السافر في امور كثير هي من اختصاص الرجل (تدي ده .. لا متديش ده .... ده كثير عليه ... )

لحد ما يلاقى الراجل نفسه هو الي بياخذ التوجيهات المالية من الزوجة .. ومع الاسف الصنف ده منه كثير قوى اليومين دول

هذا رأئي المتواضع

بس لازم نعترف احنا مش ملائكة

[osmel33]

أيه الأسئلة الصعبة دى يا ذهبية ؟ أنتى كده عاملالنا مشاكل فى كل حتة

وأسألتك كلها بره المقرر

طيب يا ستي أنا زوجتي هى كاتمة أسراري وصديقتى قبل ماتكون زوجتي فمافيش حاجة

هي ماتعرفهاش

تم تعديل 23 فبراير 2009 بواسطة osmel33

[roshdy]

يا ستير يارب

أسترها علينا يارب

فعلاً موضوع جامد

بس جوابه إن شاء الله بعد الزواج

هههههههههههههههههه

أصل عقابل عندكم لسة في الطريق إلى إيلات

يوووووووووه

قصدي الطريق إلى الخطوبة

جاري البحث

ههههههههههههههههههههه

بس أنا أؤيد طبعاً إن لازم الزوجة تعرف كل حاجة عن زوجها

بس بشرط واحد

V

v

v

v

v

v

v

vv

v

v

v

v

v

v

v

vv

v

v

v

v

v

v

وهي على فراش الموت

هههههههههههههه

بهزر معاكم

لازم طبعاً تكون عارفة كل حاجة عن زوجها

لأن ممكن لا سمح الله يحصل مع الزوج أي مشكلة زي الحكاية اللي فوق

تم تعديل 23 فبراير 2009 بواسطة roshdy

[الملكه]

على فكره دا موضوع جامد جدا لان كل واحد منا سواء زوج او زوجه ليهم زمه ماليه لازم يكون له كاتم اسرار عارف عنه كل حاجه وزى ما بيقولوا زراعه اليمين او كتاب مفتوح للتانى وامين على ممتلكاته واسراره ونفسه عامله توكيل عام على حياته يعنى و فى ناس كتير متجوزين بيكملوا بعض وستر وغطا على بعض ودا هوه الصح لانهم دول الاتنين الوحيدين اللى مصالحهم واحده وعمرها ما تختلف وخصوصا لما يكون فى اولاد بس تفتكر هيه تستااااااهل ؟؟؟؟ :blink: ولا هوه يستاهل ؟؟؟ هوه دا السؤال اللى محتاج رد

[سهل جدا]

حسب طبيعة الزوجة

عموما أنا قرأت كلام جيد في الموضوع ده لابن الجوزي (توفي سنة 597 هجرية)

يقول رحمه الله:

(( إنما الرجل الحازم الذي لا يتعداه سره و لا يفشيه إلى أحد

و من العجز إفشاء السر إلى الولد و الزوجة

و المال من جملة السر فاطلاعهم عليه

إن كان كثيرا فربما تمنوا هلاك الموروث

و إن كان قليلا تبرموا بوجوده

و ربما طلبوا من الكثير على مقدار كثرته فأتلفته النفقات))

نقلا من كتاب "صيد الخاطر"

على فكرة الكتاب ده جميل جدا , لأنه جمع خواطر لرجل شديد الذكاء والعلم ..

تم تعديل 23 فبراير 2009 بواسطة سهل جدا

[الباشمهندس ياسر]

لو الزوجه اللي الزوج بيأتمنها على شرفه و على ولاده معرفتش اوضاع زوجها الماديه

مفروض مين اللي يعرف؟

هو ده الفرق بين اللي متجوز شريكة حياته و بين اللي متجوز واحده تجيبله عيال و تطبخله اكله حلوه

كل يوم يا ابو زهيرى حبك ف قلبى بيكبر

من قلبى والله

[SoSo R]

إسمحولى أشارك برأيى المتواضع معاكم

بداية موضوع الذمة المالية هو أحد الدعاءم الأساسية للبيت الناجح

وكل كتب الأسرة كتبوا إن الخلافات الزوجية لها أسباب كتير لكن موضوع الماديات أكتر موضوع بيفجر مشكلات بين الأزواج وساعات بيهد البيت وفى أنماط كتير على موضوع المصارحة المادية زى ما تفضل الأعضاء ووضحوا

و إذا كان الراجل بيخاف يصارح زوجته بأحواله المادية فدة دليل على أختيار خاطىء من البداية لشريكة الحياة وهى دىتبعات إختياره الخاطىء وساعتها هيكون الرجل فى نظر زوجته هو الفرخة اللى بتبيض دهب وكل دوره إنه يسعدها و يشترى ليها كل اللى عايزاة وما لهاش دعوة بظروفه و لا زنقته المادية ولا أى حاجة.

بعد إذن الأستاذة ذهبية عايزة أحور فى السؤال شوية و أقول هل من حق الأبناء معرفة ممتلكات والديهم أثناء حياتهم دة طبعا فى حالة إن الأولاد ناضجين و بالغين ومقدرين المسئولية مش عيال فى المدرسة؟؟

منتظرة ردود الأعضاء

تحياتى

سوسورانى

تم تعديل 23 فبراير 2009 بواسطة SoSoRaNy

[الملكه]

فكره ان الاولاد تعرف دا بيترتب على اشياء كثيره جدا واهمها علاقه الاب بالام والعكس ومدى اصرارهم لوجود بيت ناجح وحياه امينه لاولادهم ولو الزوج بيحب زوجته وبيثق فيها هيحب ولادها طبعا اللى هما ولاده ويحب ان يديهم كل ما يملك واكتر لكن لو العكس اشك من الطرفين

ومن الاخر كدا لو مكنش الزوج او الزوجه او الاولاد هما اللى يعرفوا عن بعض كل حاجه مين تانى هيكون من حقه دا وطبعا من حقهم انهم يحسوا بالامان والاستقرار لان لو حصل العكس بتبقى عواقبه كبيره ولو مبيثقوش فى بعض كانوا بيجوزا من الاول ليه ؟؟؟؟!!

ولو هتيجوا تحسبوها اللى يأمن على روحه ونفسه فى بيت واحد مع واحده او واحد مش هيأمنها على فلوسه اعتقد ان النفس والروح اغلى بكتييييييييييييير

[HDarwish]

بالتأكيد الموضوع ده يرجع للزوجة ...

لو الزوجة بتقدر يبقى مفيش مانع أبدا إن الزوج يصارح زوجته بالنسبة للحالة المادية ...

لكن لو الزوجة لا تقدر أو لا تعطي إهتماماً لهذه الناحية يبقى من باب أولى وواجب على الزوج إنه لا يصارحها ...

كمان فيه نقطة مهمة جداً ذكرها أحد الأعضاء وهي إن أوقات الزوجة لما بتكون عارفة كل صغيرة وكبيرة بتبدأ تدخلاتها كمان في كل صغيرة وكبيرة كمثال لو الزوج له أخت أو أخ وحابب يساعده أو عايز يصرف مبلغ معين في اتجاه ما وهي رافضه إنه يصرف في الاتجاه ده ... هنا بئا يبدأ الزوج يندم على إنه صارحها بكل حاجه.

يعني رأي باختصار إنه حسب الزوجة فيه زوجة واجب إنك تصارحها وزوجة أخرى لأ لو صارحتها ممكن لا قدر الله يتخرب البيت.

[ذهبية]

لو الزوجه اللي الزوج بيأتمنها على شرفه و على ولاده معرفتش اوضاع زوجها الماديه

مفروض مين اللي يعرف؟

هو ده الفرق بين اللي متجوز شريكة حياته و بين اللي متجوز واحده تجيبله عيال و تطبخله اكله حلوه

انا موافقة رايك مية فى المية يا زهيرى لان الحياة الزوجية مش اكل و شرب واوانجاب اطفال الحياة الزوجية مشاركة وجدانية وحب احترام واحد انت اخترتة من دون كل الناس علشان يكمل معاك حياتك و تاتمنة على نفسك و روحك و شرفك و تربية اغلى الناس ليك هما اولادك طبيعى جدا انك تاتمنة على سرك

مع انى ادى بعض العزر لبعض الازواج لو كتموا بعض الامور المادية عن زوجاتهم خاصة لو تختص بعمل الخير او الزكاة او مساعدة بعض الاهل المحتاجين

[ذهبية]

ام بلال سعدية بمرورك حضرتك جدا و قصتك فعلا بتحصل فى بيوت كتيرة جداااا و بتحصل للاسف مشاكل كثيرة جدا نتيجة الكتمان الغير مبرر بالمرة من الزوج خاصة على زوجتة واولادة

انا لى قصة شبيهة جدا بقصة حضرتك حدثت الى قريبة لى زوجها خبى عليها حالتة المادية فى بداية الزواج تمام و اقنعها انة تاجر كبير يملك العديد من السيارات التى تنقل البضاعة وان لة العديد من السواقين وانة يعمل فى مركز مرموق فى شركة كبيرة جدا و تزوحت منة على هذا الاساس و عاشت فى رفاهية مدة سنتين انجبت و بعدها بدات الحقيقة تظهر بالتدريج

جتى اكتشفت ان السيارات ماهى الا بالتقسيط وعلية ديون كبيرة جدااا على البنك

وان الوظيفة طردمنها نتيجة انة كتب شيكات على نفسة بلا رصيد

يعنى من الاخر باعت شقتها التمليك و بيعت العربيات و ظلت اكتر من سنة مترددة بين طلب الطلاق و الاستمرار معة بعد هذة الخدعة

قررت الاستمرار معة لانها بنت اصل و تراعى الله و تحملت معة تسديد كل الديون بعد جدوالتها و بعد ان نزلت هى للعمل و مرت الان اكثر من عشر سنين وهما مازالوا فى ديون لكن الحمد الله تحسنت الحالة نوعا ما عن زمان

طبعا لا اعتبر هذا كتمان لانى اعتبرة خداع و غش و تدليس لو كان صارحها من البداية بظروفة المادية كانت عرفت تنظم حياتها بوضعة المادى

قصص الحياة كثيرة لابد ان نسفيد بتجارب الاخرين حتى نعفى نفسنا من الوقوع فى نفس الخطا

[ذهبية]

هو سؤال صعب

وبصراحة محتاج كلام كثير

ومش نبعد بس المدام بعيد عن جهاز الكمبيوتر

دي لازم تنام وتروح في النوم

المهم

انا شايف الموضوع ده يتحدد حسب نوع المراة وليس الرجل

بمعنى انا لو راجل مقتنع ان زوجتى هتقدر طيب المعاملة واني اوضح لها جميع اسراري وليس الامور المالية فقط .. بجد هعملها وهذه النوعية من النساء بجد بتفكر بالمستقبل واذاى تحافظ على اموال زوجها ومستقبل اطفالها ... بس للاسف كان زمان

ولكن لو الزوجة لم تقدر هذا الكلام .. بجد هيكون صعب ان تطلع على اي شيئ وخاصة الامور المالية

لان وللاسف بعض الزوجات لو اطلعو على دخل الزوج الحقيقي مش هتخلص من الطلبات الاساسية والغير اساسية

وبالاضافة الى تدخل الزوجة السافر في امور كثير هي من اختصاص الرجل (تدي ده .. لا متديش ده .... ده كثير عليه ... )

لحد ما يلاقى الراجل نفسه هو الي بياخذ التوجيهات المالية من الزوجة .. ومع الاسف الصنف ده منه كثير قوى اليومين دول

هذا رأئي المتواضع

بس لازم نعترف احنا مش ملائكة

فعلا احنا مش ملايكة احنا بشر يا عاشق

انا اعتقد زى ما انت قولت انة حسب نوع المراة لكن يا عاشق برضة حسب نوع الرجل يعنى ممكن جدااا جدا تكون الزوجة فعلا كويسة و امينة لكن الرجل بطبعة كتوم جدا يعنى اعتقد انة بتكون طبيعة بشرية فى الانسان نفسة انة مش بيحب الكلام الكتير و بيحب يكون كتوم باسرارة يعنى مش حسب الزوجة بس وحسب الزوج ايضا و طباعة ودة بيتحدد حتى من قبل الجواز يعنى هتلاقية مش بيحب يحكى كتير او مش بيحب يقول لوادلتة او والدتة اسرارة هتلاقية تلقائى بيعمل كدة مع الزوجة لانة اتعود على كدة و طبع فية

و انا معهاك جدا ان فية بعض الزوجات بتدخلوا فى امور ازواجهم المادية بشكل سافر جدا و مستفز و دة بيجبر الرجل انة يخبى لكن دة برضة فى ايدالراجل لو وضح لها من البداية انة مش بيحب الاسلوب دة و انة سهل جدا انة يخبى عليها لكن هو احترمها و قالها على سرة و هى الىل ما احترمتش دة هيكون عقابها منة انة مش هيكررها تانى و صدقنى الزوجة وقتها هتفكر الف والف مرة قبل ما تدخل نفسها

يعنى انا مثلا لو زوجى اخد راى فى انة يدى حد مبلغ من المال مثلا انا اقول لة راى و بعدها فورا اقولة دى حاجة تخصك انت انا قولت لك راى الشخصى لكن انت ادرى بظروفك و ظروف الشخض دة و دى حاجة ترجعلك فى الاول و الاخر باترك لة الحرية تمام انة يسمع راى و بعدها يقرر هو حسب راية و بعدها عمرى ابدا ابداااااااا ما اسالة انت عملت اية او اديت كام او اواو بيكون الموضوع انتهى على كدة حتى لو انا اضايقت مثلا من بعض تصرفاتة عمرى ما اقولة لانى عارفة كويس جدا انى لو عاتبتة هيخبى عليا و هاكون برة الصورة

[ذهبية]

أيه الأسئلة الصعبة دى يا ذهبية ؟ أنتى كده عاملالنا مشاكل فى كل حتة

وأسألتك كلها بره المقرر

طيب يا ستي أنا زوجتي هى كاتمة أسراري وصديقتى قبل ماتكون زوجتي فمافيش حاجة

هي ماتعرفهاش

اازيك يا استاذosmel33 ياترى سؤالى صعب لية هو انت مش مذاكر و لا اية مع انك مجاوب اجابة نموذجية و تستهال عليها عشرة على عشرة

عموما يا سيدى ابقى قولى المقرر اية علشان ابقى اذاكر كويس و مطلعش منة المرة الجاية

و ياسيدى لو عملت لك مشاكل الصلح خير بس ابقى قولى المشاكل هى اية الاول علشان نتصالح بعدها

و

[ذهبية]

يا ستير يارب

أسترها علينا يارب

فعلاً موضوع جامد

بس جوابه إن شاء الله بعد الزواج

هههههههههههههههههه

أصل عقابل عندكم لسة في الطريق إلى إيلات

يوووووووووه

قصدي الطريق إلى الخطوبة

جاري البحث

ههههههههههههههههههههه

بس أنا أؤيد طبعاً إن لازم الزوجة تعرف كل حاجة عن زوجها

بس بشرط واحد

V

v

v

v

v

v

v

vv

v

v

v

v

v

v

v

vv

v

v

v

v

v

v

وهي على فراش الموت

هههههههههههههه

بهزر معاكم

لازم طبعاً تكون عارفة كل حاجة عن زوجها

لأن ممكن لا سمح الله يحصل مع الزوج أي مشكلة زي الحكاية اللي فوق

الف الف مبروك مقدما على الزواج ونتمنى لك السعادة ان شاء الله وانا سعيدة بمرور حضرتك على الموضوع

[Virus]

مع إني من مدرسة إن الزوجة شريكة حياة وصديقة ولها كامل الحق في مشاركة الزوج في القرارات المصيرية ومعرفة كل ما يتعلق بحياتهم

لكن تطبيق النظرية دي يختلف من شخص لآخر..وأنا بطبقها في حدود المفاهيم التالية..

- الزوج هو رئيس مجلس الإدارة والمسئول عن قيادة الأسرة (فضلا عن إنه فرد فيها)..وهو صاحب القرار النهائي، ومن ضمن مسئولياته- كراعي ومسئول عن رعيته- أن يأخذ بعين الاعتبار جدا حين أخذ القرار رغبات شريكته وأيضا باقي أفراد الأسرة حتى ولو ضد رغباته الشخصية

- للزوجة معرفة الخطوط العامة لميزانية الأسرة دخلا وإنفاقا ..ولا حاجة على الإطلاق لمعرفة التفاصيل الدقيقة..ومينفعش الزوج ييجي أول الشهر ويقول لمراته(..أيوه ياحبيبتي يا شريكة حياتي..آدي مرتبي أهو 1264.5 جنيه ،أنا هاخد مصروف إيدي وانتي بقى اتصرفي في الباقي..)ده في رأيي تهريج مع إن في شباب كتير اليومين دول فاكراه إخلاص أو تكبير دماغ

المفروض أن يكون كلا الزوجين هامش من الحرية..هو في جزء من مرتبه وهي في مصروفها

- الحياة الزوجية يلزمها قليل من الخصوصية حتى تظل برونقها وحيويتها ..والمبالغة في المكاشفة- سواء في الفلوس أو غيرها - تضر أكثر ما تفيد..