اذهب إلى المحتوى
محاورات المصريين

خطة الاستقرار في كندا

samehelassad
 مشاركة

Recommended Posts

SoSo R عضو جديد

SoSo R

بتاريخ:
بتاريخ:

مساء الخير يا دكتور سامح:

ألف مبروك على إستلام الفيزا و أرجو إن ربنا يتمم الرحلة بالسلامة و انت كدة هتسبقنا على هناك!!

أنا عندى ليك نصيحة مهمة قبل ما تحجز التذاكر ...راجع كل الأسماء و تواريخ الميلاد و أرقام الباسبورات ليك و الأولاد فى الفيز وفى اللاندينج فورمز اللى إتبعتت مع الباسبورات ضرورى جدا لأنى أكتشفت خطأ بعد شهر من أستلام الفيز....تخيل!!!!!

بصراحة الفضل كان لأستاذ طارق جمعة وهو اللى قال لى أعمل إيه بعد الأكتشاف السىء ده

و أدينا منتظرين الفرج ربنا يسهل و يجازى الأستاذ طارق خير على مساعدته ليا

يا ريت يا أستاذ طارق تطمنا لما يرجعولك الباسبور بإذن الله

تحياتى

سوسورانى

card10.jpg

لا تندم على حب عشته...حتى ولو اصبح ذكرى مؤلمه..... فأذا كانت الزهور قد جفت وضاع عبيرها ..... ولم يبقى فيها غير الاشواك فلا تنسى انها منحتك عطرا جميلا اسعدك

رابط هذا التعليق
شارك
  • الردود 74
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

samehelassad عضو جديد

samehelassad

بتاريخ:
  • كاتب الموضوع
بتاريخ:
3- هل مازلت مصر على ان تذهب إلى تورنتو بدلاً من البرتا؟علماً أن البرتا بها البطاقة الصحية تصدر بشكل أسرع من تورنتو وكذلك

الضرائب أقل، وأيضاً Child benefit أكثر.

سيدي الفاضل مداخلتك دية مهمة جدا جدا وفي صلب الموضوع.

من اهم واصعب المواضيع على اي مهاجر هو فين هيستقر. ودة الحقيقة اللي بسببة انا فتحت موضوع في المطاريد على مكان الاستقرار في كندا. وهنا هقولك ابعاد الموضوع على حسب ماتوصلت الية حتى الان من معلومات. واتمنى ان يكون مفيد.

اولا: مكان الاستقرار بيختلف من واحد لواحد على حسب ظروفة ورغباتة وطموحاتة وحالتة الاحتماعية.

ثانيا: الحقائق التي لايختلف عليها احد وهي كالتالي:

1: كل الاماكن في كندا جميلة وبها مناظر طبيعية خلابة.(وبالتالي لاينصح باختيار المكان بفرض ان المكان دة اجمل من دة)

2:الفروقات في الضرايب والاسعار وبدل البطالة والمرتبات بين المقاطعات مش كبيرة لتمييز مقاطعة على اخرى.

3: تورونتو اكبر مكان اقتصادي في كندا واسعار الطيران لية ارخص من اي مقاطة تانية (مونتريال زي تورونتو في اسعار الطيران).

4: كل مابعدت عن المدن الكبرى كل ماقلت المناظر الوحشة وتربية الاطفال اسهل والاخلاق افضل.

5: كل كندا التامين الطبي من اول يوم ما عدا اكبر تلات مقاطعات (كيبك-اونتاريو-بريتش كولومبيا)

6: اقل نسبة بطالة واغلى مقاطعة وشتاء قارص وفروقات اليل والنهار كبيرة جدا (في رمضان المغرب ممكن يبقى الساعة 10 باليل) البرتا. تتميز بالبترول والزراعة. مش اقتصاد صناعي.

7: اكبر جالية اسلامية ومطاعم واكل حلال وجوامع وعرب ومدارس اسلامية (تورونتو).

8: وجود قريب او صديق مخلص وفي في اول ايامك في كندا من اهم مايمكن.

9: اللغة شرط اساسي ومصيري في النجاح في كندا والحصول على عمل.

10: لاتنسى هذا القول (سمعت وقراءت فلما رأيت نسيت ما سمعت ومزقت ماقرأت). ولاتنسى (دكتور الشامي في رحلة اللاندج لف كتير لحد ماستقر في لندن اونتاريو اللي فيها اصحابة كمان)

11: مش عيب ان تغير مكان استقرارك بعد الوصول بس العيب انك تستسلم للفشل. (اينشتاين ساب مونتريال وناحج حاليا في تورونتو واشغل فيها بسرعة الحمد لله).

12: اذا قدرت تندمج وتعمل نتورك مترابطة ليك ولعيلتك في مكان فية اغلب المميزات دية تبقى حققت المعادلة الصعبة.

اتمنى اكون افدت

"قُل لَّن يُصِيبَنَا إِلاَّ مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ "

رابط هذا التعليق
شارك
SoSo R عضو جديد

SoSo R

بتاريخ:
بتاريخ:

صحيح يا دكتور أنت ما قلتش إيه خطتك بالنسبة للمعادلة؟؟

ناوى تمتحن فى شهر 7 ولا هتأجل لشهر 11

تحياتى

سوسورانى

card10.jpg

لا تندم على حب عشته...حتى ولو اصبح ذكرى مؤلمه..... فأذا كانت الزهور قد جفت وضاع عبيرها ..... ولم يبقى فيها غير الاشواك فلا تنسى انها منحتك عطرا جميلا اسعدك

رابط هذا التعليق
شارك
newcomer عضو جديد

newcomer

بتاريخ:
بتاريخ:
بسم الله الرحمن الرحيم. والسلام على سيد المرسلين سيدنا محمد علية افضل الصلاة والسلام.

الحمد لله رب السماوات والارض استلمت من يومين الفيزة للهجرة لكندا انا ومراتي واولادي. وكلة تمام والحمد لله.

(ادعولي بالتوفيق والنجاح والرق الحلال في كندا انشاء الله).

اللهم صلى و سلم وبارك على سيدنا محمد و على اله و صحبه

ما شاء الله لا قوة الا بالله

ايه الاخبار الحلوة دى يا سامح بك .......

اخيرااااااااا فى اخبار حلوة

يا رب دايما

ربنا يكتب لكم التوفيق و النجاح و الرزق الحلال .... امين

احييك على القرار الشجاع ده ....و ربنا يجعل فيه الخير

رابط هذا التعليق
شارك
د هشام ابراهيم عضو جديد

د هشام ابراهيم

بتاريخ:
بتاريخ:

الحمد لله حمدا كثيرا مباركا كما ينبغي لعظيم وجهه و جلال سلطانه .... في انتظارك يا دكترة و بالتوفيق باذن الرحمن :happy:

Her şey kişisel bir

رابط هذا التعليق
شارك
ناوية ع الهجرة عضو جديد

ناوية ع الهجرة

بتاريخ:
بتاريخ:

الف الف مبروك يا دكتور سامح ربنا يوفقك انت والاسرة الكريمة

ونسمع عنكم اخبار كويسة قريبا باذن الله تعالى

ربنا ييسر لكم الخير يارب في كندا تحياتي للمدام والاولاد

نحن لاندرك قيمة ما نعيشه حتى نفقده!!

ولكننا في الوقت نفسه لا ندرك قيمة ما نفقده حتى نعيشه!!!!

رابط هذا التعليق
شارك
samehelassad عضو جديد

samehelassad

بتاريخ:
  • كاتب الموضوع
بتاريخ:
مساء الخير يا دكتور سامح:

ألف مبروك على إستلام الفيزا و أرجو إن ربنا يتمم الرحلة بالسلامة و انت كدة هتسبقنا على هناك!!

أنا عندى ليك نصيحة مهمة قبل ما تحجز التذاكر ...راجع كل الأسماء و تواريخ الميلاد و أرقام الباسبورات ليك و الأولاد فى الفيز وفى اللاندينج فورمز اللى إتبعتت مع الباسبورات ضرورى جدا لأنى أكتشفت خطأ بعد شهر من أستلام الفيز....تخيل!!!!!

بصراحة الفضل كان لأستاذ طارق جمعة وهو اللى قال لى أعمل إيه بعد الأكتشاف السىء ده

و أدينا منتظرين الفرج ربنا يسهل و يجازى الأستاذ طارق خير على مساعدته ليا

يا ريت يا أستاذ طارق تطمنا لما يرجعولك الباسبور بإذن الله

تحياتى

سوسورانى

الف الف شكر ياسوسوراني على تنبيهك ليا. الله يكرمك انا فعلا راجعت تاني على الفيز والحمد لله مفيش غلطات.

"قُل لَّن يُصِيبَنَا إِلاَّ مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ "

رابط هذا التعليق
شارك
samehelassad عضو جديد

samehelassad

بتاريخ:
  • كاتب الموضوع
بتاريخ:
صحيح يا دكتور أنت ما قلتش إيه خطتك بالنسبة للمعادلة؟؟

ناوى تمتحن فى شهر 7 ولا هتأجل لشهر 11

تحياتى

سوسورانى

الحقيقة دة سوال مهم جدا جدا جدا ودة موضوع المداخلة اللي جاية من خطة الاستقرار وهي العمل في كندا والمعادلة والكارير وتغيرة من عدمة واهميتة. والحلول السريعة المنطقية الصح (ماننساش موضوع استاذنا الكبير ياسر وماذا غير المعادلة). بس اسمحيلي ارد لاحقا عشان انا مشغول مع نزول اولادي مصر للالتحاق مع العائلة في مصر قبلي بشهر عشان يقعدو فترة طويلة معاهم قبل الهجرة. وانتقالي من الشقة وتسليمها والسكن في سكن عزاب وبالتالي النت هيفصل من بكرة بالليل. وهحاول ادخل في الزحمة الجاية انشاء الله لو قدرت. سلامي وتحياتي ليكم.

"قُل لَّن يُصِيبَنَا إِلاَّ مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ "

رابط هذا التعليق
شارك
samehelassad عضو جديد

samehelassad

بتاريخ:
  • كاتب الموضوع
بتاريخ: (معدل)

السيدة الفاضلة القمر الجديد: الف الف شكر وربنا يبارك في عمرك وانشاء الله تحصلينا في اسرع وقت. وربنا يكرمك.

دكتورنا الفاضل العزيز المحترم هشام ابراهيم: فعلا الحمد لله حمد كثيرا عدد امواج البحار وعدد ذرات الرمال وعدد اوراق الاشجار. انا اكون من اسعد الناس بمعرفتي شخص محترم وكريم الخلق زي حضرتك ويزيدني شرف مقابلتك في كندا اذا سمح وقت حضرتك. ربنا يباركلك ويكرمك. والف شكر على رسالتك الخاصة وتنبيهك ليا في الحرف الغلط اللي كان مكتوب في الاية الكريمة

ناوية على الهجرة: كلك زوق واخلاق وشكرا جزيلا ليكي على مباركتك وعقبالك انشاء الله تحققي كل امانيكي والسلام يوصل انشاء الله والله يسلمك.

تم تعديل بواسطة samehelassad

"قُل لَّن يُصِيبَنَا إِلاَّ مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ "

رابط هذا التعليق
شارك
tarekgomma عضو جديد

tarekgomma

بتاريخ:
بتاريخ: (معدل)

كل طالب يذهب الي كندا بيتعمل لة امحتانات تقييم لغة. وبيتعملة زي فترة اعداد قبل دمجة في فصلة او مع الطلبة في مستواة الدراسي. الفترة دي في الغالب شهرين. فاذا الاولاد راحو المدارس في اول شهر خمسة فدة معناة ان هيخلوصو فترة الدمج قبل بداية السنة الجديدة وبالتالي هيدخلو السنة الجديدة مع زمايلهم مباشرة في نفس المرحلة الدراسية. وكلما قل الاولاد في العمر كلما كان التاقلم اسهل واسرع.

بالنسبة لاختيار المدرسة: دة موضوع مهم جدا لاتنسى قول رسول الله (المرء على دين خليلة, فالينظر احدكم من يخالل) وبالتالي اخيار المدرسة الي مستواها التعليمي والاخلاقي المحترم افضل. والبحث عنها يتطلب مجهود ووقت اكبر. واذا وجدت القدرة المادية فدخول الاولاد مدارس اسلامية متميزة بالمستوى العلمي المتقدم اكيد هيكون افضل وافضل (مدرسة الislamic foundation في تورونتو من افضل 20 مدرسة في كندا). وماتنساش ان دخول الاولاد المدارس اللي زي دية بيخلي الحكومة تردلك 60% من مصاريفها عند المحاسبة على الضرايب اخر السنة.

[size="5"]الله يبارك في حضرتك يا دكتورنا العزيز. انا بعد كلامك الطيب ده اتشجعت وان شاء الله نروح مرة واحدة للاستقرار واسال الله ان يكون القرار الصواب. واشكر ايضا اختنا الدكتورة سوسوراني على كلامها الطيب. على فكرة يا دكتورة لسة لم يأتي منهم خبر بخصوص تعديل الاسم بتاع ابني. يبدو ان الموضوع هاياخد نفس المدة 6 اسابيع بردو.

الله ييسر للجميع ويوفقنا لما يحبه ويرضاه[/color]

تم تعديل بواسطة tarekgomma

اللهم اجعلنا في قضاء حوائج الناس

http://tarekgomma.blogspot.com/

رابط هذا التعليق
شارك
Nassarlink عضو جديد

Nassarlink

بتاريخ:
بتاريخ:
بسم الله الرحمن الرحيم. والسلام على سيد المرسلين سيدنا محمد علية افضل الصلاة والسلام.

الحقيقة ياجماعة انا فتحت الموضوع دة لسببين.

الاول: شكر وعرفان للمنتدى بتاعنا دة ولكل مصري بيحب يخدم ولاد بلدة او ابن وطنة العربي باي معلومة. فقط لوجة الله

اخص بالشكر الاعضاء الموجودين في كندا اللي بيعتبرو فعلا اهم مصدر موثوق عن الحياة والهجرة في كندا والنواة الاساسية في المنتدي. محدش يقدر ينكر اهمية المواضيع اللي اصحابها عاشو في كندا زي هادي وبايت. واللي لسة عايشين هناك زي ياسر وجادوللي ودكتور التهامي (انا عايش ومش عايش ومش قادر على بعدك... وش عمرو دياب) ومحمد عمر تورونتو ومهندس ايهاب ( :hysterical: ) وحبيبنا كلنا دكتور هشام :roseop: . والاخوة اللي خارج كندا واللي بيحاولو يخدموا الناس لله في لله ومجهودهم رائع بجد في ملىء الابليكيشن والرد على الاستفسارات. دكتور قناوي على القمة واصحاب كل المواضيع المهمة التانية بدون ذكر اسماء كلهم ليهم فضل علي وعلى راسي من فوق.

اخص بالشكر اصحابي في المنتدى اللي تطورت علاقتنا واصبح بينا صداقة محترمة . وبالتيليفون ولساعات.

التاني: رد للجميل ولو بشيء بسيط للمنتدى ولاخواتي واصحابي في المنتدي والزملاء اللي اعرفهم او ماعرفهمش. بتقديم موضوع جديد في المنتدي هنا عن فترة وخطة الاستعداد النهائي للهجرة. ونقل حي لكل المستجدات وحتى الوصول (فقط).

الخبر اللي دفعني لفتح الموضوع دة. هو نفس الخبر اللي بسببة قررت الدخول في حيز تنفيذ الخطة للحياة والعيش في كندا وانتهت فترة الاستعداد. الخبر دة هو اني الحمد لله رب السماوات والارض استلمت من يومين الفيزة للهجرة لكندا انا ومراتي واولادي. وكلة تمام والحمد لله. واليومين دول كنت بقدم استقالتي وانهاء حياتي في قطر.

وتمت الاستقالة الحمد لله وبقينا على الحميد المجيد (ادعولي بالتوفيق والنجاح والرق الحلال في كندا انشاء الله).

الف الف مبروك د سامح

ربناويوفقك انشاء الله

وعايزين تعرف اخبارك اول باول

انا آسف اني ببارك لك متأخر لاني لسه شايف الخبر دلوقتي

عقبال جميع المنتظريين انشاء الله

l'important dans la vie

c'est de quelle maniére tu te perçois

635569846.gif

انااااااااااااااااااااااااااا انا مش هرد

لالالا

وانا بعرف اصد

ده انا وانا رافع ايدي بكتب علي الكيبورد

نصار ابو اللينك

عاوز تهاجر الي امريكا

مينا ممكن يساعدك

رابط هذا التعليق
شارك
halah عضو جديد

halah

بتاريخ:
بتاريخ:

الف الف مليون مبروك د/سامح

ومن نجاح الى نجاح انشاء الله

ولى استفسار بسيط هل معنى عمل تيقييم للاولاد للقبول فى المدارس الكنديه مش مطلوب شهاداتهم السابقه ولا توثيق هذه

الشهادات يعنى بالبلدى كده ملهاش اى قيمه عندهم والا ايههههههههه

رابط هذا التعليق
شارك
qenawy عضو جديد

qenawy

بتاريخ:
بتاريخ:

الف الف مبروك يا د سامح واشكرك علي الاطراء الذي لا استحقه

ودعواتي لحضرتك والاسرة الكريمة بالتوفيق

http://www.cic.gc.ca/english/resources/man...op/op06-eng.pdf

اهم مصدر من مصادر فهم كيفية التقديم للهجرة فيدراليا

رابط هذا التعليق
شارك
samehelassad عضو جديد

samehelassad

بتاريخ:
  • كاتب الموضوع
بتاريخ:

اخي العزيز الفاضل نصار لينك: الف الف شكر على مباركتك الجميلة ومافيش تاخير ياعم ولاحاجة احنا اخوات. وانتم السابقون ونحن اللاحقون.

سيدتي الكريمة هالة: الله يبارك فيكي ويارب تحققي كل امانيكي نسمع اخبار حلوة عنك.

ALMUHAGER: شكرا جزيلا وعقبالك يارب. وتفرحنا دايما وتطمنا عليك.

"قُل لَّن يُصِيبَنَا إِلاَّ مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ "

رابط هذا التعليق
شارك
samehelassad عضو جديد

samehelassad

بتاريخ:
  • كاتب الموضوع
بتاريخ:
الف الف مبروك يا د سامح واشكرك علي الاطراء الذي لا استحقه

ودعواتي لحضرتك والاسرة الكريمة بالتوفيق

دكتوري العزيز الغالي الحبيب جناوي. بلاش تواضع. دا انت بتنصح الناس بشكل رائع انا ماعتقدش ان ممكن حد يعمل زيك. و كلة لله. في احسن واجمل من كدة؟

ربنا يكرمك ويباركلك ويوفقك ونسمع قريب اوي خبر الابديت بتاعك انشاء الله. وتحصلنا على تورونتو اوام.

"قُل لَّن يُصِيبَنَا إِلاَّ مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ "

رابط هذا التعليق
شارك
samehelassad عضو جديد

samehelassad

بتاريخ:
  • كاتب الموضوع
بتاريخ:
ولى استفسار بسيط هل معنى عمل تيقييم للاولاد للقبول فى المدارس الكنديه مش مطلوب شهاداتهم السابقه ولا توثيق هذه

الشهادات يعنى بالبلدى كده ملهاش اى قيمه عندهم والا ايههههههههه

شهادات الاولاد بتعتبر SUPPORTIVE DOCUMENTS يعني وجودها كويس لاكن انشاء الله هيخشو المدارس هيخشو. وماتقلقيش. ولامحتاجة تويق ولا اي حاجة. ولما اروح وادخل ولادي هطمنك اكتر انشاء الله.

"قُل لَّن يُصِيبَنَا إِلاَّ مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ "

رابط هذا التعليق
شارك
samehelassad عضو جديد

samehelassad

بتاريخ:
  • كاتب الموضوع
بتاريخ:
[size="5"]انا بعد كلامك الطيب ده اتشجعت وان شاء الله نروح مرة واحدة للاستقرار واسال الله ان يكون القرار الصواب. واشكر ايضا اختنا الدكتورة سوسوراني على كلامها الطيب. على فكرة يا دكتورة لسة لم يأتي منهم خبر بخصوص تعديل الاسم بتاع ابني. يبدو ان الموضوع هاياخد نفس المدة 6 اسابيع بردو.

الله ييسر للجميع ويوفقنا لما يحبه ويرضاه[/color]

ربنا يوفقك ويكرمك ويهديك للقرار السليم ومافية خير ليك في دينك ودنياك ومعاشك وعاقبة امرك.

"قُل لَّن يُصِيبَنَا إِلاَّ مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ "

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...