فطيرة فواكه

[بندق أفندى]

و بعدين معاك يا بندق افندي .. الرحمة .. كل طبق بتعمله بيضرب اللي قبله .. هههههههههههه

ما شاء الله .. تصدق و الله انت حببتني في الاختراعات دي .. و خاصة ان فيها مكونات كتيرة مش متعودين عليها في مصر ..

عموما .. فعلا انا بتابع اكلاتك بنهم و ان شاء الله ان شاء الله هجرب واحدة منهم و ربنا يستر و المدام ما تكرشنيش من البيت ههههههههههههههههههههه

حبيت ابعت سلامي ليك و احييك علي الاختراعات الجميلة دي ..

ما تخافش يا عمو (الراء جات بعدين ههههههه) رضوان .. هى مش هتكرشك بس هتراقبك على اعتبار انه اهتمامك الجديدة تثير الشكوك ..

قناعاتى انه يمكن تطويع الكثير من الأشياء لوضع نكهات جديدة مقبولة جدا ومفيدة صحيا ..

كلامك صح .. "انه يمكن تطويع الكثير من الأشياء لوضع نكهات جديدة مقبولة جدا ومفيدة صحيا .."

علي فكرة انا بحب المطبخ جدا جدا .. و اني اعمل الاكل و افتكس اكلات حلوة ..و كنت بتحرج اقول كده قدام حد عشان الناس كانت بتتريق و يقولوا : انت زوج لقطة يا ريت كل الرجالة زيك كده (دي مقولة الستات) و الرجالة : "ممكن تغسل برده و لا هوايتك في الطبيخ بس !!!" !!!! :(

طبعا اضافة الي الكلام اللي من تحت لتحت لزوجتي و اتهامها انها مش بتعرف تعمل اكلات حلوة مع انها و الله استاذه و اكلها مفيش بعد كده بس كل الفكرة انها بتسيبلي مساحة حرية و تفاهم و تديني الفرصة اني اعمل اكلات علي مزاجي ..

يا ريت الناس تقدر تفهم كده .. mfb:

عموما عشان ما احولش الموضوع .. هههههههه انت بافتكاساتك دي اديتني دفعه اني اعبر عن هوايتي في المطبخ بحرية و افتخااااااااااااااااااار

تحية ليك تانية

أولا يا عزيزى يشرفنى ان تكون صديقى .. ثانيا اوعى تصدق انه الرجل اللى بيطبخ كويس لقطة .. ده بس كلام .. لأنه الطهى مهما كانت جودته لا يضيف للرجل شيئا الا اذا كان حرفة تدر دخل مادى وساعتها هتبقى الفلوس اللى أضافت مش الطهى فى حد ذاته .. ودائما أقول .. لا توجد امرأة تتزوج رجل لأنه يجيد الطهى .. وبالعكس يمكن أن تخافه على اعتبار انه معاييره هتكون عالية فى التذوق خصوصا لو كان حشرى وإنف وشغال عمال على بطال ينتقد .. .. وأنا شخصيا الحمد لله مش كده خالص ومش بأعترض على أى أكل ..

ثانيا الطهى هواية زى أى حاجة .. مثلا انا بأحب الرسم .. والطهى بس ممارسة الطهى اسهل .. زيه زى أى هواية أخرى .. والهوايات اليدوية بتصفى الذهن عموما

[osmel33]

المهم عجبنى برنامج أذيع على فتافيت من فترة بسيطة عن الشيف اوليفر اللى نجح خلال 6 شهور فى اعادة التلاميذ الى مطاعم المدارس فى بريطانيا .. بعد تدريب الطباخين واضافة وصفات جديدة وهذا ما نحن بحاجة اليه

شوفت البرنامج ده وشوفت قد أيه كانت المساعدة بتاعته اللى كانت فى المدرسة

كانت كارهاه ومستنياله على غلطة وفعلاً فى الأول ما قدرش يجهز الأكل فى الوقت المحدد

وفعلاً زى ماتفضلت وقولت أن الطعام بشوية حاجات بسيطة كده ممكن نطلع تحف

وأخوك بيموت فى حاجة أسمها توابل والتوابل ممكن بشوية مزيج يطلعوا تحف

كنت عايز أسألك سؤال رزل شوية أنا باكل هنا فى الدوحة من مطعم برتغالي باين

اسمه الناندوز الجماعة دول بيعملوا كبدة دجاج بصوص كده تحفة ما تعرافش أيه

الطريقة بتاعتهم ؟ تكون سمعت حاجة كده ولا كده ينوبك فى أخوك ثواب

تم تعديل 18 مارس 2009 بواسطة osmel33