لقاء بين وزير الخارجية .. و الجالية المصرية في جدة

[Amr Radwan]

السلام عليكم ..

انا فعلا نفسي اتواصل مع السفارة او القنصلية في النشاطات اللي بيعملوها مشكورين و لكن المشكلة ان الاعلان بيتم بورق علي زجاج بعض المكاتب و اللي ممكن تشوفه بالصدفة لو جالك حاجة ملحة عاوز تخلصها في السفارة ..

طبعا حاولت ادور علي طريقة اخري افضل من اني استاذن من الشغل عندي عشان اروح القنصلية و اسال يا جماعة فيه جديد زي مثلا موقع او اي حاجة .. ؟؟ او اروح الف علي المكاتب مكتب مكتب و ادور علي الاعلانات الجديدة .؟؟

بالله عليكم ده كلام منطقي ؟؟ ده كلام موظف مسؤول في المكتب الثقافي بالقنصلية بجدة .. و حاولت اعرف منه اي مكان اخر يتم الاعلام عن النشاطات قال لا مفيش غير انك تيجي القنصلية .. قلت له و هو المفروض استاذن من الشركة و الشغل كل فترة عشان اجي و اشوف اية الجديد .. بص ليا بامتعاض و قالي ده بيتك يا سيد المفروض تكون متواجد فيه باستمرار ..

الخلاصة .. اكتشفت ان فيه جلسه يوم الخميس الماضي بين وزير الخارجية و الجالية المصرية في المنطقة الغربية .. و قبلها كان فيه جلسة بين وزيرة القوي العاملة و الجالية المصرية و انا حاسس اني عايش في كوكب تاني .. مش في نفس المدينة ..

هل فيه طريقة اي حد يعرفها عشان نتواصل مع القنصلية ؟؟ و نعرف الاخبار بدون ما نستاذن كل فترة من الشغل و نروح نلف علي المكاتب و ندور علي الاعلانات ؟؟

[aimen]

وليه يا عمنا تتعب قلبك ما نفس الكلام المكرر حتلاقيه يتقال فى الجرائد

اعتقد ان صندوق رعاية المصريين - موقع الجالية المصرية حتلاقى فيه ناس متابعه النشاطات دى

[Amr Radwan]

المشكلة في حاجة بسيطة جدا .. ان الصندوق ده للاسف في الرياض و ليس له فرع في القنصلية في جدة و لو روحت سالت عليه في القنصليه هتلاقي علامات الاستغراب علي الموظفين زي ما حصل مع واحد حبيبنا راح يسال عليه في القنصلية في جدة .. و حس انه بيسال علي جزار في حلقة السمك هههههههه .

عموما هل فيه موقع للقنصليه و الموظفين اللي انا سالتهم ما يعرفوش عنه حاجة ؟؟

[aimen]

دا موقع القنصلية المصرية بالرياض

اعتقد ان صندوق رعاية المصريين بالرياض حاجة خدمية مش تابعه للسفارة ...والله اعلم