بين البرامج الجادة ورفع ضغط الدم وبين البرامج الهايفة والراحة النفسية

[KANE]

السلام عليكم جميعاً

الحقيقة أنا بعاني مشكة في البيت مع المدام

ألا وهو إني كل ماجي اشغل ال 10 مساء أو الطبعة الأولي أو القاهرة اليوم أو اي برنامج من البرامج الغم إياها

بعد خمس دقائق المدام تصرخ وتقول كفاية مش عايزة حرقة دم

شوفلنا حاجة هايفة احسن

وطبعا كل مرة تتكرر الحكاية دي

ده بالرغم إني بقيت مقل شوية انا كمان في متابعة "الغم"

ياترى فيه كام واحد عنده نفس المشكلة؟، والمهم حلها إيه؟

نخلينا في الهايف ولا نحرق دمنا ؟؟؟؟؟ افيدونا افادكم الله :sad:

تم تعديل 24 فبراير 2009 بواسطة عصام
تم تعديل العنوان ليعبر عن محتواه بالتنسيق مع كاتب الموضوع

[Emo]

ممكن تشوف برنامج البيت بيتك او صباح الخير يامصر ..البرامج الحكومية يعني..

وحضرتك هتلاقي الدنيا ورررررررررررررررررررررررررررردي..

لأن صراحة الفضائيات دي مصورة مصر ع انها غابة مليانة ذياب ووحوش واشباح وسراقين ونصابين وبلالالاوي سودا..

لدرجة ان الواحد بقى مرعوب ينزل بلده..

[osmel33]

الأخ العزيز كين أديها فى الهايف أحسن حاجة

وأوعى تسمع كلام ايمو في البيت بيتك وصباح الخير يا مصر أوعي

لأن لو العاشرة مساءاً والقاهرة اليوم والبرامج دى بتجيب الضغط

البيت بيتك بيجيب مفعول أسرع على ترب الغفير عدل

أنا باعمل حاجة تانية لطيفة خالص باشوف الحاجات دى فى المداري كده

وبعيد عن العيون بادخل موقع اراب تيوب وأشباهه واتفرج على النكد كله

ويوم واحد في الأسبوع وغالباً يوم الجمعة قبل ماحد من الولاد يصحي

ويقفشني وتبقى فضيحتى بجلاجل

"واحد بقى بينكد على نفسه ولوحده ماحدش له دعوة بيه" :sad:

تم تعديل 24 فبراير 2009 بواسطة osmel33

[أبو محمد]

أحد الأصدقاء كان يشترى "الجرائد اليومية" ليقرأ صفحة الحوادث فقط .. كنا نتندر عليه ونقول له : بدلا من شراء "الجرائد اليومية" إتفق مع البياع إنك تشترى منه "الجرائم اليومية" فقط

صديقى هذا كان أسعد إنسان فى مصر بصدور مجلة "الحوادث" .. وأصبح لا يشترى غيرها ..

هى مسألة أمزجة ..

أعتقد أن وجود جهازين تليفزيون فى البيت أصبح ضرورة .. أم محمد بتحب تتفرج على المسلسل التركى وانا شخصيا لا أطيق المسلسلات التركية المدبلجة .. والمسلسلات المدبلجة عموما .. فيكون الجهاز الآخر هو الحل .. وباخليها تسلم لى على نور ومهند لما تشوفهم :sad:

[osmel33]

أعتقد أن وجود جهازين تليفزيون فى البيت أصبح ضرورة .. أم محمد بتحب تتفرج على المسلسل التركى وانا شخصيا لا أطيق المسلسلات التركية المدبلجة .. والمسلسلات المدبلجة عموما .. فيكون الجهاز الآخر هو الحل .. وباخليها تسلم لى على نور ومهند لما تشوفهم :sad:

طب أيه رأيك بقى أنا عندي فعلاً تلفزيونين واحد فى الصالة وواحد فى أودة النوم

وبرضه مافيش فايدة واحد طبعاً للمسلسلات والذى منه وواحد طبعاً محتلينهم

الولاد بالبلاى ستيشن طب نخليهم تلاتة ؟

[fatfouta]

تصدق يا اخى الكريم كين

انه فعلا بيحصل معانا بالضبط كده بنتفرج على المسلسل فى محطة الحياة وبعدها علطول ييجى برنامج الحياة اليوم وجوزى يبقى قاعد كويس علىلا اللاب توب بتاعه واول مايشتغل البرنامج ويبدأ المذيعين يتكلموا ابص الاقيه زعق وقالى يا شيخة بالله عليكى لا تحولى القناة دى هو احنا ناقصين ماكفاية الغربة

لو عندهم اخبار حلوة ماشى لكن غيره مش عاوزين نسمع

وحرمنى اتفرج على العاشرة مساءا او 90 دقيقة او اى حاجة فيها توك شو علشان بتجيب حرقة الدم

وابص الاقيه قام محول بالريموت تخيل على ايه على قناه تافهة جدااااااااا واسمها موجه كوميدى ولما اقوله ايه الهيافة دى يقوللى الهيافة احسن من الغم والنكد واخبار البلد اللى متسرش حد خلينا فى الهايف نعرف نعيش

[KANE]

تصدق يا اخى الكريم كين

انه فعلا بيحصل معانا بالضبط كده بنتفرج على المسلسل فى محطة الحياة وبعدها علطول ييجى برنامج الحياة اليوم وجوزى يبقى قاعد كويس علىلا اللاب توب بتاعه واول مايشتغل البرنامج ويبدأ المذيعين يتكلموا ابص الاقيه زعق وقالى يا شيخة بالله عليكى لا تحولى القناة دى هو احنا ناقصين ماكفاية الغربة

لو عندهم اخبار حلوة ماشى لكن غيره مش عاوزين نسمع

وحرمنى اتفرج على العاشرة مساءا او 90 دقيقة او اى حاجة فيها توك شو علشان بتجيب حرقة الدم

وابص الاقيه قام محول بالريموت تخيل على ايه على قناه تافهة جدااااااااا واسمها موجه كوميدى ولما اقوله ايه الهيافة دى يقوللى الهيافة احسن من الغم والنكد واخبار البلد اللى متسرش حد خلينا فى الهايف نعرف نعيش

سيم سيم

هو ده اللي بيحصل

المشكلة فعلاً إن الواحد بيتغم وبيلاقي نفسه مش قادر اصلاً يتابع

اللي خلاني افتح الموضوع ده إنها ثارت بشكل كبير جداً بعد حلقة الطبعة الأولى اللي كان بيناقش بيع شركة الأدوية

[HDarwish]

شوف يا أخ كين ...

أنا واحد من الناس كنت بتفرج على البرامج دي بشغف لحد ما جالي حالة كده زي إيه " هو كله ضرب ضرب مفيش شتيمة "

وبئيت نادر قوي لما اعدي على القنوات دي ...

الأيام دي بئا مركز مع النيل كوميدي وموجة كوميدي وسترايك

تحياتي

[dawn walker]

هى البرامج الجادة اللى بترفع الضغط بس!!

ماتشات الزمالك بترفع الضغط

برامج شوبير بترفع الضغط

الجزيرة بترفع الضغط

جرنال البديل بيرفع الضغط

انا اخر ما بزهق بتفرج على الكرتون (زى توم وجيرى ) مع ابن اخوى الصغير

[Abu Reem]

هى البرامج الجادة اللى بترفع الضغط بس!!

ماتشات الزمالك بترفع الضغط

برامج شوبير بترفع الضغط

الجزيرة بترفع الضغط

جرنال البديل بيرفع الضغط

انا اخر ما بزهق بتفرج على الكرتون (زى توم وجيرى ) مع ابن اخوى الصغير

بصراحة أنا كتبت قبل كده عن العاشرة مساءاً وبرنامج 90 دقيقة وقلت أنهم أصبحم كالصحافة الصفراء ، التي تعرض بضاعتها لجذب القراء الذين يحبون معرفة الفضائح ، والفضائح فقط ،

ولكن بالنسبة للهم الذي يأتي من الفرجة عليهم ، فهذه ليست مشكلة كبيرة فإحنا ممكن نستحمل ولو أن هذه قد يصيبنا بأمراض وإكتئاب ، ولكن المصيبة التي أراها أنا ، ان هذه البرامج تفضحنا أمام العالم كله وخاص دول الخليج ، وبالتالي يساهمون في تشويه سمعة المصري، وتؤكد عندهم فكرة أن المصري مهان في بلده وليس له قيمة ، وأنه يببع نفسه وجسمه وقد يبيع شرفه ، وقد حدث هذا كثيراً ، وقلت أنه المشكلات التي يعرضوها هي بالفعل موجودة ونريد لها حلول ولكن عرضها يجب أن يكون على القنوات المحلية فقط ، ويمنع أن تعرض على الفضائيات.

بصراحة هذا هو الذي يسبب لي الهم ، وخصوصا لما أتخيل أن الناس الذين نعمل في مجتماعتهم يرون مثلا واحد بيبيع كليته علشان 10000 جنيه وأخرى تختطف الأطفال وتبيعهم ، إلخ

ربنا يصبرنا على القنوات التي أصبحت تتسابق في عرض الفضائح تحت مسمى أن في مصر حرية ، وسلمي لي على الشفافية،،

[Rocky]

والله نفس الموضوع كاان مفتوح من 3 ايام بيني انا وصاحبي وواحد صاحبنا تالت قاعدين مع بعض في الشقة (عزاب)

احنا كل يوم نجي الساعة 11 نشغل العاشرة مساءاً ونسهر معاها .. صاحبنا مضايق جداً

وبيقول كل يوم سياسة ... سياسة .. ارحمونا بقي .. عايزين حاجة تضحكنا

المهم الموضوع اتحول لجدال ما بين الكل علي اهمية البرامج دي !! وايه اللي هستتفيده لما تشوف البرامج اللي زي دي

وفضل الحال علي ما هو عليه

[بنت النيل المصرية]

انا كمان اعانى من نفس المشكلة دى بس مع اهلى لانى عادة لااشاهد سوى الجزيرة او العاشرة مساء او مثيلاتها من البرامج الهادفة فيقولوا هى البرامج دى بتعمل حاجة غير الكلام لكن من غير حلول يبقى نحرق دمنا وخلاص لكن انا من رأيى ماهو من غير ماتشاهد هذة البرامج الغم انت هتلامس الغم دة والمشكل دى فى كل مكان ستذهب الية سواء فى الموصلات ولا فى المصالح الحكومية --الخ -الخ وست البيت هى اكتر واحدة تكتوى من هذة المشاكل سواء عند شراء الخبز او انبوبة البوتاجاز اوغيرها من الاشياء اوحتى ماتتعرض لة فى الشارع من مضايقات فاباللة عليكم هنهرب منها فين وهى ورانا ورانا ارجوا مااكنش طولت عليكم ودى اول مشاركة ليا فى هذا المنتدى

[بركة]

ازاي بقة انا مثلا متفقة مع زوجي على مشاهدة هذه البرامج

لكن؟؟؟؟؟؟؟؟؟؟ لما بيشتغلولنا في نقار الديوك والواحد ما يبقاش لا فاهم ولاسامع بنقلب

طبعا بس العادي لازم يوميا نعرف على الاقل كل برنامج منهم هايجيب ايه

ونفضل ورا القناة اللي هتجيب موضوع نستفيد منه معلومات جديدة

وطبعا لازم نشوف معز مسعود يوم الاثنين على المحور في90 دقيقة

ربنا يكرمه هو واللي زيه اللي بينوروا للناس طريقهم لله.......

[newcomer]

فى جريدة الخليج امبارح

كان فيه خبرين عن حادثتين فى الامارات

عن اتوبيسات مدرستين

داسوا بنتين صغيرين ( ربنا يصبر اهلهم و يعوضهم ...امين)

المهم الحادثتين كانوا تقريبا زى حادثة الاسكندرية

بس الفرق بقى ....ان مافيش تحقيقات فى الجرايد تتهم و تهول

و لا شفنا برامج توك شو بتندب و تقطع قلبنا

اتعاملوا مع الحادثة على انها ..... حادثة!!!

مجبرين بقى .....او بمزاجهم.....مش هو ده الموضوع

المهم انهم بيحافظوا على شكل و سمعة بلدهم.

[osmel33]

والله أنا شايف أن البرامج اللى زى العاشرة مساءاً و90 دقيقة مش زى ما الأخ العزيز أبو ريم ماقال انها زى الصحافة

الصفراء لأنها بتحط أيديها على البلاوي اللى بيشوفوها الناس وعلى فكرة البرامج دى موجودة فى الغرب وفيه برنامج امريكي

اسمه 60 دقيقة بيعالج برضه المشاكل اللى من النوع ده لأ وكمان بيخلوا كل الأطراف تتكلم فى موضوع معين من باب الرأى

والرأى الآخر وأنا شايف ان البرامج دى بتكشف المستور آه لكن بتخوف بعض الناس من أنهم يتورطوا ويتفضحوا على الملأ

ومسألة أن بعض الدول ما بتعرضش اللى بيحصل عندها وبتتعامل بمنطق انها جريمة وخلاص ومافيش مشكلة ده لأن الدول

دى مش مصر ... حجم مصر وتأثيرها هو اللى بيفرض ان مشاكلها تبقى قدام الشعب على الأقل ومعلش خلى بالكم

البرامج دى بدأت من أمتى ده مافيش كام سنة يعنى أنا أثق أنها ممكت تطور نفسها بشكل أفضل ونحاول نوصل بقناة

فضائية مصرية للعالمية زى الجزيرة وغيرها وعلى الأقل مش هنبقى زى غيرنا نوجه أصابع الإتهام للآخرين وما نحاولش

نتهم نفسنا

[Sherief AbdelWahab]

برامج التوك شو وبالذات البرامج الدريمية تلعب على حبلين:

1-الحبل الأول هو التهييج والإثارة واستدرار الغضب الشارعي..

2-والحبل الثاني هو العلاقة الوثيقة بين الكآبة والجهامة من ناحية والجدية من الناحية الأخرى..

وعندما يشعر صناع تلك البرامج وبالذات "الطبعة الأولى" يلجأ أصحابها للاستظراف الفج والذي يصل إلى درجة استخدام أسلوب stand-up-comedy .. خاصةً وأنك في البرنامج المذكور أمام شخص واحد فقط يحاصرك من الجهات الثماني..

هذا السخف الفضائي يجبرني إجباراً عن البحث عن أي شيء كوميدي على أي فضائية..

خلص الكلام