زوجتى ........ نايمه على ودانها

[الملكه]

زوجتى ............. نايمه على ودانها

تخيل انت راجع من شغلك زى كل يوم عادى جدا بترجع تلاقى زوجتك فى العادى مبسوطه ممكن عاديه ممكن

مكشره احتمال بتضحك جايز مستقبلاك كويس فى العادى كدا يعنى الحياه عاديه وطبيعيه

لكن اليوم دا ..............

دخلت عادى جدا مش واخد فى بالك ومش عاطى خوانه ساعه اتنين تلاته حسيت ان فى حاجه مش طبيعيه

اترددت تسالها متسالهاش ولكن فضولك هيموتك نفسك تعرف فى ايه انا عمرى ما شوفتها كدا

لملمت شجعتك وسالتها ............. مالك انا حاسك متغيره النهارده هوه فيه حاجه ؟؟؟

ردت عليك لا ابدا مفيش الحيت عليها وقالتلك طب خلاص لما اهدى هبيقى اتكلم اوووووو قلقك زاد يا ترى ايه

اللى حصل

صممت وقولتلها انا كدا قلقت لازم اعرف ايه اللى حصل

بصتلك بصه طويـــــــــــــــــله ...... وقالتلك هسالك سؤال وتقولى يا ايوه يا لاءه وعلى اساس ردك هتكلم

بلعت ريقك وقولتلها اسالى

السؤال

انت على علاقه بحد سواء زواج او غير زواج ؟؟؟؟؟؟؟

اتصدمت وسكت شويه ...............ورديت عليها قولتلها فى حاله الايوه ايه وفى حاله الاء ايه؟؟؟

قالت بس رد وانا احكى

قولتلها طب احكى عشان انا مش فاهم حاجه

قالتلك انا الصبح جالى تليفون من واحده معرفهاش تقولى

انتى قاعده نايمه على ودانك شوفى جوزك فين و مع مين ؟؟؟؟

يا ترى ردك هيكون ايه فى حاله انك مظلوم او مش مظلوم

[ذهبية]

موقف صعب جدا يا ملكة صعب على الزوجة و صعب جدا على الزوج لو مظلوم بجد

طبعا انا مش هاقدر ارد مكان الزوج هاسيب دة للرجال لكن هارد لو انا مكان الزوجةةة و جت لى مكاملة مدمرة زى دى اولا طبعا بعد ما هاعدى الصدمة و افوق شوية من وقع الخبر على ودانى هابدا اهدى و اشغل مخى ماهى حاجة من اتنين

لا المكالمة دى غلط و هتكون توقيع بينى و بين زوجى لا هى جد و هتكون برضة توقيع بينى و بين زوجى و اللى عايزة كدة عايزة تخرب بيتى باى شكل

قبل ما هاواجهة زوجى باى شىء هاتاكد من الكلام اللى قالتة ليا اولا هاكشف على النمرة اللى اتصلت منها و هافضل وراها لحد ما اعرف من مين

مش هاجيب سيرة لجوزى علشان اسيبة يتصرف بتلقائية جدا و هاشوف على عاداتة اتغيرت حصل اى شىء مش طبيعى علية على اساس المعلومات دى هابدا اتحرك و افكر ياترى اواجهة ازاى

و المواجهة هتختلف سواء هو ظالم او مظلوم لكن طبعا اكيد هتكون فية مواجهة لانة لازم يعرف بالشخصية الى عايزة تدمر حياتنا

لو هو مش مظلوم يبقىىىىىىى يا رحمان يارحيمممممم على اللى هيجرى لةةةةة

[MoHaMMeD EgYpT]

بسم الله الرحمن الرحيم..

قال الله تعالى((يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ ))

المفروض التاكد من الحقيقة لان ممكن تكون واحدة غيرانة و عاوزة توقع و تعمل مشاكل ما بينكم لذا يجب ان التاكد

انا طبعا مش متزوج علشان كده مش هعرف اقولك ايه في الموقف ده بسبب لازم التاكد لانه ممكن يكون مظلوم و ده مقلب و ان شاء الله يكون كذب و جوزك يطلع مظلوم ان شاء الله

تم تعديل 27 فبراير 2009 بواسطة MoHaMMeD EgYpT

[SoSo R]

موضوع مظلوم و لا مش مظلوم دة موضوع

والأهم من كدة اللى يخلى واحدة تتصل و تخرب البيت بالخدعة دى؟؟؟؟؟؟

يعنى أكيد ما فيش دخان من غير نار

[HDarwish]

أحلى حاجة في موقف زي ده سواء مظلوم أو مش مظلوم إن الموضوع يتقلب هزار في هزار مع شوية رومانسية علشان نعدي بس اللحظة

وبعدين لو مظلوم مش هتفرق معاه بعد ما تعدي اللحظة

لكن لو مش مظلوم يبقى في الحالة دي لازم ياخد احتياطاته كويس جدا ويدعبس من تحت لتحت على مين اللي عمل الحركة بنت اللذين دي ولما يعرف الشخص ده من الأفضل بئا ساعتها إنه ما يواجهوش ولا يعاتبه ولا يلوم عليه نهائي بس يظهر قدامه إنه وزوجته أسعد زوجين علشان يفرسه أكثر ويموت من الغيظ لإن هدفه ما تحققش ...

وهناك طرق أخرى كثيرة عايزة شوية ذكاء وحكمة في المواقف اللي زي كده ... ربنا يسترها مع الجميع

ودمتم بخير

[عاشق]

نصيحة لكل زوج

عاوز يعيش وربنا يسترها معاه

ويهدي مراته وحماته عليه

bv:- نصيحة زوج bv:-

اولا لازم ومجبر تقول صباح الخير

حتى لو قبلتك زوجتك بتكشيرة كل يوم

ولو قالت فين مصروف البيت

على طول وبدون تفكير تدب ايدك في جيبك وتطلع كل الموجود

ولو قالت انا عيانه الحقني يا حسين

تجرى على طول وتشيل وتوديها اقرب دكتور

ولو قالت انا تعبانه ومحتاجه مساعدة

على طول تسيب الى في ايدك وتخش على المواعين

ولو في مره مزاجك عال وقلت يا روحي بألنا كثير

هتشخط وتقول نام ياحسين هو ده وقته العيال صحين

واخر ما تزهق هو حل من اثنين

:happy: :blink:

تدعي عليها وعلى المأذون

او تمسك السكينه وتسمي

وتقشر لك بصلتين