استفسار مهم جدا بالله عليكم

[رووونة]

السلام عليكم و رحمة الله و بركاته

اشكركم اولا على هذا المنتدى الرائع و انا متابعة من زمان المواضيع في المنتدى لكنى لم أكن مسجلة

المهم ده اول موضوع و اعذرونى انه استفسار

انا في السعودية مع زوجي و شائت الظروف ان تكون فيزتي خياطة انا اعمل مدرسة حاسب و زوجي مهندس لكن بدون خوض في التفاصيل الفيز بتاعتنا لا تسمح بعمل زيارة او استقدام .

المهم انا حاليا حامل و كنت ناوية انزل اولد في مصر بس عرفنا اني مش مسموح لي اضافة المولود على الجواز لاني في مهنة خاصة و القوانين لا تسمح بذلك يعني اذا و لدت في مصر اسيب الطفل هناك و طبعا كده استحالت فكرة و لادتي في مصر

وده استفساري الاول هل فعلا الكلام ده صحيح؟ و ياتري حد منكم خاض تجربة مماثلة؟

الحل التاني اني اعمل زيارة لامي علشان تكون جنبي و بصراحة خايفة جدا من الولادة لوحدي و خاصة اني هاولد في الاجازة و كل المصريين اللي اعرفهم نازلين اجازات وهنا ييجي الاستفسار التاني ياترى ممكن اعمل زيارة حتى لة تتكلف شوية؟ ولا ممنوع نهائيا؟

طيب لو واحدة سعودية ؟ ممكن تعمل زيارة لاي حد؟ لاني اعرف مصرية متجوزة سعودي و معاها الجنسية و ممكن اطلب منها تعمل زيارة لامي بس هتكتب صلة القرابة ايه؟و سبب الزيارة ايه؟

ارجوكم افيدوني بالله عليكم

و شكرا

[se_ Elsyed]

طب وزوجك لماذا لا يتسطيع عمل زيارة لحماته ... حتى لو لم تكوني مُضافة على إقامته ؟ فهل مهنته في الإقامة لا تسمح ؟

ولماذا لا ينقل كفالتك عليه بصفتك زوجته ؟ وهذا مسموح به بالسعودية ؟

كمان ليه ما فكرتيش تأجري شغالة لمدة شهرين بتوع الولادة .. ودي بتتكلف حوالي 1500 ريال شهرياً .... أحسن من أي إجراء تاني طويل ومُعقد

وبالنسبة لو واحده سعودية ما تنفعش تعمل زيارة لوالدتك اللهم إلا لو كانت اختك هي ...

[رووونة]

شكرا أخي الفاضل على اهتمامك وردك فانا و زوجي من محبي متابعة ردودك و مداخلاتك المفيدة بارك الله فيك

بالنسية لزوجي فانا قلت ان فيزنا احنا الاتنين لا تسمح و لو كانت فيزته مهندس ما كان بحتاج يشتري لي فيزا من الأصل يعني كان استقدمني ارخص لكن لظروف خاصة بكفيله لم يستطيع اخذ ترخيص للمنشأة اللي بيعمل فيها زوجي و بالتالي اضطر لاستخراج فيزة سائق خاص لزوجي وزوجي وافق نتيجة ارتياحه للشخص صاحب العمل وقال مش مشكلة لما الاوضاع تتحسن اغير مهنة لكن لم يحدث تغيير و علشان نكون سوا اضطر يشتري لي فيزة و طبعا ده كلفه كتييييييييييير

المهم من غير اطالة يعني كمان مش مسموح لسعودية عمل زيارة؟...

وبالنسبة للخادمة جوزي اصلا اقترح علي الموضوع ده من اول الحمل بس انا مش موافقة خوفا من المشاكل اللي بنسمع بيها عن الشغالات هنا

على العموم الف شكر لاهتمامك مرة تانية

الله المستعان

تم تعديل 25 فبراير 2009 بواسطة رووونة

[خالد شحاته]

السلام عليكم

اختي الفاضله

من حق زوجك نقل الكفاله حتي لو مهنته سائق خاص

وتكوني انتي علي اقامته وكدا مفيش اي مشكله

انما باذان الله لو وضعتي في المملكه الطفل او الطفله هينضافي علي اقامه الاب ويعني هيستخراج جواز مستقل لهم ويتسجلو علي اقامته

[se_ Elsyed]

السلام عليكم

اختي الفاضله

من حق زوجك نقل الكفاله حتي لو مهنته سائق خاص

وتكوني انتي علي اقامته وكدا مفيش اي مشكله

انما باذان الله لو وضعتي في المملكه الطفل او الطفله هينضافي علي اقامه الاب ويعني هيستخراج جواز مستقل لهم ويتسجلو علي اقامته

يا عم خالد الله يرضى عليك ...

بلاش المعلومات اللي تودي في داهيه دي وممكن تخلي الناس تتعلق بأوهام كاذب

السائق الخاص لا يستطيع أن ينقل كفالة إلا على فرد ... يعني سواق في بيت ينقل على بيت تاني ..

وكيف ستكون هي على إقامته يا أخي ؟ وكيف سيضيف الطفل على إقامته أيضاً ؟!!!

--------------------

الاخت الفاضلة رونه

هناك أشياء كثيرة في حياتنا عامله زي إستخدام السكين بالظبط ... والسكين ممكن نقطع بها فاكهة لنأكلها وممكن نقطع بها إيدنا ...

يعني أقصد إن حُسن إستخدام الأشياء هو المطلوب ...

وبالتالي لا يوجد مبرر لخوفك من وجود شغالة في البيت لمدة شهرين .... وهناك شغالات كتيرة هنا بيبقوا متجوزين ... يعني هاتشتغل عندك 8 ساعات ولا حاجه وتروح بيتها أخر النهار ... يبقى فين الخوف هنا ؟

وحتى لو باتت ... إيه المشكلة في كده ؟

[رووونة]

الأخ الفاضل خالد شحاتة أشكرك على الرد لكن ....

بصراحة وانا اقرأ ردك اندهشت كتير لان زوجي لف كتير جدا قبل ما يشتري لي الفيزا و عرف كتير من القوانين ومنها فعلا انه مستحيل يعمل لي استقدام او ينقل لي كفالة ، وكمان منها طبعا اني اذا ولدت في مصر لا استطيع اضافة الطفل على اقامتي او اني اخد له تاشيرة لدخول المملكة

و كمان المولود لما يولد هنا بيكون على اقامة الام لان كل واحد فينا باقامة مختلفة يعني وجودي هنا مش بصفتي زوجة وجودي بصفتي خياطة يعني اذا حد استوقفنا مثلا و شاف اقامة كل منا يقول هاتوا اثبات انك زوجته

اشكرك مرة تانية على الرد و حبيت اوضح لك بس هذه النقاط

الأخ se_Elsyed

شكرا لك على النصيحة و باذن الله يمكن يكون هو ده الحل الأنسب

واسفة تعبتكوا معايا

[خالد شحاته]

السلام عليكم الاخ سي السيد

اخي الفاضل انا اعمل في مكتب هنا وعارف التعقيب من 18 سنه ومن حقه ينقل كفالة زوجته عليه المهم ان يكون فيه تنازل من كفليه

انما هيو مش هينقل هي بتسال علي كفالتها هي وليس كفاله الزوج والجوازات مش بعيده لان انا متاكد لان لسه نقلها من شهرين لعميل عندنا في المكتب

[بركة]

من فضلك قوليلنا انت في اي مدينة في السعودية لكي اتواصل معك لو اردتي في فترة الولاده

لو انت من جدة يبقى بامكاني اكون جنبك في اي ظروف ان شاء الله :rolleyes: