هل نصفك الاخر على علم بوجودك هنا

[nana]

انا بالنسبه لاجابه السؤال ده

ان زوجى يعرف انى مشتركه بالموقع ويعلم انى استشير فى المواضيع الاقتصاديه وادخل فى الموضوعات الاخرى واحكى له عن اراء الاعضاء وعلى فكره هذا هو المنتدى الوحيد الذى اشترك فيه بشخصيتى كانثى وليس اسمى الحقيقى طبعا واذا صادف ودخلت موقع اخر لاستشير فاسال باسم مذكر وزوجى يعلم هذا ولكننى عندما اشارك فى اى موضوع برده بكون خايفه ان واحد يرد عليه شخصيا عشان كده بحب ان الكلام يبقى عام بشارك بحدود اغلب ظنى لانى برده لا اامن غيره زوجى لكن ساعات ببقى هاموت واشارك بالمواضيع وماسكه نفسى عشان محدش يدخل فى حوارات جانبيه

وشكرا للجميع على المرور

[se_ Elsyed]

لأ ..

زوجتي ما تعرفش الموقع ... لكنها تعرف إن لي أنشطة على النت ... .

لا لشيء إلا إنها بتخاف عليه زي والدي ووالدتي وإخواتي لما باتكلم أمامهم في السياسة ... وهما عارفين إنني اكتب في منتديات على النت .. وعارفين إن لساني طويل ولا أسكت على الخطأ .. ولما كنا في المحاورات نقود حملة " لا للتوريث " كانوا مرعوبين خصوصاً إن الأمن في مصر كان مهتم بالموضوع ويمكن ماحدش كتير هنا يعرف إن حدثت بعض المضايقات الأمنية لا أرغب الخوض في تفاصيلها ... لكن اللي عنده مبدء يعيش من أجله لا يخاف أو زي ما بنقول بالبلدي " إن قلت ما تخافشي وإن خُفت ما تقولشي " ... ولما جريدة الدستور كانت بتنشر مقتطفات من موضعاتنا بالمنتدى خصوصاً بعد اللقاء الخزعبلي الذي أجراه عماد أديب مع معالي الرئيس ... أخويا راح مسلط عليه والدتي وقالها تعالي شوفي إبنك اللي بيتكب بإسم مستعار وبيتكلم في السياسة كاتب إيه عن الرئيس ؟ فلقيتها بتتصل بي وبتعيط وتقولي عشان خاطري بلاش وإفتكر كلام المرحوم أبوك لما كان بيقولك : مالكش دعوى بالسياسة !!!! .... ولحد دلوقت حاسه هي وكمان زوجتي إنهم هايقفشوني في اي وقت وهايعتوني معتقل المغول !!!!!

محسسني إني سعد باشا زغلول اللي الحكومة هاتنفيه جزيرة سيشل ويقعد يشرب شاي ويسقي في بقسماط هناك لما يقول يابس .. مع إن ما أكتبه هو ما يجري على لسان أي مصري ... وهي ليست إفتراءات على أحد .. الغريب إن ما يُتكب في جرائد المعارضة اكتر مليون مره مما نكتبه أو نقوله

وبعدين اللي مكتوب له حاجه بيشوفها ولو حتى هيتاخد تحري عشان ماشي في الشارع ومش رابط رباط الجزمة ...

ونحمد لله إن محاورات المصريين هي من الأماكن الراقية والتي تحرص فيها الإدارة على أن يتواجد فيها الجميع أطفالاً رجالاً أو نساءً وذلك بحرية وإحترام ... وأهم شيء لدينا هو الإحترام حيث نحرص على عدم وجود ألفاظ أو تلميحات تخدش حياء أي أحد .. حتى الموضوعات الجدلية اللي ممكن تكون بتتداول في منتديات كثيرة تتعلق بالجنس أو ما إلى ذلك .. نحن لا نناقشها إلا في إطارها الصحيح .. فهذا مبدءٌ لا نحيد عنه ...

وبالتالي فلا أرى غضاضه إن النصف الاخر في حياتنا يكون عارف

[حسام يوسف]

المحاورات وباقى المنتديات ليست عيبا

أو جريمة تخفى

وأنا بطبعى واضح

المشكلة انى واضح زيادة عن اللزوم

يعنى اصلا ماعنديش أسرار

أو ما أخفية

ولا بحب أخاف من أساسة

شكرا للموضوع وصاحبتة

[محمد عبدالعزيز]

زوجتى عارفة إنى عضو فى المنتدى وبتتابع موضوعات من المنتدى كمان لما أحكى لها عنها.

[لولا]

صباحك سعيد يا نانا ..

على فكره الموضوع دا مهم جدا .. لأنى شايفه ان اى عضو فعال مشترك فى اى منتدى لازم شريك حياته يكون عارف .

مفيش سبب يدعو انه يخبى حاجه زى دى ولا هى غلط . المفروض ان كل واحد بيعبر هنا عن نفسه وافكاره وبيعكس ثقافته .

جوزى الحمد الله متابع بشكل جيد للمحاورات وعضو كمان ولكنه لا يشارك الا نادرا .

وحتى الأشخاص الذين تعجبنى جدا كتاباتهم وافكارهم يعرفهم ويعرف اصدقائى ويعرف من اقدرهم جدا هنا .. ببساطه انا اشعر اننى فى المحاورات

وسط اسره كبيره وبكل صدق احمل كم كبير من مشاعر التقدير والمعزه لهذه الأسره وبعض افرادها بشكل خاص واحكى له عنهم حتما .

كنت قد قرأت تعليق فى موضوع آخر ان التخاطب بدون القاب فى المنتديات هو مياصه من البنت .. وضحكت جدا من التعليق رغما عنى .. ولم افهم مقاييس المياصه

التى يفصلها البعض حسب افكاره وقناعاته الشخصيه فيصدر بها احكاما يسقطها على الكل .. عن نفسي احب التحاور هنا ببساطه واريحيه لأن هنا فى نظرى

عالم يفترض اننا فيه انفسنا وانا عن نفسي انادى مديرى وزملائى فى العمل بأسمائهم دون اى القاب .

المحاورات من الأشياء السعيده جدا التى حدثت لى .. وسعيده جدا انى هنا وسعيده انى اجد هذه المساحه الشاسعه من الحريه الفكريه الممنوحه للجميع

للتحاور والتعبير عن النفس .

لايقلقنى ابدا اى شيء اكتبه هنا ولا افكر لثانيه واحده انى اكره ان يطلع زوجى على اى مما اكتبه هنا لأنى فى الأساس لا افعل اكثر من ان اكون انا وهو يعرف انا جيدا جدا لذا لا مجال للمفاجآت من اى مما قد اكتبه فهو ذاته ما اقوله ما افكر به ما اتصرف به فى الحياه العاديه .

بالغ التحيه لكى .

لولا

[nana]

شكرا على التحيه ياختى لولا

[الباشمهندس ياسر]

مساء الياسمين

لسه معنديش نص تانى...... ربنا يقرب البعيد

لكن انا من الناس الواضحة جدا جدا

يعنى معنديش اى حاجة اخبيها و هخبى ليه و عشان ايه

المهم ..

لما ربنا يأذن و يبقى عندى نص تانى

اكيد هتعرف المنتدى و هتابع معايا و اكيد هنتناقش سوى

و ربنا كريم

السلام عليكم ورحمة الله.....

نعم...أى نعم...نصفى الأخر على علم طبعا بوجودى هنا وفى أى مكان صحرا ان كان او بستان....

ومش نصفى الاخر بس...ده الربعين التانيين...(بناتى)....وخطيب بنتى...وأختى كمان عضوة معانا بس بعافية شوية اليومين دول...وحارس العقار والبقال اللى بجوار المنزل.... :blink:

والدعوة عامة........

الف لا باس عليها يا استاذه فلانة

اسمى امانينا بتمام الشفاء العاجل باذن الله

[Virus]

طبعا عارفة أما أشتكي لمين وأفضفض لمين لما يتحرق دمي من بعض المواضيع... :blink:

لازم الواحد يبقى كووول عن كده الصراحة wst:: wst::

[لولا]

الظاهر نسيت اضيف نقطه ..

اى حد بيحب يطلع على كل المواضيع حيشوف ياما افكار تتعارض تماما مع فكره وتظهر له متطرفه ..

الزوج هو الشخص الوحيد نظرا للتقارب الفكرى الذى سيتمكن مناقشته فى مضمون تلك الأفكار وبالتالى هو شريك فى هذا العالم

حتى عندما لا يطلع او يشارك .

بمعنى ادق هو الدكتور اللى بيدى حبه الأسبرين اللى بتخفف الصداع من بعض ما قد يقرأه المرء من افكار !!

لولا

[ذهبية]

طبعا طبعا طبعا زوجى يعلم اشتراكى بالمنتدى

و مش كدة بس و باحكى لة كل شىء بالتفصيل عن المواضيع اللى عجبانى و باحبها و عن الشخصيات اللى باحب ارائها جدااااااو باقولة عجبنى اية

و يمكن كمان حصلت مشكلة بينى و بينة من كتر جرحى منة لم ارضى انى اتكلم معة عن حجم زعلى منة وعن انة جرحنى وانة كسر جوايا حاجات كتيرة

تعرفوا عملت اية نزلت دة موضوع و سيبت الاعضاء يحكموا علينا و بعدها فتحت الكمبوتر ونزلت الموضوع و تركتة امامة ليقرا الموضوع بدون كلام منى تحدثت فقط دموعى امامة

بعد ما قرا تعليقاتكم ايها الاصدقاء والاخوات و بعد ما عبرتوا باقلامكم ما خجلت انا ان اقولة وجدتة يترك الكمبوتر و يصالحنى و يطلب رضائى

لا يوجد ما خجل منة حتى اخبية و ارائى خلف شاشة الكمبوتر هى نفسها ارائى فى الحقيقة لا تتغير لماذا اخبى او ادارى وهذا شىء افتخر بة

[سهران]

أيوة .........زوجتي عارفة من يوم ما اشتركت في المنتدى ........ و بتقرأ أغلب مشاركاتي و بعض مشاركات الزملاء ......... و ممكن تدخل حتى على البريد لأني مسجل ال( باس وورد ) على الجهاز ........و عندها فكرة عامة عن قناعات الزملاء و الزميلات و عارفة نقاط الخلاف و الاتفاق بينهم .......... و بنتناقش أحيانا في بعض الأمور الخلافية ........ عرضت عليها الأشتراك بس وقتها ضيق جدا و أحتياجات الأسرة واخداها و يادوب أحيانا بتقرا بعض المشاركات ........ لا يوجد ما أخجل منه أو أداريه .... فأنا كما قالت الأخت الفاضلة لولا هو أنا .......... برة المنتدى و جواه هذه قناعاتي فلا يوجد ما يستحق الأختفاء خلفه

تحياتي

[محمود الاسكندرانى]

الف شكر للاخت نانا على هذا الموضوع من جهتى زوجتى تعرف عنى كل شىء واعرف عنها كل شيء نكاد نكون شخص واحد نتبادل الاراء فى كل شىء ونتناقش فى كل امورنا العائليه وايضا فى المواضيع العامه و لنا اهتمامات رياضيه و كل منا يشجع فريق مختلف عن الاخر واولادى معها على طول الخط وهذا يسعدنى جدا فهى نعمه الزوجه والصديقه والحبيبه وتعلم انى مشترك فى منتديات كثيره بها سيدات ولكنها تثق فى اخلاقى وتعرف مدى حبى لها

[بركة]

تعرفوا عملت اية نزلت دة موضوع و سيبت الاعضاء يحكموا علينا و بعدها فتحت الكمبوتر ونزلت الموضوع و تركتة امامة ليقرا الموضوع بدون كلام منى تحدثت فقط دموعى امامة

بعد ما قرا تعليقاتكم ايها الاصدقاء والاخوات و بعد ما عبرتوا باقلامكم ما خجلت انا ان اقولة وجدتة يترك الكمبوتر و يصالحنى و يطلب رضائى

ما تتصوريش أنا سعيدة قد ايه بما وصلتي اليه مع زوجك ياذهبية يا حبيبتي أنا تابعت موضوعك

ووالله من ساعتها بفكر في كلامك .......لكن الحمدلله ربنا يبارك لك في زوجك ويحببه فيكي أنت

جميله بأخلاقك جدا ربنا يعوضك خير يارب

ونصفي الاخر على علم وتقريبا بيقرا الموضوعات معايا وهو عضو ايضا وطبعا كما قال الجميع

امال انا هفضفض لمين من موضوعات المنتدى ....والله بحبكوا كلكم وربنا يخليكوا ليا يا أسرتي الكبيرة

تم تعديل 25 فبراير 2009 بواسطة بركة

[سهيلة]

طبعا الحمد للة زوجى يعرف انى عضوة بالمنتدى واشارك فية

وساعات بيدخل المنتدى يقرا بعض المواضيع اللى بحكيلو عنها او اخد راية فيها

عادى جدااااااااااا

على فكرة المفروض يبقى فى وضوح بين الطرفين ف كل حاجة منعا للمشكاكل

لا اجد ما اخفية لان انا شيفة اان اللى بيخفى حاجة بيبقى عامل حاجة غلط وخايف منها

والحمد للة منتدانا الجميل من ارقى المنتديات

[ايهاب سالم]

مفيش أي حد يعرف إني مشترك و باكتب هنا

أي حد

[Scorpion]

هو بصراحة سؤال غريب ...

هل نصفك الاخر عل علم بوجودك هنا ؟؟

اساسآ إزاي مش حتعرف و احنا عايشين تحت سقف واحد ..... يعني مش حآخد اللابتوب معايا و ادخل الحمام مثلآ ... و الا حقولها انا رايح القهوة يا حبيبتي لكن عالناصية اقوم داخل نت كافيه و انا لابس برنيطة و بالطو و نضارة سودا .....

انا قاعد قدام كومبيوتر و بكتب .. عادي حتسألني بتعمل ايه و تيجي تبص كمان علي اللي بكتبه ... و العكس صحيح ...

هي شريكة حياتي ... ش ر ي ك ة .... اي تشاركني كل شيء ....

أنكر شيئآ لو كنت اقوم بعمل خاطيء او شيئآ أخجل منه .... و ماذا يوجد في المحاورات ما يدفعنا الي الخجل ؟؟؟؟

[نصير]

هو بصراحة سؤال غريب ...

هل نصفك الاخر عل علم بوجودك هنا ؟؟

اساسآ إزاي مش حتعرف و احنا عايشين تحت سقف واحد ..... يعني مش حآخد اللابتوب معايا و ادخل الحمام مثلآ ... و الا حقولها انا رايح القهوة يا حبيبتي لكن عالناصية اقوم داخل نت كافيه و انا لابس برنيطة و بالطو و نضارة سودا .....

انا قاعد قدام كومبيوتر و بكتب .. عادي حتسألني بتعمل ايه و تيجي تبص كمان علي اللي بكتبه ... و العكس صحيح ...

هي شريكة حياتي ... ش ر ي ك ة .... اي تشاركني كل شيء ....

أنكر شيئآ لو كنت اقوم بعمل خاطيء او شيئآ أخجل منه .... و ماذا يوجد في المحاورات ما يدفعنا الي الخجل ؟؟؟؟

الله ينور عليك ...هذا ما اردت قوله فسبقتني اليه ...

[نصير]

ايوه طبعا عارف ولولاه ماكنتش عرفت يعنى ايه منتدى

لانه هو اللى دلنى عليه لما لقانى زهقانة وقاللى فيه منتدى كويس كله مصريين ادخلى وسجلى وناقشى

وعارف اسمى وكمان هو مشترك هنا طب وايه يعنى

طالما مافيش حد تخطى حدوده وكلنا بنحترم بعض يبقى انا مش شايفة اى ضرر

وشكرا على موضوعك ده يا نانا

تحية لك و لزوجك الفاضل ....لكنني لست مصريا فانا تونسي ..؟؟ ويشرفني التحاور في اي منتدى عربي يكون راقيا مثل هذا المنتدى ...اذن سيدتي فالمقياس هو رقي المنتدى اولا ثم بعد ذلك الجنسية ..اما هويتنا فنحن عرب ..وكم احمد الله اني عربي و اتكلم العربية...مع العذر سلفا على هذا التعقيب

مع احترامي و فائق تقديري

[شاب مصري]

اعتقد ان الواحد بردو لازم يكون ليه خصوصيات

والمصارحات ليها حدود ومشاكل

لازم يكون في Private Space الواحد يتحرك فيها بدماغه الشخصية هو فقط

مش كل حاجة نحشر فيها الناس

على فكرة .. أخطر حاجة في الدنيا جلسات المصارحة والصفاء .. لانك دايما فيها بتكشف اسرار

والاسرار دي بتستخدم كأسلحة ضدك بعد كده وتبقى لبست العمة :sad:

انا مع ان شريك حياتك يعرف عنك حاجات كتير اكتر من اللي يرعفه اسرتك او قرايبك او صحابك

بس

لازم يكون في Private Space الواحد يتحرك فيها بدماغه الشخصية هو فقط.

[حسام يوسف]

مفيش أي حد يعرف إني مشترك و باكتب هنا

أي حد

فى دي عندك حق

(وش محمد سعد فى فيلم الليمبي لما جالة حسن حسنى يتجوز أمة وقالة الحمد لله لا بشرب مكيفات

ولا بتعاطى مخدرات )

وحشتنا يا حاج ايهاب :sad: