عفوا أخي الموظف .. تستاهل اللي يجرالك!

[سهل جدا]

*

*

تحدثت مع أحد أصدقائي التجار حول قضية الاعتصامات التي فعلها الموظفون المصريون في الفترة الأخيرة بسبب تدني مرتباتهم ومعاناتهم مع الأسعار وزيادة الإيجارات وأسعار الخدمات .... إلخ .

فقاطعني على الفور قائلاً: يستاهلوا اللي يجرالهم !!

فتعجبت من رده وقلت: إزاي بس يا راجل, حرام عليك دول برده إخواننا وأولاد بلدنا .

فقال: ومين اللي قالهم يروحو يذلوا نفسهم ويشتغلوا ب 300 أو400 جنيه في الشهر, ما الشغل كثير .. والتجارة كلها مكاسب

فقلت له: يا عم الكلام سهل , وبعدين هو ينفع الواحد يتاجر من غير ما يكون معاه رأس مال؟

فقال (ضاحكاً): يا عم اللي يشغل مخه هايلاقي أفكار كثيرة مش محتاجة رأس مال كبير..

وبعدين حتى الوظائف, ما هو في وظائف كثيرة محترمة ومرتباتها عالية بس بره الحكومة ..

بس بردو التجارة هي أحسن حاجة ..

ثم أخذ يسرد لي بعض القصص عن شباب عملوا في أعمال حرة وبدأوا بمشاريع صغيرة ثم فتح الله عليهم بعد ذلك وصاروا من أصحاب الملايين ....

فلا أدري حقيقة .. هل كلامه صحيح ..

وهل فعلا الموظفون أصحاب الرواتب المتدنية مقصرون لأنهم قبلوا بهذا الوضع

.. أم أن هذا التاجر يرى أن الحياة وردية لأنه عمل في التجارة..

والتجارة على حد قوله كلها مكاسب!

*

*

[osmel33]

.. أم أن هذا التاجر يرى أن الحياة وردية لأنه عمل في التجارة..

طبعاً هو شايف الدنيا وردية لأنه مش بس عمل في التجارة لأ وكسب منها كمان لأنه لو كان خسر فيها ماكانش

هايكون ده رأيه وطبيعة الحياة عايزة الموظف في كافة الوظائف وعايزة الحرفي وعايزة التاجر يعنى مش ممكن كل الناس

هاتبقى تجار

تم تعديل 23 فبراير 2009 بواسطة osmel33

[سهران]

*

قال: ومين اللي قالهم يروحو يذلوا نفسهم ويشتغلوا ب 300 أو400 جنيه في الشهر, ما الشغل كثير .. والتجارة كلها مكاسب

فقلت له: يا عم الكلام سهل , وبعدين هو ينفع الواحد يتاجر من غير ما يكون معاه رأس مال؟

فقال (ضاحكاً): يا عم اللي يشغل مخه هايلاقي أفكار كثيرة مش محتاجة رأس مال كبير..

وبعدين حتى الوظائف, ما هو في وظائف كثيرة محترمة ومرتباتها عالية بس بره الحكومة ..

بس بردو التجارة هي أحسن حاجة ..

ثم أخذ يسرد لي بعض القصص عن شباب عملوا في أعمال حرة وبدأوا بمشاريع صغيرة ثم فتح الله عليهم بعد ذلك وصاروا من أصحاب الملايين ....

*

مش عارف ليه أفتكرت المقولة بتاعة ماري أنطونيت لما كان الشعب بيصرخ مناديا بالخبز ..... فاندهشت و قالت للي جنبها ( ما فيش خبز خلاص ياكله جاتوه mf( )

كتير من اللي طلعوهم معاش مبكر و صرف المكافئة تاجر بيها و عمل بنصيحة صاحبك و حاليا بعيد عنك بيشحتوا في الشوارع ....ما عندهمش خبرة و لا كفائة و الموضوع مليان معوقات و مشاكل ......و أصبحوا يا ولداه لا فلوس و لا وظيفة و لا تجارة .... و طبعا و لا جاتوه ............

كلٌ ميسر لما خلق له ... و مستحيل يكون كل الناس تجار شاطرين ............ لو حضرتك جربت تعمل مشروع تجاري هاتشوف كم المعوقات الأدارية و المحلية و التنظيمية و المهلبية اللي هاتكرهك في يوم ما أتولدت أصلا من كتر التعقيدات ... أعرف واحد حب يفتح كفتريا كانو بتيجي البلدية تشيل الكراسي من الكافتريا و أحيانا بيبقى عليها الزباين :sad:

يا راجل ده ترخيص كشك ممكن ياخدله سنتين على ما يطلع و بعد ما يطلع و تركبه هايجوا يشيلهولك...

هو لو حد عارف يتاجر في الاجواء الصعبة دي يا عزيزي كانت الناس عملت العقارات مستودعات للقيمة تشيل فيها فلوسها لانهم مش قادرين يشغلوها و النتيجة مليارات محبوسة في حوائط خرسانة و الكل بيشتري عقارات و ما حدش عارف هايبيعوا لمين لما الكل بيشتري ....

العزيز الفاضل سهل جدا .......... قول لصاحبك كمان ما فيش جاتوه mfb:

تم تعديل 23 فبراير 2009 بواسطة سهران

[سهل جدا]

طبعاً هو شايف الدنيا وردية لأنه مش بس عمل في التجارة لأ وكسب منها كمان لأنه لو كان خسر فيها ماكانش

هايكون ده رأيه وطبيعة الحياة عايزة الموظف في كافة الوظائف وعايزة الحرفي وعايزة التاجر يعنى مش ممكن كل الناس هاتبقى تجار

أستاذي العزيز osmel.. من الصعب أن يكسب التاجر من أول مرة، أكيد إنه خسر في البداية واتبهدل وطلع عينه واستلف.... لحد ربنا ما وفقه..

والفرق بين الإنسان الناجح وغير الناجح هو الاستمرار بعد أول فشل

وبعدين أنا لم أنكر إن الواحد ممكن يشتغل موظف..

بس بشرط: إنه ياخذ مرتب يكفيه إنه يعيش عيشة كريمة , ودا بيكون في الغالب بعيد عن الحكومة إلا في بعض الوظائف النادرة ..

مش يروح يشتغل بملاليم وياخذ مرتب لا يكفي لشراء قميص وبنطلون وجزمة..

ثم لا يبق أمامه إلا خياران إما أن يبحث عن مبررات لأخذ الرشوة

أو يقبل عيشة الحرمان

دمت بود :sad:

[osmel33]

أستاذي العزيز osmel.. من الصعب أن يكسب التاجر من أول مرة، أكيد إنه خسر في البداية واتبهدل وطلع عينه واستلف.... لحد ربنا ما وفقه..

والفرق بين الإنسان الناجح وغير الناجح هو الاستمرار بعد أول فشل

وبعدين أنا لم أنكر إن الواحد ممكن يشتغل موظف..

بس بشرط: إنه ياخذ مرتب يكفيه إنه يعيش عيشة كريمة , ودا بيكون في الغالب بعيد عن الحكومة إلا في بعض الوظائف النادرة ..

مش يروح يشتغل بملاليم وياخذ مرتب لا يكفي لشراء قميص وبنطلون وجزمة..

ثم لا يبق أمامه إلا خياران إما أن يبحث عن مبررات لأخذ الرشوة

أو يقبل عيشة الحرمان

دمت بود :sad:

كلام طبعاً مزبوط بس هنا العبرة أنه لما قال أن الموظف لازم يسيب وظيفته وباب التجارة

مفتوح قال الكلام ده من بعد ما كسب لأنه لو كان في وقت وهو عمال يخسر طبعاً هايقول

ماحدش يقرب من التجارة دى التجارة فشل ... الخ

الموضوع كله أن الموظف الغلبان اللى انت شايفه ده بياخد 300 أو 400 جنيه عايش بيهم آه

ممكن يكون متكدر بس ماشي حاله أنا في كلام مع مجموعة من اصدقائي كنا بنستغرب

من الرواتب دى وكل رواتبنا احنا كانت كبيرة وكمان اللى بيقول مش عارف اعيش واللى

تعبان واللى مش عارف يغير عربيته لكن احنا عندنا مثل فى مصر بيقول

"ربنا بيدي البرد على قد الغطي"

يعني كل واحد ورزقه وكل واحد رزقه بيرزيد بتبص بتلاقي مصاريفه بتزيد ودى طبعاً حقيقة

اقتصادية لكن العبرة فى النهاية مين من الناس دى مبسوط وبينام مليء جفونه غالباً هاتلاقي

الموظف الغلبان اللى احنا مستغربين بيعيش بال 300 400 جنيه ازاى ؟

تم تعديل 24 فبراير 2009 بواسطة osmel33

[سهل جدا]

كتير من اللي طلعوهم معاش مبكر و صرف المكافئة تاجر بيها و عمل بنصيحة صاحبك و حاليا بعيد عنك بيشحتوا في الشوارع ....ما عندهمش خبرة و لا كفائة و الموضوع مليان معوقات و مشاكل ......و أصبحوا يا ولداه لا فلوس و لا وظيفة و لا تجارة .... و طبعا و لا جاتوه ............

كلٌ ميسر لما خلق له ... و مستحيل يكون كل الناس تجار شاطرين ............

الأخ العزيز سهران..

معاش مبكر يعني كبار في السن, يعني بعد ما أفنوا زهرة شباب عمرهم في الوظائف الروتينية أرادوا تغيير نمط حياتهم ليعملوا في التجارة.. طبعا صعب

ومع ذلك ممكن مع المحاولات والتفكير السليم ينجحوا

وكما أن العلم بالتعلم والحلم بالتحلم

فالتجارة أيضا بالتعلم, ما حدش اتولد تاجر

وبعدين الأفكار البسيطة كثيرة

يا راجل ده لو الواحد أعد يبيع شوية فانيلات على الرصيف هايكسب أحس مية مرة من الموظف

زي ما صديقي فعل ..

كان عبارة عن موظف بسيط يشتغل بمرتب يصرف ثلثه في أجرة المواصلات من البيت للعمل ومن العمل للبيت

عنده طموحات , يريد الزواج ويريد العيشة الكريمة بالحلال ..

لم يستسلم, تدري ماذا فعل؟

اشترى شوية ملابس رخيصة وشافله حتى فرشة في حتى زحمة شوية, وفضل يبيع ويكسب ويبيع ويكسب

وما شاء الله , دلوقتي عنده محل كبير ومشارك في 3 مصانع ملابس

وللعلم صاحبي ده متعلم ومتخرج من كلية التجارة

وأكيد كل واحد فينا يعرف عشرات القصص للناجحين

خلاصة القول اللي عاوز يشتغل هايلاقي فرص كثير، مهما كانت العقبات ..

وفي مثل جميل كان العرب يقولوه:

(نزول همة الكساح دلَّاه في جب العذرة)

والكساح هو: الذي يتعامل مع المجاري والنجاسات وينظف هذه الأشياء

وهذا معناه: أنه لما كان هذا الشخص كسلاً لم يكن أمامه إلا النزول إلى الجب لتنظيفه من الغائط، فنزول همته جعله يتعامل مع هذه النجاسات..

طبعا لا أقصد أن الموظف لا سمح الله مثله, لكن المبدأ نفسه هو الذي أقصده

إن الإنسان لو أقنع نفسه أنه ليس أمامه إلا ما هو عليه؛ فسيستمر هكذا إلى أن يموت ..

[عصام]

أخى العزيز

كل من خلقه الله موكل إليه دور ما فى الحياة

رجل الأعمال له دور

والموظف الغلبان له دور وقد يكون أهم من دور بعض رجال الأعمال

الموظف الغلبان هو المسئول بشكل غير مباشر عن متابعة ودعم أنشطة التجار ورجال الأعمال

وفى ظل النظام العالمى الحالى ووجود التكنولوجيا والقوانين والقواعد التى تنظم وتتابع كل شيء لا يمكن بأى حال أن يعمل الجميع فى التجارة اللهم إلا فى المجتمعات القبلية المنعزلة فى الأدغال أو فى الصحراء

[سهل جدا]

أخى العزيز

كل من خلقه الله موكل إليه دور ما فى الحياة

رجل الأعمال له دور

والموظف الغلبان له دور وقد يكون أهم من دور بعض رجال الأعمال

الموظف الغلبان هو المسئول بشكل غير مباشر عن متابعة ودعم أنشطة التجار ورجال الأعمال

وفى ظل النظام العالمى الحالى ووجود التكنولوجيا والقوانين والقواعد التى تنظم وتتابع كل شيء لا يمكن بأى حال أن يعمل الجميع فى التجارة اللهم إلا فى المجتمعات القبلية المنعزلة فى الأدغال أو فى الصحراء

بالفعل يا أستاذ عصام

مش كل الناس يصلحوا للتجارة

فكل ميسر لما خلق له

فلو الإنسان قرر إنه يكون موظف مش عيب ولا حرام

لكن المشكلة إنه يقبل لنفسه راتب متدني لا يكفي لعيشه عيشة كريمة

أنا كنت دائما أسمع الناس الكبار يقولوا: إن فاتك الميري اتمرمغ في ترابه

مش عارف الكلام ده ازاي يتقال على وظائف الحكومة في مصر

أمال وظائف الحكومة هنا في الخليج يتقال عليها إيه ؟؟

والله بالرغم من إني متعاطف مع كل موظف غلبان, إلا إني في نفس الوقت حاسس إنه مقصر جدا في السعي

كلنا يعرف قصة عبد الرحمن بن عوف رضي الله عنه لما رفض مساعدة إخوانه له, وغاية ما طلبه منهم هو قوله:

دلوني على السوق

وبعدها أصبح من كبار المليارديرات (بلغة عصرنا)

[عصام]

لكن المشكلة إنه يقبل لنفسه راتب متدني لا يكفي لعيشه عيشة كريمة

فين البدايل؟

[سهل جدا]

لكن المشكلة إنه يقبل لنفسه راتب متدني لا يكفي لعيشه عيشة كريمة

فين البدايل؟

البدايل كثيرة جدا , بس برة الحكومة التي بتبخس حقوق الآدميين

تعرف يا أستاذ عصام إن في مرتبات كثيرة في مصر أحسن من الخليج هنا

لي قريبي يعمل في (هيومان ريسورسز) أو الإتش آر , مرتبه حوالي 8 تلاف جنيه , غير شوية (بنيفتس) تانية ..

لما جاله عرض في السعودية هنا وقابله المدير في مصر , وسأله عن الراتب , قاله: حوالي 5 تلاف ولا 6 آلاف ريال , فراح سايبه وماشي , وقرف يرد عليه ..

ولي أختي بتشتغل مديرة في شركة كبيرة في مصر وحكتلي على مرتبات لولا إنها حلفت على كلامها ما كنتش صدقتها

أرقام لا تصدق .. في مصر يعني

ولي أصدقاء محاسبين عاديين عندهم خبرة مش كبيرة حوالي سبع أو ثمان سنين بيشتغلوا من 3 آلاف وانت طالع ..

بس الوظائف الجامدة ديه عاوزة اللي بيتحرك , وعاوزة اللي بيطور نفسه دائما .. لغة , كمبوتر , ..... إلخ

من جد وجد ومن زرع حصد

[honest reader]

بداية و بدون تعميم يغلب فى مصر العمل الوظيفى الثابت ، و فى نفس الوقت مسارات التعليم السائدة تؤدى فى النهاية إلى الوظيفة.

إذا أضفنا لهذا عدم وجود مسارات بديلة فى أى مرحلة من العمر نجد أن الوظيفة تكاد تكود قدرا لكثير من الناس - و أنا أتكلم على مصر - .

حقيقة أخرى تغيب عن الكثيرين هى أنك عندما تسأ موظفا - فى مصر - عن مرتبة يقول لك المرتب الأساسى و الذى فى غالب الأحوال أقل من نصف أو ربع دخله الشهرى الرسمى من وظيفته و هذه حقيقة يمكنك أن تتأكد بسؤال من حولك

ربما لو توفرت مسارات موازية للتدريب و التعليم التحويلى لأمكن لعديد من الموظفين بدء عمل حر.

[ذهبية]

سهل جدا كلامك يا استاذ سهل على شاب فى اول الطريق اللى عندة الطموح و الرغبة و الطاقةو لسة متجوزش ولا فتح بيت و لسة صحتة كويسة انة يغامر و يعمل مشروع و مهما كانت النتيجة هو بس اللى هينضر

لكن لما يكون موظف لا يقل عن 40 سنة وانت طالع ميعرفش اى وظيفة و لا طموح فى حياتة الا وظيفتة دى و فاتح بيت وولاد فى مراحل التعليم المختلفة و بيدفع دروس و كهربا و ميا ة و ايجار و ادوية و دكتور تطلب منة انة يغامر بكل دة و يدفع راس مال و يغامر باللى محوشة لجواز البنات و لتسفير الشباب و تعليمهم صعب جدا دة مع عقلية المصرى

على الرغم انى مش موافقة على المبدا دة لانى اعرف تماماانا الحياة كد و تعب و اللى يدور لازم يوصل لكن انا باقولك دماغ الموظفين لو سالتة اول اجابة هيقولك انهو مشروع اللى كسبان وممكن مخسرش فية ما انتم شافين كل حاجة مش ماشية افتح اية يعنى ملابس محلات الملابس مالية الدنيا ومحدش شغال و قيس على ذلك كل المشاريع انزل اى سوق تجارى هتلاقى فية كساد محلات طويلة عريضة مفتوحة محدش بييبع الا البقالة

المصرى كلة طموح المصرى صاحب اول حضارة والمصرى هو اللى اسس و علم كل دول الخليج اللى هما الان اصبحوا احسن مننا تفتكر دة عيب فى المصرى و لا عيب فى حكومتنا الىل بتقتل اى تجاح

لازم تكون مرتشى لازم تكون عارف ناس واصلة علشان تعرف توصل لازم يكون لك ضهر علشان تعرف تحارب دة كفاية الضرايب كفاية جداو الله

و الله انا اعرف واحد كان فاتح محل سيراميك راح لقى الضرائب علية 170 الف جنيهة معرفش لية ااراجل قعد يتحايل عليهم علشان ينزولوا المبلغ وانة مبلغ جزافى جدااا رفضوا وكانت فية قضية بينهم وكان عايز يتصالح معاهم و هما رافضين تمام و الله مات مات الراجل ومكملش 49 والله والسبب سكتة قلبية هى دى مصر يا سيدى تعرف بتوع الضرائب قدامى وانا وافقة قالوا اية و الله هذا حصل قالوا ياريت كنا اخدنا منة اى مبلغ و اتصالحنا بدل ما لسة هنجرى ورا الورثة اصيبت بالغثيان هل للدرجة دى هان المصرى

بلاش فية محل ضغير جدا فاتحة شاب لكهربا العربية محل ضغير جدا تعرف دافع لو كهربا الشهر الى فات كام 1700 جنيهة قولى انت بالله عليك يدفع ايجار و ضرائب و عمالة عندة و غيرة منين ياترى هو بيكسب كام علشان يلاحق على دة دة مثل بسيط جداااااا

هو دة حال المشاريع البسيطة يا سيدى اللى مش مسنودة واللى مش مدفوع فيها رشوة علشان تعرف تستمر

[iloveegypt]

اولا لو كل الناس كانوا تجار فمن يسجل المواليد ومن يعطى تراخيص البناء ومن يوصل المياه للمنازل ومن يخرج القمامة من المنازل ومن يوثق عقود التجارة ومن يحاسب التجار المحتكرين وغير ذلك

وحتى لو كان المرتب ضعيف رأى الشخصى ليس مبرر للرشوة بمعنى لو مش عجبك امرتب خد اجازة او اترك الوظيفة بس الحرام لأ وهذا لا يعفى تقصير الحكومة فى اعطاء كل الموظفين مرتبات محترمة

[msayed]

طب ممكن تسأله بيدى الموظفين إللى شغالين معاه كام؟

المشكلة مش فى موظفى الحكومة بس، المشكلة إن رواتب 90% من الشعب الغلبان حاجزة له مكان مميز تحت خط الفقر.

وبعدين فعلاً هو بيتكلم عن تجربته الشخصية التى قد لا تنطبق على كثير.

[سهل جدا]

أخي الفاضل: القارئ الأمين

أختي الفاضلة: ذهبية

الأخ الفاضل: (أنا بحب مصر)

الأخ الكريم: إم سيد

لم ألق اللوم أبدا على الرجل الذي يعمل موظف..

فأكثرنا موظفون

إنما اللوم على من قبل الوظيفة بهذا الراتب المتدني

وذلك تحت شعار باطل إسمه: إن فاتك الميري اتمرمغ في ترابه!!

مرحبا بالوظيفة إذا كانت ستعيشني عيشة كريمة

وما عدا ذلك فلا حاجة لنا بها

صاحب العمل الذي يربح ملايين ولا يعطي موظفيه إلا الملاليم بلا شك هو مخطئ

لكن الأكثر خطأ هو الذي قبل بهذا الراتب دون أن يسعى لتغيير وضعه

وفي الحديث: (ومن يستغن يغنه الله)

يعني من يطلب الغنى ويسعى في ذلك ويصبر , سيغنيه الله عز وجل ماديا ومعنويا