هل نصفك الاخر على علم بوجودك هنا

[شاب مصري]

ايوه طبعا عارف ولولاه ماكنتش عرفت يعنى ايه منتدى

لانه هو اللى دلنى عليه لما لقانى زهقانة وقاللى فيه منتدى كويس كله مصريين ادخلى وسجلى وناقشى

وعارف اسمى وكمان هو مشترك هنا طب وايه يعنى

طالما مافيش حد تخطى حدوده وكلنا بنحترم بعض يبقى انا مش شايفة اى ضرر

وشكرا على موضوعك ده يا نانا

تحية لك و لزوجك الفاضل ....لكنني لست مصريا فانا تونسي ..؟؟ ويشرفني التحاور في اي منتدى عربي يكون راقيا مثل هذا المنتدى ...اذن سيدتي فالمقياس هو رقي المنتدى اولا ثم بعد ذلك الجنسية ..اما هويتنا فنحن عرب ..وكم احمد الله اني عربي و اتكلم العربية...مع العذر سلفا على هذا التعقيب

مع احترامي و فائق تقديري

يا نصير باشا انت هنا صاحب بيت

خد راحتك تماما ولا تشعر بأي حرج

رايي دائما ان الحساسيات بين العرب والمسلمين هي تضييع وقت فيما لا يفيد

أهلا وسهلا بيك نورت المكان

البيت بيتك :sad:

[SoSo R]

ما أعتقدش إنى هاضيف جديد...أكيد زوجى عارف أنا باعمل إيه و باكلم مين على أساس إننا عايشين فى بيت واحد ولو حتى مش موجود فى البيت... فيه تليفون بيسأل عليا بيه بيشوف أخبارى باعمل إيه فى الوقت الحالى مش هاستنى بقى يطلع من البيت وأقول فى نفسى إن غاب القط إلعب يا فار

يكفى إنه بيكون سعيد جدا لما يلاقينى مبسوطة وهو شايف إن المنتدى دة أضاف رونق لحياتى ولما هاكون مبسوطة أكيد هينعكس دة ع البيت

أنا كمان مش مقتنعة بموضوع المساحة الشخصية اللى بيقول عليها أحد الأعضاء و رأيى إن الزوجين حاجة واحدة لا تقبل القسمة على إتنين يعنى الأمتاع لازم يكون مشترك ولو مش موجود كل واحد فيهم يحاول يقرب خطوة تجاه الآخر عشان يوصلوا لنقط مشتركة

تحياتى

سوسورانى

[se_ Elsyed]

هو بصراحة سؤال غريب ...

هل نصفك الاخر عل علم بوجودك هنا ؟؟

اساسآ إزاي مش حتعرف و احنا عايشين تحت سقف واحد ..... يعني مش حآخد اللابتوب معايا و ادخل الحمام مثلآ ... و الا حقولها انا رايح القهوة يا حبيبتي لكن عالناصية اقوم داخل نت كافيه و انا لابس برنيطة و بالطو و نضارة سودا .....

انا قاعد قدام كومبيوتر و بكتب .. عادي حتسألني بتعمل ايه و تيجي تبص كمان علي اللي بكتبه ... و العكس صحيح ...

هي شريكة حياتي ... ش ر ي ك ة .... اي تشاركني كل شيء ....

أنكر شيئآ لو كنت اقوم بعمل خاطيء او شيئآ أخجل منه .... و ماذا يوجد في المحاورات ما يدفعنا الي الخجل ؟؟؟؟

ويا ترى سيادتك بتنزل الترجمة للعربي في شريط مُتحرك ........... وش واحد بيطلع لسانه وبيغيظ سكوربيون والدُنيا حر

[Salwa]

صباح الخير..

بالطبع كل من فى بيتى يعلم باشتراكى فى المحاورات ..

وعلى فكرة ياسى السيد..وليسمح لى سكوربيو بالاجابة ..

حاولت ان افكر فى طريقة اجعل بها اولادى يقرأون المحاورات ..وبحثت عن طريق جوجل .

تلقائى سوف تجد كل الصفحات مترجمة لأى لغة تريدها ..

مفاجأة ...!!!.........لكن؟؟

بصراحة يعنى ...وجدت فى سطور كثيرة اختلاف تام فى المعنى ...بمعنى ان الترجمة بتكون حرفية فقط

(( زى الجواب اللى ارسلته بالانجليزية من تبحث عن وظيفة ..!!))..واخد بالك..

اى انها تعطى معنى مختلف عن ما نقصد......احيانااااا..

وهذا يفقد (( بعض الشئ )) ..رونق سياق الموضوع..

وفيه كلمات كثيرة وتعبيرات عندنا فى اللغة العربية واللغة العامية صعب ترجمتها ..

لكنه عموما افضل من لاشئ ...

الشئ الصحى والصح...ان الطرف الآخر يعلم ...

لان هذا منتدى حوارى ...وليس كافتيريا كل من يريد ..يسحب كرسى ويقعد يتسامر ..!!!

كل تحياتى ..

[الدكتورة أم أحمد]

نعم يعلم وهو لا يحب المنتديات ولكن لا يمنعني

وأبنائي كذلك يعلمون ولا يحبوا اشتراكي في المنتديات، طبعا حتى يخلو لهم فقط الجهاز والوقت الذي أقضيه على الجهاز ممكن يكونوا واقفين على راسي يلا يلا يلا

[ناجي الدسوقي]

هي علي غلم كامل بما افعله امام الكمبيوتر كما اني احكي لها كك شيئ فليس هناك ما اخجل منه او اخفيه :wub: :D

[osmel33]

يااااااااااااااه هو الموضوع ده لسه عايش ؟

أنا زوجتى مرايتى يعنى تعرف كل حاجة فى كل حاجة لأ وبناقشها فى بعض مواضيع المنتدى

وساعات كانت بتبقى معايا

[ايهاب سالم]

هو بصراحة سؤال غريب ...

هل نصفك الاخر عل علم بوجودك هنا ؟؟

اساسآ إزاي مش حتعرف و احنا عايشين تحت سقف واحد ..... يعني مش حآخد اللابتوب معايا و ادخل الحمام مثلآ ... و الا حقولها انا رايح القهوة يا حبيبتي لكن عالناصية اقوم داخل نت كافيه و انا لابس برنيطة و بالطو و نضارة سودا .....

انا قاعد قدام كومبيوتر و بكتب .. عادي حتسألني بتعمل ايه و تيجي تبص كمان علي اللي بكتبه ... و العكس صحيح ...

هي شريكة حياتي ... ش ر ي ك ة .... اي تشاركني كل شيء ....

أنكر شيئآ لو كنت اقوم بعمل خاطيء او شيئآ أخجل منه .... و ماذا يوجد في المحاورات ما يدفعنا الي الخجل ؟؟؟؟

ويا ترى سيادتك بتنزل الترجمة للعربي في شريط مُتحرك ........... :lol: وش واحد بيطلع لسانه وبيغيظ سكوربيون والدُنيا حر

لقيتها

هيه دي المشاركه اللي زعلتهم من بعض

[osmel33]

هو بصراحة سؤال غريب ...

هل نصفك الاخر عل علم بوجودك هنا ؟؟

اساسآ إزاي مش حتعرف و احنا عايشين تحت سقف واحد ..... يعني مش حآخد اللابتوب معايا و ادخل الحمام مثلآ ... و الا حقولها انا رايح القهوة يا حبيبتي لكن عالناصية اقوم داخل نت كافيه و انا لابس برنيطة و بالطو و نضارة سودا .....

انا قاعد قدام كومبيوتر و بكتب .. عادي حتسألني بتعمل ايه و تيجي تبص كمان علي اللي بكتبه ... و العكس صحيح ...

هي شريكة حياتي ... ش ر ي ك ة .... اي تشاركني كل شيء ....

أنكر شيئآ لو كنت اقوم بعمل خاطيء او شيئآ أخجل منه .... و ماذا يوجد في المحاورات ما يدفعنا الي الخجل ؟؟؟؟

ويا ترى سيادتك بتنزل الترجمة للعربي في شريط مُتحرك ........... :lol: وش واحد بيطلع لسانه وبيغيظ سكوربيون والدُنيا حر

لقيتها

هيه دي المشاركه اللي زعلتهم من بعض

خلاص بقى يا ايهاب .....

[bob]

ده موضوه مهم جدا جداااااا ،لو كان نصي التاني ميعرفش اني بدخل واتكلم مع مجموعة أفراد في وقت واحد،وفي موضوع مهم سواء نقاش او رد او استفسار،يبقى ماستحقش اصلا يبقالي نص تاني.لان مجرد ان يبقى في سر او موضوع مهمل كان بسيط لكن خفي عن النص التاني يبقى مبقاش نص ولا ربع ولا حتة مني

[عنبو]

انا شخصيا ما عنديش نص اخر بس لو فيه اكيد هعرفها واقولها مع انى اعتبر ان الموضوع مش مستاهل يعنى ده كلام عادى خالص ومنتدى جميل وكله الاحترام وبعدين انا مسجل باسمى الحقيقى يعنى لو دخلت على جوجل وكتبت اسمى هجيب كل البلاوى لا اقصدى المساركات بتعتى على جميه المنتديات لان كلهم بنفس الاسم علشان كده الواحد عاوز يرتبط بوحده يكون اخرها الراديون وبعدين افاجها بالتلفزيون

[jessika]

طبعا يعرف .......... سؤال غريب جدا الحقيقة .............ز دة منتدى ثقافى ولا انا مكنتش فاهمة طول الفترة دى ..........وعجبى على راى ابية نصار

[Diab]

السؤال هو

هل لازم تمضي علي محضر المراقبة في كل مرة تقعد فيها ع النت

هل من حق انه يعرف شيء لا يخصه ولا يهمه

اكتشفت ان في ناس كتير لازم تدي تمام لحضرة الظابط النابتشي يوميا :happy:

انتوا ناس جامد اخر حاجة wst::

[الأهلاوي الأصيل]

انا نصي التاني كره الكمبيوتر والانترنت وماتشات الكورة بسببي

ربنا يكون في عونها بصراحة wst::

[Falcon Crest]

نا كمان مش مقتنعة بموضوع المساحة الشخصية اللى بيقول عليها أحد الأعضاء و رأيى إن الزوجين حاجة واحدة لا تقبل القسمة على إتنين يعنى الأمتاع لازم يكون مشترك ولو مش موجود كل واحد فيهم يحاول يقرب خطوة تجاه الآخر عشان يوصلوا لنقط مشتركة

تحياتى

سوسورانى

الحقيقه موضع المساحه الشخصيه دي بتكون موجوده بس في بدايه الحياه الزوجيه بس اوي يمكن ده تصوري انا بس لأن دا الي حصلي لكن بعد شويه وقت وجدت نفسي بكلم زوجتي عن موضوعات محترمه هنا و بتشوفها معايا و بنتكلم فيها

انا شايف انو مش عيب ان النصف الاخر يعرف اهم حاجه يكون مستوي تفكيره راقي

تحياتي